ᓂᔓ ᑯᕆᓐᑎᐊᓇ 8:7 - ᐅᔅᑭ ᑎᔅᑌᒥᓐᑦ

⁷ ᐁᐗᑯ ᒫᑲ ᐅᒋ, ᐁ ᐃᔑ ᐌᓗᑎᓯᔦᒃ ᒥᓯᐌ ᑫᒀᓐ, ᑖᐺᔦᓕᑕᒧᐎᓂᒃ, ᓀᔥᑕ ᐋᔭᒥᐎᓂᒃ, ᓀᔥᑕ ᑭᔅᑫᓕᑕᒧᐎᓂᒃ, ᓀᔥᑕ ᒥᓯᐌ ᑭᓯᓴᐎᓯᐎᓂᒃ, ᓀᔥᑕ ᐁ ᐃᔑ ᓵᑭᐃᔮᒃ, ᐁᑯᔑ ᐅᒪ ᐃᔑ ᔕᐌᓕᒋᑫᐎᓂᒃ ᐌᓗᑎᓰᒃ ᓀᔥᑕ᙮

ᓂᔓ ᑯᕆᓐᑎᐊᓇ 8:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:22

ᐊᓇ ᓀᔥᑕ ᑳ ᑮ ᐅᑎᓈᑦ ᓂᔓ ᑖᓕᓐᑕ ᑮ ᐯᒋ ᐃᑗᐤ, ᑌᐯᓕᒋᑫᔭᓐ, ᑭ ᑮ ᐸᑭᑎᒪᐎᑖᔾ ᓂᔓ ᑖᓕᓐᑕᒃ: ᒫᑎᑲ, ᑯᑕᑭᔭᒃ ᓂᔓ ᑖᓕᓐᑕᒃ ᓂ ᑮ ᑕᑯᑲᔥᑭᐋᐗᒃ ᐊᓯᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14

ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᓂᔥᑕᒻ ᑯᕆᓐᑎᐊᓇ 1:5

ᒥᓯᐌ ᑫᒀᓐ ᐁ ᑮ ᒥᔕᑭᐃᑖᒃ, ᒥᓯᐌ ᐋᔭᒥᐎᓂᒃ, ᓀᔥᑕ ᒥᓯᐌ ᑭᔅᑫᓕᑕᒧᐎᓂᒃ;

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 13:8

ᓵᑭᐃᐌᐎᓐ ᓇᒪᐎᔅᑳᑦ ᐃᔥᒀᐸᓕᐤ: ᐋᑕᐁᐃᑕᑾᑭ ᑭᔅᑭᐙᐃᑫᐎᓇ, ᑲᑕ ᐃᔥᒀᐸᓕᐗ; ᐋᑕ ᐁ ᐃᑕᑾᑭ ᐃᔑᑭᔗᐎᓇ, ᑲᑕ ᐳᓂᒪᑲᓋ: ᐋᑕ ᐁ ᐃᑕᑾᒃ ᑭᔅᑫᓕᑕᒧᐎᓐ, ᑲᑕ ᐹᔑᑯᓈᑾᓐ᙮

ᓂᔥᑕᒻ ᑯᕆᓐᑎᐊᓇ 14:12

ᐁᑯ ᑖᐱᔅᑯᒡ ᑭᓚᐗᐤ, ᓈᔅᐱᒡ ᐁ ᓇᑕᐌᓕᑕᒣᒃ ᐊᒑᑯᐎ ᒥᓕᐌᐎᓇ, ᓈᓇᑕᐌᓕᑕᒧᒃ ᑭᒋ ᐃᔑ ᐸᔅᑭᓛᑫᔦᒃ ᑭᒋ ᑭᔅᑭᓄᐊᒪᐌᑾᒃ ᒫᒪᐎᐋᔭᒥᐋᐗᒃ᙮

ᓂᔥᑕᒻ ᑯᕆᓐᑎᐊᓇ 4:7

ᐌᓴ ᐊᐁᓋ ᑳ ᑮ ᐃᔑᐃᔉ ᐱᑐᔥ ᑭᒋ ᐃᔑᓈᑯᓯᔭᓐ ᐃᔥᐱᔥ ᑯᑕᒃ ᐊᐌᓇ? ᑫᒀᓐ ᓀᔥᑕ ᐁᔮᔭᓐ ᐁᑳ ᑳ ᑮ ᒥᓕᑲᐎᔭᓐ? ᑮᔥᐱᓐ ᒫᑲ ᑮ ᒥᓕᑲᐎᔭᓐ, ᑖᓀᑭ ᐌᒋ ᒫᒪᑕᑯᒧᔭᓐ, ᒫᓇ ᐱᑯ ᐁᑳ ᐁ ᑮ ᒥᓕᑳᐎᔭᓐ?

ᓂᔓ ᑯᕆᓐᑎᐊᓇ 7:7

ᓇᒪ ᓀᔥᑕ ᐱᑯ ᐁ ᐯᒋ ᑕᑯᔑᒃ, ᒫᑲ ᐊᓂᒪ ᑳᑮᒋᐃᑯᓯᐎᓐ ᑳ ᑮ ᐃᔑ ᑳᑭᒋᐎᑖᒃ, ᐃᔅᐱ ᑳ ᐎᑕᒪᐎᔭᒥᑦ ᑭ ᑫᒋᓈᔦᓕᑕᒧᐎᓂᐗᐤ, ᑭ ᓇᓀᑳᒋᒧᐎᓂᐗᐤ, ᐁ ᐃᔑ ᓋᔅᐱᒡ ᓵᑭᐃᔦᒃ; ᑳ ᑮ ᐅᒋ ᐊᐙᓯᑌ ᒧᒋᑫᓕᑕᒫᓐ᙮

ᓂᔓ ᑯᕆᓐᑎᐊᓇ 8:6

ᐁᑯ ᑳ ᐅᒋ ᓇᑕᐌᓕᑕᒧᐗᑭᑎᐸᓐ ᑕᐃᑕᔅ, ᑳ ᑮ ᐃᔑ ᒫᒋᑐᑕᒃ, ᐁᑯ ᑖᐱᔅᑯᒡ ᓀᔥᑕ ᑭᒋ ᑭᔑᑕᒫᑖᒃ ᐊᓂᒪ ᔕᐌᓕᒋᑫᐎᓐ᙮

ᓂᔓ ᑯᕆᓐᑎᐊᓇ 9:14

ᓀᔥᑕ ᐁ ᐃᔑ ᐋᔭᒥᐁᔅᑕᒫᑖᑾᒃ ᑳ ᑭᐗᔐᓕᒥᑖᑾᒃ ᐅ ᒥᔅᑕᐃ ᔕᐌᓕᒋᑫᐎᓐ ᑭᒋᒪᓂᑐ ᑳ ᐱᒋᔅᑳᑯᐌᒃ ᐅᒋ᙮

ᓂᔓ ᑯᕆᓐᑎᐊᓇ 9:8

ᑭᒋᒪᓂᑐ ᓀᔥᑕ ᑲᔥᑭᑕᐤ ᑭᒋ ᐃᔑ ᐌᓗᒋᐸᓕᐃᑯᔦᒃ ᒥᓯᐌ ᔕᐌᓕᒋᑫᐎᓐ; ᑭᓚᐗᐤ ᐁ ᐃᔅᐸᓕᐃᑯᔦᒃ ᒥᓯᐌ ᑫᒀᓇ, ᑭᒋ ᐌᓗᒋᑐᑕᒣᒃ ᒥᓯᐌ ᒥᓗ ᐊᑑᔅᑫᐎᓐ:

ᐃᐱᓯᔭᓇ 4:29

ᐁᑳᐎᓚ ᒪᒋ ᐋᔭᒥᐎᓐ ᑲᑕ ᐅᒋᐸᓕᐤ ᑭᑐᓂᐙᒃ, ᒫᑲ ᐊᓂᒪ ᑳ ᒥᓨᔑᒃ ᐁ ᐃᑖᐸᑕᒃ ᑭᒋ ᑭᔅᑭᓄᐊᒫᑫᒪᑲᒃ, ᑭᒋ ᑮ ᒥᓗᑐᑖᑯᒋᒃ ᐊᓂᑭ ᑳ ᐯᑕᑭᒃ᙮

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 1:9

ᐅᒪ ᓀᔥᑕ ᓂ ᓇᑐᑕᒫᑳᓐ, ᑭ ᓵᑭᐃᐌᐎᓂᐗᐤ ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐌᓗᑕᒃ, ᑭᔅᑫᓕᑕᒧᐎᓂᒃ, ᓀᔥᑕ ᒥᓯᐌ ᑎᐹᔅᑯᓀᓕᑕᒧᐎᓂᒃ;

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᓂᔓ ᑎᒧᑎ 2:1

ᑭᓚ ᒫᑲ, ᓂᑯᓯᔅ, ᒪᔥᑲᐎᓯ ᔕᐌᓕᒋᑫᐎᓂᒃ ᐊᓂᒪ ᙭ ᒋᓴᔅ ᑳ ᐱᒋᔅᑳᑯᑦ᙮

ᐦᐃᑉᕉᐗ 12:28

ᐁᐗᑯ ᐅᒋ ᑭᓚᓈᓇᐤ ᐁ ᒥᓕᑲᐎᔭᒃ ᐅᑭᒪᐎᐎᓐ ᐁᑳ ᑫ ᑮ ᐋᔭᒡ ᐊᔅᑖᓂᐗᒃ, ᐁᑯᔑ ᒥᒋᒥᓈᑕᐤ ᔕᐌᓕᒋᑫᐎᓐ, ᐊᓂᒪ ᑫ ᐅᒋ ᒀᔮᔉ ᐊᑑᔅᑫᔅᑕᐗᒃ ᑭᒋᒪᓂᑐ ᑭᔅᑌᓕᑕᒧᐎᓂᒃ ᓀᔥᑕ ᒪᓂᑐᐎ ᓇᓂᒋᐎᓂᒃ;

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 3:17

ᐌᓴ ᑭᑦ ᐃᑣᓐ, ᓂ ᒥᔕᑭᓰᓐ, ᓀᔥᑕ ᓂ ᐌᓗᑎᓰᓐ, ᓇᒪ ᓀᔥᑕ ᑫᒀᓐ ᓂ ᒪᓀᓯᓐ; ᓇᒪ ᒫᑲ ᑭ ᑭᔅᑫᓕᑌᓐ ᐁ ᑲᒀᑕᑭᓯᔭᓐ, ᓀᔥᑕ ᐁ ᑭᑎᒫᑭᓈᑯᓯᔭᓐ, ᓀᔥᑕ ᐁ ᑭᑎᒫᑭᓯᔭᓐ, ᓀᔥᑕ ᐁᑳ ᐁ ᐙᐱᔭᓐ, ᓀᔥᑕ ᐁ ᒧᔑᔥᑲᑌᔭᓐ: