ᓂᔓ ᐱᑕᕐ 1:19 - ᐅᔅᑭ ᑎᔅᑌᒥᓐᑦ

¹⁹ ᑭᑦ ᐋᔮᓈᓇᐤ ᓀᔥᑕ ᐊᐙᓯᑌ ᑭᐁᒋᓇᔦᓕᑖᑾᒃ ᑭᔅᑭᐙᐃᑫᐎ ᐋᔭᒥᐎᓐ; ᐁᐗᑯ ᐁ ᔭᒀᒥᓇᒣᒃ ᑭ ᒥᓗᑐᑌᓇᐗᐤ, ᑖᐱᔅᑯᒡ ᐙᓭᔮᓯᐎᓐ ᑳ ᓵᑳᔅᑌᒃ ᐃᑕ ᐁ ᐗᓂᑎᐱᔅᑳᒃ, ᐃᓕᑯᒃ ᑭᒋ ᐯᑖᐸᒃ, ᓀᔥᑕ ᑭᔑᑲᐎ ᐊᒐᑯᔥ ᑭᑕ ᓵᑳᔅᑌᑦ ᑭᑌᐃᐙᒃ:

ᓂᔓ ᐱᑕᕐ 1:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 4:16

ᐊᓂᑭ ᐃᓕᓕᐗᒃ ᑳ ᐊᐱᒋᒃ ᐃᑕ ᐁ ᐗᓂᑎᐱᔅᑳᓕᒃ ᑮ ᐙᐸᑕᒶᒃ ᑭᒋ ᐙᔅᑌᐎᓂᓕᐤ; ᐊᓂᑭ ᓀᔥᑕ ᑳ ᐊᐱᒋᒃ ᐊᔅᑮᒃ ᐃᑕ ᐁ ᑎᑳᔅᑌᔅᑳᑯᒋᒃ ᓂᐱᐎᓂᓕᐤ, ᐙᔅᑌᐎᓂᓕᐤ ᑫᑕᑐᐌ ᐅᑎᑎᑯᐗᒃ᙮

ᐅᐸᓓᑭᔅ ᒑᓐ 5:35

ᐎᓚ ᑮ ᐙᔅᑌᐎᓂᐎᐤ ᐁ ᓴᔅᑭᓱᑦ ᓀᔥᑕ ᐁ ᐙᓯᓱᑦ: ᓀᔥᑕ ᑭ ᑮ ᓵᐯᓕᑌᓇᐗᐤ ᐎᓕᐱᔉ ᑭᒋ ᒥᓚᐙᑕᒣᒃ ᐅ ᐙᔅᑌᐎᓂᒃ᙮

ᐅᐸᓓᑭᔅ ᒑᓐ 5:39

ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮

ᐅᐸᓓᑭᔅ ᒑᓐ 8:12

ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮

ᐊᐸᔅᑕᓚᒃ 15:29

ᑭᒋ ᐌᐱᓇᒣᒃ ᐊᓂᐃ ᒥᒋᒪ ᑳ ᐸᑭᑎᓇᒫᒋᒃ ᒪᓂᑐᑳᓇᒃ, ᓀᔥᑕ ᒥᑯ, ᓀᔥᑕ ᐊᓂᐃ ᑫᒀᓇ ᑳ ᑮ ᑭᐱᑴᐱᒋᑳᑌᑭ, ᓀᔥᑕ ᐱᔑᒀᑎᓯᐎᓐ; ᑮᔅᐱᓐ ᐅᐅ ᐅᒋ ᑲᓇᐌᓕᒥᑎᓱᔦᑴ, ᑾᔮᔉ ᑭ ᑳ ᑐᑌᓈᐗᐤ᙮ ᐙᒋᔭ᙮

ᐊᐸᔅᑕᓚᒃ 17:11

ᐅᑯ ᐊᐙᓯᑌ ᑮ ᑭᔅᑌᓕᑖᑯᓯᐗᒃ ᐃᔥᐱᔥ ᐊᓂᑭ ᑌᓴᓗᓈᐃᑲᐃᒃ ᑳ ᐃᑖᒋᒃ, ᐊᓂᒪ ᐅᒋ ᐁ ᑮ ᐅᑎᓇᑭᒃ ᐋᔭᒥᐎᓂᓕᐤ ᒥᓯᐌ ᒋᑫᓕᑕᒧᐎᓂᒃ, ᓀᔥᑕ ᐁ ᑮ ᓈᓈᑕᐎᑭᔅᑫᓕᑕᑭᒃ ᒪᓯᓇᐃᑫᐎᓇ ᑕᑡᐤ ᑳᔑᑳᓕᑭ, ᑮᔥᐱᓐ ᐊᓂᐃ ᑫᒀᓇ ᐁ ᐃᑭᓄᐗᑴ᙮

ᐦᐃᑉᕉᐗ 2:2

ᐌᓴ ᑮᔥᐱᓐ ᐊᓂᒪ ᐊᔭᒥᐎᓐ ᑳ ᑮ ᐃᑗᒋᒃ ᐁᓐᒐᓚᒃ ᑮ ᒪᔥᑲᐗᔅᑌᒃ, ᓀᔥᑕ ᒥᓯᐌ ᑕᑐ ᐗᓂᑐᑕᒧᐎᓐ ᓀᔥᑕ ᔑᐱᑕᒧᐎᓐ ᑮ ᐅᑎᓇᒧᒪᑲᒃ ᑳ ᐃᔑ ᑲᔥᑭᑕᒫᓱᒪᑲᒃ ᑎᐸᐊᒫᑫᐎᓐ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:8

ᑮᔥᐱᓐ ᑎᐱᑐᑕᒣᒃ ᐊᓂᒪ ᑭᒋᐅᑭᒪᐎ ᐅᓚᔓᐌᐎᓐ, ᐁ ᐃᑗᒪᑲᒃ ᒪᓯᓇᐃᑫᐎᓐ, ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ, ᑭ ᒥᓗ ᑐᑌᓇᐗᐤ:

ᓂᔥᑕᒻ ᐱᑕᕐ 1:10

ᐊᓂᒪ ᐱᒫᒋᐃᐌᐊᓐ ᒫᑲ ᐅᑭᔅᑭᐙᐃᑫᐗᒃ ᑮ ᐅᒋ ᑲᑴᒋᑫᒧᐗᒃ ᓀᔥᑕ ᐌᐌᓕᑦ ᑮ ᓈᓇᑕᐌᓕᑕᒶᒃ, ᐊᓂᑭ ᑳ ᑮ ᓂᑳᓂᐎᑕᑭᒃ ᐊᓂᒪ ᔕᐌᓕᒋᑫᐎᓐ ᑫ ᐅᑎᑎᑯᔦᑭᐸᓐ:

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᓂᔅᑐ ᒑᓐ 1:6

ᑳ ᑮ ᐃᑖᒋᒧᔅᑕᐙᒋᒃ ᑭ ᓵᑭᐃᐌᐎᓂᓕᐤ ᒫᒪᐎᐋᔭᒥᐋᐗ: ᐊᓂᑭ ᑮᔥᐱᓐ ᐎᒋᐊᑡᐗ ᐁ ᐱᒥᐱᒋᒋᒃ ᐁ ᐃᔑ ᐃᑌᓕᑕᒃ ᑭᒋᒪᓂᑐ, ᑭ ᑳ ᒥᓗᑐᑌᓐ:

ᑭᔅᑫᓕᑖᑯᑖᑫᐎᓐ 2:28

ᓂ ᑳ ᒥᓚᐤ ᒫᑲ ᐙᐸᓐ ᐊᒐᑯᔕ᙮

ᑭᔅᑫᓕᑖᑯᑖᑫᐎᓐ 22:16

ᓂᓚ ᒋᓴᔅ, ᓂ ᑮ ᐃᔑᑎᔕᐗᐤ ᓂᑦ ᐁᓐᒐᓕᒻ ᑭᒋ ᐋᓕᒧᑕᒫᑖᒃ ᐅᐅ ᑫᒀᓇ ᐃᑕ ᐁ ᐃᑖᒋᒃ ᒫᒪᐎᐋᔭᒥᐋᐗᒃ᙮ ᓂᓚ ᐁᐗᑯ ᐅᒉᐱᑯᒻ ᓀᔥᑕ ᐅᑦ ᐊᐙᔑᒥᔕ ᑌᐱᑦ, ᓀᔥᑕ ᑳ ᐙᓯᓱᑦ ᓀᔥᑕ ᐙᐸᓇᒐᒃ᙮