ᓂᔓ ᑯᕆᓐᑎᐊᓇ 13:11 - ᐅᔅᑭ ᑎᔅᑌᒥᓐᑦ

¹¹ ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᓂᔓ ᑯᕆᓐᑎᐊᓇ 13:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:23

ᒫᑎᑲ, ᐅᔥᑭᓂᑭᔅᑴᐤ ᑲᑕ ᑲᓄᔥᑲᑖᐗᓱ, ᑲᑕ ᐅᑯᓯᓯᐤ ᒫᑲ, ᐃᒫᓐᔫᐃᓪ ᒫᑲ ᑲᑕ ᐃᔑᓂᑳᑎᒣᐗᒃ, ᑳ ᐃᑗᒪᑲᒃ, ᐁ ᐃᑗᔅᒋᑳᑌᒃ, ᑭᒋᒪᓂᑐ ᑭ ᐎᒋᑕᔑᑫᒥᑯᓇᐤ᙮

ᐅᐸᓓᑭᔅ ᒫᑎᐤ 5:48

ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮

ᐅᐸᓓᑭᔅ ᒫᕐᒃ 10:49

ᒋᓴᔅ ᒫᑲ ᑮ ᑭᐱᒋᑳᐸᐎᐤ, ᓀᔥᑕ ᑮ ᐃᑕᔓᐌᐤ ᑭᒋ ᓇᑐᒥᒥᒋ᙮ ᓇᑐᒣᐗᒃ ᒫᑲ ᐃᓕᓕᐗ ᐁᑳ ᑳ ᐙᐱᓕᒋ, ᐁ ᐃᑖᑦ, ᒥᓜᓕᑕ, ᐸᓯᑯ; ᑭ ᓇᑐᒥᒃ᙮

ᐅᐸᓓᑭᔅ ᒫᕐᒃ 9:50

ᔑᐎᑖᑲᓐ ᒥᓨᔑᓐ: ᒫᑲ ᑮᔥᐱᓐ ᔑᐎᑖᑲᓐ ᐱᐃᓵᑭ, ᑫᒀᓐ ᑫ ᐅᒋ ᔑᐎᑖᑲᓇᐊᒣᒃ? ᐋᔮᒃ ᔑᐎᑖᑲᓐ ᑭᒋ ᐱᒋᔅᑳᑯᔦᒃ, ᓀᔥᑕ ᒥᓗ ᐅᑐᑌᒥᒥᑐᒃ᙮

ᐅᐸᓓᑭᔅ ᓘᒃ 9:61

ᑯᑕᒃ ᓀᔥᑕ ᑮ ᐃᑗᐤ, ᑌᐯᓕᒋᑫᔭᓐ, ᑭ ᑳ ᓄᔅᐱᓇᑎᑎᓐ: ᒫᑲ ᐃᓕᓈᐎᓐ ᓃᔥᑕᒻ ᑭᒋ ᓇᑕᐎ ᐊᑕᒥᔅᑲᐗᑭᒃ ᐊᓂᑭ ᓂᑮᒃ ᑳ ᐃᑖᒋᒃ᙮

ᐅᐸᓓᑭᔅ ᒑᓐ 17:23

ᓂᓚ ᐁ ᐱᒋᔅᑲᐗᑭᒃ, ᑭᓚ ᒫᑲ ᐁ ᐱᒋᔅᑲᐎᔭᓐ, ᑭᒋ ᒥᑐᓂᐋᑲᓂᐎᒋᒃ ᐁ ᐯᔭᑯᒋᒃ; ᓀᔥᑕ ᐊᔅᑭ ᑭᒋ ᑭᔅᑫᓕᑕᒧᒪᑲᒃ ᐁ ᑮ ᐯᒋᑎᔕᐅᔭᓐ, ᓀᔥᑕ ᐁ ᑮ ᓵᑭᐊᒋᒃ ᑖᐱᔅᑯᒡ ᐁ ᑮ ᐃᔑ ᓵᑭᐃᔭᓐ᙮

ᐊᐸᔅᑕᓚᒃ 15:29

ᑭᒋ ᐌᐱᓇᒣᒃ ᐊᓂᐃ ᒥᒋᒪ ᑳ ᐸᑭᑎᓇᒫᒋᒃ ᒪᓂᑐᑳᓇᒃ, ᓀᔥᑕ ᒥᑯ, ᓀᔥᑕ ᐊᓂᐃ ᑫᒀᓇ ᑳ ᑮ ᑭᐱᑴᐱᒋᑳᑌᑭ, ᓀᔥᑕ ᐱᔑᒀᑎᓯᐎᓐ; ᑮᔅᐱᓐ ᐅᐅ ᐅᒋ ᑲᓇᐌᓕᒥᑎᓱᔦᑴ, ᑾᔮᔉ ᑭ ᑳ ᑐᑌᓈᐗᐤ᙮ ᐙᒋᔭ᙮

ᐊᐸᔅᑕᓚᒃ 18:21

ᒫᑲ ᑮ ᐗᒋᔦᒣᐤ, ᐁ ᐃᑗᑦ, ᔮᓕᑌᓪ ᓂ ᑳ ᑲᓇᐌᓕᑌᓐ ᐅᒪ ᒪᑯᔐᐎᓐ ᑫ ᐅᑎᒋᐸᓕᒃ ᐊᓐᑕ ᒋᕉᓴᓚᒣᒃ: ᒫᑲ ᒥᓇ ᑭ ᑳ ᐯᒋ ᓈᑎᑎᓇᐗᐤ, ᑮᔥᐱᓐ ᑭᒋᒪᓂᑐ ᐃᑌᓕᑕᑫ᙮ ᑮ ᑭᑕᔑᐤ ᒫᑲ ᐃᐱᓴᓯᒃ ᐅᒋ᙮

ᐊᐸᔅᑕᓚᒃ 23:30

ᐃᔅᐱ ᒫᑲ ᑳ ᐎᑕᒫᑲᐎᔮᓐ ᒎᐗᐤ ᐁ ᐊᔅᑲᒪᐙᒋᒃ ᐊᓂᐃ ᐃᓕᓕᐗ, ᑭᔖᒡ ᑭ ᑮ ᐃᑎᔕᐊᒫᑎᓐ, ᓂ ᑮ ᐃᑕᔓᐙᑖᐗᒃ ᒫᑲ ᐊᓂᑭ ᑳ ᒫᒥᔑᒫᒋᒃ ᐊᓯᒋ ᑭᒋ ᐎᑕᑭᒃ ᐁ ᑖᔅᑕᒪᐱᔭᓐ ᐊᓂᐃ ᑫᒀᓇ ᑫ ᒪᒋ ᐃᑖᒋᒃ᙮ ᐙᒋᔭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:16

ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:18

ᑮᔥᐱᓐ ᑮ ᐃᔅᐸᓕᒃ, ᐃᔥᐱᔥ ᐁ ᑲᔥᑭᑖᔦᒃ, ᑳᔮᒣᓕᑕᒧᐎᓂᒃ ᐎᒋᐱᒫᑎᓯᒥᑯᒃ ᒥᓯᐌ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:33

ᐁᑯ ᑭᒋᒪᓂᑐ ᑳᔮᒣᓕᑕᒧᐎᓕᓕᐤ ᑳ ᑎᐯᓕᑕᒃ ᑭ ᑳ ᐎ ᐎᒉᐎᑯᐗᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:20

ᑭᒋᒪᓂᑐ ᒫᑲ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᐎᐸᒡ ᑲᑕ ᐊᐱᑕᐌᐤ ᓭᑕᓇ ᔑᐹ ᑭᓯᑎᐙᒃ᙮ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 1:10

ᐁᑯ ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒥᓯᐌ ᐁ ᐃᑕᔑᔦᒃ ᑭᒋ ᐯᔭᑯ ᐃᑗᔦᒃ, ᐁᑳ ᓀᔥᑕ ᑭᒋ ᐃᑕᑾᑭ ᐸᑳᓂᐃᓱᐎᓇ ᐃᑕ ᐁ ᐃᑖᔦᒃ; ᒥᑐᓂ ᒫᑲ ᑭᒋ ᐎᒉᑐᔦᒃ ᓵᑭᐃᑐᐎᓂᒃ ᐁ ᐯᔭᑯ ᒥᑐᓀᓕᒋᑲᓂᔦᒃ, ᓀᔥᑕ ᐁ ᐯᔭᑯ ᑎᐹᔅᑯᓂᑫᔦᒃ᙮

ᓂᔓ ᑯᕆᓐᑎᐊᓇ 1:4

ᑳ ᑲᑭᒋᐃᑕᒃ ᒥᓯᐌ ᓂᑦ ᐊᓕᒥᓯᐎᓂᓈᒃ, ᑭᒋ ᑲᔥᑭᑖᔮᒃ ᑭᒋ ᑲᑭᒋᐊᑭᒋᒃ ᐊᓂᑭ ᓈᓐᑕᐤ ᑳ ᐋᓕᒥᓯᒋᒃ, ᐊᓂᒪ ᑲᑮᒋᐃᐌᐎᓐ ᐅᒋ ᓂᓚᓈᓐ ᑫᒋᐙᒃ ᑳ ᐃᔑ ᑲᑭᒋᐃᔭᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 13:14

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐅ ᓵᑭᐃᐌᐎᓐ ᑭᒋᒪᓂᑐ, ᓀᔥᑕ ᐅ ᐎᒋᐃᐌᐎᓐ ᐯᓓᑭᓯᑦ ᐊᒑᒃ ᒥᓯᐌ ᑭ ᑳ ᐎ ᐎᒉᐎᑯᐗᓇᐗᐤ᙮ ᐁᒣᓐ᙮

ᓂᔓ ᑯᕆᓐᑎᐊᓇ 13:9

ᐌᓴ ᓂ ᓯᑭᓓᓯᓈᓐ ᐃᔅᐱ ᓕᐃᓚᒥᓯᔮᑭ ᑭᓚᐗᐤ ᒫᑲ ᐁ ᒪᔅᑲᐎᓯᔦᒃ; ᐅᒪ ᒫᑲ ᐊᓯᒋ ᓂ ᓇᑕᐌᓕᑌᓈᓐ ᑭ ᒥᑐᓂᐎᐃᑯᓯᐎᓂᐗᐤ ᐅᑎ᙮

ᐃᐱᓯᔭᓇ 4:12

ᑭᒋ ᒥᑐᓂᐎᐋᑲᓂᐎᒋᒃ ᐅᐸᓓᑭᓴᒃ, ᑭᒋ ᐋᔭᒥᐋᐎ ᐊᑑᔅᑫᒋᒃ, ᑭᒋ ᐅᒋ ᓚᑭᑭᓂᓕᒃ ᙭ ᐎᔭᐤ:

ᐃᐱᓯᔭᓇ 4:3

ᐁ ᓇᒋᑖᔦᒃ ᑭᒋ ᑲᓇᐌᓕᑕᒬᒃ ᐊᒑᒃ ᐅ ᐯᔭᑯᐎᓐ, ᐁ ᒫᒪᐗᐱᑎᑯᔦᒃ ᑳᔮᒣᓕᑕᒧᐎᓐ᙮

ᐃᐱᓯᔭᓇ 6:23

ᑳᔮᒣᓕᑕᒧᐎᓂᓕᐤ ᑲᑕ ᐎ ᐋᔭᐗᒃ ᐎᒋᔖᓂᒪᐗᒃ, ᓀᔥᑕ ᓵᑭᐃᐌᐎᓂᓕᐤ ᐊᓯᒋ ᑖᐺᔦᓕᑕᒧᐎᓂᓕᐤ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᐱᓕᐱᔭᓇ 3:16

ᐁᓕᐌᒃ ᒫᑲ, ᐃᑕ ᐃᓕᑯᒃ ᐋᔕᔾ ᑳ ᑮ ᐅᑎᑕᒪᒃ, ᐁᑯᔑ ᑫᔮᐸᒡ ᐃᔑ ᐱᒧᑌᑕᐤ, ᐁᑯᔑ ᐁᐗᑯ ᑫᔮᐸᒡ ᒫᒥᑐᓀᓕᑖᑕᐤ᙮

ᐱᓕᐱᔭᓇ 4:2

ᓂ ᐸᑯᓭᓕᒪᐤ ᐃᐤᐅᑎᔭᔅ, ᓀᔥᑕ ᓂ ᐸᑯᓭᓕᒪᐤ ᓯᓐᑕᐃᑭ, ᑭᒋ ᐯᔭᑾᓂᓕᒃ ᐅ ᒥᑐᓀᓕᒋᑲᓂᐗᐤ ᐅᑎᐯᓕᒋᑫᒃ᙮

ᐱᓕᐱᔭᓇ 4:4

ᒥᓚᐙᑎᒃ ᒧᔕᒃ ᐅᑎᐯᓕᒋᑫᐤ; ᒥᓇ ᒫᑲ ᓂᑦ ᐃᑣᓐ, ᒥᓚᐙᑕᒧᒃ᙮

ᐱᓕᐱᔭᓇ 4:9

ᐊᓂᐃ, ᑳ ᑮ ᑭᔅᑭᓄᐊᒫᑲᐎᔦᒃ, ᓀᔥᑕ ᑳ ᑮ ᐅᑎᓇᒣᒃ, ᓀᔥᑕ ᑳ ᑮ ᐯᑕᒣᒃ ᓀᔥᑕ ᑳ ᑮ ᐙᐸᒥᔦᒃ ᐁ ᐊᔨᑎᔮᓐ, ᐁᐗᑾᓂᐃ ᑐᑕᒧᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᓂᔥᑕᒻ ᑌᓴᓗᓂᔭᓇ 3:10

ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ ᓈᔅᐱᒡ ᓱᑲ ᐁ ᐋᔭᒥᐋᔮᒃ, ᑭᒋ ᑮ ᐙᐸᑕᒫᒃ ᑭᑖᔅᑕᒥᑯᐗᐤ ᓀᔥᑕ ᑭᒋ ᒥᑐᓂᐸᓕᔮᒃ ᐊᓂᒪ ᑳ ᓄᑌᐸᓕᒃ ᑭ ᑖᐺᔦᓕᑕᒧᐎᓂᐗᐤ?

ᓂᔥᑕᒻ ᑌᓴᓗᓂᔭᓇ 4:1

ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮

ᓂᔥᑕᒻ ᑌᓴᓗᓂᔭᓇ 4:18

ᐁᐗᑯ ᐅᒋ, ᑳᑭᒋᐃᑐᒃ ᐅᐅ ᐋᔭᒥᐎᓇ ᐅᒋ᙮

ᓂᔥᑕᒻ ᑌᓴᓗᓂᔭᓇ 5:13

ᓈᔅᐱᒡ ᒫᑲ ᑭᒋ ᑭᔅᑌᓕᒣᑾᒃ ᓵᑭᐃᐌᐎᓂᒃ ᐅᑦ ᐊᑑᔅᑫᐎᓂᐗᐤ ᐅᒋ᙮ ᓀᔥᑕ ᒫᑲ ᑳᔮᒣᐎᓰᔅᑖᑐᒃ᙮

ᓂᔥᑕᒻ ᑌᓴᓗᓂᔭᓇ 5:16

ᑳᑭᑫ ᒥᓚᐙᑕᒧᒃ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔓ ᑌᓴᓗᓂᔭᓇ 3:1

ᒫᒋᒡ, ᓂᒋᔖᓂᑐᒃ, ᐋᔭᒥᐁᔅᑕᒪᐎᓈᓐ, ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᑭᒋ ᐱᒥᐸᑖᒪᑲᓂᓕᒃ, ᓀᔥᑕ ᑭᒋ ᑭᔅᑌᓕᒋᑳᑌᓕᒃ, ᑖᐱᔅᑯᒡ ᑭᓚᐗᐤ ᑳ ᐃᔑ ᐎᒉᐎᑯᐌᒃ;

ᓂᔓ ᑌᓴᓗᓂᔭᓇ 3:16

ᐁᑯ ᑌᐯᓕᑕᒃ ᑳᔮᒣᓕᑕᒧᐎᓂᓕᐤ ᑫᒋᐙᒃ ᒧᔕᒃ ᑭ ᑳ ᐎ ᒥᓕᑯᐗᐤ ᑳᔮᒣᓕᑕᒧᐎᓂᓕᐤ ᒥᓯᐌ ᐃᔑ᙮ ᐅᑎᐯᓕᒋᑫᐤ ᒥᓯᐌ ᐁ ᐃᑕᔑᔦᒃ ᑭ ᑳ ᐎ ᐎᒉᐎᑯᐗᐤ᙮

ᓂᔓ ᑎᒧᑎ 2:22

ᐅᔑᒧᔅᑕ ᓀᔥᑕ ᐅᔥᑭᓂᑭᐎ ᒪᒋᓇᑕᐌᓕᑕᒧᐎᓇ; ᒫᑲ ᓄᔅᐱᓇᑕ ᒀᔭᔅᑭᑖᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᑲᔮᒣᓕᑕᒧᐎᓐ ᐊᓯᒋ ᐊᓂᑭ ᑳ ᓇᓈᑐᒫᒋᒃ ᐅᑎᐯᓕᒋᑫᐗ ᐸᓓᑭ ᒥᑌᐃᒃ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐦᐃᑉᕉᐗ 13:20

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ, ᐊᓇ ᑳ ᑮ ᑭᐌ ᐯᔑᐙᑦ ᐅᓂᐱᐗ ᐅᒋ ᑭ ᑎᐯᓕᒋᑫᒥᓇᐗ ᒋᓴᓴ, ᐊᓇ ᐅ ᑭᒋ ᒫᓂᔥᒑᓂᔑᐎᓕᓕᒥᐗᐗ ᒫᓂᔥᒑᓂᔕᒃ, ᐊᓂᒪ ᑳᑭᑫ ᓇᑲᑕᒫᑫᐎ ᒪᓯᓇᐃᑲᓂ ᒥᑯ ᐅᒋ,

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:4

ᐁᑯᔑ ᒫᑲ ᔑᐱᓚᐌᓯᐎᓐ ᑲᑕ ᒥᑐᓂᐎᐃᑎᓱᒪᑲᓐ, ᑭᒋ ᒥᑐᓂᐎᓯᔦᒃ ᓀᔥᑕ ᒥᓯᐌᓯᔦᒃ, ᐁᑳ ᑫᒀᓐ ᐁ ᑶᑕᒫᔦᒃ᙮

ᓂᔥᑕᒻ ᐱᑕᕐ 3:11

ᐁᑯᔑ ᑲᑕ ᐌᐱᓇᒻ ᑳ ᒫᓛᑕᓂᓕᒃ, ᑲᑕ ᑐᑕᒻ ᒫᑲ ᑳ ᒥᓨᔑᓂᓕᒃ; ᐁᑯᔑ ᑲᑕ ᓈᓇᑕᐌᓕᑕᒻ ᑳᔮᒣᓕᑕᒧᐎᓂᓕᐤ, ᑲᑕ ᓄᔅᐱᓇᑕᒻ ᒫᑲ᙮

ᓂᔥᑕᒻ ᐱᑕᕐ 3:8

ᒫᒋᒃ, ᒥᓯᐌ ᐁ ᐃᑕᔑᔦᒃ ᐋᔮᒃ ᐯᔭᒃ ᒥᑐᓀᓕᒋᑲᓐ, ᐁ ᑭᑎᒫᑫᓕᒥᑐᔦᒃ; ᓵᑭᐃᑯᒃ ᑳ ᐋᔭᒥᐋᐎ ᐎᒋᔖᓂᑐᒋᒃ, ᑭᔐᐙᑎᓰᒃ, ᐅᑐᑌᒥᒥᐌᒃ:

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᑭᔅᑫᓕᑖᑯᑖᑫᐎᓐ 22:21

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮