14 ᐊᓇ ᑫ ᐎᑕᒫᔉ ᐋᔭᒥᐎᓇ, ᑫ ᐅᒋ ᐱᒫᒋᐅᔭᓐ ᑭᓚ ᓀᔥᑕ ᒥᓯᐌ ᑭᑭᒃ ᑳ ᐃᑕᔑᔭᓐ᙮
ᐊᓇ ᑫ ᑖᐺᑕᒃ ᓀᔥᑕ ᑫ ᓯᑲᐋᑕᐙᑲᓂᐎᑦ ᑲᑕ ᐱᒫᒋᐊᐤ; ᒫᑲ ᐊᓇ ᐁᑳ ᑫ ᑖᐺᑕᒃ ᑲᑕ ᓂᔑᐗᓈᒋᒪᐤ᙮
ᐌᓴ ᐃᓕᓕᐎᑯᓯᓵᓐ ᐯᒋ ᑕᑯᔑᓐ ᑭᒋ ᓈᓇᑕᐙᐸᒫᑦ ᓀᔥᑕ ᑭᒋ ᐱᒫᒋᐋᑦ ᐊᓂᐃ ᑳ ᐗᓂᔑᓂᓕᒋ᙮
ᓂ ᑭᔅᑫᓕᑌᓐ ᒫᑲ ᐅᑦ ᐅᓚᔓᐌᐎᓐ ᐁ ᑳᑭᑫ ᐱᒫᑎᓯᐎᓂᐗᓂᓕᒃ: ᐁᐗᑯ ᐌᒋ ᒥᓯᐌ ᑫᒀᓐ ᑳ ᐋᔭᒥᔮᓐ, ᑖᐱᔅᑯᒡ ᐅᑖᐎᒪᐤ ᐁ ᑮ ᐃᔑᑦ, ᐁᑯ ᐃᔑ ᐋᔭᒥᔮᓐ᙮
ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮
ᐁᑯ ᐅᑖᐎᒪᐤ ᑫᔅᑫᓕᑕᒃ ᐁ ᑮ ᐃᑭᓂᓕᒃ ᒣᑾᒡ ᐊᓂᐁᓕᐤ ᑎᐳᔨᑲᓂᓕᐤ ᐱᓯᒧᑳᓂᒃ ᑳ ᐃᑎᑯᑦ ᒋᓴᓴ, ᐱᒫᑎᓯᐤ ᑭᑯᓯᔅ: ᐁᑯ ᐎᓚ ᑎᐋᐺᑕᒃ, ᓀᔥᑕ ᒥᓯᐌ ᐁᑕᓯᓕᒋ ᐅ ᐙᔅᑳᔨᑲᓂᒥᒃ᙮
ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮
ᐁᑯ ᓀᔥᑴᐗᔑᐃᑯᑦ ᓵᐃᒪᓐ ᐱᑕᕋ, ᑌᐯᓕᒋᑫᔭᓐ, ᐊᐌᓇ ᑫ ᓈᑕᑭᑦ? ᑭᓚ ᑭᑦ ᐋᔮᓐ ᑳᑭᑫ ᐱᒫᑎᓯᐎᓂ ᐋᔭᒥᐎᓇ᙮
ᐁ ᐋᔭᒥᐁᐙᑎᓯᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒔᔅᑕᐙᑦ ᑭᒋᒪᓂᑐᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᒃ, ᒥᔅᑕᐃ ᒥᓕᐌᐎᓇ ᑳ ᒥᓛᑦ ᐃᓕᓕᐗ, ᓀᔥᑕ ᒧᔕᒃ ᑳ ᐋᔭᒥᐁᔅᑕᐙᑦ ᑭᒋᒪᓂᑐᐗ᙮
ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮
ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮
ᐎᒋᑕᔑᑫᒣᐤ ᐊᐌᓕᐗ ᓵᐃᒪᓐ ᐅᐸᔅᑴᑭᓄᑫᐗ, ᐊᓇ ᐅ ᐎᑭᓕᐤ ᔑᔓᑌᐤ ᐎᓂᐯᑯᒃ ᑳ ᐃᑕᑾᓂᓕᒃ: ᐎᓚ ᑭ ᑳ ᐎᑕᒫᒃ ᑫᒀᓐ ᑫ ᑐᑕᒪᐸᓐ᙮
ᓂ ᑮ ᐙᐸᑎᓕᑯᓈᓐ ᒫᑲ ᑳ ᐃᔑ ᐙᐸᒫᑦ ᐁᓐᒐᓚ ᐱᒋ ᐎᑭᒃ, ᑳ ᓂᐸᐎᓕᒋ ᓀᔥᑕ ᑳ ᐃᑎᑯᑦ, ᐃᔑᑎᔕᐅᒃ ᐃᓕᓕᐗᒃ ᐊᓐᑕ ᒐᐸᐃᒃ, ᓇᑐᒻ ᒫᑲ ᓵᐃᒪᓐ ᑳ ᐊᔅᐱᓂᑳᓱᑦ ᐱᑕᕐ;
ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮
ᒃᕆᔅᐸᔅ ᒫᑲ, ᑳ ᒫᐗᒋ ᓂᑳᓂᑎᐯᓕᑕᒃ ᐋᔭᒥᐁᐎᑲᒥᑯᓕᐤ, ᑮ ᑖᐺᔦᓕᒣᐤ ᐅᑎᐯᓕᒋᑫᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᓕᒃ; ᓀᔥᑕ ᒥᒉᑦ ᐊᓂᑭ ᑯᕆᓐᑎᐎᓕᓕᐗᒃ ᐁ ᐯᑕᑭᒃ, ᑮ ᑖᐺᑕᒶᒃ, ᓀᔥᑕ ᑮ ᓯᑲᐊᑕᐙᑲᓂᐎᐗᒃ᙮
ᐌᓴ ᑭᓚᐙᐤ ᑭ ᒥᓕᑲᐎᓈᐗᐤ ᐊᓂᒪ ᐊᔓᑕᒫᑫᐎᓐ, ᓀᔥᑕ ᑭᑦ ᐊᐙᔑᒥᔑᐗᐗᒃ, ᓀᔥᑕ ᒥᓯᐌ ᐊᓂᑭ ᐙᓚᐤ ᑳ ᐃᑖᒋᒃ, ᐱᓕᔥ ᑕᑐ ᐊᓂᑭ ᑫ ᓇᑐᒥᑯᒋᒃ ᐅᑎᐯᓕᒋᑫᐗ ᑭ ᑭᒋᒪᓂᑐᒥᓇᐗ᙮
ᓂ ᑮ ᓯᑲᐋᑕᐙᐗᒃ ᓀᔥᑕ ᑳ ᐃᑕᑐᑫᑦ ᔅᑎᐸᓇᔅ: ᐊᐙᓯᑌ ᐅᑯ, ᓇᒪᐎᓚ ᓂ ᑭᔅᑫᓕᑌᓐ ᐁ ᑮ ᓯᑲᐗᑕᐗᒃ ᑯᑕᒃ ᐊᐌᓇ᙮
