ᐊᐸᔅᑕᓚᒃ 1:15 - ᐅᔅᑭ ᑎᔅᑌᒥᓐᑦ

¹⁵ ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐊᐸᔅᑕᓚᒃ 1:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:31

ᑯᑕᒃ ᓇᔅᐱᑐᐌᐎ ᐋᑕᓗᑳᓐ ᑮ ᐎᑕᒪᐌᐤ, ᐁ ᐃᑗᒃ, ᑭᒋᑭᔑᑳᐎ ᐅᑭᒫᐎᐎᓐ ᐃᔑᓈᑾᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᐃᓕᓕᐤ ᑳ ᐅᑎᓇᒃ, ᑳ ᐸᑭᑎᓇᒃ ᒫᑲ ᐅ ᓂᑖᐎᑭᒋᑲᓂᒃ:

ᐅᐸᓓᑭᔅ ᓘᒃ 22:32

ᒫᑲ ᑭ ᑮ ᐋᔭᒥᐁᔅᑕᒫᑎᓐ, ᐁᑳ ᑭᒋ ᓄᑌᐸᓕᒃ ᑭ ᑖᐺᔦᓕᑕᒧᐎᓐ᙮ ᐃᔅᐱ ᒫᑲ ᑮ ᑴᔅᑳᑎᓯᔭᓀ, ᓵᐱᐎᐃᒃ ᑭᒋᔖᓇᒃ᙮

ᐅᐸᓓᑭᔅ ᒑᓐ 14:12

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ, ᐋᔨᑎᐎᓇ ᑳ ᑐᑕᒶᒃ ᐎᓚ ᓀᔥᑕ ᑲᑕ ᑐᑐᒻ; ᓀᔥᑕ ᑲᑕ ᑐᑕᒻ ᐋᔨᑎᐎᓇ ᐊᐙᓯᑌ ᐁ ᐃᑌᓕᑖᑾᓂᓕᑭ ᐃᔥᐱᔥ ᐅᐅ; ᐁ ᓈᑕᒃ ᓄᑖᐎ᙮

ᐅᐸᓓᑭᔅ ᒑᓐ 21:23

ᐁᑯ ᐅᒪ ᐃᑗᐎᓐ ᐯᐹᒥᐸᓕᒃ ᐁ ᐎᑕᒫᑐᒋᒃ ᑳ ᐎᒋᔓᓂᑐᒋᒃ, ᐊᓇ ᑭᔅᑭᓄᐊᒪᐙᑲᐤ ᐁᑳ ᑭᒋ ᓂᐱᑦ: ᐁᓕᐌᒃ ᒫᑲ ᒋᓴᔅ ᓇᒪᐎᓚ ᐅᒋ ᐃᑌᐤ, ᓇᒪᐎᓚ ᑲᑕ ᓂᐱᐤ; ᒫᑲ, ᑮᔥᐱᓐ ᐃᑌᓕᑕᒫᓐ ᑭᒋ ᐃᑖᑦ ᐹᑎᒫ ᑕᑯᔑᓂᔮᓀ, ᑖᓂ ᑫ ᐃᑖᐸᒋᑖᔭᓐ ᑭᓚ?

ᐊᐸᔅᑕᓚᒃ 10:23

ᐁᑯ ᑳ ᐱᑐᑫ ᓇᑐᒫᑦ, ᓀᔥᑕ ᑮ ᐎᒋᑕᔑᑫᒥᑯ᙮ ᐎᐋᐸᒃ ᒫᑲ ᐱᑕᕐ ᑮ ᐎᒉᐌᐤ, ᓀᔥᑕ ᐋᑎᑦ ᑳ ᐎᒋᔖᓂᑐᒋᒃ ᒐᐸᐃᒃ ᐅᒋ ᑭ ᐎᒉᐎᑯ᙮

ᐊᐸᔅᑕᓚᒃ 11:1

ᐊᐸᔅᑕᓚᒃ ᒫᑲ ᓀᔥᑕ ᑳ ᐎᒋᔖᓂᑐᒋᒃ ᑳ ᐃᑖᒋᒃ ᒎᑎᐊᐃᒃ ᑮ ᐯᑕᒶᒃ ᐊᓂᐃ ᒉᓐᑖᐃᓚ ᐊᓯᒋ ᐁ ᑮ ᐅᑎᓇᒸᓕᒋ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 11:12

ᐊᒑᒃ ᒫᑲ ᓂ ᑮ ᐃᑎᒃ ᑭᒋ ᐎᒉᐗᑭᒃ, ᐁᑳ ᐁ ᐙᐙᓀᓕᑕᒫᓐ᙮ ᓀᔥᑕ ᐅᑯ ᓂᑯᑣᔅ ᑭᒋᔖᓂᓇᐗᒃ ᓂ ᑮ ᐎᒉᐎᑾᒃ, ᓂ ᑮ ᐱᑐᑳᓈᓐ ᒫᑲ ᐊᓇ ᐃᓕᓕᐤ ᐎᑭᒃ:

ᐊᐸᔅᑕᓚᒃ 11:26

ᐃᔅᐱ ᒫᑲ ᑳ ᑮ ᒥᔅᑲᐙᑦ, ᑮ ᐯᔑᐌᐤ ᐊᓐᑕ ᐊᓐᑎᐊᑭᒃ᙮ ᑮ ᐃᑭᓐ ᒫᑲ ᒥᑐᓂ ᐯᔭᑾᐤ ᐁ ᐱᐳᒃ ᑮ ᒫᐗᒋᐃᑐᐗᒃ ᐊᓯᒋ ᒫᒪᐎᐋᔭᒥᐋᐗ, ᓀᔥᑕ ᑮ ᑭᔅᑭᓄᐊᒪᐌᐗᒃ ᒥᒉᑦ ᐃᓕᓕᐗ᙮ ᑭᔅᑭᓄᐊᒪᐗᑲᓇᒃ ᒫᑲ ᓃᔥᑕᒻ ᒃᕆᔅᑎᔮᓇᒃ ᑮ ᐃᔑᓂᑲᑖᑲᓂᐎᐗᒃ ᐊᓐᑕ ᐊᓐᑎᐊᑭᒃ᙮

ᐊᐸᔅᑕᓚᒃ 11:29

ᐁᑯ ᑭᔅᑭᓄᐊᒪᐙᑲᓇᒃ, ᒥᓯᐌ ᑕᑐ ᐃᓕᓕᐤ ᐁ ᐃᔑ ᑲᔥᑭᑖᑦ, ᑮ ᐃᑌᓕᑕᒶᒃ ᑭᒋ ᐃᔑᑎᔕᐊᒪᐙᒋᒃ ᐅᒋᔅᑕᒫᑫᐎᓂᓕᐤ ᐊᓂᐃ ᑳ ᐎᒋᔕᓂᑐᓕᒋ ᒎᑎᐊᐃᒃ ᑳ ᐃᑖᓕᒋ:

ᐊᐸᔅᑕᓚᒃ 12:17

ᐎᓚ ᒫᑲ, ᐁ ᐙᐙᔅᑎᓇᒪᐗᑦ ᐅᒋᒋ ᐅᒋ ᐁᑳ ᑭᒋ ᑭᑐᓕᒋ, ᑮ ᐙᐎᑕᒪᐌᐤ ᑖᓂ ᑳ ᐃᔑ ᐙᓚᐎᑕᐃᑯᑦ ᐅᑎᐯᓕᒋᑫᐗ ᑭᐹᐊᑐᐎᑲᒥᑯᒃ ᐅᒋ᙮ ᑮ ᐃᑌᐤ ᒫᑲ, ᑭᑐᑌᒃ, ᐙᐸᑎᓕᒃ ᒉᒻᔅ ᐅᐅ ᑫᒀᓇ, ᓀᔥᑕ ᐊᓂᑭ ᑭᒋᔖᓂᓇᐗᒃ᙮ ᑮ ᑭᑐᑌᐤ ᒫᑲ, ᓀᔥᑕ ᐱᑐᔥ ᐃᑕ ᑮ ᐃᑐᑌᐤ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 15:1

ᐊᑎᑦ ᒫᑲ ᐃᓕᓕᐗᒃ ᑳ ᑮ ᐯᒋ ᐅᑐᑌᒋᒃ ᒎᑎᐊᐃᒃ ᑮ ᑭᔅᑭᓄᐊᒪᐌᐗᒃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑗᐗᒃ, ᑮᔥᐱᓐ ᐁᑳ ᑭᔅᑭᓄᐙᒋᔓᑲᐎᔦᑴ ᑳ ᐃᔑ ᑲᑫᔅᑭᒥᐌᑦ ᒧᓯᔅ, ᓇᒪᐎᓚ ᑭ ᑳ ᑮ ᐱᒫᒋᐅᓈᐙᐤ᙮

ᐊᐸᔅᑕᓚᒃ 15:3

ᓀᔥᑕ ᐁ ᑮ ᐎᒋᐃᑯᒋᒃ ᒫᒪᐎᐋᔭᒥᐋᐗ ᐁ ᐊᑎ ᐃᑐᑌᒋᒃ, ᑮ ᔕᐳᔥᑲᒶᒃ ᐱᓂᓯᔭ ᓀᔥᑕ ᓵᒣᕆᔭ, ᐁ ᐙᐎᑕᒫᑫᒋᒃ ᐅ ᑴᔅᑳᑎᓯᐎᓂᓕᐤ ᐊᓂᐃ ᒉᓐᑖᐃᓚ, ᑮ ᐃᑐᑕᐌᐗᒃ ᒫᑲ ᓈᔅᐱᒡ ᑭᒋ ᒥᓨᑕᒥᓕᒋ ᒥᓯᐌ ᑳ ᐎᒋᔖᓂᑐᓕᒋ᙮

ᐊᐸᔅᑕᓚᒃ 16:2

ᑳ ᑮ ᒥᓨᒋᒥᑯᑦ ᐊᓂᐃ ᑳ ᐎᒋᔕᓂᑐᓕᒋ ᑳ ᐃᑖᓕᒋ ᓕᔅᑦᕋᐃᒃ ᓀᔥᑕ ᐊᐃᑯᓂᐊᒥᒃ᙮

ᐊᐸᔅᑕᓚᒃ 16:40

ᐁᑯ ᒫᑲ ᑳ ᐗᓚᐎᒋᒃ ᑭᐸᐅᑐᐎᑲᒥᑯᒃ ᐅᒋ, ᓀᔥᑕ ᑮ ᐱᑐᑫᐗᒃ ᓕᑎᐊ ᐎᑭᓕᒃ: ᐃᔅᐱ ᒫᑲ ᑳ ᑮ ᐗᐸᒫᒋᒃ ᑳ ᐎᒋᔖᓂᑐᓕᒋ, ᑮ ᒥᓜᓕᒧᐁᐗᒃ, ᓀᔥᑕ ᑮ ᑭᑐᑌᐗᒃ᙮

ᐊᐸᔅᑕᓚᒃ 17:10

ᑳ ᐎᒋᔖᓂᑐᒋᒃ ᒫᑲ ᑣᔦᒃ ᑮ ᑭᒋᑎᔕᐌᐗᒃ ᐹᓚ ᓀᔥᑕ ᓵᐃᓚᓴ ᓂᐹᑎᐱᔉ ᐱᕇᐊᐃᒃ ᐃᔑ: ᐊᓂᑭ ᐁ ᐯᒋ ᑕᑯᔑᑭᒃ ᐊᓐᑕ ᑮ ᐱᑐᑫᐗᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ᙮

ᐊᐸᔅᑕᓚᒃ 17:14

ᑣᔦᒃ ᒫᑲ ᐊᓂᑭ ᑳ ᐎᒋᔖᓂᑐᒋᒃ ᑮ ᑭᒋᑎᔕᐌᐗᒃ ᐹᓚ, ᑭᒋ ᐃᑐᑌᓕᒋ ᑭᒋᑲᒥᒃ: ᓵᐃᓚᔅ ᒫᑲ ᓀᔥᑕ ᑕᐃᒧᑎᐊᔅ ᐁᑯᑕ ᑫᔮᐸᒡ ᑮ ᐃᑖᐗᒃ᙮

ᐊᐸᔅᑕᓚᒃ 17:6

ᐃᔅᐱ ᒫᑲ ᐁᑳ ᒣᔅᑲᐙᒋᒃ, ᑮ ᐃᔑᑖᐯᐗᒃ ᒉᓴᓇ ᓀᔥᑕ ᐊᑎᑦ ᑳ ᐎᒋᔖᓂᑐᓕᒋ ᐊᓂᐃ ᑳ ᑎᐯᓕᑕᒥᓕᒋ ᐃᑖᐎᓂᓕᐤ, ᐁ ᑌᐺᒋᒃ, ᐅᑯ ᑳ ᑮ ᑴᑎᐱᓇᑭᒃ ᐊᔅᑭᓕᐤ ᑕᑯᔑᓋᒃ ᐅᑕ ᐊᓯᒋ:

ᐊᐸᔅᑕᓚᒃ 18:18

ᐹᓪ ᒫᑲ ᐹᑎᒪ ᐅᒪ ᑫᔮᐸᒡ ᑭᓉᔥ ᓇᐗᒡ ᐊᓐᑕ ᑮ ᑕᔑᑫᐤ, ᐁᑯ ᒫᑲ ᑳ ᓇᑲᑖᑦ ᐊᓂᐃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑖᔑᐤ ᐊᓐᑕ ᓰᕆᐊᐃᒃ, ᑮ ᐎᒉᐎᑯ ᒫᑲ ᐊᓂᐃ ᑉᕆᓯᓚ ᓀᔥᑕ ᐋᑶᓚ; ᐁ ᑮ ᑳᔥᑭᐹᑕᒃ ᐅᔅᑎᒀᓐ ᐊᓐᑕ ᓯᓐᒃᕆᐊᐃᒃ: ᐌᓴ ᑮ ᑭᔅᑭᒧ᙮

ᐊᐸᔅᑕᓚᒃ 18:27

ᐃᔅᐱ ᒫᑲ ᑳ ᐃᑌᓕᑕᒃ ᑭᒋ ᐃᑐᑌᑦ ᐊᓐᑕ ᐊᑳᐃᐊᐃᒃ, ᐊᓂᑭ ᑳ ᐎᒋᔖᓂᑐᒋᒃ ᑮ ᒪᓯᓇᐃᑫᐗᒃ ᐁ ᔑᑭᒫᒋᒃ ᐊᓂᐃ ᑭᔅᑭᓄᐊᒪᐗᑲᓇ ᑭᒋ ᐅᑎᓈᓕᒋ: ᐊᓇ ᐃᔅᐱ ᑳ ᑕᑯᔑᒃ ᒥᔅᑕᐃ ᑮ ᐎᒋᐁᐤ ᐊᓂᐃ ᑳ ᑮ ᑕᐺᑕᒥᓕᒋ ᔕᐌᓕᒋᑫᐎᓂᓕᐤ ᐅᒋ:

ᐊᐸᔅᑕᓚᒃ 21:17

ᐃᔅᐱ ᒫᑲ ᑳ ᑕᑯᔑᓂᔮᒃ ᒋᕉᓴᓚᒥᒃ, ᑳ ᐎᒋᔖᓂᑐᒋᒃ ᓂ ᑮ ᐱᑐᑲᐃᑯᓈᓇᒃ ᐁ ᒥᓚᐙᑕᑭᒃ᙮

ᐊᐸᔅᑕᓚᒃ 21:20

ᐃᔅᐱ ᒫᑲ ᐱᐁᑕᑭᒃ, ᑮ ᑭᔅᑖᒋᒣᐗᒃ ᐅᑎᐯᓕᒋᑫᐗ, ᓀᔥᑕ ᑮ ᐃᑌᐗᒃ, ᑭ ᐙᐸᑌᓐ, ᓂᒋᔖᓂᓈᓐ, ᐁᔅᐱᒋ ᒥᒉᑡᐤ ᒥᑖᑐᒥᑖᓇᐤ ᐁ ᐃᑕᓯᒋᒃ ᒎᐗᒃ ᑳ ᑖᐺᑕᑭᒃ; ᒥᓯᐌ ᐁ ᐃᑕᓯᒋᒃ ᒫᑲ ᒪᔥᑲᐌᓕᑕᒶᒃ ᐅᓚᔓᐌᐎᓂᓕᐤ:

ᐊᐸᔅᑕᓚᒃ 21:7

ᐃᔅᐱ ᒫᑲ ᑳ ᑮ ᐳᓂᐃᑖᔑᔮᒃ ᑖᐃᕐ ᐅᒋ, ᓂ ᑮ ᐯᒋ ᐃᑐᑖᓈᓐ ᐊᓐᑕ ᑖᓕᒣᐊᔅ, ᓂ ᑮ ᐊᑕᒥᔅᑲᐙᓈᓇᒃ ᒫᑲ ᑳ ᐎᒋᔖᓂᑐᒋᒃ, ᓀᔥᑕ ᐯᔭᑯ ᑭᔑᑳᐤ ᓂ ᑮ ᐎᒋᑕᔑᑫᒫᓈᓇᒃ᙮

ᐊᐸᔅᑕᓚᒃ 22:5

ᑖᐱᔅᑯᒡ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᓂᑦ ᐃᑖᒋᒥᒃ, ᐊᓯᒋ ᓀᔥᑕ ᒥᓯᐌ ᐊᓂᑭ ᑳ ᓂᑳᓀᓕᑖᑯᓯᒋᒃ: ᐎᓚᐗᐤ ᓀᔥᑕ ᓂ ᑮ ᒥᓕᑾᒃ ᒪᓯᓇᐊᒫᑐᐎᓇ ᐁ ᐃᔑ ᒪᓯᓇᐊᒫᒋᒃ ᐊᓂᑭ ᑳ ᐎᒋᔖᓂᑐᒋᒃ, ᓀᔥᑕ ᐊᓐᑕ ᑕᒫᔅᑲᔅ ᓂ ᑮ ᐃᑐᑖᓐ, ᑭᒋ ᐯᔑᐗᑭᒃ ᐊᓂᑭ ᐁᑯᑕ ᑳ ᒫᒫᒋᑯᐱᓱᒋᒃ ᒋᕉᓴᓚᒥᒃ ᐃᔑ ᑭᒋ ᑲᒀᑕᑭᐋᑲᓂᐎᒋᒃ᙮

ᐊᐸᔅᑕᓚᒃ 28:14

ᐁᑯᑕ ᒫᑲ ᒣᔅᑲᐗᑭᒋᒃ ᐎᒋᔖᓂᒪᐗᒃ, ᓂ ᑮ ᐸᑯᓭᓕᒥᑲᐎᓈᓐ ᒫᑲ ᑭᒋ ᐎᒋᑕᔑᑫᒪᑭᒋᒃ ᓂᔂᓱ ᑭᔑᑳᐗ; ᐁᑯ ᒫᑲ ᐁᑎ ᐃᑐᑌᔮᒃ ᐊᓐᑕ ᕈᒻ᙮

ᓂᔥᑕᒻ ᑯᕆᓐᑎᐊᓇ 15:6

ᐹᑎᒫ ᒫᑲ, ᒫᒪᐤ ᑮ ᐙᐸᒥᑯ ᓂᔮᓚᓦᐤ ᒥᑖᑐᒥᑕᓇᐤ ᑳ ᐋᔭᒥᐋᐎ ᐎᒋᔖᓂᑐᓕᒋ; ᑫᑳᑦ ᒥᓯᐌ ᐁ ᐃᑕᓯᒋᒃ ᑫᔮᐸᒡ ᐃᑖᐗᒃ, ᒫᑲ ᐋᑎᑦ ᐋᔕᔾ ᓂᐸᐗᒃ᙮

ᑭᔅᑫᓕᑖᑯᑖᑫᐎᓐ 11:13

ᐁᐗᑯ ᑫᔮᐸᒡ ᑎᐹᔨᑲᓂᒃ ᐱᓯᒧᑳᓂᒃ ᑮ ᑭᒋ ᑶᑾᓐ, ᒥᑖᑡᐤ ᐃᓕᑯᒃ ᐃᑖᐎᓐ ᒫᑲ ᑮ ᐸᑭᑎᓐ, ᐊᓐᑕ ᒫᑲ ᐁ ᑶᑾᒃ ᑮ ᓂᐸᐋᐗᒃ ᓂᔂᔀᐤ ᑭᒋᒥᑖᑐᒥᑕᓇᐤ ᐃᓕᓕᐗᒃ: ᑯᑕᑭᔭᒃ ᒫᑲ ᑮ ᓭᑭᐋᐗᒃ, ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ᙮

ᑭᔅᑫᓕᑖᑯᑖᑫᐎᓐ 3:4

ᑭᑦ ᐋᔮᓐ ᐋᑎᑦ ᐃᔑᓂᑳᓱᐎᓇ ᐊᐳᒋᑲ ᓵᕐᑎᓯᒃ, ᐁᑳ ᑳ ᑭ ᐎᓕᐱᑖᒋᒃ ᐅ ᐎᓛᒋᑲᓂᐙᐗ: ᓂ ᑳ ᐎᒋᐱᒧᑌᒥᑾᒃ ᒫᑲ ᐁ ᐙᐱᐅᒋᒃ; ᐌᓴ ᑌᐸᑫᓕᑖᑯᓯᐗᒃ᙮