ᓂᔓ ᑯᕆᓐᑎᐊᓇ 12:1 - ᐅᔅᑭ ᑎᔅᑌᒥᓐᑦ

¹ ᓇᒪᐎᓚ ᑭᔅᑎᓈᒡ ᒥᓗᐸᓕᐤ ᑭᒋ ᒫᒪᑖᑯᒧᔮᓐ᙮ ᓂ ᑳ ᒫᒋ ᐋᓕᒧᑕᒸᓐ ᐅ ᐙᐸᑎᓕᐌᐎᓇ ᓀᔥᑕ ᐅ ᑭᔅᑫᓕᑖᑯᑖᑫᐎᓇ ᐅᑎᐯᓕᒋᑫᐤ᙮

ᓂᔓ ᑯᕆᓐᑎᐊᓇ 12:1 ပူးပေါင်းရင်းမြစ်များ

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 18:14

ᑳᔭᐸᔅ ᒫᑲ ᐁᐗᑯ ᑳ ᑮ ᑲᑫᔅᑭᒫᑦ ᒎᐗ, ᐁ ᓇᑕᐌᓕᑖᑾᓂᓕᒃ ᐯᔭᒃ ᐃᓕᓕᐤ ᑭᒋ ᓂᐳᔅᑕᒪᐙᑦ ᐃᓕᓕᐗ᙮

ᐊᐸᔅᑕᓚᒃ 18:9

ᐁᑯ ᒫᑲ ᐅᑎᐯᓕᒋᑫᐤ ᑳ ᐊᔭᒥᐋᑦ ᐹᓚ ᓂᐹᑎᐱᔉ ᐸᐙᒧᐎᓂᒃ, ᐁᑳᐎᓚ ᑯᔅᑖᒋ ᒫᑲ ᐋᔭᒥ, ᓀᔥᑕ ᐁᑳᐎᓚ ᑭᐱᑐᐌ:

ᐊᐸᔅᑕᓚᒃ 23:11

ᐊᓂᐁᓕᐤ ᒫᑲ ᐁ ᑎᐱᔅᑳᓕᒃ ᑮ ᐎᒋᑳᐸᐎᔅᑖᑯ ᐅᑎᐯᓕᒋᑫᐗ, ᑮ ᐃᑎᑯ ᒫᑲ, ᒥᓜᓕᑕ, ᐹᓪ: ᐌᓴ ᑖᐱᔅᑯᒡ ᑳ ᑮ ᐃᑖᒋᒥᔭᓐ ᒋᕉᓴᓚᒥᒃ, ᐁᑯ ᓀᔥᑕ ᑫ ᐃᑖᒋᒧᔭᓐ ᕈᒥᒃ᙮

ᓂᔥᑕᒻ ᑯᕆᓐᑎᐊᓇ 10:23

ᒥᓯᐌ ᑫᒀᓇ ᐅᓚᔓᐌᓕᑖᑾᓋ ᓂᓚ ᐅᒋ, ᒫᑲ ᒥᓯᐌ ᑫᒀᓇ ᓇᒪᐎᓚ ᐋᐸᑕᓋ: ᒥᓯᐌ ᑫᒀᓇ ᐅᓚᔓᐌᓕᑖᑾᓋ ᓂᓚ ᐅᒋ, ᒫᑲ ᒥᓯᐌ ᑫᒀᓇ ᓇᒪᐎᓚ ᑭᔅᑭᓄᐊᒫᑫᒪᑲᓋ᙮

ᓂᔥᑕᒻ ᑯᕆᓐᑎᐊᓇ 14:6

ᒫᑲ, ᓂᒋᔖᓂᑐᒃ, ᑮᔥᐱᓐ ᐯᒋ ᓈᑎᑕᑾᒃ ᓈᓈᑲᐤ ᐁ ᐃᔑᑭᔗᔮᓐ, ᑫᒀᓐ ᑫ ᐃᑖᐸᒋᐃᑕᑾᒃ, ᑮᔥᐱᓐ ᐱᑯ ᐋᔭᒥᐃᑕᑾᑫ ᑭᔅᑫᓕᑖᑯᑖᑫᐎᓂᒃ, ᓀᔥᑕᐱᑯ ᑭᔅᑫᓕᑕᒧᐎᓂᒃ, ᓀᔥᑕᐱᑯ ᑭᔅᑭᐙᐃᑫᐎᓂᒃ, ᓀᔥᑕᐱᑯ ᑭᔅᑭᓄᐊᒫᑫᐎᓂᒃ ᐅᒋ?

ᓂᔥᑕᒻ ᑯᕆᓐᑎᐊᓇ 6:12

ᒥᓯᐌ ᑫᒀᓇ ᐅᓚᔓᐌᓕᑖᑾᓋ ᓂᓚ ᐅᒋ, ᒫᑲ ᒥᓯᐌ ᑫᒀᓇ ᓇᒪᐎᓚ ᐋᐸᑕᓋ: ᒥᓯᐌ ᑫᒀᓇ ᐅᓚᔓᐌᓕᑖᑾᓋ ᓂᓚ ᐅᒋ, ᒫᑲ ᓇᒪᐎᓚ ᓂᑦ ᐃᑌᓕᑌᓐ ᐙᔦᔥ ᑭᒋ ᑎᐯᓕᒥᑯᔮᓐ᙮

ᓂᔓ ᑯᕆᓐᑎᐊᓇ 12:11

ᓂ ᑮ ᐊᑎ ᑭᔥᑴᑳᓂᐎᓐ ᐁ ᒫᒪᑖᑯᒧᔮᓐ; ᑭᓚᐗᐤ ᑳ ᑮ ᑲᔥᑭᐃᔦᒃ: ᐌᓴ ᔮᓕᑌᓐ ᑭ ᑳ ᑮ ᒥᓗᐋᓕᒧᒥᑕᐗᐤ; ᐌᓴ ᓇᒪᐎᓚ ᑫᒀᓐ ᓂ ᐅᒋ ᓄᑌᐸᓕᓐ ᐊᓂᑭ ᒪᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᓂᔓ ᑯᕆᓐᑎᐊᓇ 12:5

ᐊᐗ ᒫᑲ ᓂ ᑳ ᐅᒋ ᒫᒪᑖᑯᒧᓐ: ᓂᓚ ᑫᒋᐙᒃ ᒫᑲ ᓇᒪᐎᓚ ᓂ ᑳ ᐅᒋ ᒫᒪᑖᑯᒧᓐ, ᐱᑯ ᓂ ᓕᓚᒥᓯᐎᓂᒃ᙮

ᓂᔓ ᑯᕆᓐᑎᐊᓇ 12:7

ᓀᔥᑕ ᒫᑲ ᐁᑳ ᐋᓕᐙᒃ ᑭᒋ ᐃᔑ ᐃᔥᐯᓕᒥᑎᓯᔮᓐ, ᐁ ᒥᒉᑎᑭ ᑭᔅᑫᓕᑖᑯᑖᑫᐎᓇ ᐅᒋ, ᓂ ᑮ ᒥᓕᑲᐎᓐ ᒥᔑᑲᐎᒥᓇᑯᔑ ᓂ ᐎᔮᓯᒃ, ᐅᑦ ᐃᔑᑎᔕᐙᑲᓇ ᓭᑖᓐ ᑭᒋ ᐸᐸᑲᒥᐅᓕᒋ, ᐁᑳ ᐋᓕᐙᒃ ᑭᒋ ᐃᔥᐯᓕᒥᑎᓱᔮᓐ᙮

ᓂᔓ ᑯᕆᓐᑎᐊᓇ 12:9

ᓂ ᑮ ᐃᑎᒃ ᒫᑲ, ᓂ ᔕᐌᓕᒋᑫᐎᓐ ᑭ ᑳ ᑌᐱᐸᓕᐃᑯᓐ; ᐌᓴ ᓂ ᒪᔥᑲᐎᓯᐎᓐ ᑭᔑᑖᓂᐗᓐ ᓕᓚᒥᓯᐎᓂᒃ᙮ ᐁᐗᑯ ᐅᒋ ᒫᑲ ᓇᐗᒡ ᓂ ᑳᒫᒪᑖᑯᒧᓐ ᓂ ᓕᓚᒥᓯᐎᓂᒃ, ᐅ ᑲᔥᑭᐅᐎᓐ ᙭ ᑭᒋ ᑗᐅᑐᑕᑯᐗᒃ᙮

ᓂᔓ ᑯᕆᓐᑎᐊᓇ 8:10

ᐅᑕ ᒫᑲ ᓂ ᒥᓕᐙᓐ ᓂ ᑲᑫᔅᑭᒥᐗᐎᓐ: ᐌᓴ ᐅᒪ ᑮ ᓇᐃᐸᓕᔅᑳᑯᓐ, ᑭᓚᐗᐤ ᐊᔕᔾ ᑳ ᑮ ᒫᒋᑐᑕᒣᒃ, ᓇᒪᐎᓚ ᐱᑯ ᑭᒋ ᑐᑕᒣᒃ, ᒫᑲ ᐊᓯᒋ ᐁ ᑮ ᓂᑳᓀᓕᒧᔦᒃ ᐱᐴᓄᒃ᙮

ᑲᓓᔕᐊᓇ 1:12

ᐌᓴ ᓇᒪᐎᓚ ᓂ ᑮ ᐅᒋ ᒥᓕᒃ ᐃᓕᓕᐤ, ᓇᒪ ᓀᔥᑕ ᓂ ᑮ ᑭᔅᑭᓄᐊᒫᑲᐎᓐ, ᒫᑲ ᑳ ᐃᔑ ᑭᔅᑫᓕᑕᒥᐃᑦ ᒋᓴᔅ ᙭᙮

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᐃᐱᓯᔭᓇ 3:3

ᑳ ᐃᔑ ᑭᔅᑫᓕᑕᒥᐃᑲᐎᔮᓐ ᐊᓂᒪ ᑳ ᒫᒪᔅᑳᑌᓕᑖᑾᒃ ᑭᔅᑫᓕᑖᑯᑖᑫᐎᓂᒃ; ᑖᐱᔅᑯᒡ ᐊᓄᒋᑫ ᐁ ᑮ ᒪᓯᓇᐊᒫᓐ ᒐᑲᐙᔑᔥ ᐋᔭᒥᐎᓂᒃ;

ᓂᔥᑕᒻ ᑌᓴᓗᓂᔭᓇ 4:15

ᐌᓴ ᐅᒪ ᑭᑦ ᐃᑎᓈᓐ ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᐅᒋ, ᑭᓚᓈᓇᐤ ᑫᔮᐸᒡ ᑫ ᐱᒫᑎᓯᔭᒃ, ᓀᔥᑕ ᑫ ᐃᔥᑯᔮᒃ ᐃᓕᑯᒃ ᑫ ᑕᑯᔑᒃ ᐅᑎᐯᓕᒋᑫᐤ, ᓇᒪᐎᓚ ᑭ ᑳ ᐅᑕᒥᐊᓈᐗᒃ ᐊᓂᑭ ᑳ ᓂᐹᒋᒃ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮