ᓂᔓ ᑯᕆᓐᑎᐊᓇ 2:14 - ᐅᔅᑭ ᑎᔅᑌᒥᓐᑦ

¹⁴ ᐁᑯᔑ ᒫᑲ ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ, ᒧᔕᒃ ᑳ ᑐᑖᐎᔭᒥᑦ ᑭᒋ ᔖᑯᒋᐃᐌᔮᒃ ᙭ᑎᒃ, ᓀᔥᑕ ᑳ ᑭᔅᑫᓕᑖᑯᑖᒃ ᐁ ᐃᔑ ᒥᓨᔑᓂᓕᒃ ᐅ ᑭᔅᑫᓕᒥᑯᓯᐎᓐ ᓂᓚᓈᓐ ᐅᒋ ᒥᓯᐌ ᐃᑌ᙮

ᓂᔓ ᑯᕆᓐᑎᐊᓇ 2:14 ပူးပေါင်းရင်းမြစ်များ

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:8

ᓂᔥᑕᒻ, ᓂ ᓇᓈᔅᑯᒪᐤ ᓂ ᑭᒋᒪᓂᑐᒻ ᐎᓚ ᐅᒋ ᒋᓴᔅ ᙭ ᒥᓯᐌ ᑳ ᐃᑕᔑᔦᒃ ᐅᒋ, ᑭ ᑖᐺᔦᓕᑕᒧᐎᓂᐗᐤ ᐁ ᐋᓕᒧᒋᑳᑌᒃ ᒥᓯᐌ ᐊᔅᑮᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:19

ᑭᒋ ᒫᒪᑖᐎ ᐃᓯᒋᑫᐎᓇ ᐅᒋ ᓀᔥᑕ ᒥᐋᒥᔅᑳᑌᓕᑖᑾᑭ, ᐅ ᑲᔥᑭᐅᐎᓂᓕᒃ ᐅᑦ ᐊᒑᑾ ᑭᒋᒪᓂᑐ; ᓀᔥᑕ ᒫᑲ ᒋᕉᓴᓚᒥᒃ ᐅᒋ, ᓀᔥᑕ ᒥᓯᐌ ᐙᔅᑲ ᐃᓕᕆᑲᒥᒃ ᐃᔅᑯ, ᒥᑐᓂ ᓂ ᑮ ᐙᐎᑕᒸᓐ ᐅ ᒥᓗᐋᒋᒧᐎᓐ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:17

ᒫᑲ ᑭᒋᒪᓂᑐ ᑲᑕ ᐎ ᓇᓈᔅᑯᒪᐤ, ᐁ ᑮ ᐅᑦ ᐊᑑᔅᑫᓚᑲᓂᒥᑯᔦᒃ ᒪᒋᑣᐎᓐ, ᒫᑲ ᑭᑌᐃᐙᒃ ᑭ ᑮ ᐅᒋ ᓇᓇᐃᑌᓇᐗᐤ ᐊᓂᒪ ᑐᐎ ᑭᔅᑭᓄᐊᒫᑫᐎᓐ ᑳ ᑮ ᐸᑭᑎᓇᒫᑲᐎᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:37

ᓇᒪ ᒫᑲ, ᒥᓯᐌ ᐅᐅ ᑫᒀᓇ ᐅᒋ ᐊᐙᓯᑌ ᑭᑦ ᐃᑌᓕᑖᑯᓯᓈᓇᐤ ᐃᔥᐱᔥ ᐅᐸᔅᑭᓛᑫᐗᒃ, ᐎᓚ ᐅᒋ ᑳ ᑮ ᓵᑭᐃᑕᒃ᙮

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 15:37

ᓀᔥᑕ ᒫᑲ ᐊᓂᒪ ᑳ ᐸᑭᑎᓇᒪᓐ, ᓇᒪᐎᓚ ᑭ ᐸᑭᑎᓀᓐ ᐊᓂᒪ ᑫ ᐃᑕᑾᒃ, ᒫᑳ ᓯᒥᓇ ᐱᑯ, ᒫᔅᑯᒡ ᒦᔅᑲᐤ ᐸᑴᔑᑲᓇᒃ, ᓀᔥᑕᐱᑯ ᑯᑕᒃ ᑐᐎ ᓯᒥᓇ;

ᓂᔥᑕᒻ ᑯᕆᓐᑎᐊᓇ 15:57

ᒫᑲ ᑲᑕ ᐎ ᓇᓈᔅᑯᒫᑲᓂᐎᐤ ᑭ ᒪᓂᑐ, ᑳ ᒥᓕᑕᒃ ᔖᑯᒋᐃᐌᐎᓂᓕᐤ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔓ ᑯᕆᓐᑎᐊᓇ 1:11

ᑭᓚᐗᐤ ᓀᔥᑕ ᐁ ᓂᔓᑲᒫᑯᔦᒃ ᐁ ᐋᔭᒥᐁᔅᑕᒪᐎᔮᒃ, ᐊᓂᒪ ᒥᓕᐌᐎᓐ ᑳ ᑮ ᒥᓕᑲᐎᔮᒃ ᒥᒉᑦ ᐊᐌᓂᑭ ᐁ ᑮ ᓇᑐᑕᒫᑫᔅᑕᒪᐎᔭᒥᒋᒃ, ᒥᒉᑦ ᑭᒋ ᓇᓈᔅᑯᒧᔅᑕᒪᐎᔭᒥᒋᒃ᙮

ᓂᔓ ᑯᕆᓐᑎᐊᓇ 8:16

ᒫᑲ ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ, ᑳ ᑮ ᐃᑕᔅᑖᑦ ᐅᑌᐃᒃ ᑕᐃᑕᐧᔅ ᓈᔅᐱᒡ ᑭᒋ ᐃᑌᓕᒥᑖᒃ᙮

ᓂᔓ ᑯᕆᓐᑎᐊᓇ 9:15

ᑲᑕ ᐎ ᓇᓈᔅᑯᒪᐤ ᑭᒋᒪᓂᑐ ᐅ ᒥᓕᐌᐎᓐ ᐅᒋ ᐁᑳ ᑫ ᑮ ᐎᒋᑳᑌᓕᒃ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐃᐱᓯᔭᓇ 5:20

ᒧᔕᒃ ᒥᓯᐌ ᑫᒀᓇ ᐁ ᐅᒋ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᑯᓚᔑᔭᓇ 2:15

ᐁ ᑮ ᐃᑲᑌᓇᒃ ᒫᑲ ᒥᓯᐌ ᑎᐯᓕᒋᑫᐎᓇ ᓀᔥᑕ ᑲᔥᑭᐅᐎᓇ, ᒧᔐ ᐁ ᓄᑯᑖᑦ, ᐎᓚ ᑫᒋᐙᒃ ᐁ ᑮ ᔖᑯᒋᑖᑦ᙮

ᓂᔥᑕᒻ ᑌᓴᓗᓂᔭᓇ 1:8

ᐌᓴ ᑭᓚᐗᐤ ᐅᒋ ᑮ ᐅᒋ ᓄᑖᑾᓂᓕᐤ ᐅᑦ ᐋᔭᒥᐎᓐ ᐅᑎᐯᓕᒋᑫᐤ, ᓇᒪᐎᓚ ᐱᑯ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ, ᒫᑲ ᒥᓯᐌ ᐃᑌ ᓀᔥᑕ ᐁ ᐃᔑᑖᐺᔦᓕᒣᒃ ᑭᒋᒪᓂᑐ ᒥᓯᐌ ᐗᓴᓶᐸᓕᐤ; ᑳ ᐅᒋ ᐁᑳ ᓇᑕᐌᓕᑖᑯᓯᔮᒃ ᐙᔦᔥ ᑭᒋ ᐃᑗᔮᒃ᙮

ᓂᔥᑕᒻ ᑌᓴᓗᓂᔭᓇ 3:9

ᐌᓴ ᑫᑯ ᓇᓈᔅᑯᒧᐎᓇ ᒥᓇ ᑫ ᒥᓚᑭᑦ ᑭᒋᒪᓂᑐ ᑭᓚᐗᐤ ᐅᒋ, ᒥᓯᐌ ᐊᓂᒪ ᒥᓚᐙᑕᒧᐎᓐ ᐅᒋ ᐁ ᐃᔑ ᒥᓚᐙᑕᒧᔅᑕᐗᑭᑦ ᑭ ᑭᒋᒪᓂᑐᒥᓇᐤ ᑭᓚᐗᐤ ᐅᒋ;

ᓂᔥᑕᒻ ᑎᒧᑎ 2:8

ᓂ ᐸᑯᓭᓕᑌᓐ ᒫᑲ ᐃᓕᓕᐗᒃ ᒥᓯᐌ ᐃᑌ ᑭᒋ ᐋᔭᒥᐋᒋᒃ, ᐁ ᐅᐱᓇᑭᒃ ᐸᓓᑭ ᒥᒋᒋᔭ, ᐁᑳ ᐁ ᐋᑯᓚᐌᓯᒋᒃ ᐁᑳ ᓀᔥᑕ ᐁ ᑶᑕᐎᐃᑌᓕᑕᑭᒃ᙮

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᑭᔅᑫᓕᑖᑯᑖᑫᐎᓐ 7:12

ᐁ ᐃᑗᒋᒃ, ᐁᒣᓐ: ᒫᒥᒋᒥᑯᓯᐎᓐ, ᓀᔥᑕ ᑭᔅᑌᓕᑖᑯᓯᐎᓐ, ᓀᔥᑕ ᑲᑫᑕᐌᓕᑕᒧᐎᓐ, ᓀᔥᑕ ᓈᓈᔅᑯᒥᑯᓯᐎᓐ, ᓀᔥᑕ ᑭᔅᑖᒋᒥᓯᑯᐎᓐ, ᓀᔥᑕ ᑳᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᑲᑕ ᐎ ᐋᔭᐤ ᓂ ᑭᒋᒪᓂᑐᒥᓇᓐ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮