ᓂᔓ ᑯᕆᓐᑎᐊᓇ 6:7 - ᐅᔅᑭ ᑎᔅᑌᒥᓐᑦ

⁷ ᑖᐺᐎᓂ ᐋᔭᒥᐎᓂᒃ, ᑭᒋᒪᓂᑐ ᐅ ᑲᔥᑭᐅᐎᓂᒃ, ᐁ ᑭᑭᔥᑲᒫᒃ ᓇᑐᐸᓕᐎ ᐋᐸᒋᑖᐎᓇ ᒀᔭᔅᑭᑖᑎᓱᐎᓂᒃ ᑳ ᐅᒋᐸᓕᑭ ᑭᒋᓂᔅᑮᒃ ᐃᑌᑫ ᓀᔥᑕ ᓇᒪᑎᓂᔅᑭᒃ ᐃᑌᑫ,

ᓂᔓ ᑯᕆᓐᑎᐊᓇ 6:7 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 16:20

ᐁᑯ ᒫᑲ ᑫᑐᑌᒋᒃ, ᒥᓯᐌ ᐃᑕ ᒫᑲ ᑮ ᑲᑫᔅᑭᒥᐌᐗᒃ, ᐁ ᐎᒋᐋᑑᔅᑫᒥᑯᒋᒃ ᐅᑎᒪᓕᒋᑫᐗ ᓀᔥᑕ ᐁ ᐋᔨᒋᑖᓕᒋ ᐋᔭᒥᐎᓂᓕᐤ ᐁ ᐊᓯᒋᐸᓕᑖᑦ ᑭᔅᑭᐙᐃᑫᐎ ᐙᐸᑎᓕᐌᐎᓇ᙮ ᐁᒣᓐ᙮

ᐊᐸᔅᑕᓚᒃ 11:21

ᐅᑎᐯᓕᒋᑫᐤ ᐅᒋᒋᓕᐤ ᒫᑲ ᑮ ᐎᒋᐃᑯᐗᒃ: ᓈᔅᐱᒡ ᒥᒉᑦ ᒫᑲ ᑮ ᑖᐺᑕᒶᒃ, ᓀᔥᑕ ᑮ ᑴᔅᑲᑎᓯᔅᑕᐌᐗᒃ ᐅᑎᐯᓕᒋᑫᐗ᙮

ᓂᔥᑕᒻ ᑯᕆᓐᑎᐊᓇ 1:24

ᒫᑲ ᐊᓂᑭ ᑳ ᓇᑐᒫᑲᓂᐎᒋᒃ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ, ᐁᐗᑯ ᑳ ᐃᑌᓕᑕᑭᒃ, ᙭ ᐅ ᑲᔥᑭᐅᐎᓐ ᑭᒋᒪᓂᑐ, ᓀᔥᑕ ᐅ ᑲᑫᑕᐌᓕᑕᒧᐎᓐ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 13:4

ᐌᓴ ᐋᑕ ᐁ ᑮ ᒋᔅᑖᔅᑾᐙᑲᓂᐎᑦ ᓕᓚᒥᓯᐎᓂᒃ ᐅᒋ, ᐁᓕᐌᒃ ᒫᑲ ᐱᒫᑎᓯᐤ ᐅ ᑲᔥᑭᐅᐎᓂᒃ ᐅᒋ ᑭᒋᒪᓂᑐ᙮ ᐌᓴ ᓂ ᐎᒋᓕᓚᒥᓯᒫᓈᓐ, ᒫᑲ ᓂ ᑳ ᐎᒋᐱᒫᑎᓯᒫᓈᓐ ᐅ ᑲᔥᑭᐅᐎᓂᒃ ᐅᒋ ᑭᒋᒫᓂᑐ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 7:14

ᐌᓴ ᑮᔥᐱᓐ ᑮ ᒫᒪᑖᑯᒧᔅᑕᐗᒃ ᑫᒀᓐ ᑭᓚᐗᐤ ᐅᒋ, ᓇᒪᐎᓚ ᓂ ᓇᓀᐯᐎᓰᓐ; ᒫᑲ ᑳ ᑮ ᐃᔑ ᐃᑕᒫᑕᑾᒃ ᒥᓯᐌ ᑫᒀᓇ ᑖᐺᐎᓂᒃ, ᐁᑯ ᑖᐱᔅᑯᒡ ᓂ ᒫᒪᑖᑯᒧᐎᓂᓈᓐ ᑳ ᑮ ᐃᔑ ᒫᒪᑖᑯᒧᔅᑕᐗᒃ ᑕᐃᑕᔅ, ᒥᔅᑭᑳᑌᐤ ᐁ ᑖᐺᐎᓂᐗᒃ:

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 3:20

ᐊᓇ ᑳ ᑲᔥᑭᑖᑦ ᑭᒋ ᑐᑕᒃ ᓈᔅᐱᒡ ᐊᐙᓯᑌ ᐃᔥᐱᔥ ᐁ ᓇᑐᑕᒫᔭᒃ, ᓀᔥᑕ ᐃᑌᓕᑕᒪᒃ, ᑖᐱᔅᑯᒡ ᐁ ᑐᑕᒧᒪᑲᒃ ᓱᑳᑎᓯᐎᓐ ᑳ ᐱᒋᔅᑳᑯᔮᒃ;

ᐃᐱᓯᔭᓇ 4:21

ᑮᔥᐱᓐ ᑳ ᐯᑕᐙᐌᑴ, ᓀᔥᑕ ᑳ ᑭᔅᑭᓄᐊᒫᑖᑾ, ᑳ ᐃᔑ ᐙᐸᑎᓕᐌᑦ ᑖᐺᐎᓂᓕᐤ ᒋᓴᔅ:

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᓂᔓ ᑎᒧᑎ 2:15

ᐎ ᑲᑴ ᐙᐸᑎᓕᐌ ᐁ ᒥᓜᓕᒥᔉ ᑭᒋᒪᓂᑐ, ᐊᑑᔅᑫᐎᓕᓕᐤ ᐁᑳ ᑫ ᐎ ᓇᓀᐯᐎᓰᑦ, ᒀᔭᔉ ᐁ ᒫᑎᓇᒫᑫᔭᓐ ᑖᐺᐎᓂ ᐋᔭᒥᐎᓐ᙮

ᓂᔓ ᑎᒧᑎ 4:7

ᓂ ᑮ ᓇᑎᓂᑳᓐ ᒥᓗ ᓄᑎᓂᑫᐎᓐ, ᓂ ᑮ ᑭᔑᑖᓐ ᓂ ᑲᑴᒋᔅᑲᔑᐌᐎᓐ, ᓂ ᑮ ᑲᓇᐌᓕᑌᓐ ᐊᓂᒪ ᑖᐺᔦᓕᑕᒧᐎᓐ:

ᐦᐃᑉᕉᐗ 2:4

ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮