ᓂᔓ ᑯᕆᓐᑎᐊᓇ 12:21 - ᐅᔅᑭ ᑎᔅᑌᒥᓐᑦ

²¹ ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮

ᓂᔓ ᑯᕆᓐᑎᐊᓇ 12:21 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:2

ᓈᔅᐱᒡ ᐁ ᑯᓯᑯᒪᒋᐃᔮᓐ ᓀᔥᑕ ᑕᑭ ᐁ ᒥᒋᓚᐌᓯᔮᓐ ᓂᑌᐃᒃ᙮

ᓂᔥᑕᒻ ᑯᕆᓐᑎᐊᓇ 5:1

ᐃᑖᒋᒧᓋᓂᐗᓐ ᐁ ᐃᑕᑾᒃ ᐱᔑᒀᑎᓯᐎᓐ ᐃᑕ ᐁ ᐃᑖᔦᒃ, ᓀᔥᑕ ᑐᐎ ᐱᔑᒀᑎᓯᐎᓐ ᐁᑳ ᐃᔥᐱᔥ ᑳ ᐋᓕᒧᒋᑳᑌᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᐊᐌᓇ ᑭᒋ ᐋᔮᐄᒫᑦ ᐅᑖᐎᔭ ᐎᐎᓕᐗ᙮

ᓂᔓ ᑯᕆᓐᑎᐊᓇ 10:6

ᓀᔥᑕ ᐁ ᐋᔦᔅᑲᐎᓯᔮᒃ ᑭᒋ ᐋᔅᑯᒋᑖᔮᒃ ᒥᓯᐌ ᐋᓉᑕᒧᐎᓐ, ᐃᔅᐱ ᑮ ᑎᐱᐸᓕᑫ ᑭᓚᐗᐤ ᑭ ᓇᓇᐃᑕᒧᐎᓂᐗᐤ᙮

ᓂᔓ ᑯᕆᓐᑎᐊᓇ 12:7

ᓀᔥᑕ ᒫᑲ ᐁᑳ ᐋᓕᐙᒃ ᑭᒋ ᐃᔑ ᐃᔥᐯᓕᒥᑎᓯᔮᓐ, ᐁ ᒥᒉᑎᑭ ᑭᔅᑫᓕᑖᑯᑖᑫᐎᓇ ᐅᒋ, ᓂ ᑮ ᒥᓕᑲᐎᓐ ᒥᔑᑲᐎᒥᓇᑯᔑ ᓂ ᐎᔮᓯᒃ, ᐅᑦ ᐃᔑᑎᔕᐙᑲᓇ ᓭᑖᓐ ᑭᒋ ᐸᐸᑲᒥᐅᓕᒋ, ᐁᑳ ᐋᓕᐙᒃ ᑭᒋ ᐃᔥᐯᓕᒥᑎᓱᔮᓐ᙮

ᓂᔓ ᑯᕆᓐᑎᐊᓇ 13:2

ᐋᔕᔾ ᑭ ᑮ ᐎᑕᒫᑎᓇᐗᐤ, ᓀᔥᑕ ᓂᑳᓐ ᑭ ᐎᑕᒫᑎᓇᐗᐤ᙮ ᑖᐱᔅᑯᒡ ᐁ ᐎᒉᐎᑕᑾᒃ, ᐁᑯ ᓂᔡᐤ; ᓀᔥᑕ, ᐁ ᐃᑖᐱᒋᔮᓐ, ᐊᓄᒡ ᓂ ᒪᓯᓇᐊᒪᐙᐗᒃ ᐊᓂᑭ ᐋᔕᔾ ᑳ ᑮ ᒫᒪᒋᑐᑕᑭᒃ, ᓀᔥᑕ ᒥᓯᐌ ᑯᑕᑭᔭᒃ, ᑮᔥᐱᓐ ᒥᓇ ᑕᑯᔑᓂᔮᓀ ᓇᒪᐎᓚ ᓂ ᑳ ᒪᓈᒋᐃᐙᓐ:

ᓂᔓ ᑯᕆᓐᑎᐊᓇ 8:24

ᐁᐗᑯ ᐅᒋ, ᐙᐸᑎᓕᑯᒃ, ᐅᑎᔥᑲᐤ ᓀᔥᑕ ᒫᒪᐎᐋᔭᒥᐋᐗᒃ, ᐁ ᑫᒋᓈᔦᓕᑖᑾᒃ ᑭ ᓵᑭᐃᐌᐎᐎᓂᐗᐤ, ᓀᔥᑕ ᓂ ᒫᒪᑖᑯᒧᐎᓂᓈᓐ ᑭᓚᐗᐤ ᐅᒋ᙮

ᑲᓓᔕᐊᓇ 5:19

ᐊᓂᐃ ᐎᔮᓯᐎ ᐋᔨᑎᐎᓇ ᑭᔅᑫᓕᑖᑾᓋ, ᐅᐅ ᐁᐗᒀᓂᐃ; ᐱᔑᒀᑎᓯᐎᓐ, ᒪᒋ ᒫᒪᐎᐃᑐᐎᓐ, ᐎᓂᓯᐎᓐ, ᐱᔑᒀᑎᓕᑕᒧᐎᓐ,

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᒎᑦ 1:23

ᑯᑕᑭᔭᒃ ᒫᑲ ᓭᑭᓯᐎᓂᒃ ᐱᒫᒋᐃᑯᒃ ᐃᔥᑯᑌᒃ ᐁ ᐅᒋ ᐅᒋᐱᑌᑾᒃ; ᐁ ᐸᒀᑕᒣᒃ ᐊᐳᒋᑲ ᐎᓛᒋᑲᓐ ᐎᔮᔅ ᐁ ᐅᒋ ᒪᓯᓇᔅᑌᒃ᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 22:20

ᐊᓇ ᑳ ᑎᐹᑐᑕᒃ ᐅᐅ ᑫᒀᓇ ᐃᑗᐤ, ᑫᒋᓈᔥ ᐎᐸᒡ ᓂ ᑕᑯᔑᓂᓐ᙮ ᐁᒣᓐ: ᐁᑯᔑ ᐃᔑ ᑕᑯᔑᓐ, ᑌᐯᓕᒋᑫᔭᓐ ᒋᓴᔅ᙮