ᓂᔓ ᑯᕆᓐᑎᐊᓇ 7:13 - ᐅᔅᑭ ᑎᔅᑌᒥᓐᑦ

¹³ ᐁᐗᑯ ᐅᒋ ᓂ ᑮ ᑲᑭᒋᐃᑲᐎᓈᓐ ᑭᓚᐗᐤ ᐁ ᑮ ᑲᑭᒋᐃᑲᐎᔦᒃ: ᐁᐁ, ᓈᔅᐱᒡ ᐊᐙᓯᑌ ᓀᔥᑕ ᓂ ᑮ ᒧᒋᑫᓕᑌᓐ ᐁ ᑮ ᒧᒋᑫᓕᑕᒃ ᑕᐃᑕᔅ, ᐌᓴ ᒥᓯᐌ ᐁ ᐃᑕᔑᔦᒃ ᑭ ᑮ ᒥᓜᓕᑕᒥᐃᒪᐗᐗ ᐅᑦ ᐊᒑᑾ᙮

ᓂᔓ ᑯᕆᓐᑎᐊᓇ 7:13 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:15

ᐎᒋᒥᓚᐙᑕᒧᒥᑯᒃ ᐊᓂᑭ ᑳ ᒥᓚᐙᑕᑭᒃ, ᓀᔥᑕ ᐎᒋᒫᑐᒥᑯᒃ ᐊᓂᑭ ᑳ ᒫᑐᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:32

ᑭᒋ ᐯᒋ ᓈᑎᑕᑾᒃ ᒥᓕᐙᑕᒧᐎᓂᒃ ᐁ ᐃᑌᓕᑕᒃ ᑭᒋᒪᓂᑐ, ᑭᒋ ᒥᓜᓕᒧᐃᑳᐎᔮᓐ ᐊᓯᒋ ᑭᓚᐗᐤ᙮

ᓂᔥᑕᒻ ᑯᕆᓐᑎᐊᓇ 12:26

ᑮᔥᐱᓐ ᒫᑲ ᐯᔭᒃ ᐸᔅᑫᓯᐎᓐ ᐎᓴᑫᓕᑕᒧᒪᑲᒃ, ᒥᓯᐌ ᑯᑕᑭᔭ ᐸᔅᑫᓯᐎᓇ ᐊᓯᒋ ᐎᓴᑫᓕᑕᒧᒪᑲᓋ; ᓀᔥᑕᐱᑯ ᐯᔭᒃ ᐸᔅᑫᓯᐎᓐ ᑭᔅᑌᓕᒋᑳᑌᒃ, ᒥᓯᐌ ᑯᑕᑭᔭ ᐸᔅᑫᓯᐎᓇ ᐊᓯᒋ ᒥᓚᐙᑕᒧᒪᑲᓋ᙮

ᓂᔥᑕᒻ ᑯᕆᓐᑎᐊᓇ 16:13

ᐊᔕᐙᐱᒃ, ᐋᔭᒋᑳᐸᐎᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᓈᐯᐗᒃ ᐎᐃᑎᒃ, ᒪᔥᑲᐎᓯᒃ᙮

ᓂᔥᑕᒻ ᑯᕆᓐᑎᐊᓇ 16:18

ᐌᓴ ᓂ ᑮ ᒥᓜᓕᑕᒥᐃᑾᒃ ᓂᑦ ᐊᒑᑯᒃ ᓀᔥᑕ ᑭᓚᐗᐤ: ᐁᐗᑯ ᐅᒋ ᐁᐗᒀᓂᑭ ᑐᐎ ᑭᔅᑫᓕᒥᑯᒃ᙮

ᓂᔓ ᑯᕆᓐᑎᐊᓇ 2:13

ᓇᒪᐎᓚ ᓂ ᑮ ᐋᔮᓐ ᐋᓜᓯᐎᓐ ᓂᑦ ᐊᒑᑯᒃ, ᐁᑳ ᐁ ᑮ ᒥᔅᑲᐗᒃ ᓂᒋᔖᓐ ᑕᐃᑕᔅ: ᒫᑲ, ᐁ ᐊᑎ ᓇᑲᑕᑭᒃ, ᐊᓐᑕ ᐁ ᐅᑐᑌᔮᓐ ᓂ ᑮ ᐃᑐᑖᓐ ᒫᓯᑐᓂᔭᐃᒃ᙮

ᓂᔓ ᑯᕆᓐᑎᐊᓇ 2:3

ᐁᐗᑯ ᓀᔥᑕ ᑳ ᑮ ᐃᑕᓯᓇᐊᒫᑕᑾᒃ, ᒫᔅᑯᒡ ᒥᔅᑲᐤ ᐃᔅᐱ ᐯᒋ ᑕᑯᔑᓂᔮᓐ ᓂ ᑳ ᒥᒋᓚᐌᓯᑖᔾ ᐊᓂᑭ ᑫ ᐅᒋ ᒧᒋᑫᓕᑕᒫᐸᓐ; ᐁ ᑫᒋᓀᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᓂ ᒧᒋᑫᓕᑕᒧᐎᓐ ᑭᒋ ᐅ ᒧᒋᑫᓕᑕᒧᐎᓂᔦᒃ ᒥᓯᐌ ᐁ ᐃᑕᔑᔦᒃ᙮

ᓂᔓ ᑯᕆᓐᑎᐊᓇ 7:14

ᐌᓴ ᑮᔥᐱᓐ ᑮ ᒫᒪᑖᑯᒧᔅᑕᐗᒃ ᑫᒀᓐ ᑭᓚᐗᐤ ᐅᒋ, ᓇᒪᐎᓚ ᓂ ᓇᓀᐯᐎᓰᓐ; ᒫᑲ ᑳ ᑮ ᐃᔑ ᐃᑕᒫᑕᑾᒃ ᒥᓯᐌ ᑫᒀᓇ ᑖᐺᐎᓂᒃ, ᐁᑯ ᑖᐱᔅᑯᒡ ᓂ ᒫᒪᑖᑯᒧᐎᓂᓈᓐ ᑳ ᑮ ᐃᔑ ᒫᒪᑖᑯᒧᔅᑕᐗᒃ ᑕᐃᑕᔅ, ᒥᔅᑭᑳᑌᐤ ᐁ ᑖᐺᐎᓂᐗᒃ:

ᓂᔓ ᑯᕆᓐᑎᐊᓇ 7:15

ᓀᔥᑕ ᐋᒋᐱᑯ ᑭ ᓵᑭᐃᑯᐗᐤ, ᒣᒀᒡ, ᐁ ᑭᔅᑭᓯᑦ ᒥᓯᐌ ᑭ ᓇᓇᐃᑕᒧᐎᓂᐗᐤ, ᐁ ᑮ ᐃᔅᐱᒋ ᓭᑭᓯᔦᒃ ᓀᔥᑕ ᓇᓂᑭᐸᓕᔦᒃ ᐃᔅᐱ ᐌᑎᓂᔦᒃ᙮

ᓂᔓ ᑯᕆᓐᑎᐊᓇ 7:6

ᐁᓕᐌᒃ ᒫᑲ, ᑭᒋᒪᓂᑐ, ᑳ ᑳᑭᒋᐋᑦ ᐊᓂᐃ ᑳ ᒥᔕᒣᓕᑕᒥᓕᒋ, ᓂ ᑮ ᑳᑭᒋᐃᑯᓈᓐ ᐁ ᐯᒋ ᑕᑯᔑᒃ ᑕᐃᑕᔅ;

ᐱᓕᐱᔭᓇ 2:28

ᐁᐗᑯ ᒫᑲ ᐅᒋ ᐊᐙᓯᑌ ᐯᑳᒡ ᓂ ᑮ ᐃᑎᔕᐗᐤ, ᐃᔅᐱ ᒥᓇ ᐙᐸᒣᑴ, ᑭᒋ ᒧᒋᑫᓕᑕᒣᒃ, ᓂᓚ ᓀᔥᑕ ᓄᑕᐤ ᐃᓕᑯᒃ ᑭᒋ ᒥᔕᒣᓕᑕᒫᓐ᙮

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᐹᐃᓕᒪᓐ 1:20

ᐁᐁ, ᓂᒋᔖᓐ, ᐁᑯᔑ ᑭ ᑳ ᒥᓚᐙᑎᑎᓐ ᐅᑎᐯᓕᒋᑫᒃ: ᑳᑭᒋᑖ ᓂ ᐱᒋᓚᐤ ᐅᑎᐯᓕᒋᑫᒃ᙮

ᐹᐃᓕᒪᓐ 1:7

ᐌᓴ ᓂᑦ ᐋᔮᓈᓐ ᒥᔅᑕᐃ ᒥᓚᐙᑕᒧᐎᓐ ᓀᔥᑕ ᑳᑭᒋᐃᑯᓯᐎᓐ ᑭ ᓵᑭᐃᐌᐎᓂᒃ, ᐌᓴ ᐅᑌᐃᐙᐗ ᐅᐸᓓᑭᓴᒃ ᒥᓜᓕᑕᒧᒪᑲᓂᓕᐗ ᑭᓚ ᐅᒋ, ᓂᒋᔖᓐ᙮

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ: