ᓂᔓ ᑯᕆᓐᑎᐊᓇ 5:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᐅ ᓵᑭᐃᐌᐎᓐ ᙭ ᓂ ᔑᑭᐃᑯᐙᓈᓐ; ᐌᓴ ᐅᒪ ᓂᑦ ᐃᔑ ᑎᐹᔅᑯᓀᓕᑌᓈᓐ, ᑮᔥᐱᓐ ᐯᔭᒃ ᐊᐌᓇ ᑮ ᓂᐳᔅᑕᒪᐙᑦ ᒥᓯᐌ, ᒥᓯᐌ ᐁᑯ ᑳ ᓂᐱᓕᒋ;

ᓂᔓ ᑯᕆᓐᑎᐊᓇ 5:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᓘᒃ 15:24

ᐌᓴ ᐊᐗ ᓂᑲᓯᔅ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᑮ ᐗᓂᐊᐤ, ᒥᔅᑲᐗᐤ ᒫᑲ᙮ ᐁᑯ ᒥᐋᒋ ᒧᒋᑫᓕᑕᑭᒃ᙮

ᐅᐸᓓᑭᔅ ᓘᒃ 15:32

ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮

ᐅᐸᓓᑭᔅ ᓘᒃ 24:29

ᑮ ᔖᑯᒋᒥᑯ ᒫᑲ, ᐁ ᐃᑗᓕᒋ, ᐎᒋᑕᔑᑫᒥᓈᓐ; ᐌᓴ ᐋᔕᔾ ᐊᑎ ᐅᑖᑯᔑᓐ, ᑭᔑᑲᐤ ᒫᑲ ᑫᑳᑦ ᐃᔥᒀᐸᓕᐤ᙮ ᐁᑯ ᐹᑐᑫᑦ ᑭᒋ ᐎᒋᑕᔑᑫᒫᑦ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 11:25

ᒋᓴᔅ ᑮ ᐃᑌᐤ, ᓂᓚ ᐁᐗᑯ ᐅᐗᓂᔥᑳᓂᐌᐤ, ᓀᔥᑕ ᑳ ᐋᐎᔮᓐ ᐱᒫᑎᓯᐎᓐ: ᐊᓇ ᑳ ᑖᐺᔦᓕᒥᑦ, ᐋᑕ ᐁ ᓂᐱᑦ, ᐁᓕᐌᒃ ᒫᑲ ᑲᑕ ᐱᒫᑎᓯᐤ:

ᐅᐸᓓᑭᔅ ᒑᓐ 5:25

ᑖᐺ, ᑖᐺ, ᑭᑦ ᐃᑎᓇᐗᐤ, ᐹᐸᓕᐤ ᑎᐹᔨᑲᓐ ᐱᓯᒧᑳᓂᒃ, ᐋᔕᔾ ᒫᑲ ᐊᓄᒡ, ᐃᔅᐱ ᐅᓂᐱᐗᒃ ᑫ ᐯᑕᒸᒋᒃ ᑭᒋᒪᓂᑐ ᐅᑯᓯᓴ ᐅ ᐯᑖᑯᓯᐎᓂᓕᐤ: ᓀᔥᑕ ᒫᑲ ᐊᓂᑭ ᑳ ᐯᑕᑭᒃ ᑲᑕ ᐱᒫᑎᓯᐗᒃ᙮

ᐊᐸᔅᑕᓚᒃ 18:5

ᐃᔅᐱ ᒫᑲ ᓵᐃᓚᔅ ᓀᔥᑕ ᑕᐃᒧᑎᐊᔅ ᑳ ᐯᒋ ᐅᑐᑌᒋᒃ ᒫᓯᑐᓂᐊᐃᒃ ᐅᒋ, ᐹᓪ ᑮ ᐋᑲᒣᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᑎᐸᒋᒧᔅᑕᐌᐤ ᐊᓂᐃ ᒎᐗ ᒋᓴᓴ ᐁ ᙭ᑎᐎᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:2

ᒫᑲ ᐎᓚ ᓂ ᑫᒋᓇᐅᓈᓐ ᐅ ᑎᐹᔅᑯᓂᑫᐎᓐ ᑭᒋᒪᓂᑐ ᐁ ᐃᔑ ᑖᐺᐎᓂᐗᓂᓕᒃ ᑭᒋ ᐃᔅᐸᓕᐃᑯᒋᒃ ᒥᓯᐌ ᕋᔅᓂᑭ ᑳ ᑐᑕᑭᒃ ᐅᐅ ᑐᐎ ᑫᒀᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:15

ᒫᑲ ᓇᒪᐎᓚ ᑖᐱᔅᑯᒡ ᐗᓂᑐᑕᒧᐎᓐ ᐁ ᐃᔑᓈᑾᒃ ᐊᓂᒪ ᒧᔐ ᒥᓕᐌᐎᓐ᙮ ᐌᓴ ᑮᔥᐱᓐ ᐯᔭᒃ ᐅ ᐗᓂᑐᑕᒧᐎᓐ ᐅᒋ ᒥᒉᑦ ᓀᐱᒋᒃ, ᐋᓕᐙᒃ ᐊᐙᓯᑌ ᐅ ᔕᐌᓕᒋᑫᐎᐧᓐ ᑭᒋᒪᓂᑐ, ᓀᔥᑕ ᐊᓂᒪ ᒥᓕᐌᐎᓐ ᔕᐌᓕᒋᑫᐎᓂᒃ ᑳ ᐅᒋᐸᓕᒃ, ᐊᓂᒪ ᐯᔭᒃ ᐃᓕᓕᐤ ᑳ ᐅᒋ ᑕᑾᒃ, ᑮ ᑌᐱᐸᓕᐃᑯᐗᒃ ᒥᒉᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:13

ᐁᑳᐎᓚ ᓀᔥᑕ ᐸᑭᑎᓇᒧᒃ ᑭ ᐸᔅᑫᓯᐎᓂᐙᐗ ᑕᐱᔅᑯᒡ ᒪᒑᑎᓯᐎ ᐋᐸᒋᑖᑲᓇ ᒪᒋᑣᐎᓇᒃ ᐃᔑ: ᒫᑲ ᐸᑭᑎᓇᑎᓯᔅᑖᒃ ᑭᒋᒪᓂᑐ, ᑖᐱᔅᑯᒡ ᐊᓂᑭ ᑳ ᐱᒫᑎᓯᒋᒃ ᐅᓂᐱᐗ ᐅᒋ, ᓀᔥᑕ ᑭ ᐸᔅᑫᓯᐎᓂᐗᐗ ᑖᐱᔅᑯᒡ ᒀᔭᔅᑭᑖᑎᓯᐎ ᐋᐸᒋᑖᑲᓇ ᑭᒋ ᓂᑐᒃ ᐃᔑ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᓂᔥᑕᒻ ᑯᕆᓐᑎᐊᓇ 16:22

ᑮᔥᐱᓐ ᐊᐌᓇ ᐃᓕᓕᐤ ᐁᑳ ᓯᐋᑭᐋᑴ ᐅᑎᐯᓕᒋᑫᐗ ᒋᓴᔅ ᙭, ᐁᑯᔑ ᑲᑕ ᐊᓈᑎᒪ ᒫᕋᓈᑕ᙮

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔓ ᑯᕆᓐᑎᐊᓇ 3:7

ᒫᑲ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᐱᐎᓐ ᑳ ᒪᓯᓇᐃᑳᑌᒃ ᓀᔥᑕ ᒪᓯᓂᔑᑳᑌᒃ ᐊᓯᓂᒃ, ᑳ ᐅᒋ ᐁᑳ ᑲᔥᑭᑖᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᓱᑲ ᑭᒋ ᑲᓇᐙᐸᑕᒸᒋᒃ ᒧᓯᓴ ᐅᑖᔅᑕᒥᑯᓕᐤ, ᐁ ᐃᔅᐱᔑ ᐙᓯᑯᔅᑌᓕᒃ, ᐁᐗᑯ ᐁ ᐙᓯᑯᔅᑌᒃ ᑳ ᐊᑎ ᐹᔑᑯᓈᑾᒃ;

ᓂᔓ ᑯᕆᓐᑎᐊᓇ 3:9

ᐌᓴ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᔑᐗᓈᒋᐃᒥᐌᐎᓐ, ᐊᐙᓯᑌ ᑖᐺ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐊᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᒀᔭᔅᑭᑖᑎᓯᐎᓐ᙮

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᐃᐱᓯᔭᓇ 6:24

ᔕᐌᓕᒋᑫᐎᓂᓕᐤ ᑲᑕ ᐎ ᐎᒉᐃᑯᐗᒃ ᒥᓯᐌ ᐊᓂᑭ ᑳ ᓵᑭᐋᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ ᑖᐺᐎᓂᒃ᙮ ᐁᒣᓐ᙮

ᑯᓚᔑᔭᓇ 2:13

ᑭᓚᐗᐤ ᒫᑲ, ᐁ ᑮ ᓂᐱᔦᒃ ᑭ ᒪᒋᑣᐎᓂᐙᒃ, ᓀᔥᑕ ᐁᑳ ᐁ ᑮ ᑭᔅᑭᓄᐙᒋᔑᑳᑌᒃ ᑭ ᐎᔮᓯᐗᐤ, ᐊᓯᒋ ᐎᓚ ᑭ ᑮ ᐱᒫᑎᓯᐃᑯᐗᐧ, ᐁ ᑮ ᐌᐯᓕᑕᒫᑖᒃ ᒥᓯᐌ ᐗᓂᑐᑕᒧᐎᓇ;

ᑯᓚᔑᔭᓇ 3:3

ᐌᓴ ᑭ ᓂᐱᓇᐗᐤ, ᓀᔥᑕ ᑭ ᐱᒫᑎᓯᐎᓂᐗᐤ ᑳᑖᓂᐗᓐ ᐊᓯᒋ ᙭ ᑭᒋᒪᓂᑐᓈᒃ᙮

ᓂᔥᑕᒻ ᑎᒧᑎ 2:6

ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮

ᓂᔥᑕᒻ ᑎᒧᑎ 5:6

ᒫᑲ ᐊᓇ ᑳ ᐱᒫᑎᓰᑦ ᒥᓚᐙᑎᑾᑲᒥᑭᓯᐎᓕᒃ ᓂᐱᐤ ᒣᒀᒡ ᐁ ᐱᒫᑎᓰᑦ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᐦᐃᑉᕉᐗ 2:9

ᒫᑲ ᑭ ᐙᐸᒫᓇᐤ ᒋᓴᔅ, ᐊᓇ ᐋᐱᔑᔥ ᑳ ᑮ ᑖᐸᑌᓕᑖᑯᐋᑲᓂᐎᑦ ᐃᔥᐱᔥ ᐁᓐᒐᓚ ᑭᒋ ᐎᓴᑫᓕᑕᒃ ᓂᐱᐎᓂᓕᐤ, ᐁ ᐳᔅᑕᔅᑐᑎᓂᐋᑲᓂᐎᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ; ᐎᓚ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ ᑭᒋ ᑯᒋᔅᑕᒪᐙᑦ ᓂᐱᐎᓂᓕᐤ ᒥᓯᐌ ᑕᑐ ᐃᓕᓕᐗ᙮

ᐦᐃᑉᕉᐗ 6:10

ᐌᓴ ᑭᒋᒪᓂᑐ ᓇᒪᐎᓚ ᒪᒑᑎᓯᐤ ᑭᒋ ᐗᓂᑭᔅᑭᓯᑐᑕᒃ ᑭᑦ ᐊᑑᔅᑫᐎᓂᐗᐤ ᓀᔥᑕ ᑭ ᓵᑭᐃᐌᐎ ᐋᐸᑎᓯᐎᓂᐗᐤ, ᑳ ᑮ ᐙᐸᑎᓕᐌᔦᒃ ᐅᑦ ᐃᔑᓂᑳᓱᐎᓂᒃ, ᐁ ᑮ ᐅᒋᔅᑕᒪᐌᑾᒃ ᐅᐸᓓᑭᓴᒃ, ᑫᔮᐸᒡ ᓀᔥᑕ ᐁ ᐅᒋᔅᑕᒪᐌᑾᒃ᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮