40 ᔮᒀᒥᓯᒃ ᒫᑲ, ᐁᑳ ᐊᓂᒪ ᑭᒋ ᐅᑎᑎᑯᔦᒃ, ᑳ ᑮ ᐊᓕᒧᑕᑭᒃ ᐅᑭᔅᑭᐗᐃᑫᐗᒃ;
ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮
ᒪᓯᓇᐃᑳᑌᐤ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ, ᒥᓯᐌ ᐁ ᐃᑕᓯᒋᒃ ᒫᑲ ᑲᑕ ᑭᔅᑭᓄᐊᒪᑯᐗᒃ ᑭᒋᒪᓂᑐᐗ᙮ ᐁᐗᑯ ᐅᒋ ᒥᓯᐌ ᑕᑐ ᐃᓕᓕᐤ ᑳ ᑮ ᐯᑕᐙᑦ, ᓀᔥᑕ ᑳ ᑮ ᑭᔅᑭᓄᐊᒫᑯᑦ ᐅᑖᐎᒪᐗ, ᓂ ᐯᒋ ᓈᑎᒃ᙮
ᐅᒪ ᒫᑲ ᐅᒋ ᑎᐱᐹᓕᐗ ᐅᑦ ᐋᔭᒥᐎᓂᐙᐗ ᐅᑭᔅᑭᐗᐃᑫᐗᒃ; ᑳ ᐃᑕᓯᓇᐃᑳᑌᒃ,
ᐁᑯ ᑭᒋᒪᓂᑐᐗ ᑳ ᑴᔅᑭᔅᑕᑯᒋᒃ, ᑮ ᐸᑭᑎᓂᑯᐙᒃ ᒫᑲ ᑭᒋ ᐅᒋᒋᑾᓇᐱᔅᑕᐙᒋᒃ ᐊᒐᑯᔕ ᑭᔑᑯᒃ ᑳ ᐃᑖᓕᒋ; ᑖᐱᔅᑯᒡ ᑳ ᐃᔑ ᒪᓯᓇᐃᑳᑌᓕᒃ ᐅᑭᔅᑭᐗᐃᑫᐗᒃ ᐅ ᒪᓯᓇᐃᑲᓂᐙᒃ, ᐅ ᑭᓚᐗᐤ ᐃᔅᕃᐃᓪ ᐅ ᐗᔅᑲᔨᑲᓂᒥᒃ, ᑭ ᑮ ᐸᑭᑎᓇᒪᐎᓈᐗᐤ ᓈ ᐁ ᓂᐹᐋᑲᓂᐎᒋᒃ ᐊᐌᓯᓴᒃ, ᓀᔥᑕ ᓵᓵᑭᐎᓕᐌᐎᓇ, ᓀᒥᑕᓇᐤ ᐱᐳᓋ ᐃᔥᐱᔥ ᐊᓐᑕ ᐸᑾᑕᔅᑲᒥᑳᒃ?
ᔮᒀᒃ ᐁᑳ ᐋᑕᐌᓕᒣᒃ ᐊᓇ ᑳ ᐋᔭᒥᑦ, ᐌᓴ ᑮᔥᐱᓐ ᐁᑳ ᑮ ᐱᒫᒋᐅᒋ ᐊᓂᑭ ᑳ ᑮ ᐋᑕᐌᓕᒫᒋᒃ ᐊᓂᐃ ᑳ ᑮ ᐋᔭᒥᓕᒋ ᐅᑕ ᐊᔅᑮᒃ, ᐙᐐᔅ ᓇᒪᐎᓚ ᑭᓚᓈᓇᐤ ᑭ ᑳ ᐱᒫᒋᐅᓈᓇᐤ, ᑮᔥᐱᓐ ᐃᑲᑌᓂᑌᓱᔅᑕᐗᒃ ᐊᓇ ᑭᒋᑭᔑᑯᒃ ᑳ ᐅᒋ ᐋᔭᒥᑦ:
ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;
ᔮᒀᒥᓰᒃ, ᓂᒋᔖᓂᑐᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᒪᒋᑌᐁᑦ ᐋᓉᑕᒧᐎᓂᒃ ᐃᔑ, ᐁ ᓇᑲᑖᑦ ᐯᒫᑎᓯᓕᒋ ᑭᒋᒪᓂᑐᐗ᙮
