ᓂᔓ ᑯᕆᓐᑎᐊᓇ 4:12 - ᐅᔅᑭ ᑎᔅᑌᒥᓐᑦ

¹² ᐁᑯ ᐃᔑ ᒫᑲ ᓂᐱᐎᓐ ᓂ ᓄᒋᐃᑯᓈᓐ, ᒫᑲ ᑭᓚᐗᐤ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 4:12 ပူးပေါင်းရင်းမြစ်များ

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 4:10

ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔓ ᑯᕆᓐᑎᐊᓇ 12:15

ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮

ᓂᔓ ᑯᕆᓐᑎᐊᓇ 13:9

ᐌᓴ ᓂ ᓯᑭᓓᓯᓈᓐ ᐃᔅᐱ ᓕᐃᓚᒥᓯᔮᑭ ᑭᓚᐗᐤ ᒫᑲ ᐁ ᒪᔅᑲᐎᓯᔦᒃ; ᐅᒪ ᒫᑲ ᐊᓯᒋ ᓂ ᓇᑕᐌᓕᑌᓈᓐ ᑭ ᒥᑐᓂᐎᐃᑯᓯᐎᓂᐗᐤ ᐅᑎ᙮

ᓂᔓ ᑯᕆᓐᑎᐊᓇ 4:11

ᐌᓴ ᓂᓚᓈᓐ ᑳ ᐱᒫᑎᓯᔮᒃ ᒧᔕᒃ ᓂᑦ ᐃᔑ ᐸᑭᑎᓂᑲᐎᓈᓐ ᓂᐱᐎᓂᒃ ᐎᓚ ᐅᒋ ᒋᓴᔅ, ᐅ ᐱᒫᑎᓯᐎᓐ ᒋᓴᔅ ᑭᒋ ᓄᑯᑖᓂᐗᓂᓕᒃ ᓂ ᓂᐱᐎᓂᐎᔮᓯᓈᒃ᙮

ᓂᔓ ᑯᕆᓐᑎᐊᓇ 4:13

ᓂᓚᓈᓐ ᐁ ᐋᔭᐗᑭᑦ ᐁᐗᑯ ᑫᔮᐸᒡ ᑖᐺᔦᓕᑕᒧᐎᓂ ᐊᒑᒃ, ᐁ ᐃᑕᓯᓇᐃᑳᑌᒃ, ᓂ ᑮ ᑖᐺᑌᓐ, ᐁᐗᑯ ᐌᒋ ᒫᑲ ᐋᔭᒥᔮᓐ; ᓂᓚᓈᓐ ᓀᔥᑕ ᓂ ᑖᐺᑌᓈᓐ, ᐁᐗᑯ ᐌᒋ ᒫᑲ ᐋᔭᒥᔮᒃ;

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᐱᓕᐱᔭᓇ 2:30

ᐌᓴ ᙭ ᐅᑦ ᐊᑑᔅᑫᐎᓂᓕᐤ ᐅᒋ ᑮ ᐯᔡᐸᑕᒻ ᓂᐱᐎᓂᓕᐤ, ᐁᑳ ᐁ ᐱᓯᔅᑫᓕᑕᒃ ᐅ ᐱᒪᑎᓯᐎᓐ, ᑭᒋ ᐅᒋᔅᑕᒪᐙᑖᒃ ᐊᓂᒪ ᐁ ᐃᔑ ᓄᑌᐸᓕᒃ ᐁ ᐸᒥᐃᔦᒃ᙮

ᓂᔥᑕᒻ ᒑᓐ 3:16

ᐁᑯᑕ ᑳ ᐅᒋ ᐙᐸᑕᒶᒃ ᑭᒋᒪᓂᑐ ᐅ ᓵᑭᐃᐌᐎᓐ, ᐁ ᑮ ᐱᒥᑎᑖᑦ ᐅ ᐱᒫᑎᓯᐎᓐ ᑭᓚᓈᓇᐤ ᐅᒋ: ᑭᓚᓈᓇᐤ ᓀᔥᑕ ᑭ ᑳ ᐱᒥᑎᑖᑖᓇᐤ ᑭ ᐱᒫᑎᓯᐎᓂᓇᐗ ᑳ ᐋᔭᒥᐋᐎ ᐎᒋᔖᓂᑐᒋᒃ ᐅᒋ᙮