ᓂᔓ ᑯᕆᓐᑎᐊᓇ 3:14 - ᐅᔅᑭ ᑎᔅᑌᒥᓐᑦ

¹⁴ ᒫᑲ ᓇᒪᐎᓚ ᑮ ᐙᐱᒫᑲᓂᓕᐗ ᐅ ᒥᑐᓀᓕᒋᑲᓂᐗᐗ: ᐌᓴ ᐱᓕᔥ ᐊᓄᒡ ᐁ ᑭᔑᑳᒃ ᐃᑕᑾᓐ ᑫᔮᐸᒡ ᐊᓂᒪ ᐊᑯᐙᐱᑴᐙᓐ ᐁᑳ ᐁ ᐅᒋ ᐃᑲᑌᓂᑳᑌᒃ ᐁ ᐋᔭᒥᑖᓂᐗᒡ ᐊᓂᒪ ᑳᔮᔥ ᓇᔅᑯᒥᑐᐎᓐ; ᐁᐗᑯ ᐊᑯᐙᐱᑴᐙᓐ ᐃᑲᑌᓂᑳᑌᐤ ᙭ᑎᒃ᙮

ᓂᔓ ᑯᕆᓐᑎᐊᓇ 3:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:11

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑌᐤ, ᐁ ᒥᓕᑲᐎᔦᒃ ᑭᓚᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᑭᔑᑳᐎ ᐅᑭᒫᐎᐎᓇᒃ, ᒫᑲ ᐎᓚᐗᐤ ᓇᒪᐎᓚ ᒥᓛᐗᒃ᙮

ᐅᐸᓓᑭᔅ ᒫᑎᐤ 16:17

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᑭ ᔕᐌᓕᑖᑯᓯᓐ ᓵᐃᒪᓐ ᐹᕐᒍᓇ: ᐌᓴ ᐎᔮᔅ ᓀᔥᑕ ᒥᑯ ᓇᒪᐎᓚ ᐅᒪ ᑭ ᑮ ᐅᒋ ᐙᐸᑎᓕᑯᓐ, ᒫᑲ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 6:23

ᒫᑲ ᑮᔥᐱᓐ ᑭᔅᑭᔑᒃ ᒥᔮᓛᑕᓄᑴ, ᒥᓯᐌ ᑭᔭᐤ ᑲᑕ ᐅᒋ ᓵᑲᔅᑭᓀᐤ ᑎᐱᔅᑭᓯᐎᓐ᙮ ᑮᔥᐱᓐ ᒫᑲ ᐊᓂᒪ ᐙᓭᔮᓯᐎᓐ ᑳ ᐱᒋᔅᑳᑯᔮᓐ ᐌᓂᑎᐱᔅᑭᓯᐎᓂᐎᑴ, ᐙ ᒥᔖᒃ ᐊᓂᒪ ᐗᓂᑎᐱᔅᑭᓯᐎᓐ!

ᐅᐸᓓᑭᔅ ᒑᓐ 12:40

ᑮ ᐋᑲᐙᐱᓀᐤ, ᓀᔥᑕ ᑮ ᒪᔥᑲᐎᑕᐌᐤ ᐅᑌᐃᓕᐗ; ᐁᑳ ᑭᒋ ᐙᐱᓕᒋ ᐅᔅᑭᔑᑯᓕᐗ ᐅᒋ, ᐁᑳ ᓀᔥᑕ ᑭᒋ ᓂᓯᑐᑕᒥᓕᒋ ᐅᑌᐃᓕᐗ ᐅᒋ, ᓀᔥᑕ ᐁᑳ ᑭᒋ ᑴᔅᑳᑎᓯᐋᑲᓂᐎᓕᒋ, ᐁᑳ ᒫᑲ ᑭᒋ ᒥᓇᐙᒋᐊᑭᒃ᙮

ᐅᐸᓓᑭᔅ ᒑᓐ 12:46

ᓂ ᐯᒋ ᐃᑐᑖᓐ ᑭᒋ ᐙᔅᑌᐎᓂᔮᓐ ᐊᔅᑮᒃ, ᒥᓯᐌ ᐊᐌᓇ ᑳ ᑖᐺᔦᓕᒥᑦ ᐁᑳ ᐗᓂᑎᐱᔅᑭᓯᐎᓂᒃ ᑭᒋ ᐃᑖᑦ᙮

ᐅᐸᓓᑭᔅ ᒑᓐ 8:12

ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮

ᐊᐸᔅᑕᓚᒃ 13:15

ᐃᔅᐱ ᒫᑲ ᑳ ᐳᓂ ᐋᔭᒥᑖᓂᐗᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐗᐃᑫᐗ, ᐊᓂᑭ ᑳ ᑎᐯᓕᑕᑭᒃ ᐋᔭᒥᐁᐎᑲᒥᑯᓕᐤ ᑮ ᐃᔑᑎᔕᐊᒪᐌᐗᒃ, ᐁ ᐃᑖᒋᒃ, ᑭᓚᐗᐤ ᐃᓕᓕᑐᒃ ᓀᔥᑕ ᓂᒋᔖᓂᓈᓇᒃ, ᑮᔥᐱᓐ ᐊᔮᔦᒃ ᑲᑫᔅᑭᒥᐌᐎ ᐋᔭᒥᐎᓐ ᐃᓕᓕᐗᒃ ᑭᒋ ᐃᑌᑾᒃ, ᐁᑯᔑ ᐃᑗᒃ᙮

ᐊᐸᔅᑕᓚᒃ 15:21

ᐌᓴ ᒧᓯᔅ ᐌᔅᑲᒡ ᐅᒋ ᐊᔮᐌᐤ ᒥᓯᐌ ᑕᑐ ᐃᑖᐎᓂᒃ ᐊᓂᐃ ᑳ ᐋᓕᒧᒥᑯᑦ, ᐁ ᐋᔭᒥᑕᓂᐗᓂᓕᒃ ᑕᑡᐤ ᐁ ᐋᔭᒥᐁᑭᔑᑳᓕᒃ ᐱᒋ ᐋᔭᒥᐁᐎᑲᒥᑾ᙮

ᐊᐸᔅᑕᓚᒃ 16:14

ᐯᔭᒃ ᐃᔅᑴᐤ ᒫᑲ ᓕᑎᐊ ᐁ ᐃᔑᓂᑳᓱᑦ, ᑳ ᐃᑖᐙᑫᑦ ᒥᑴᑭᓂᓕᐤ, ᑕᐃᐊᑕᐃᕋ ᐃᑖᐎᓂᒃ ᑳ ᐅᒌᑦ, ᑳ ᐅᒋᒋᑾᓇᐱᔅᑕᐗᑦ ᑭᒋᒪᓂᑐᐗ, ᓂ ᑮ ᐯᑖᑯᓈᓐ; ᐁᐗᑯ ᐅᑌᐃᓕᐤ ᐅᑎᐯᓕᒋᑭᐤ ᑮ ᐋᐸᐊᒬᐤ, ᑮ ᓈᑲᑕᐌᓕᑕᒻ ᒫᑲ ᐊᓂᐃ ᑫᒀᓇ ᑳ ᑮ ᐋᓕᒧᑕᒥᓕᒋ ᐹᓚ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᓂᔓ ᑯᕆᓐᑎᐊᓇ 3:15

ᒫᑲ ᐱᓕᔥ ᐊᓄᒡ ᐁ ᑭᔑᑳᒃ, ᐃᔅᐱ ᐋᔭᒥᐋᑲᓂᐎᑦ ᒧᓯᔅ, ᐊᓂᒪ ᐊᑯᐙᐱᑴᐙᓐ ᐅᑌᐃᐙᒃ ᐊᔅᑌᓕᐤ᙮

ᓂᔓ ᑯᕆᓐᑎᐊᓇ 3:6

ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᐃᐱᓯᔭᓇ 4:18

ᐁ ᑎᐱᔅᑭᓯᒪᑲᓂᓕᒃ ᐅ ᓂᓯᑐᑕᒧᐎᓂᐗᐤ, ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅᑦ ᐃᔑᐱᒫᑎᓯᐎᓂᓕᐤ ᑲᑫᐹᑎᓯᐎᓂᓕᐤ ᐅᒋ ᑳ ᐱᒋᔅᑳᑯᒋᒃ, ᐁ ᒪᔥᑲᐎᑌᐁᒋᒃ: