ᐊᐸᔅᑕᓚᒃ 11:27 - ᐅᔅᑭ ᑎᔅᑌᒥᓐᑦ

²⁷ ᒣᒀᒡ ᒫᑲ ᐅᐅ ᑭᔑᑳᐗ ᑮ ᐯᒋ ᐃᑐᑌᐗᒃ ᐅᑭᔅᑭᐗᐃᑫᐗᒃ ᐊᓐᑎᐊᑭᒃ ᒋᕉᓴᓚᒥᒃ ᐅᒋ᙮

ᐊᐸᔅᑕᓚᒃ 11:27 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:34

ᐁᑯᔑ ᒫᑲ, ᒫᑎᑲ, ᑭᑦ ᐃᑎᔕᐊᒫᑎᓇᐗᐤ ᐅᑭᔅᑭᐙᐃᑫᐗᒃ ᓀᔥᑕ ᑫᑫᑕᐌᓕᑕᑭᒃ ᐃᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᓂᐸᐋᐗᐗᒃ ᓀᔥᑕ ᒋᔅᑖᔅᑯᐙᐙᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᐸᐸᓴᔅᑌᐙᐗᐗᒃ ᑭᑦ ᐋᔭᒥᐁᐎᑲᒥᑯᐗᒃ, ᓀᔥᑕ ᒥᓯᐌ ᐃᑖᐎᓂᒃ ᑭ ᑳ ᑲᒀᑕᑭᐊᐙᐗᒃ᙮

ᐅᐸᓓᑭᔅ ᓘᒃ 11:49

ᐁᐗᑯ ᐌᒋ ᐃᑗᒪᑲᓂᓕᒃ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ, ᓂ ᑳ ᐃᔑᑎᔕᐊᒪᐙᐗᒃ ᐅᑭᔅᑭᐙᐃᑫᐗ ᓀᔥᑕ ᐊᐸᔅᑕᓚ, ᐋᑎᑦ ᒫᑲ ᐁ ᐃᑕᓯᓕᒋ ᑲᑕ ᓂᐸᐁᐗᒃ ᓀᔥᑕ ᑲᑕ ᑲᒀᑕᑭᐁᐗᒃ;

ᐊᐸᔅᑕᓚᒃ 11:20

ᐋᑎᑦ ᒫᑲ ᐁ ᐃᑕᓯᒋᒃ ᑮ ᓵᐃᑉᕋᓯᐎᓕᓕᐎᐗᒃ ᓀᔥᑕ ᓴᐃᕆᓂᐎᓕᓕᐎᐗᒃ, ᐊᓂᑭ, ᐃᔅᐱ ᑳ ᑕᑯᔑᑭᒃ ᐊᓐᑎᐊᑭᒃ, ᑮ ᐋᔭᒥᐁᐗᒃ ᐊᓂᐃ ᒃᕆᓯᐊᓇ, ᐁ ᑲᑫᔅᑭᒥᐌᒋᒃ ᐅᑎᐯᓕᒋᑫᐗ ᒋᓴᓴ᙮

ᐊᐸᔅᑕᓚᒃ 11:22

ᐁᑯ ᐁ ᑎᐹᑐᒋᑲᑌᑭ ᐅᐅ ᑫᒀᓇ ᑮ ᐯᑕᒶᒃ ᒫᒪᐎᐋᔭᒥᐋᐗᒃ ᒋᕉᓴᓚᒥᒃ ᑳ ᐃᑖᒋᒃ: ᓀᔥᑕ ᑭ ᑭᒋᑎᔕᐌᐗᒃ ᐸᕐᓇᐸᓴ ᑭᒋ ᐃᑐᑌᓕᒋ ᐊᓐᑎᐊᑭᒃ ᐃᔅᑯ᙮

ᐊᐸᔅᑕᓚᒃ 13:1

ᐁᑯᔅᐱ ᑮ ᐃᑖᐗᒃ ᐊᓐᑕ ᐋᔭᒥᐁᐎᑲᒥᑯᒃ ᑳ ᐃᑕᑾᒃ ᐋᓐᑎᐊᑭᒃ ᐊᑎᑦ ᐅᑭᔅᑭᐙᐃᑫᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ; ᐹᕐᓇᐸᔅ, ᓀᔥᑕ ᓯᒥᔭᓐ ᑳ ᐃᔑᓂᑳᓱᑦ ᓇᐃᑲᕐ, ᓀᔥᑕ ᓘᓯᐊᔅ, ᓴᐃᕆᓂᐃᒃ ᑳ ᐅᒌᑦ, ᓀᔥᑕ ᒣᓀᐃᓐ ᑳ ᑮ ᐎᒋᐅᐱᑭᒫᑦ ᐦᐁᕋᑕ ᑳ ᐅᑭᒫᐎᓕᒋ ᓀᔥᑕ ᓵᓪ᙮

ᐊᐸᔅᑕᓚᒃ 14:26

ᐊᓐᑕ ᒫᑲ ᐅᒋ ᑮ ᐃᑕᔑᐗᒃ ᐋᓐᑎᐊᑭᒃ, ᐃᑕ ᑳ ᑮ ᐅᒋ ᐸᑳᓂᐃᒋᒃ ᑭᒋᒪᓂᑐ ᐅ ᔕᐌᓕᒋᑫᐎᓂᒃ ᐊᓂᒪ ᐊᑐᔅᑫᐎᓐ ᐅᒋ ᑳ ᑮ ᑎᐱᑐᑕᑭᒃ᙮

ᐊᐸᔅᑕᓚᒃ 15:22

ᐁᑯ ᑳ ᓇᐁᓕᑕᒥᐃᑯᒋᒃ ᐊᓂᑭ ᐊᐸᔅᑕᓚᒃ ᓀᔥᑕ ᑳ ᓂᑳᓀᓕᑖᑯᓯᒋᒃ, ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᐊᓯᒋ, ᑭᒋ ᐃᔑᑎᔕᐙᒋᒃ ᑳ ᐗᐌᓚᐸᒥᒥᒋ ᐃᓕᓕᐗ ᐎᓚᐙᐤ ᑎᐱᓚᐌ ᐁ ᐃᑕᓯᒋᒃ ᐅᒋ ᐊᓐᑕ ᐊᓐᑎᐊᑭᒃ, ᑭᒋ ᐎᒉᐙᒋᒃ ᐊᓂᐃ ᐹᓪ ᓀᔥᑕ ᐸᕐᓇᐸᔅ: ᐁᐗᑯ ᐅᑯ, ᒍᑕᔅ ᑳ ᐊᔅᐱᓂᑳᓱᑦ ᐹᕐᓴᐸᔅ, ᓀᔥᑕ ᓵᐃᓚᔅ, ᓂᑳᓐ ᑳ ᐃᑕᑭᒥᒋᒃ ᐃᓕᓕᐗᒃ ᒫᒪᐤ ᐁ ᐃᑕᓯᓕᒋ ᑳ ᐎᒋᔕᓂᑐᓕᒋ;

ᐊᐸᔅᑕᓚᒃ 15:30

ᐃᔅᐱ ᒫᑲ ᑳ ᑮ ᑭᒋᑎᔖᐙᒋᒃ, ᑮ ᐯᒋ ᐃᑐᑌᐗᒃ ᐋᓐᑎᐊᑭᒃ: ᓀᔥᑕ ᒫᑲ ᐃᔅᐱ ᑳ ᑮ ᒫᒪᐎᒫᐗᒋᐋᒋᒃ ᑳ ᒥᒉᑎᓕᒋ ᐃᓕᓕᐗ, ᑮ ᒥᓜᐗᒃ ᐊᓂᐁᓕᐤ ᒪᓯᓇᐊᒫᑐᐎᓂᓕᐤ:

ᐊᐸᔅᑕᓚᒃ 15:32

ᒎᑕᔅ ᒫᑲ ᓀᔥᑕ ᓵᐃᓚᔅ ᐁ ᐅᑭᔅᑭᐙᐃᑫᐎᒋᒃ ᐎᓚᐗᐤ ᓀᔥᑕ, ᑮ ᑲᑫᔅᑭᒣᐗᒃ ᑳ ᐎᒋᔕᓂᑐᓕᒋ ᒥᒉᑦ ᐋᔭᒥᐎᓇ ᐅᒋ, ᓀᔥᑕ ᑮ ᐊᔨᒋᐁᐗᒃ᙮

ᐊᐸᔅᑕᓚᒃ 18:22

ᐃᔅᐱ ᒫᑲ ᑳ ᑮ ᑲᐹᑦ ᐊᓐᑕ ᓯᓴᕆᐊᐃᒃ, ᓀᔥᑕ ᑳ ᑯᔅᐱᑦ, ᓀᔥᑕ ᑳ ᐊᑕᒥᔅᑲᐙᑦ ᒫᒪᐎᐋᔭᒥᐋᐗ, ᑮ ᐃᑐᑌᐤ ᐊᓐᑕ ᐊᓐᑎᐊᑭᒃ᙮

ᐊᐸᔅᑕᓚᒃ 2:17

ᑲᑕ ᐃᑭᓐ ᒫᑲ ᒫᒋᒡ ᐁ ᐊᑎ ᑭᔑᑳᑭ, ᐃᑗᐤ ᑭᒋᒪᓂᑐ, ᓂ ᑳ ᓯᑭᓇᒪᐙᐗᒃ ᓂᑦ ᐊᒑᑾ ᒥᓯᐌ ᐯᒪᑎᓯᒋᒃ, ᑭᑯᓯᓯᐙᐗᒃ ᒫᑲ ᓀᔥᑕ ᑭᑖᓂᓯᐙᐗᒃ ᑲᑕ ᑭᔅᑭᐗᐃᑫᐗᒃ, ᓀᔥᑕ ᑭᑦ ᐅᔥᑭᓂᑭᒥᐙᐗᒃ ᑲᑕ ᐙᐸᑕᒶᒃ ᐗᐸᑎᓕᐌᐎᓇ, ᑭ ᑭᔐᓕᓕᒥᐙᐗᒃ ᒫᑲ ᑲᑕ ᐸᐙᑕᒶᒃ ᐸᐙᒧᐎᓇ:

ᐊᐸᔅᑕᓚᒃ 21:4

ᐁ ᒥᔅᑲᐗᑭᒋᒃ ᒫᑲ ᑭᔅᑭᓄᐊᒪᐙᑲᓇᒃ, ᐊᓐᑕ ᓂ ᑮ ᑕᔑᑳᓈᓐ ᓂᔂᔅ ᐁ ᑭᔑᑳᑭ; ᐁᐗᒀᓂᑭ ᑳ ᐃᑖᒋᒃ ᐹᓚ ᐊᒑᑯᒃ ᐅᒋ ᐁᑳ ᒋᕉᓴᓚᒥᒃ ᑭᒋ ᐃᑐᑌᓕᒋ᙮

ᐊᐸᔅᑕᓚᒃ 21:9

ᐁᐗᑯ ᐃᓕᓕᐤ ᒫᑲ ᑮ ᓀᐎᓕᐗ ᐅᑖᓂᓴ ᑳ ᑮ ᑭᔅᑭᐙᐃᑫᓕᒋ᙮

ᐊᐸᔅᑕᓚᒃ 6:5

ᐊᓂᒪ ᐃᑗᐎᓐ ᒫᑲ ᑮ ᓇᐃᓚᐌᐃᑯᐗᒃ ᒥᓯᐌ ᐁ ᐃᑕᓯᒋᒃ: ᑮ ᐗᐌᓚᐸᒣᐗᒃ ᒫᑲ ᐊᓂᐃ ᔅᑎᐱᓐ, ᐃᓕᓕᐤ ᑳ ᓴᑲᔅᑭᓀᔅᑳᑯᑦ ᑖᐺᔦᓕᑕᒧᐎᓂᓕᐤ ᓀᔥᑕ ᑳ ᐸᓓᑭᓯᓕᒋ ᐊᒑᑾ, ᓀᔥᑕ ᐱᓕᑉ, ᓀᔥᑕ ᑉᕈᑯᕋᔅ ᓀᔥᑕ ᓈᐃᑫᓇᕐ, ᓀᔥᑕ ᑕᐃᒪᓐ, ᓀᔥᑕ ᐹᕐᒥᓇᔅ, ᓀᔥᑕ ᓂᑯᓚᔅ ᐅᑴᔅᑳᑎᔅ ᐋᓐᑎᐊᑭᒃ ᐅᒋ;

ᓂᔥᑕᒻ ᑯᕆᓐᑎᐊᓇ 12:10

ᑯᑕᒃ ᑭᒋ ᒫᒪᔅᑳᒋᐃᔑᒋᑫᑦ; ᑯᑕᒃ ᑭᔅᑭᐙᐃᑫᐎᓂᓕᐤ; ᑯᑕᒃ ᑭᒋ ᓂᓯᑕᐌᓕᒫᑦ ᐊᒑᑾ; ᑯᑕᒃ ᓇᓈᑲᐤ ᐃᔑᑭᔗᐎᓇ; ᑯᑕᒃ ᑭᒋ ᐃᑗᔅᑕᒃ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 12:28

ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 14:32

ᓀᔥᑕ ᐅᑭᔅᑭᐙᐃᑫᐗᒃ ᑎᐯᓕᒥᒣᐗᒃ ᐅᑭᔅᑭᐙᐃᑫᐗᒃ ᐅᑦ ᐊᒑᑯᐗᐗ᙮

ᑲᓓᔕᐊᓇ 2:11

ᒫᑲ ᐃᔅᐱ ᐱᑕᕐ ᑳ ᐯᒋ ᑕᑯᔑᒃ ᐋᓐᑎᐊᑭᒃ, ᓂ ᑮ ᓇᔅᑯᔅᑕᐗᐤ ᐅᔥᑭᔑᑯᒃ, ᐁ ᑮ ᐃᑌᓕᑖᑯᓯᑦ ᑭᒋ ᐊᑖᒥᒫᑲᓂᐎᑦ᙮

ᐃᐱᓯᔭᓇ 4:11

ᑮ ᒥᓕᐌᐤ ᒫᑲ ᐋᑎᑦ ᑭᒋ ᐋᐎᓕᒋ ᐊᐸᔅᑕᓚᒃ; ᐋᑎᑦ ᓀᔥᑕ, ᐅᑭᔅᑭᐙᐃᑫᐗᒃ; ᐋᑎᑦ ᓀᔥᑕ ᒥᓗᐋᒋᒧᐎᓕᓕᐗᒃ; ᐋᑎᑦ ᓀᔥᑕ, ᐅᑲᓇᐌᓕᒥᐌᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ;