ᓂᔓ ᑯᕆᓐᑎᐊᓇ 12:15 - ᐅᔅᑭ ᑎᔅᑌᒥᓐᑦ

¹⁵ ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮

ᓂᔓ ᑯᕆᓐᑎᐊᓇ 12:15 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:3

ᐌᓴ ᓂ ᑳ ᓇᑕᐌᓕᑌᑖᔾ ᓂᓚ ᑫᒋᐗᒃ ᑭᒋ ᒪᒐᑭᒥᑳᐎᔮᓐ ᙭ ᐅᒋ, ᓂᒋᔖᓇᒃ ᐅᒋ ᐁ ᐃᑕᔅᑌᒃ ᐎᔮᓯᐎᓐ:

ᓂᔓ ᑯᕆᓐᑎᐊᓇ 1:14

ᑖᐱᔅᑯᒡ ᓀᔥᑕ ᐸᔅᑭ ᑳ ᑮ ᐃᑖᒋᒥᔦᒃ, ᓂᓚᓈᓐ ᐁ ᐅ ᒧᒋᑫᓕᑕᒧᐎᓂᔦᒃ, ᒬᒋ ᑖᐱᔅᑯᒡ ᑭᓚᐗᐤ ᐁ ᐅ ᒧᒋᑫᓕᑕᒧᐎᓂᔮᒃ ᐅ ᑭᔑᑳᒥᒃ ᐅᑎᐯᓕᒋᑫᐤ ᒋᓴᔅ᙮

ᓂᔓ ᑯᕆᓐᑎᐊᓇ 1:6

ᓀᔥᑕ ᒫᑲ ᑮᔥᐱᓐ ᑲᒀᑕᑭᓯᔮᒃ, ᐃᑭᓐ ᑭᒋ ᐅᒋ ᑲᑮᒋᐃᑲᐎᔦᒃ ᓀᔥᑕ ᐱᒫᒋᐃᑲᐎᔦᒃ, ᑳ ᐅᒋ ᑲᔥᑭᑖᔦᒃ ᑭᒋ ᔑᐯᓕᑐᒣᒃ ᐊᓂᐃ ᐎᓴᑫᓕᑕᒧᐎᓇ ᑖᐱᔅᑯᒡ ᐊᓂᐃ ᐁ ᐃᔑ ᐎᓴᑫᓕᑕᒫᒃ ᓂᓇᓈᓐ; ᑮᔥᐱᓐ ᒫᑲ ᑳᑮᒋᐃᑳᐎᔮᒃ, ᐃᑭᓐ ᑭᒋ ᐅᒋ ᑲᑭᒋᐃᑲᐎᔦᒃ ᓀᔥᑕ ᐱᒫᒋᐃᑲᐎᔦᒃ ᑭᓚᐗᐤ᙮

ᓂᔓ ᑯᕆᓐᑎᐊᓇ 11:11

ᑖᓀᑭ ᐌᒋ? ᐁᑳ ᐁ ᓵᑭᐃᑕᑾᒃ ᓈ? ᑭᒋᒪᓂᑐ ᑭᔅᑫᓕᑕᒻ᙮

ᓂᔓ ᑯᕆᓐᑎᐊᓇ 12:14

ᒫᑎᑲ, ᐁᑯ ᐅᒪ ᓂᔅᑡᐤ ᓂ ᓂᓵᐎᓐ ᑭᒋ ᐯᒋ ᓈᑎᑖᑾᒃ; ᓇᒪᐎᓚ ᓀᔥᑕ ᑭ ᑳ ᑄᐗᑌᐃᑎᓇᐗᐤ; ᐌᓴ ᓇᒪᐎᓚ ᓂ ᓈᓇᑕᐌᓕᑌᓐ ᑭᑦ ᐋᔮᓇᐗᐤ, ᒫᑲ ᑭᓚᐗᐤ ᑫᒋᐙᒃ: ᐌᓴ ᓇᒪᐎᓚ ᓇᑕᐌᓕᑖᑯᓯᐗᒃ ᐊᐙᔑᔕᒃ ᑭᒋ ᐊᔅᑣᐳᓂᑲᐙᒋᒃ ᐅᓂᑭᐃᑯᐗᐗ, ᒫᑲ ᐅᓂᑭᐃᑯᒪᐗᒃ ᐊᐙᔑᔕ᙮

ᓂᔓ ᑯᕆᓐᑎᐊᓇ 12:9

ᓂ ᑮ ᐃᑎᒃ ᒫᑲ, ᓂ ᔕᐌᓕᒋᑫᐎᓐ ᑭ ᑳ ᑌᐱᐸᓕᐃᑯᓐ; ᐌᓴ ᓂ ᒪᔥᑲᐎᓯᐎᓐ ᑭᔑᑖᓂᐗᓐ ᓕᓚᒥᓯᐎᓂᒃ᙮ ᐁᐗᑯ ᐅᒋ ᒫᑲ ᓇᐗᒡ ᓂ ᑳᒫᒪᑖᑯᒧᓐ ᓂ ᓕᓚᒥᓯᐎᓂᒃ, ᐅ ᑲᔥᑭᐅᐎᓐ ᙭ ᑭᒋ ᑗᐅᑐᑕᑯᐗᒃ᙮

ᓂᔓ ᑯᕆᓐᑎᐊᓇ 2:3

ᐁᐗᑯ ᓀᔥᑕ ᑳ ᑮ ᐃᑕᓯᓇᐊᒫᑕᑾᒃ, ᒫᔅᑯᒡ ᒥᔅᑲᐤ ᐃᔅᐱ ᐯᒋ ᑕᑯᔑᓂᔮᓐ ᓂ ᑳ ᒥᒋᓚᐌᓯᑖᔾ ᐊᓂᑭ ᑫ ᐅᒋ ᒧᒋᑫᓕᑕᒫᐸᓐ; ᐁ ᑫᒋᓀᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᓂ ᒧᒋᑫᓕᑕᒧᐎᓐ ᑭᒋ ᐅ ᒧᒋᑫᓕᑕᒧᐎᓂᔦᒃ ᒥᓯᐌ ᐁ ᐃᑕᔑᔦᒃ᙮

ᓂᔓ ᑯᕆᓐᑎᐊᓇ 4:12

ᐁᑯ ᐃᔑ ᒫᑲ ᓂᐱᐎᓐ ᓂ ᓄᒋᐃᑯᓈᓐ, ᒫᑲ ᑭᓚᐗᐤ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 7:2

ᐅᑎᓂᓈᓐ: ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐗᓂᑐᑕᐙᓈᓐ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᒪᓀᐋᓈᓐ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐙᔦᔑᐋᓈᓐ᙮

ᓂᔓ ᑯᕆᓐᑎᐊᓇ 7:3

ᓇᒪᐎᓚ ᐅᒪ ᓂᑦ ᐃᑣᓐ ᑭᒋ ᓂᔑᐗᓈᒋᒥᑕᑾᒃ: ᐌᓴ ᐋᔕᔾ ᓂ ᑮ ᐃᑣᓐ ᐁ ᐃᑖᔦᒃ ᓂᑌᐃᓈᒃ ᑭᒋ ᐎᒋᐱᒫᑎᓯᒥᑕᑾᒃ ᓀᔥᑕ ᑭᒋ ᐎᒋᓂᐱᒥᑕᑾᒃ᙮

ᑲᓓᔕᐊᓇ 4:10

ᑭ ᓈᑲᑕᐌᓕᑌᓇᐗᐤ ᑭᔑᑳᐗ ᓀᔥᑕ ᐱᓯᒶ, ᓀᔥᑕ ᐁ ᐊᔨᔅᐱᑕᔭᐙᑭ, ᓀᔥᑕ ᐊᔅᑭᐎᓇ᙮

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᓂᔥᑕᒻ ᑌᓴᓗᓂᔭᓇ 2:8

ᐁᑯᔑ ᒫᑲ ᓵᑭᐃᐌᐎᓂᒃ ᐁ ᑮ ᓇᑕᐌᓕᒥᑖᒃ, ᓂ ᑮ ᐃᑌᓕᑌᓈᓐ ᑭᒋ ᐸᑭᑎᓇᒫᑖᒃ, ᓇᒪᐎᓚ ᐱᑯ ᑭᒋᒪᓂᑐ ᐅ ᒥᓗᐋᒋᒧᐎᓐ, ᒫᑲ ᑎᐱᓚᐌ ᓂᑦ ᐊᒑᑯᓈᓇᒃ ᐊᓯᒋ, ᐁ ᑮ ᓵᑭᐃᑖᒃ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᐦᐃᑉᕉᐗ 13:17

ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮