ᓂᔓ ᑯᕆᓐᑎᐊᓇ 13:4 - ᐅᔅᑭ ᑎᔅᑌᒥᓐᑦ

⁴ ᐌᓴ ᐋᑕ ᐁ ᑮ ᒋᔅᑖᔅᑾᐙᑲᓂᐎᑦ ᓕᓚᒥᓯᐎᓂᒃ ᐅᒋ, ᐁᓕᐌᒃ ᒫᑲ ᐱᒫᑎᓯᐤ ᐅ ᑲᔥᑭᐅᐎᓂᒃ ᐅᒋ ᑭᒋᒪᓂᑐ᙮ ᐌᓴ ᓂ ᐎᒋᓕᓚᒥᓯᒫᓈᓐ, ᒫᑲ ᓂ ᑳ ᐎᒋᐱᒫᑎᓯᒫᓈᓐ ᐅ ᑲᔥᑭᐅᐎᓂᒃ ᐅᒋ ᑭᒋᒫᓂᑐ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 13:4 ပူးပေါင်းရင်းမြစ်များ

ᐅᐸᓓᑭᔅ ᒑᓐ 10:18

ᓇᒪᐎᓚ ᐊᐌᓇ ᓂ ᒪᔅᑲᒥᒃ, ᒫᑲ ᓂ ᐱᒥᑎᑖᓐ ᓂᓚ ᑫᒋᐙᒃ᙮ ᓂᑦ ᐋᔮᓐ ᑲᔥᑭᐅᐎᓐ ᑭᒋ ᐱᒥᑎᑖᔮᓐ, ᓀᔥᑕ ᓂᑦ ᐋᔮᓐ ᑲᔥᑭᐅᐎᓐ ᒥᓇ ᑭᒋ ᐅᑎᓇᒫᓐ᙮ ᐅᒪ ᐅᓚᔓᐌᐎᓐ ᓂ ᑮ ᒥᓕᒃ ᓄᑖᐎ᙮

ᐊᐸᔅᑕᓚᒃ 2:36

ᐁᐗᑯ ᐅᒋ ᐁᑯᔑ ᒥᓯᐌ ᐃᔅᕃᐃᓪ ᐅᑦ ᐊᐙᔑᒥᔕ ᑫᒋᓈᔥ ᑲᑕ ᑭᔅᑫᓕᑕᒸᒃ, ᑭᒋᒪᓂᑐ ᐁ ᑮ ᑑᑕᐙᑦ ᐊᓂᐃ ᑫᔮᐸᒡ ᒋᓴᓴ, ᐊᓇ ᑳ ᑮ ᒋᔅᑖᔅᑾᐌᒃ, ᑭᒋ ᑎᐯᓕᒋᑫᑦ, ᓀᔥᑕ ᑭᒋ ᙭ᑎᐎᑦ᙮

ᐊᐸᔅᑕᓚᒃ 3:16

ᐎᓚ ᒫᑲ ᐅᑦ ᐃᔑᓂᑳᓱᐎᓇ, ᐁ ᑖᐺᔦᓕᒋᑳᑌᒃ ᐅᑦ ᐃᔑᓂᑲᓱᐎᓂᒃ ᑮ ᐅᒋ ᑐᑕᐙᑲᓂᐎᐤ ᐊᐗ ᐃᓕᓕᐤ ᑭᒋ ᓵᐱᑦ, ᑳ ᑲᓇᐙᐸᒣᒃ ᓀᔥᑕ ᑳ ᑭᔅᑫᓕᒣᒃ; ᐁᐁ ᐊᓂᒪ ᑖᐺᔦᓕᑕᒧᐎᓐ ᐎᓚ ᐅᒋ ᑳ ᐅᒋᒪᑲᒃ ᑮ ᒥᓕᑯ ᐊᐗ ᒥᑐᓂ ᑭᒋ ᒥᓗᐊᔮᑦ ᐅᑕ ᐅᑎᔥᑲᐤ ᒥᓯᐌ ᐁ ᐃᑕᔑᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:9

ᐌᓴ ᐅᒪ ᐅᒋ ᙭ ᑮ ᓂᐱᐤ, ᓀᔥᑕ ᑮ ᐗᓂᔥᑲᐤ, ᓀᔥᑕ ᑮ ᑭᐌᐱᒫᑎᓯᐤ, ᑭᒋ ᐅ ᑎᐯᓕᒋᑫᒥᑯᑦ ᑳ ᓂᐱᓕᒋ ᓀᔥᑕ ᑳ ᐱᒫᑎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:4

ᐁᐗᑯ ᐌᒋ ᓇᐃᑳᑲᐎᔭᒃ ᐊᓯᒋ ᐎᓚ ᓯᑲᐋᑖᑫᐎᓐ ᐅᒋ ᓂᐱᐎᓂᒃ ᐃᔑ: ᑖᐱᔅᑯᒡ ᙭ ᐁ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ ᐅᑖᐎᒪᐤ ᐅ ᓱᑳᑎᓯᐎᓂᓕᐤ, ᐁᑯ ᓀᔥᑕ ᑭᓚᓈᓇᐤ ᑭᒋ ᐱᒧᑌᔭᒃ ᐅᔥᑭ ᐱᒫᑎᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 1:25

ᐌᓴ ᐅ ᑲᑫᐹᑎᓯᐎᓐ ᑭᒋᒪᓂᑐ ᐊᐙᓯᑌ ᑲᑫᑕᐌᓕᑖᑾᓂᓕᐤ ᐃᔥᐱᔥ ᐃᓕᓕᐗᒃ; ᓀᔥᑕ ᐅ ᓕᓚᒥᓯᐎᓐ ᑭᒋᒪᓇᑐ ᐊᐙᓯᑌ ᒪᔥᑲᐎᓯᒪᑲᓂᓕᐤ ᐃᔥᐱᔥ ᐃᓕᓕᐗᒃ᙮

ᓂᔥᑕᒻ ᑯᕆᓐᑎᐊᓇ 15:43

ᐸᑭᑎᓂᑳᑌᐤ ᐋᐱᔅᑌᓕᑖᑯᓯᐎᓂᒃ; ᐗᓂᔥᑳᓂᑳᑌᐤ ᑭᔅᑌᓕᑖᑯᓯᐎᓂᒃ: ᐸᑭᑎᓂᑳᑌᐤ ᓕᓚᒥᓯᐎᓂᒃ; ᐗᓂᔥᑳᓂᑳᑌᐤ ᓱᑳᑎᓯᐎᓂᒃ:

ᓂᔥᑕᒻ ᑯᕆᓐᑎᐊᓇ 2:3

ᓀᔥᑕ ᑭ ᑮ ᐎᒉᐎᑎᓇᐗᐤ ᓕᓚᒥᓯᐎᓂᒃ, ᓀᔥᑕ ᓭᑭᓯᐎᓂᒃ, ᓀᔥᑕ ᑭᒋ ᓇᓂᑭᐸᓕᐎᓂᒃ᙮

ᓂᔥᑕᒻ ᑯᕆᓐᑎᐊᓇ 6:14

ᑭᒋᒪᓂᑐ ᒫᑲ ᑳ ᑮ ᐃᔑ ᐗᓂᔥᑳᓈᑦ ᐅᑎᐯᓕᒋᑫᐗ, ᐁᑯ ᑖᐱᔅᑯᒡ ᑫ ᐃᔑ ᐗᓂᔥᑳᓂᑕᒃ ᑎᐱᓚᐌ ᐅ ᑲᔥᑭᐅᐎᓂᒃ ᐅᒋ᙮

ᓂᔓ ᑯᕆᓐᑎᐊᓇ 10:10

ᐌᓴ ᐅ ᒪᓯᓇᐃᑫᐎᓇ, ᐃᑗᐗᒃ, ᑯᓯᑾᓂᓕᐗ ᓀᔥᑕ ᒪᔥᑲᐎᓯᒪᑲᓂᓕᐗ; ᒫᑲ ᐁ ᐃᔑᓈᑯᓯᑦ ᐎᔭᐎᒃ ᓕᓚᒥᓯᐤ, ᓀᔥᑕ ᐅᑦ ᐋᔭᒥᐎᓐ ᐸᑾᓐᑕᐤ ᐃᑌᓕᑖᑾᓂᓕᐤ᙮

ᓂᔓ ᑯᕆᓐᑎᐊᓇ 12:10

ᐁᐗᑯ ᐌᒋ ᒥᓜᓕᑕᒫᓐ ᓕᓚᒥᓯᐎᓂᒃ, ᑭᑐᑎᑯᓯᐎᓂᒃ, ᐙᐙᓀᓕᑕᒧᐎᓂᒃ, ᑲᒀᑕᑭᐃᑯᓯᐎᓂᒃ, ᐊᓕᒥᐃᑯᓯᐎᓂᒃ ᙭ ᐅᒋ: ᐌᓴ ᐃᔅᐱ ᓕᓚᒥᓯᔮᓐ, ᐁᑯ ᒣᔥᑲᐎᓯᔮᓐ᙮

ᓂᔓ ᑯᕆᓐᑎᐊᓇ 13:9

ᐌᓴ ᓂ ᓯᑭᓓᓯᓈᓐ ᐃᔅᐱ ᓕᐃᓚᒥᓯᔮᑭ ᑭᓚᐗᐤ ᒫᑲ ᐁ ᒪᔅᑲᐎᓯᔦᒃ; ᐅᒪ ᒫᑲ ᐊᓯᒋ ᓂ ᓇᑕᐌᓕᑌᓈᓐ ᑭ ᒥᑐᓂᐎᐃᑯᓯᐎᓂᐗᐤ ᐅᑎ᙮

ᐱᓕᐱᔭᓇ 3:10

ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ;

ᐦᐃᑉᕉᐗ 5:7

ᐊᓇ ᒣᒀᒡ ᑳ ᐎᔭᓯᐎᑦ, ᐃᔅᐱ ᑳ ᑮ ᐋᔭᒥᐁᔅᑕᐙᑦ ᓀᔥᑕ ᓇᑐᑕᒫᑫᔅᑕᐙᑦ, ᐊᓯᒋ ᓀᔥᑕ ᒪᐎᒧᔅᑕᐙᑦ ᓀᔥᑕ ᐅᒋᑲᐙᐱᔅᑕᐙᑦ ᐊᓂᐃ ᑳ ᑲᔥᑭᑖᓕᑭ ᑭᒋ ᐱᒫᒋᐃᑯᑦ ᓂᐱᐎᓂᒃ ᐅᒋ, ᓀᔥᑕ ᐁ ᑮ ᐯᑕᐙᑲᓂᐎᑦ ᐁ ᑮ ᓇᓂᒌᑦ;

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᐱᑕᕐ 3:22

ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮