ᓂᔓ ᑯᕆᓐᑎᐊᓇ 3:12 - ᐅᔅᑭ ᑎᔅᑌᒥᓐᑦ

¹² ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ:

ᓂᔓ ᑯᕆᓐᑎᐊᓇ 3:12 ပူးပေါင်းရင်းမြစ်များ

ᐅᐸᓓᑭᔅ ᒑᓐ 10:24

ᐁᑯ ᐱᐁᒋ ᐙᔅᑳᔅᑳᑯᑦ ᒎᐗ, ᓀᔥᑕ ᑮ ᐃᑎᑯ, ᑖᓂ ᑫ ᐃᔥᐱᔑ ᐙᐙᓀᓕᑕᒥᐃᔮᒃ? ᑮᔥᐱᓐ ᐃᐋᐎᐗᓀ ᙭, ᒧᔑᔐ ᐎᑕᒪᐎᓈᓐ᙮

ᐅᐸᓓᑭᔅ ᒑᓐ 16:25

ᐅᐅ ᑫᒀᓇ ᑭ ᑮ ᐃᑎᑎᓇᐗᐤ ᓇᔅᐱᑐᐌᐎ ᐋᔭᒥᐎᓂᒃ: ᒫᑲ ᐹᐸᓕᐤ ᐁ ᑭᔑᑳᒃ, ᐃᔅᐱ ᐁᑳ ᒥᓇ ᑫ ᐋᔭᒥᐃᑕᑾᒃ ᓇᔅᐱᑐᐌᐎ ᐋᔭᒥᐎᓂᒃ, ᒫᑲ ᑭ ᑳ ᐙᐸᑎᓕᑎᓇᐗᐤ ᒧᔑᔐ ᐅᑖᐎᒪᐤ ᐅᒋ᙮

ᐅᐸᓓᑭᔅ ᒑᓐ 16:29

ᐅ ᑭᔅᑭᓄᐊᒪᐙᑲᓇ ᑮ ᐃᑎᑯ, ᒫᑎᑲ, ᐁᑯ ᒧᔑᔐ ᐁᔭᒥᔭᓐ, ᓇᒪᐎᓚ ᓀᔥᑕ ᑭᑦ ᐋᔭᒥᓐ ᓇᔅᐱᑐᐌᐎ ᐋᔭᒥᐎᓂᒃ᙮

ᐊᐸᔅᑕᓚᒃ 14:3

ᐁᐗᑯ ᐅᒋ ᑭᓉᔥ ᑭ ᑕᔑᑫᐗᒃ ᐁ ᓱᑭᑌᐁᐎ ᐋᔭᒥᒋᒃ ᐅᑎᐯᓕᒋᑫᒃ, ᑳ ᑮ ᐋᑐᑕᒃ ᐅ ᔕᐌᓕᒋᑫᐎᓂ ᐋᔭᒥᐎᓐ, ᐁ ᑮ ᒥᓕᐌᑦ ᒫᑲ ᑭᔅᑭᓄᐗᒋᒋᑲᓇ ᓀᔥᑕ ᒫᒪᔅᑲᒋᐃᓯᒋᑫᐎᓇ ᑭᒋ ᑐᒋᑲᑌᓕᒋ ᐅᒋᒋᓕᒃ ᐅᒋ᙮

ᐊᐸᔅᑕᓚᒃ 4:13

ᐁᑯ ᐃᔅᐱ ᐎᐋᐸᑕᑭᒃ ᐅ ᓱᑭᑌᐁᐎᓂᓕᐤ ᐊᓂᐃ ᐱᑕᕋ ᓀᔥᑕ ᒑᓇ, ᓀᔥᑕ ᐁ ᑭᔅᑫᓕᑕᑭᒃ ᐁᑳ ᐁ ᑭᔅᑫᓕᑕᒪᐎᓯᓕᒋ ᓀᔥᑕ ᐁᑳ ᐁ ᑭᔅᑭᓄᐊᒫᑯᓯᓕᒋ ᐃᓕᓕᐗ ᒫᑲ, ᑮ ᒫᒪᔅᑳᑕᒶᒃ; ᓀᔥᑕ ᑮ ᓇᓈᑲᑕᐌᓕᒣᐗᒃ ᐁ ᑮ ᐎᒉᐙᒋᒃ ᒋᓴᓴ᙮

ᐊᐸᔅᑕᓚᒃ 9:27

ᒫᑲ ᐹᕐᓇᐸᔅ ᑮ ᐅᑎᓀᐤ ᓀᔥᑕ ᑮ ᐯᑐᐌᐤ ᐊᓂᐃ ᐊᐸᔅᑎᓚ, ᑮ ᐎᑕᒪᐌᐤ ᒫᑲ ᑖᓂ ᑳ ᐃᔑ ᐙᐸᒫᑦ ᐅᑎᐯᓕᒋᑫᐗ ᐊᓐᑕ ᒣᔅᑲᓈᒃ, ᐁ ᑮ ᐋᔭᒥᐃᑯᑦ ᒫᑲ, ᓀᔥᑕ ᑳ ᑮ ᐃᔑ ᓱᑫᓕᒧᐎ ᐙᐎᑕᒸᓕᒋᑦ ᐊᓐᑕ ᑕᒫᔅᑲᓯᒃ ᒋᓴᓴ ᐅᑦ ᐃᔑᓂᑳᓱᐎᓂᓕᒃ᙮

ᐊᐸᔅᑕᓚᒃ 9:29

ᑮ ᓱᑫᓕᒧᐎ ᐋᔭᒥᐤ ᒫᑲ ᐅᑎᐯᓕᒋᑫᐗ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᐁ ᑮ ᐊᔮᔑᑌᒫᑦ ᐊᓂᐃ ᒃᕆᔑᔭᓇ; ᒫᑲ ᑮ ᐸᐹᐃᑐᑌᐗᒃ ᑭᒋ ᓂᐸᐋᒋᒃ᙮

ᓂᔥᑕᒻ ᑯᕆᓐᑎᐊᓇ 14:19

ᐁᓕᐌᒃ ᒫᑲ ᐋᔭᒥᐁᐎᑲᒥᑯᒃ ᐊᐙᓯᑌ ᓂ ᑳ ᓇᒪᓕᑌᑖᔾ ᓂᔮᓚᓐ ᐋᔭᒥᐎᓇ ᑭᒋ ᐃᑗᔮᓐ ᑳ ᓂᓯᑐᑕᒫᒃ, ᐁ ᐯᑖᑯᓯᔮᓐ ᑯᑕᑭᔭᒃ ᓀᔥᑕ ᑭᒋ ᑭᔅᑭᓄᐊᒪᐗᑭᒃ, ᐃᔥᐱᔥ ᒥᑖᑡᐤ ᑭᒋᒥᑖᑐᒥᑕᓇᐤ ᐋᔭᒥᐎᓇ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ᙮

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 3:11

ᐌᓴ ᑮᔥᐱᓐ ᐊᓂᒪ ᑳ ᑮ ᐌᐱᐸᓕᒃ ᑮ ᑭᒋᐃᑌᓕᑖᑾᒃ, ᓈᔅᐱᒡ ᐊᐙᓯᑌ ᑭᒋᐃᑌᓕᑖᑾᓐ ᐊᓂᒪ ᑫᔮᐸᒡ ᑳ ᐱᒫᑎᓯᒪᑲᒃ᙮

ᓂᔓ ᑯᕆᓐᑎᐊᓇ 4:13

ᓂᓚᓈᓐ ᐁ ᐋᔭᐗᑭᑦ ᐁᐗᑯ ᑫᔮᐸᒡ ᑖᐺᔦᓕᑕᒧᐎᓂ ᐊᒑᒃ, ᐁ ᐃᑕᓯᓇᐃᑳᑌᒃ, ᓂ ᑮ ᑖᐺᑌᓐ, ᐁᐗᑯ ᐌᒋ ᒫᑲ ᐋᔭᒥᔮᓐ; ᓂᓚᓈᓐ ᓀᔥᑕ ᓂ ᑖᐺᑌᓈᓐ, ᐁᐗᑯ ᐌᒋ ᒫᑲ ᐋᔭᒥᔮᒃ;

ᓂᔓ ᑯᕆᓐᑎᐊᓇ 7:4

ᓈᔅᐱᒡ ᑭ ᓱᑭᑌᐁᐎ ᐋᔭᒥᐃᑎᓇᐗᐤ, ᓈᔅᐱᒡ ᓂ ᒫᒪᑖᑯᒧᓐ ᑭᓚᐗᐤ ᐅᒋ: ᓂ ᓴᑲᔅᑭᓀᔅᑳᑯᓐ ᒥᓜᓕᑕᒧᐎᓐ, ᓈᔅᐱᒡ ᓂ ᒧᒋᑫᓕᑌᓐ ᒥᓯᐌ ᓂᑦ ᐊᓕᒥᓯᐎᓂᓈᒃ᙮

ᐱᓕᐱᔭᓇ 1:14

ᓀᔥᑕ ᒥᒉᑦ ᐎᒋᔖᓂᒪᐗᒃ ᐅᑎᐯᓕᒋᑫᒃ, ᐁ ᐊᑎ ᑫᒋᓇᑌᐁᒋᒃ ᐁ ᒫᒫᒋᒀᐱᓱᔮᓐ, ᓈᔅᐱᒡ ᐊᐙᓯᑌ ᓱᑭᑌᐁᐗᒃ ᑭᒋ ᐎᑐᑭᒃ ᐋᔭᒥᐎᓂᓕᐤ ᐁᑳ ᐁ ᑯᔅᑖᒋᒋᒃ᙮

ᐱᓕᐱᔭᓇ 1:20

ᑖᐱᔅᑯᒡ ᓈᔅᐱᒡ ᑳ ᐃᔑ ᐃᑌᓕᑕᒫᓐ, ᓀᔥᑕ ᑳ ᐊᔅᐯᓕᒧᔮᓐ, ᐁᑳ ᑫᒀᓐ ᑭᒋ ᐅᒋ ᓇᓀᐯᐎᓯᔮᓐ, ᒫᑲ ᒥᓯᐌ ᓱᑭᑌᐁᐎᓂᒃ, ᑖᐱᔅᑯᒡ ᒧᔕᒃ, ᐁᑯ ᓀᔥᑕ ᙭ ᑫ ᒫᒪᑖᑯᒫᑲᓂᐎᑦ ᓂᔭᐎᒃ, ᑮᔥᐱᓐ ᐯᒫᑎᓯᐙᓀ ᓀᔥᑕᐱᑯ ᓀᐱᐙᓀ᙮

ᑯᓚᔑᔭᓇ 4:4

ᒥᑐᓂ ᑭᒋ ᑭᔅᑫᓕᑖᑯᑖᔮᓐ, ᑫ ᐃᔑ ᐋᔭᒥᐋᐸᓐ᙮

ᓂᔥᑕᒻ ᑌᓴᓗᓂᔭᓇ 2:2

ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔥᑕᒻ ᑎᒧᑎ 3:13

ᐌᓴ ᐊᓂᑭ ᒀᔭᔉ ᑳ ᑮ ᐋᐸᒋᑖᒋᒃ ᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᑲᔥᑭᑕᒫᓱᐗᒃ ᒥᓗ ᓂᐸᐎᐎᓐ, ᓀᔥᑕ ᑭᒋ ᓱᑫᓕᒧᐎᓐ ᑖᐺᔦᓕᑕᒧᐎᓂᒃ ᑳ ᐋᔭᑦ ᙭ ᒋᓴᔅ᙮

ᐹᐃᓕᒪᓐ 1:8

ᐁᐗᑯ ᐅᒋ, ᐋᑕ ᐁ ᐃᑌᓕᑖᑯᓯᔮᓐ ᓈᔅᐱᒡ ᑭᒋ ᓱᑫᓕᒧᔮᓐ ᙭ᑎᒃ ᑭᒋ ᐃᑕᔓᒥᑖᓐ ᐊᓂᒪ ᑳ ᓇᐃᐸᓕᒃ,