ᐊᐸᔅᑕᓚᒃ 13:14 - ᐅᔅᑭ ᑎᔅᑌᒥᓐᑦ

¹⁴ ᐃᔅᐱ ᒫᑲ ᑳ ᑭᑐᑌᒋᒃ ᐸᕐᑲᐃᒃ ᐅᒋ, ᑮ ᐯᒋ ᐃᑐᑌᐗᒃ ᐋᓐᑎᐊᑭᒃ ᐱᓯᑎᐊᐃᒃ ᑳ ᐃᑕᒀᒃ, ᓀᔥᑕ ᑮ ᐱᑐᑫᐗᒃ ᐋᔭᒥᐁᐎᑳᒥᑯᒃ ᐁ ᐋᔭᒥᐁᑭᔑᑳᓕᒃ, ᑮ ᓇᐊᐱᐗᒃ ᒫᑲ᙮

ᐊᐸᔅᑕᓚᒃ 13:14 ပူးပေါင်းရင်းမြစ်များ

ᐅᐸᓓᑭᔅ ᓘᒃ 4:16

ᑮ ᐯᒋ ᐃᑐᑌᐤ ᒫᑲ ᓈᓴᕆᑎᒃ, ᐃᑕ ᐁ ᑮ ᐅᐱᑭᐋᑲᓂᐎᑦ: ᑫᔮᐸᒡ ᒫᑲ ᑳ ᐋᔨᑐᑕᒃ, ᑮ ᐱᑐᑫᐤ ᐋᔭᒥᐁᐎᑲᒥᑯᒃ ᐁ ᐋᔭᒥᐁᑭᔑᑳᓕᒃ, ᑮ ᓂᐸᐎᐤ ᒫᑲ ᑭᒋ ᐋᔭᒥᒋᑫᑦ᙮

ᐊᐸᔅᑕᓚᒃ 13:42

ᐃᔅᐱ ᒫᑲ ᒎᐗᒃ ᑳ ᐅᒋ ᐗᓚᐎᒋᒃ ᐋᔭᒥᐁᐎᑲᒥᑯᒃ, ᒉᓐᑖᐃᓚᒃ ᑮ ᐸᑯᓭᓕᒣᐗᒃ ᐅᐅ ᐋᔭᒥᐎᓇ ᑭᒋ ᑭ ᑭᔅᑭᓄᐊᒫᒋᒃ ᒥᓇ ᐋᔭᒥᐁᑭᔑᑲᓕᑫ᙮

ᐊᐸᔅᑕᓚᒃ 13:44

ᒥᓇ ᒫᑲ ᐁ ᐋᔭᒥᐁᑭᔑᑲᓕᒃ ᑫᑳᑦ ᒥᓯᐌ ᑳ ᐃᑕᓯᒋᒃ ᐃᑖᐎᓂᒃ ᑮ ᐯᒋ ᒫᒪᐎ ᐃᑐᑌᐙᒃ ᑭᒋ ᐯᑕᒸᒋᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 13:5

ᐃᔅᐱ ᒫᑲ ᑳ ᐃᑖᒋᒃ ᐊᓐᑕ ᓵᓚᒥᓯᒃ, ᑮ ᐙᐎᑕᒬᐗᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᐱᒋ ᒎᐗ ᐅᑦ ᐋᔭᒥᐁᐎᑲᒥᑯᓕᒃ; ᑮ ᐊᔮᐌᐗᒃ ᒫᑲ ᐊᓂᐃ ᒑᓇ ᐊᓯᒋ ᑭᒋ ᐊᑑᔅᑫᔅᑳᑯᒋᒃ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 16:13

ᐁ ᐋᔭᒥᐁᑭᔑᑳᒃ ᒫᑲ ᓂ ᑮ ᐗᓚᐎᓈᓐ ᐃᑖᐎᓂᒃ ᐅᒋ ᓛᓕ ᓯᐱᒃ, ᐃᑕ ᑳ ᐃᔑ ᓂᑕ ᐋᔭᒥᐋᓂᐗᒃ; ᓂ ᑮ ᓇᐊᐱᓇᓐ ᒫᑲ, ᓀᔥᑕ ᓂ ᑮ ᐋᔭᒥᐋᓈᓇᒃ ᐊᓂᑭ ᐃᔅᑴᐗᒃ ᐊᓐᑕ ᑳ ᐯᒋ ᐃᑐᑌᒋᒃ᙮

ᐊᐸᔅᑕᓚᒃ 17:2

ᐹᓪ ᒫᑲ, ᑖᐱᔅᑯᒡ ᒧᔕᒃ ᑳ ᐃᔑ ᑐᑕᒃ, ᑮ ᐱᑐᑲᐌᐤ, ᓀᔥᑕ ᓂᔅᑐ ᐋᔭᒥᐁᑭᔑᑳᐗ ᑮ ᐎᒋᐋᔭᒥᒣᐤ ᑭᒋᒪᓯᓇᐃᑫᐎᓂᒃ ᐅᒋ,

ᐊᐸᔅᑕᓚᒃ 18:4

ᑮ ᐋᔭᒥᐤ ᒫᑲ ᐊᓐᑕ ᐋᔭᒥᐁᐎᑲᒥᑯᒃ ᑕᑣᐤ ᐁ ᐋᔭᒥᐁᑭᔑᑲᓕᒃ, ᓀᔥᑕ ᑮ ᔑᑭᒣᐤ ᒎᐗ ᓀᔥᑕ ᒃᕆᑲ᙮

ᐊᐸᔅᑕᓚᒃ 19:8

ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᓂᔓ ᑎᒧᑎ 3:11

ᓂ ᑲᒀᑕᑭᐃᑯᓯᐎᓇ, ᓂᑦ ᐊᓕᒥᓯᐎᓇ ᑳ ᑮ ᐅᑎᑎᑯᔮᓐ ᐊᓐᑕ ᐋᓐᑎᐊᑭᒃ, ᓀᔥᑕ ᐋᐃᑯᓂᔭᒥᒃ, ᓀᔥᑕ ᓕᔅᑦᕋᐃᒃ: ᑫᑯ ᑲᒀᑕᑭᐃᑯᓯᐎᓇ ᐁ ᑮ ᓇᔭᑕᒫᓐ: ᒫᑲ ᒥᓯᐌ ᐁᐗᒀᓂᐃ ᐅᒋ ᐅᑎᐯᓕᒋᑫᐤ ᓂ ᑮ ᐎᑾᒋᐃᒃ᙮