ᓂᔓ ᑯᕆᓐᑎᐊᓇ 5:18 - ᐅᔅᑭ ᑎᔅᑌᒥᓐᑦ

¹⁸ ᓀᔥᑕ ᒥᓯᐌ ᑫᒀᓇ ᐃᑕᑾᓂᓕᐤ ᑭᒋᒪᓂᑐ ᐅᒋ, ᑳ ᑮ ᐅᑐᑌᒥᒥᑕᒃ ᒋᓴᔅ ᙭ ᐅᒋ, ᓀᔥᑕ ᑳ ᑮ ᒥᓕᑕᒃ ᐅᑐᑌᒥᐃᐌᐎ ᐊᑑᔅᑫᐎᓐ;

ᓂᔓ ᑯᕆᓐᑎᐊᓇ 5:18 ပူးပေါင်းရင်းမြစ်များ

ᐅᐸᓓᑭᔅ ᓘᒃ 10:5

ᐊᓂᒪ ᐱᑯ ᐙᔅᑳᔨᑲᓐ ᑫ ᐃᔑ ᐱᑐᑫᐌᑴ, ᓃᔥᑕᒻ ᐃᑗᒃ, ᑳᔮᒣᓕᑕᒧᐎᓐ ᑲᑕ ᐎ ᐃᑕᑾᓐ ᐅᑕ ᐙᔅᑳᔨᑲᓂᒃ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 3:27

ᒑᓐ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓇᒪᐎᓚ ᑫᒀᓕᐤ ᑲᑕ ᑮ ᐋᔭᐤ ᐃᓕᓕᐤ ᑮᔥᐱᓐ ᐁᑳ ᑭᒋᑭᔑᑯᒃ ᐅᒋ ᒥᓛᑲᓂᐎᑌ᙮

ᐊᐸᔅᑕᓚᒃ 10:36

ᐊᓂᒪ ᐋᔭᒥᐎᓐ ᑭᒋᒪᓂᑐ ᑳ ᑮ ᐃᔑᑎᔕᐊᒪᐙᑦ ᐃᔅᕃᐃᓪ ᐅᑦ ᐊᐙᔑᒥᔕ, ᐁ ᐙᐎᑕᒃ ᑳᔭᒣᓕᑕᒧᐎᓂᓕᐤ ᐎᓚ ᐅᒋ ᒋᓴᔅ ᙭; ᐊᓇ ᒥᓯᐌ ᑳ ᑎᐯᓕᒋᑫᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:36

ᐌᓴ ᐎᓚ ᐅᒋᐸᓕᐗ, ᓀᔥᑕ ᐎᓚ ᐅᒋ, ᓀᔥᑕ ᐎᓚ ᑭᒋ ᐋᔮᑦ, ᐃᑕᒀᓋ ᒥᓯᐌ ᑫᒀᓇ: ᑲᑕ ᐎ ᐋᔭᐤ ᒫᑲ ᑭᔅᑖᒋᒥᑯᓯᐎᓂᓕᐤ ᑳᑭᑫ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:1

ᐁᐗᑯ ᐅᒋ ᒫᑲ ᑖᐺᔦᓕᑕᒧᐎᓐ ᐁ ᑮ ᐅᒋ ᒀᔭᔅᑭᑖᑎᓯᐃᑲᐎᔭᒃ, ᑳᔮᒣᓕᑕᒧᐎᓐ ᑭᑦ ᐋᔮᓈᓇᐤ ᑭᒋᒪᓂᑐ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ:

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔥᑕᒻ ᑯᕆᓐᑎᐊᓇ 11:12

ᐌᓴ ᑖᐱᔅᑯᒡ ᐃᔅᑴᐤ ᓈᐯᒃ ᐁ ᐅᒌᑦ, ᐁᑯ ᑖᐱᔅᑯᒡ ᓀᔥᑕ ᓈᐯᐤ ᐁ ᐃᑖᑦ ᐃᔅᑴᐗ ᐅᒋ; ᒫᑲ ᒥᓯᐌ ᑫᒀᓇ ᑭᒋᒪᓂᑐ ᐅᒋ᙮

ᓂᔥᑕᒻ ᑯᕆᓐᑎᐊᓇ 12:6

ᐹᐱᑐᔥ ᓀᔥᑕ ᐁ ᐃᔑ ᐋᔨᑎᓈᓂᐗᒃ, ᒫᑲ ᐁᐗᒀᓇ ᑫᔮᐸᒡ ᑭᒋᒪᓂᑐ ᒥᓯᐌ ᓀᔥᑕ ᒥᓯᐌ ᑳ ᑐᑕᒫᑫᑦ᙮

ᓂᔥᑕᒻ ᑯᕆᓐᑎᐊᓇ 3:5

ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔥᑕᒻ ᑯᕆᓐᑎᐊᓇ 8:6

ᒫᑲ ᑭᓚᓈᓇᐤ ᐅᒋ ᐯᔭᑯ ᐱᑯ ᑭᒋᒪᓂᑐ, ᐊᓇ ᐌᐅᑖᐎᒫᐎᑦ, ᑳ ᐅᒋᐸᓕᑭ ᒥᓯᐌ ᑫᒀᓇ, ᓀᔥᑕ ᑭᓚᓈᓇᐤ ᐊᓇ ᑳ ᐅᒋ ᐃᑖᔭᒃ᙮

ᑯᓚᔑᔭᓇ 1:22

ᐁ ᐎᔭᐎᒪᑲᓂᓕᒃ ᐅ ᐎᔮᓯᒃ ᓂᐱᐎᓐ ᐅᒋ, ᐁ ᐸᓓᑭᓯᔦᒃ, ᓀᔥᑕ ᐁᑳ ᐁ ᐊᑖᒣᓕᑖᑯᓯᔦᒃ, ᓀᔥᑕ ᐁᑳ ᐁ ᑭᑐᑖᑯᓯᔦᒃ ᐁ ᑲᓇᐗᐸᒥᑖᒃ:

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:17

ᒥᓯᐌ ᑕᑐ ᒥᓗ ᒥᓕᐌᐎᓐ ᓀᔥᑕ ᑕᑐ ᒫᐗᒋ ᒥᓗ ᒥᓕᐌᐎᓐ ᐃᔥᐱᒥᒃ ᐅᒋᐸᓕᐤ ᐅᒋ ᓛᔑᐸᓕᐤ ᒫᑲ ᐊᓇ ᑳ ᐅᑖᐎᒥᑯᑦ ᐙᔅᑌᐎᓇ, ᐊᓇ ᒥᑐᓂ ᐁᑳ ᑳ ᑳᑭᐌᔦᓕᑕᒃ ᐁᑳ ᓀᔥᑕ ᒥᑐᓂ ᑳ ᑴᔅᑳᑎᓰᑦ᙮

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮