ᓂᔓ ᑯᕆᓐᑎᐊᓇ 7:11 - ᐅᔅᑭ ᑎᔅᑌᒥᓐᑦ

¹¹ ᐌᓴ ᒫᑎᑲ, ᐅᒪ ᑫᒀᓐ, ᐁ ᑮ ᒪᓂᑐᐎ ᒥᒋᓚᐌᓯᔦᒃ, ᑖᓂ ᑳ ᑮ ᐃᔑ ᔮᒀᒥᓯᐃᑯᔦᒃ, ᐁᐁ, ᑖᓂ ᑳ ᑮ ᐃᔑ ᒫᒥᓄᒥᑎᓱᔦᒃ, ᐁᐁ, ᑖᓂ ᑳ ᑮ ᐃᔑ ᐋᑯᓚᐌᓱᔦᒃ, ᐁᐁ, ᑖᓂ ᑳ ᑮ ᐃᔑ ᑯᔅᑖᒋᔦᒃ, ᐁᐁ, ᑖᓂ ᑳ ᑮ ᐃᔑ ᒪᔥᑲᐌᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᓱᑫᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᐋᔅᑯᒋᐃᐌᔦᒃ! ᒥᓯᐌ ᑫᒀᓇ ᑭ ᑮ ᐙᐸᑎᓕᐙᓇᐗᐤ ᐁᑳ ᐁ ᒪᒉᓕᑖᑯᓯᔦᒃ ᐅᒪ ᐅᒋ᙮

ᓂᔓ ᑯᕆᓐᑎᐊᓇ 7:11 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 3:5

ᐃᔅᐱ ᒫᑲ ᐙᔅᑳ ᑳ ᑮ ᑲᓇᐙᐸᒫᑦ ᐁ ᑭᓯᐙᓯᑦ, ᐁ ᒥᒋᓚᐌᓯᑦ ᐁ ᐃᔅᐱᒋ ᒪᔥᑲᐎᑌᐁᓕᒋ, ᐃᑌᐤ ᐊᓂᐃ ᐃᓕᓕᐗ, ᔓᐎᓂᔅᑫᓕ᙮ ᑮ ᔓᐎᓂᔅᑫᓕᐤ ᒫᑲ: ᓀᔥᑕ ᐅᒋᒋ ᑮ ᒥᓇᐙᒋᑖᓂᐗᓂᓕᐤ ᑖᐱᔅᑯᒡ ᑯᑕᑭᓕᐤ᙮

ᐅᐸᓓᑭᔅ ᒑᓐ 2:17

ᐅ ᑭᔅᑭᓄᐊᒪᐙᑲᓇ ᒫᑲ ᑮ ᑭᔅᑭᓯᓕᐗ ᐁ ᐃᑕᓯᓇᐃᑳᑌᓕᒃ, ᐁ ᐃᔅᐱᑌᓕᑕᒫᓐ ᑭ ᐙᔅᑳᔨᑲᓂᒻ ᓂ ᑮ ᑭᑖᒧᑯᓐ᙮

ᐊᐸᔅᑕᓚᒃ 17:16

ᒣᒀᒡ ᒫᑲ ᐹᓪ ᑳ ᐯᐋᑦ ᐊᓐᑕ ᐊᑎᓐᓯᒃ, ᑮ ᒥᑯᔅᑲᑌᓕᑕᒻ ᐅᑦ ᐊᒑᑯᒃ, ᐃᔅᐱ ᐎᐋᐸᑕᒃ ᐃᑖᐎᓂᓕᐤ ᒥᑐᓂ ᐱᔑᔑᒃ ᒫᓂᑐᑳᓇᒃ ᐁ ᓇᐗᑭᔅᑖᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:20

ᐁᐁ; ᐗᓉᔦᓕᑕᒧᐎᓐ ᑮ ᐅᒋ ᓈᑣᐸᓕᑖᓂᐗᓋ; ᑭᓚ ᒫᑲ ᑖᐺᔦᓕᑕᒧᐎᓐ ᑭᑦ ᐅᒋ ᓂᐸᐎᓐ᙮ ᐁᑳᐎᓚ ᐎ ᑭᔅᑌᓕᒥᑎᓱ, ᒫᑲ ᓇᓂᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:18

ᐌᓴ ᐊᓇ ᐅᐅ ᑫᒀᓇ ᑳ ᐅᒋ ᐊᑑᔅᑲᐙᑦ ᙭ᑕ, ᒥᓜᓕᒥᑯ ᑭᒋᒪᓂᑐᐗ, ᓀᔥᑕ ᓇᐁᓕᒥᑯ ᐃᓕᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:5

ᒫᑲ ᑮᔥᐱᓐ ᑭ ᒪᒑᑎᓯᐎᓂᓇᐤ ᐅᒋ ᑭᔅᑕᑭᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ, ᑫᒀᓐ ᑫ ᐃᑗᔨᒃ? ᒪᒑᑎᓯᐤ ᑭᒋᒪᓂᑐ ᑳ ᐊᔅᑯᒋᐃᐌᑦ? (ᐃᓕᓕᒃ ᓂᑦ ᐃᔑ ᐋᔭᒥᓐ)

ᓂᔥᑕᒻ ᑯᕆᓐᑎᐊᓇ 12:25

ᐁᑳᐎᓚ ᑭᒋ ᐃᑕᑾᒃ ᐹᑳᓂᐃᓱᐎᓐ ᒥᔭᐎᒃ; ᒫᑲ ᐸᔅᑫᓯᐎᓇ ᑖᐱᔅᑯᒡ ᑭᒋ ᐃᔑ ᑲᓇᐌᓕᒥᑐᒪᑲᑭ᙮

ᓂᔥᑕᒻ ᑯᕆᓐᑎᐊᓇ 5:13

ᒫᑲ ᐊᓂᐃ ᐗᓚᐎᑎᒥᒃ ᑳ ᐃᑖᓕᒋ ᑭᒋᒪᓇᑐ ᑎᐹᔅᑯᓀᐤ᙮ ᐁᐗᑯ ᐅᒋ ᐃᑲᑌᓂᐤ ᐃᑕ ᐅᒋ ᐁ ᐃᑖᔦᒃ ᐊᓇ ᒪᒑᑎᓯᐎ ᐃᓕᓕᐤ᙮

ᓂᔥᑕᒻ ᑯᕆᓐᑎᐊᓇ 5:2

ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮

ᓂᔓ ᑯᕆᓐᑎᐊᓇ 13:7

ᓂᑦ ᐋᔭᒥᐁᔅᑕᐗᐤ ᒫᑲ ᑭᒋᒪᓂᑐ ᐁᑳ ᑭᒋ ᑐᑕᒣᒃ ᑳ ᒫᓛᑕᒃ; ᓇᒪᐎᓚ ᓂᓚᓈᓐ ᑭᒋ ᐃᔑᓈᑯᓯᔮᒃ ᐁ ᓇᐁᓕᑖᑯᓯᔮᒃ, ᒫᑲ ᑭᓚᐗᐤ ᑭᒋ ᑐᑕᒣᒃ ᐊᓂᒪ ᑳ ᒀᔭᔅᑭᑌᓕᑖᑾᒃ, ᐋᑕ ᓂᓚᓈᓐ ᑖᐱᔅᑯᒡ ᐌᐱᓂᑲᓇᒃ ᐁ ᐃᑕᑭᒥᑲᐎᔮᒃ᙮

ᓂᔓ ᑯᕆᓐᑎᐊᓇ 2:6

ᐁᒀᓂ ᐋᑖᒣᓕᑕᒧᐎᓐ ᑭᒋ ᐋᔮᑦ ᐊᓇ ᐃᓕᓕᐤ, ᑳ ᑮ ᑐᑖᑯᑦ ᑳ ᒥᒉᑎᓕᒋ᙮

ᓂᔓ ᑯᕆᓐᑎᐊᓇ 6:4

ᒫᑲ ᒥᓯᐌ ᑫᒀᓇ ᐁ ᑐᑕᒫᒃ ᐁ ᐙᐸᑎᓕᐌᔮᒃ ᐁ ᐅᑦ ᐋᔭᒥᐋᐎ ᐊᑑᔅᑫᓛᑲᓂᔭᒥᒋᒃ, ᒥᔅᑕᐃ ᔑᐱᓚᐌᓯᐎᓂᒃ, ᑲᒀᑕᑭᓯᐎᓂᒃ, ᒪᓀᓯᐎᓂᒃ, ᓇᓀᑳᑌᓕᒧᐎᓂᒃ,

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 7:7

ᓇᒪ ᓀᔥᑕ ᐱᑯ ᐁ ᐯᒋ ᑕᑯᔑᒃ, ᒫᑲ ᐊᓂᒪ ᑳᑮᒋᐃᑯᓯᐎᓐ ᑳ ᑮ ᐃᔑ ᑳᑭᒋᐎᑖᒃ, ᐃᔅᐱ ᑳ ᐎᑕᒪᐎᔭᒥᑦ ᑭ ᑫᒋᓈᔦᓕᑕᒧᐎᓂᐗᐤ, ᑭ ᓇᓀᑳᒋᒧᐎᓂᐗᐤ, ᐁ ᐃᔑ ᓋᔅᐱᒡ ᓵᑭᐃᔦᒃ; ᑳ ᑮ ᐅᒋ ᐊᐙᓯᑌ ᒧᒋᑫᓕᑕᒫᓐ᙮

ᓂᔓ ᑯᕆᓐᑎᐊᓇ 7:9

ᐊᓄᒡ ᒫᑲ ᓂ ᒧᒋᑫᓕᑌᓐ, ᐁᑳ ᐁ ᑮ ᒥᒋᓚᐌᓯᐃᑲᐎᔦᒃ, ᒫᑲ ᐁ ᑮ ᒥᒋᓚᐌᓯᔦᒃ ᑴᔅᑳᑎᓯᐎᓂᒃ ᐃᔑ: ᐌᓴ ᑭ ᑮ ᒪᓂᑐᐎ ᒥᒋᓚᐌᓯᐃᑲᐎᓇᐗᐤ, ᐁᑳᐎᓚ ᑫᒀᓐ ᑭᒋ ᐗᓂᑖᔦᒃ ᓂᓚᓈᓐ ᐅᒋ᙮

ᓂᔓ ᑯᕆᓐᑎᐊᓇ 9:2

ᐌᓴ ᓂ ᑭᔅᑫᓕᑌᓐ ᐁ ᐃᔑ ᓂᑳᒪᔅᑌᒃ ᑭ ᒥᑐᓀᓕᒋᑲᓂᐗᐤ, ᑳ ᐅᒋ ᒫᒪᑖᑯᒥᑕᑾᒃ ᐁ ᑎᐹᒋᒧᔅᑕᐗᑭᒃ ᐊᓂᑭ ᑳ ᐃᑖᒋᒃ ᒫᓯᑐᓂᔭᐃᒃ, ᐊᑳᔭ ᐁ ᑮ ᐋᔦᔅᑲᐎᓯᒪᑲᒃ ᐱᐴᓄᒃ; ᓀᔥᑕ ᑭ ᓱᑫᓕᑕᒧᐎᓂᐗᐤ ᓈᔅᐱᒡ ᒥᒉᑦ ᑮ ᔑᑭᐃᑯᐗᒃ᙮

ᐃᐱᓯᔭᓇ 4:26

ᑭᓯᐙᓯᒃ, ᐁᑳ ᒫᑲ ᒪᒋᑐᑕᒧᒃ: ᐁᑳᐎᓚ ᑲᑕ ᐸᑭᔑᒧ ᑫᔮᐸᒡ ᐁ ᐋᑯᓚᐌᓯᔦᒃ:

ᐃᐱᓯᔭᓇ 5:11

ᐁᑳᐎᓚ ᒫᑲ ᐎᒉᐙᑲᓂᑕᒪᒃ ᐊᓂᐃ ᐁᑳ ᑳ ᒥᓂᔑᐗᑭ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᒫᑲ ᐊᐙᓯᑌ ᑭᑐᑕᒧᒃ᙮

ᐱᓕᐱᔭᓇ 2:12

ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:

ᓂᔥᑕᒻ ᑌᓴᓗᓂᔭᓇ 4:6

ᐁᑳᐎᓚ ᐊᐌᓇ ᐙᔦᔥ ᐁ ᑐᑕᒃ ᑭᒋ ᒪᒋᑐᑕᐙᑦ ᓀᔥᑕ ᐙᔦᔑᐋᑦ ᐎᒋᔖᓇ; ᐌᓴ ᐅᑎᐯᓕᒋᑫᐤ ᑲᑕ ᐋᔅᑯᒋᐁᐤ ᒥᓯᐌ ᐁᑯᑐᐎ, ᑖᐱᔅᑯᒡ ᐁ ᑮ ᐃᔑ ᓂᔮᑲᓇ ᐎᑕᒫᑖᒃ ᓀᔥᑕ ᐋᓕᒧᑕᒫᑖᒃ᙮

ᓂᔥᑕᒻ ᑎᒧᑎ 5:20

ᐊᓂᑭ ᑳ ᒪᒋᑐᑕᑭᒃ ᑭᑕᐊᒪᐎᒃ ᒥᓯᐌ ᐁ ᐙᐸᑕᑭᒃ, ᑯᑕᑭᔭᒃ ᓀᔥᑕ ᑭᒋ ᓭᑭᓯᒋᒃ᙮

ᓂᔓ ᑎᒧᑎ 2:15

ᐎ ᑲᑴ ᐙᐸᑎᓕᐌ ᐁ ᒥᓜᓕᒥᔉ ᑭᒋᒪᓂᑐ, ᐊᑑᔅᑫᐎᓕᓕᐤ ᐁᑳ ᑫ ᐎ ᓇᓀᐯᐎᓰᑦ, ᒀᔭᔉ ᐁ ᒫᑎᓇᒫᑫᔭᓐ ᑖᐺᐎᓂ ᐋᔭᒥᐎᓐ᙮

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 4:1

ᐁᑯᔑ ᒫᑲ ᑯᔅᐹᓀᓕᑖᑕᐤ, ᐋᑕ ᐁ ᑮ ᐊᔓᑕᒫᑲᐎᔭᒃ ᑭᒋ ᐱᑐᑫᐗᒃ ᐅᑦ ᐋᓜᓯᐎᓂᒃ ᐊᐌᓂᑳᓇᒃ ᐁ ᐃᑕᔑᔦᒃ ᑭᒋ ᓄᑌᔥᑲᑭᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᓂᔥᑕᒻ ᐱᑕᕐ 1:17

ᑮᔥᐱᓐ ᒫᑲ ᓈᓇᑕᒣᑴ ᐌᐅᑕᐎᒪᐎᑦ, ᐊᓇ ᐁᑳ ᐹᐱᑐᔥ ᑳ ᐃᑌᓕᒫᑦ ᐃᓕᓕᐗ ᑳ ᑎᐹᔅᑯᓇᒸᑦ ᐁ ᐃᔑᓈᑾᓂᓕᒃ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᒣᒀᒡ ᐅᑕ ᐁ ᑕᔑᑫᔦᒃ ᐱᒫᑎᓰᒃ ᓇᓂᒋᐎᓂᒃ:

ᓂᔥᑕᒻ ᐱᑕᕐ 2:2

ᑖᐱᔅᑯᒡ ᑳ ᐅᔥᑭ ᓂᑕᐎᑭᒋᒃ ᐊᐱᔅᑕᐙᔑᔕᒃ, ᓇᑕᐌᓕᑕᒧᒃ ᑖᐺ ᒍᒍᒋᒫᐳ ᐋᔭᒥᐎᓂᒃ ᑳ ᐅᒋᐸᓕᒃ, ᑭᒋ ᐅᒋ ᐅᐱᑭᔦᒃ;

ᒎᑦ 1:23

ᑯᑕᑭᔭᒃ ᒫᑲ ᓭᑭᓯᐎᓂᒃ ᐱᒫᒋᐃᑯᒃ ᐃᔥᑯᑌᒃ ᐁ ᐅᒋ ᐅᒋᐱᑌᑾᒃ; ᐁ ᐸᒀᑕᒣᒃ ᐊᐳᒋᑲ ᐎᓛᒋᑲᓐ ᐎᔮᔅ ᐁ ᐅᒋ ᒪᓯᓇᔅᑌᒃ᙮

ᑭᔅᑫᓕᑖᑯᑖᑫᐎᓐ 3:19

ᒥᓯᐌ ᑕᑐ ᑳ ᓵᑭᐊᑭᒃ, ᓂ ᑭᑕᐊᒪᐙᐗᒃ ᓀᔥᑕ ᓂ ᐸᐸᓴᔅᑕᐙᐗᒃ: ᒪᔥᑲᐌᓕᑕ ᒫᑲ ᓀᔥᑕ ᒥᒋᓚᐌᔦᓕᑕ᙮