ᓂᔓ ᑯᕆᓐᑎᐊᓇ 8:19 - ᐅᔅᑭ ᑎᔅᑌᒥᓐᑦ

¹⁹ ᓇᒪᐎᓚ ᐊᓂᒪ ᐱᑯ, ᒫᑲ ᑳ ᑮ ᐙᐌᓛᐸᒥᑯᑦ ᓀᔥᑕ ᒫᒪᐎᐋᔭᒥᐋᐗ ᑭᒋ ᐎᒋᐱᒥᐱᒋᒥᔭᒥᑦ ᐁ ᑲᓇᐌᓕᑕᒪᒃ ᐅᒪ ᔕᐌᓕᒋᑫᐎᓐ, ᑳ ᒫᑎᓇᒫᑫᔮᒃ, ᑫ ᐅᒋ ᒫᒥᒋᒪᑲᓂᐎᑦ ᐁᐗᑯ ᐊᓇ ᐅᑎᐯᓕᒋᑫᐤ, ᓀᔥᑕ ᑭᒋ ᐅᒋ ᐎᒋᒋᑳᑌᒃ ᑮ ᓂᑳᓀᓕᑕᒧᐎᓂᐗᐤ:

ᓂᔓ ᑯᕆᓐᑎᐊᓇ 8:19 ပူးပေါင်းရင်းမြစ်များ

ᐊᐸᔅᑕᓚᒃ 14:23

ᐃᔅᐱ ᒫᑲ ᑳ ᑮ ᐸᑲᓂᐋᒋᒃ ᐅᓂᑳᓀᓕᑖᑯᓯᐗ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᓀᔥᑕ ᐁ ᑮ ᐋᔭᒥᐋᒋᒃ ᐁ ᓂᑲᓱᒋᒃ, ᑮ ᐸᑭᑎᓇᒪᐌᐗᒃ ᐅᑎᐯᓕᒋᑫᐗ, ᐊᓂᐃ ᑳ ᑖᐺᔦᓕᒫᓕᒋ᙮

ᐊᐸᔅᑕᓚᒃ 15:22

ᐁᑯ ᑳ ᓇᐁᓕᑕᒥᐃᑯᒋᒃ ᐊᓂᑭ ᐊᐸᔅᑕᓚᒃ ᓀᔥᑕ ᑳ ᓂᑳᓀᓕᑖᑯᓯᒋᒃ, ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᐊᓯᒋ, ᑭᒋ ᐃᔑᑎᔕᐙᒋᒃ ᑳ ᐗᐌᓚᐸᒥᒥᒋ ᐃᓕᓕᐗ ᐎᓚᐙᐤ ᑎᐱᓚᐌ ᐁ ᐃᑕᓯᒋᒃ ᐅᒋ ᐊᓐᑕ ᐊᓐᑎᐊᑭᒃ, ᑭᒋ ᐎᒉᐙᒋᒃ ᐊᓂᐃ ᐹᓪ ᓀᔥᑕ ᐸᕐᓇᐸᔅ: ᐁᐗᑯ ᐅᑯ, ᒍᑕᔅ ᑳ ᐊᔅᐱᓂᑳᓱᑦ ᐹᕐᓴᐸᔅ, ᓀᔥᑕ ᓵᐃᓚᔅ, ᓂᑳᓐ ᑳ ᐃᑕᑭᒥᒋᒃ ᐃᓕᓕᐗᒃ ᒫᒪᐤ ᐁ ᐃᑕᓯᓕᒋ ᑳ ᐎᒋᔕᓂᑐᓕᒋ;

ᐊᐸᔅᑕᓚᒃ 15:25

ᒥᓨᔑᓐ ᓂ ᑮ ᐃᑌᓕᑌᓈᓐ, ᐁ ᑮ ᒫᐗᒋᐃᑐᔮᒃ ᐯᔭᑾᓐ ᐁ ᐃᑌᓕᑕᒫᒃ, ᑭᒋ ᐃᔑᑎᔕᐊᒪᑖᒃ ᐃᓕᓕᐗᒃ ᑳ ᐗᐌᓚᐸᒥᒋᒃ, ᐊᓯᒋ ᑳ ᓵᑭᐊᑭᒋᒃ ᐹᕐᓇᐸᔅ ᓀᔥᑕ ᐹᓪ᙮

ᐊᐸᔅᑕᓚᒃ 19:22

ᐁᑯ ᒫᑲ ᐁᔑᑎᔕᐙᑦ ᒫᓯᑐᓂᐊᐃᒃ ᓂᔓ ᐊᓂᐃ ᑳ ᐊᑐᔅᑳᑯᑦ, ᑎᒧᑎ ᓀᔥᑕ ᐃᕌᔅᑕᔅ; ᒫᑲ ᐎᓚ ᑫᒋᐙᒃ ᐎᓕᐱᔉ ᑮ ᐃᑕᐤ ᐊᓐᑕ ᐁᔕᐃᒃ᙮

ᐊᐸᔅᑕᓚᒃ 19:29

ᒥᓯᐌ ᐃᑖᐎᓐ ᒫᑲ ᑮ ᓵᑲᔅᑭᓀᐤ ᑭᔑᐌᓕᑕᒧᐎᓐ ᐅᒋ: ᐁ ᑮ ᒫᑯᓈᒋᒃ ᒫᑲ ᑳᐃᐊᓴ ᓀᔥᑕ ᐊᕆᔅᑖᕐᑲᓴ, ᐃᓕᓕᐗ ᒫᓯᑐᓂᐊᐃᒃ ᐅᒋ, ᐹᓪ ᐅ ᐎᒉᐙᑲᓇ, ᐁ ᐸᐹᒧᑌᑦ, ᑮ ᒫᒪᐎ ᐱᑐᑫᐸᓂᐅᐙᒃ ᐊᓐᑕ ᒣᑕᐌᐎᑲᒥᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:11

ᓇᒪᐎᓚ ᐅᒪ ᐱᑯ ᓀᔥᑕ, ᒫᑲ ᑭ ᓯᑭᓓᓯᓈᓇᐤ ᑭᒋᒪᓂᑐᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᐊᓇ ᐊᓄᒡ ᑳ ᐅᒋ ᒥᓕᑲᐎᔭᒃ ᐙᑯᑕᐃᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:3

ᓇᒪᐎᓚ ᓀᔥᑕ ᐅᒪ ᐱᑯ, ᒫᑲ ᑭ ᒥᓚᐙᓈᓇᐤ ᓀᔥᑕ ᐊᓕᒥᓯᐎᓂᒃ; ᐁ ᑭᔅᑫᓕᑕᒪᒃ ᐊᓕᒥᓯᐎᓐ ᐁ ᐃᔅᐸᓕᒃ ᔑᐱᓚᐌᓯᐎᓂᒃ;

ᓂᔓ ᑯᕆᓐᑎᐊᓇ 4:15

ᐌᓴ ᒥᓯᐌ ᑫᒀᓇ ᑭᓚᐗᐤ ᐅᒋ ᐃᑭᓋ, ᐊᓂᒪ ᐁ ᒥᒉᑎᒃ ᔕᐌᓕᒋᑫᐎᓐ, ᐅ ᓇᓈᔅᑯᒧᐎᓂᐗᐤ ᐁ ᒥᒉᑎᒋᒃ ᐅᒋ, ᑭᒋ ᐃᔅᐸᓕᓕᒃ ᑭᒋ ᐅᒋ ᑭᔅᑌᓕᑖᑯᐋᑲᓂᐎᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 8:11

ᐁᑯᔑ ᒫᑲ ᐁᑯ ᑎᐱᑐᑕᒧᒃ ᐊᓂᒪ ᑳ ᐎ ᑐᑕᒣᒃ; ᑳ ᑮ ᐃᔑ ᓂᑳᓀᓕᒧᔦᒃ, ᐁᑯ ᑖᐱᔅᑯᒡ ᓀᔥᑕ ᑭᒋ ᑎᐱᑐᒋᑳᑌᒃ ᐊᓂᒪ ᐅᒋ ᑳ ᐋᔮᔦᒃ᙮

ᓂᔓ ᑯᕆᓐᑎᐊᓇ 8:12

ᐌᓴ ᑮᔥᐱᓐ ᓃᔥᑕᒻ ᐁᑕᑾᑭ ᓇᐁᓕᑕᒧᐎ ᒥᑐᓀᓕᒋᑲᓐ, ᐅᑎᓂᑳᑌᓕᐤ ᐁ ᐃᔅᐱᒋ ᐋᔮᑦ ᐊᐌᓇ ᐃᓕᓕᐤ, ᓇᒪ ᒫᑲ ᐁᑳ ᑳ ᐃᔑ ᐋᔮᑦ᙮

ᓂᔓ ᑯᕆᓐᑎᐊᓇ 8:20

ᐅᒪ ᐁ ᒥᔮᔥᑲᒫᒃ, ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐊᑖᒥᒥᔭᒥᑦ ᐅᒪ ᐌᓗᑎᓯᐎᓐ ᐅᒋ ᑳ ᒫᑎᓇᒫᑫᔮᒃ:

ᓂᔓ ᑯᕆᓐᑎᐊᓇ 9:2

ᐌᓴ ᓂ ᑭᔅᑫᓕᑌᓐ ᐁ ᐃᔑ ᓂᑳᒪᔅᑌᒃ ᑭ ᒥᑐᓀᓕᒋᑲᓂᐗᐤ, ᑳ ᐅᒋ ᒫᒪᑖᑯᒥᑕᑾᒃ ᐁ ᑎᐹᒋᒧᔅᑕᐗᑭᒃ ᐊᓂᑭ ᑳ ᐃᑖᒋᒃ ᒫᓯᑐᓂᔭᐃᒃ, ᐊᑳᔭ ᐁ ᑮ ᐋᔦᔅᑲᐎᓯᒪᑲᒃ ᐱᐴᓄᒃ; ᓀᔥᑕ ᑭ ᓱᑫᓕᑕᒧᐎᓂᐗᐤ ᓈᔅᐱᒡ ᒥᒉᑦ ᑮ ᔑᑭᐃᑯᐗᒃ᙮

ᓂᔓ ᑯᕆᓐᑎᐊᓇ 9:8

ᑭᒋᒪᓂᑐ ᓀᔥᑕ ᑲᔥᑭᑕᐤ ᑭᒋ ᐃᔑ ᐌᓗᒋᐸᓕᐃᑯᔦᒃ ᒥᓯᐌ ᔕᐌᓕᒋᑫᐎᓐ; ᑭᓚᐗᐤ ᐁ ᐃᔅᐸᓕᐃᑯᔦᒃ ᒥᓯᐌ ᑫᒀᓇ, ᑭᒋ ᐌᓗᒋᑐᑕᒣᒃ ᒥᓯᐌ ᒥᓗ ᐊᑑᔅᑫᐎᓐ: