ᓂᔓ ᑯᕆᓐᑎᐊᓇ 7:7 - ᐅᔅᑭ ᑎᔅᑌᒥᓐᑦ

⁷ ᓇᒪ ᓀᔥᑕ ᐱᑯ ᐁ ᐯᒋ ᑕᑯᔑᒃ, ᒫᑲ ᐊᓂᒪ ᑳᑮᒋᐃᑯᓯᐎᓐ ᑳ ᑮ ᐃᔑ ᑳᑭᒋᐎᑖᒃ, ᐃᔅᐱ ᑳ ᐎᑕᒪᐎᔭᒥᑦ ᑭ ᑫᒋᓈᔦᓕᑕᒧᐎᓂᐗᐤ, ᑭ ᓇᓀᑳᒋᒧᐎᓂᐗᐤ, ᐁ ᐃᔑ ᓋᔅᐱᒡ ᓵᑭᐃᔦᒃ; ᑳ ᑮ ᐅᒋ ᐊᐙᓯᑌ ᒧᒋᑫᓕᑕᒫᓐ᙮

ᓂᔓ ᑯᕆᓐᑎᐊᓇ 7:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:75

ᐱᑕᕐ ᒫᑲ ᑮ ᑭᔅᑭᓯᐤ ᑳ ᑮ ᐃᑗᓕᒋ ᒋᓴᓴ, ᐁ ᑮ ᐃᑎᑯᑦ, ᐸᒧᔑ ᓄᑖᑯᓯᑦ ᓈᐯ ᐹᑲᐋᒀᓐ, ᓂᔅᑡᐤ ᑭ ᑳ ᐋᓉᑌᓐ ᐁ ᑭᔅᑫᓕᒥᔭᓐ᙮ ᑮ ᐗᓚᐎᐤ ᒫᑲ, ᓱᑲ ᒫᑲ ᑮ ᒫᑐ᙮

ᐅᐸᓓᑭᔅ ᒫᑎᐤ 5:4

ᔕᐌᓕᑖᑯᓯᐗᒃ ᑳ ᓇᓀᑳᒋᒧᒋᒃ; ᐌᓴ ᑲᑕ ᒥᓜᓕᒧᐋᑲᓂᐎᐗᒃ᙮

ᐅᐸᓓᑭᔅ ᓘᒃ 22:44

ᓈᔅᐱᒡ ᒫᑲ ᐁ ᒥᔕᒣᓕᑕᒃ ᐊᐙᓯᑌ ᓱᑲ ᑮ ᐋᔭᒥᐋᐤ: ᐅᑦ ᐋᐺᓯᐎᓐ ᒫᑲ ᑮ ᐃᔑᓈᑾᓂᓕᐤ ᑖᐱᔅᑯᒡ ᒥᑯ ᐁ ᒥᔑᐸᑭᑲᐗᒃ ᐊᔅᑮᒃ᙮

ᐊᐸᔅᑕᓚᒃ 11:23

ᐊᓇ, ᐃᔅᐱ ᑳ ᑕᑯᔑᒃ, ᓀᔥᑕ ᑳ ᑮ ᐙᐸᑕᒸᑦ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ, ᑮ ᓯᑭᓓᓯᐤ, ᓀᔥᑕ ᑮ ᑲᑫᔅᑭᒣᐤ ᒥᓯᐌ, ᐅᑌᐃᓕᒃ ᐅᒋ ᑭᒋ ᒥᒋᒥᓈᓕᒋ ᐅᑎᐯᓕᒋᑫᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:12

ᐁᐗᑯ, ᑭᒋ ᐃᔑ ᒫᒪᐎ ᒥᓜᓕᒧᐃᑯᔭᒃ ᐁ ᐃᔑ ᑖᐱᔅᑯᒡ ᑖᐺᔦᓕᑕᒪᒃ ᑭᓚᐗᐤ ᓀᔥᑕ ᓂᓚ᙮

ᓂᔥᑕᒻ ᑯᕆᓐᑎᐊᓇ 5:2

ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮

ᓂᔓ ᑯᕆᓐᑎᐊᓇ 1:14

ᑖᐱᔅᑯᒡ ᓀᔥᑕ ᐸᔅᑭ ᑳ ᑮ ᐃᑖᒋᒥᔦᒃ, ᓂᓚᓈᓐ ᐁ ᐅ ᒧᒋᑫᓕᑕᒧᐎᓂᔦᒃ, ᒬᒋ ᑖᐱᔅᑯᒡ ᑭᓚᐗᐤ ᐁ ᐅ ᒧᒋᑫᓕᑕᒧᐎᓂᔮᒃ ᐅ ᑭᔑᑳᒥᒃ ᐅᑎᐯᓕᒋᑫᐤ ᒋᓴᔅ᙮

ᓂᔓ ᑯᕆᓐᑎᐊᓇ 1:4

ᑳ ᑲᑭᒋᐃᑕᒃ ᒥᓯᐌ ᓂᑦ ᐊᓕᒥᓯᐎᓂᓈᒃ, ᑭᒋ ᑲᔥᑭᑖᔮᒃ ᑭᒋ ᑲᑭᒋᐊᑭᒋᒃ ᐊᓂᑭ ᓈᓐᑕᐤ ᑳ ᐋᓕᒥᓯᒋᒃ, ᐊᓂᒪ ᑲᑮᒋᐃᐌᐎᓐ ᐅᒋ ᓂᓚᓈᓐ ᑫᒋᐙᒃ ᑳ ᐃᔑ ᑲᑭᒋᐃᔭᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 2:9

ᐌᓴ ᐅᒪ ᐅᒋ ᓀᔥᑕ ᑭ ᑮ ᒪᓯᓇᐊᒫᑎᓇᐗᐤ, ᑭᒋ ᑭᔅᑫᓕᒥᑕᑾᒃ ᑮᔅᐱᓐ ᓀᓇᐃᑕᒧᐌᑴ ᒥᓯᐌ ᐃᔑ᙮

ᓂᔓ ᑯᕆᓐᑎᐊᓇ 5:2

ᐌᓴ ᐅᒪ ᐅᒋ ᑭ ᒪᒫᐱᓈᓇᐤ, ᓈᔅᐱᒡ ᐁ ᓇᑕᐌᓕᑕᒪᒃ ᑭᒋ ᐳᔅᑎᔥᑲᒧᑎᓕᑲᐎᔭᒃ ᐊᓂᒪ ᑭ ᐙᔅᑳᔨᑲᓂᒥᓇᐤ ᑭᒋᑭᔑᑯᒃ ᑳ ᐅᒋᐸᓕᒃ:

ᓂᔓ ᑯᕆᓐᑎᐊᓇ 7:6

ᐁᓕᐌᒃ ᒫᑲ, ᑭᒋᒪᓂᑐ, ᑳ ᑳᑭᒋᐋᑦ ᐊᓂᐃ ᑳ ᒥᔕᒣᓕᑕᒥᓕᒋ, ᓂ ᑮ ᑳᑭᒋᐃᑯᓈᓐ ᐁ ᐯᒋ ᑕᑯᔑᒃ ᑕᐃᑕᔅ;

ᓂᔓ ᑯᕆᓐᑎᐊᓇ 7:8

ᐌᓴ ᐋᑕ ᐁ ᑮ ᒥᒋᓚᐌᓯᐃᑕᑾᒃ ᐁ ᑮ ᒪᓯᓇᐊᒫᑕᑾᒃ, ᓇᒪᐎᓚ ᓂ ᒥᑖᑌᓐ, ᐋᑕ ᐁ ᑮ ᒥᑖᑕᒫᓐ: ᐌᓴ ᓂ ᐙᐸᑌᓐ ᐊᓂᒪ ᒪᓯᓇᐊᒫᑫᐎᓐ ᐁ ᑮ ᒥᒋᓚᐌᓯᐃᑯᔦᒃ, ᐊᒋᓚᐤ ᒫᑲ ᐱᑯ᙮

ᓂᔓ ᑯᕆᓐᑎᐊᓇ 8:16

ᒫᑲ ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ, ᑳ ᑮ ᐃᑕᔅᑖᑦ ᐅᑌᐃᒃ ᑕᐃᑕᐧᔅ ᓈᔅᐱᒡ ᑭᒋ ᐃᑌᓕᒥᑖᒃ᙮

ᐱᓕᐱᔭᓇ 1:20

ᑖᐱᔅᑯᒡ ᓈᔅᐱᒡ ᑳ ᐃᔑ ᐃᑌᓕᑕᒫᓐ, ᓀᔥᑕ ᑳ ᐊᔅᐯᓕᒧᔮᓐ, ᐁᑳ ᑫᒀᓐ ᑭᒋ ᐅᒋ ᓇᓀᐯᐎᓯᔮᓐ, ᒫᑲ ᒥᓯᐌ ᓱᑭᑌᐁᐎᓂᒃ, ᑖᐱᔅᑯᒡ ᒧᔕᒃ, ᐁᑯ ᓀᔥᑕ ᙭ ᑫ ᒫᒪᑖᑯᒫᑲᓂᐎᑦ ᓂᔭᐎᒃ, ᑮᔥᐱᓐ ᐯᒫᑎᓯᐙᓀ ᓀᔥᑕᐱᑯ ᓀᐱᐙᓀ᙮

ᑯᓚᔑᔭᓇ 2:5

ᐌᓴ ᐋᑕ ᐁ ᐃᑖᐱᒋᔮᓐ ᐎᔮᓯᒃ, ᐁᓕᐌᒃ ᒫᑲ ᑭ ᐎᒉᐎᑎᓇᐗᐤ ᐊᒑᑯᒃ, ᐁ ᒥᓚᐙᑕᒫᓐ ᓀᔥᑕ ᐁ ᑲᓇᐙᐸᑕᒫᓐ ᐁ ᒀᔭᔉ ᐋᔨᑎᔦᒃ, ᓀᔥᑕ ᐁ ᐋᔨᒋ ᑖᐺᔦᓕᒣᒃ ᙭᙮

ᓂᔥᑕᒻ ᑌᓴᓗᓂᔭᓇ 3:6

ᒫᑲ ᐁᑯ ᐃᔅᐱ ᑳ ᐯᒋ ᑖᑯᔑᒃ ᑎᒧᑎ ᑭᓚᐗᐤ ᐅᒋ, ᓀᔥᑕ ᐁ ᑮ ᒥᓗ ᐋᓕᒧᑕᒪᐎᔭᒥᑦ ᑭ ᑖᐺᔦᓕᑕᒧᐎᓂᐗᐤ ᓀᔥᑕ ᑭ ᓵᑭᐃᐌᐎᓂᐗᐤ, ᓀᔥᑕ ᒧᔕᒃ ᐁ ᒥᓗ ᑭᔅᑭᓯᑐᑕᐎᔭᒥᑦ, ᓈᔅᐱᒡ ᐁ ᐎ ᐙᐸᒥᔭᒥᑦ, ᑖᐱᔅᑯᒡ ᓂᓚᓈᓐ ᓀᔥᑕ ᑭᒋ ᐙᐸᒥᑖᒃ;

ᓂᔥᑕᒻ ᑌᓴᓗᓂᔭᓇ 3:8

ᐌᓴ ᐊᓄᒡ ᓂ ᐱᒫᑎᓯᓈᓐ, ᑮᔥᐱᓐ ᐋᔨᑭᑳᐸᐎᔅᑕᐌᑴ ᐅᑎᐯᓕᒋᑫᐤ᙮

ᐦᐃᑉᕉᐗ 2:1

ᐁᐗᑯ ᒫᑲ ᐅᒋ, ᐊᐙᓯᑌ ᑭ ᑳ ᓈᑲᑕᐌᓕᑌᑖᓇᐤ ᐊᓂᐃ ᑫᒀᓇ ᑳ ᑮ ᐯᑕᒪᒃ, ᐁᑳ ᐎᔅᑳᑦ ᑭᒋ ᔓᔥᑯᓇᒪᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:17

ᐃᓛᐃᒐ ᑮ ᐃᓕᓕᐎᐤ ᑖᐱᔅᑯᒡ ᑭᓚᓈᓇᐤ ᐁ ᑮ ᐃᑕᒪᒋᐅᑦ, ᐁᓕᑯᒃ ᒫᑲ ᑮ ᐋᔭᒥᐋᐤ ᐁᑳ ᑭᒋ ᑭᒥᐗᒃ: ᓇᒪᐎᓚ ᒫᑲ ᑮ ᑭᒥᐗᐤ ᐃᔥᐱᔥ ᓂᔅᑐ ᐱᐴᓋ ᓀᔥᑕ ᓂᑯᑣᔅ ᐱᓯᒶ᙮

ᓂᔓ ᒑᓐ 1:4

ᓈᔅᐱᒡ ᓂ ᑮ ᒥᓚᐙᑌᓐ ᐁ ᑮ ᒥᔅᑲᐗᑭᒃ ᑭᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ, ᑳ ᑮ ᐃᑕᔓᐙᑎᑕᒃ ᐅᑖᐎᒪᐤ᙮

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮