ᓂᔓ ᑯᕆᓐᑎᐊᓇ 11:9 - ᐅᔅᑭ ᑎᔅᑌᒥᓐᑦ

⁹ ᐃᔅᐱ ᒫᑲ ᑳ ᐎᒉᐎᑕᑾᒃ, ᐁ ᑮ ᑶᑕᒫᔮᓐ ᒫᑲ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐅᑎᓇᒫᒃ: ᐌᓴ ᐊᓂᒪ ᑳ ᐃᔑ ᓄᑌᐸᓕᔮᓐ ᐊᓂᑭ ᐎᒋᔖᓂᒪᐗᒃ ᒪᓯᑐᓂᔭᐃᒃ ᑳ ᑮ ᐯᒋ ᐅᑐᑌᒋᒃ ᓂ ᑮ ᐅᑎᓇᒫᑾᒃ: ᓀᔥᑕ ᒥᓯᐌ ᐃᔑ ᓂ ᑮ ᑲᓇᐌᓕᒥᑎᓱᓐ ᐁᑳ ᑭᒋ ᑄᐗᑌᐃᑕᑾᒃ, ᐁᑯ ᓀᔥᑕ ᑫᔮᐸᒡ ᑫ ᐃᔑ ᑲᓇᐌᓕᒥᑎᓯᔮᓐ᙮

ᓂᔓ ᑯᕆᓐᑎᐊᓇ 11:9 ပူးပေါင်းရင်းမြစ်များ

ᐊᐸᔅᑕᓚᒃ 18:3

ᐎᓚ ᒫᑲ ᓀᔥᑕ ᐁᒀᓂ ᐁ ᐃᑖᐸᑎᓯᑦ, ᑮ ᐎᒋᑕᔑᑫᒣᐤ, ᓀᔥᑕ ᑮ ᐊᑐᔅᑫᐤ; ᐌᓴ ᐅᑦ ᐃᑖᐸᑎᓯᐎᓂᐙᒃ ᐅᒋ ᑮ ᐅᒥᑭᐗᒥᑫᐗᒃ᙮

ᐊᐸᔅᑕᓚᒃ 18:5

ᐃᔅᐱ ᒫᑲ ᓵᐃᓚᔅ ᓀᔥᑕ ᑕᐃᒧᑎᐊᔅ ᑳ ᐯᒋ ᐅᑐᑌᒋᒃ ᒫᓯᑐᓂᐊᐃᒃ ᐅᒋ, ᐹᓪ ᑮ ᐋᑲᒣᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᑎᐸᒋᒧᔅᑕᐌᐤ ᐊᓂᐃ ᒎᐗ ᒋᓴᓴ ᐁ ᙭ᑎᐎᓕᒋ᙮

ᐊᐸᔅᑕᓚᒃ 20:33

ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᒧᔅᑌᓇᒸᓐ ᐅ ᔓᓕᐋᓈᐱᔅᑯᒪ, ᓀᔥᑕᐱᑯ ᐅᑦ ᐅᓴᐎᔓᓕᐋᓈᐱᔅᑯᒪ, ᒋᑲ ᓀᔥᑕ ᐱᑯ ᐅ ᐎᓛᒋᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:26

ᐌᓴ ᑮ ᐃᔑ ᒥᓜᓕᑕᒶᒃ ᐊᓂᑭ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ ᑭᒋ ᒫᒪᐎ ᒥᓕᐌᐎᓂᑫᒋᒃ ᐊᓂᐃ ᑭᑎᒫᑭᓯᐎ ᐅᐸᓓᑭᓯᐗ ᒋᕉᓴᓚᒥᒃ ᑳ ᐃᑖᓕᒋ ᐅᒋ᙮

ᓂᔥᑕᒻ ᑯᕆᓐᑎᐊᓇ 16:17

ᓂ ᓯᑭᓓᓯᓐ ᐁ ᑮ ᑕᑯᔑᑭᒃ ᔅᑎᐸᓇᔅ, ᓀᔥᑕ ᐸᕐᑎᐤᓀᑕᔅ, ᓀᔥᑕ ᐊᑳᐃᑲᔅ; ᐌᓴ ᐊᓂᒪ ᑭᓚᐗᐤ ᑳ ᓄᑌᐸᓕᔦᒃ ᐎᓚᐗᐤ ᑮ ᑎᐱᐸᓕᑕᐗᒃ᙮

ᓂᔓ ᑯᕆᓐᑎᐊᓇ 6:4

ᒫᑲ ᒥᓯᐌ ᑫᒀᓇ ᐁ ᑐᑕᒫᒃ ᐁ ᐙᐸᑎᓕᐌᔮᒃ ᐁ ᐅᑦ ᐋᔭᒥᐋᐎ ᐊᑑᔅᑫᓛᑲᓂᔭᒥᒋᒃ, ᒥᔅᑕᐃ ᔑᐱᓚᐌᓯᐎᓂᒃ, ᑲᒀᑕᑭᓯᐎᓂᒃ, ᒪᓀᓯᐎᓂᒃ, ᓇᓀᑳᑌᓕᒧᐎᓂᒃ,

ᓂᔓ ᑯᕆᓐᑎᐊᓇ 9:12

ᐌᓴ ᐁ ᐃᑐᒋᑳᑌᒃ ᐅᒪ ᐃᑖᐸᑎᓯᐎᓐ, ᓇᒪᐎᓚ ᐱᑯ ᐅᑎᓇᒫᑯᐗᒃ ᐃᔥᐱᔥ ᑳ ᑭᑕᒫᒋᒃ ᐅᐸᓓᑭᓴᒃ, ᒫᑲ ᐌᓗᒋᐸᓕᐤ ᓀᔥᑕ ᒥᔅᑕᐃ ᑭᒋ ᓇᓈᔅᑯᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 2:25

ᐁᓕᐌᒃ ᒫᑲ ᔮᓕᑌᓐ ᓂ ᑮ ᐃᑌᓕᑌᑖᔾ ᑭᒋ ᐃᑎᔕᐊᒫᑕᑾᒃ ᐃᐹᑉᕈᑖᐃᑕᔅ, ᓂᒋᔖᓐ, ᓀᔥᑕ ᓂ ᐎᒋᐙᑲᓐ ᐊᑑᔅᑫᐎᓂᒃ, ᓀᔥᑕ ᓂᒋᓇᑐᐸᓕᐎᓕᓕᒻ, ᒫᑲ ᑭᑦ ᐃᔑᑎᔕᐙᑲᓂᐗᐤ, ᐊᓇ ᓀᔥᑕ ᑳ ᑮ ᐅᒋᔅᑕᒫᑫᑦ ᓂ ᑶᑕᒧᐎᓇ᙮

ᓂᔥᑕᒻ ᑌᓴᓗᓂᔭᓇ 2:6

ᓇᒪ ᓀᔥᑕ ᐃᓕᓕᐗᒃ ᓂ ᑮ ᐅᒋ ᓈᓇᑕᐌᓕᑌᓈᐤ ᐱᓯᔅᑫᓕᑖᑯᓯᐎᓐ, ᓇᒪ ᓀᔥᑕ ᑭᓚᐗᐤ ᐅᒋ, ᓇᒪ ᓀᔥᑕ ᑯᑕᑭᔭᒃ ᐅᒋ, ᐃᔅᐱ ᑳ ᑲᔥᑭᑖᔮᑭᐸᓐ ᑭᒋ ᑎᐯᓕᒋᑫᓕᒥᑎᓱᔮᒃ ᑖᐱᔅᑯᒡ ᙭ ᐅᑦ ᐊᐸᔅᑕᓕᒪ᙮

ᓂᔥᑕᒻ ᑌᓴᓗᓂᔭᓇ 2:9

ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮

ᐦᐃᑉᕉᐗ 11:37

ᑮ ᐱᒶᓯᓈᑕᐗᐗᒃ, ᑮ ᑌᑖᐎᑖᔅᑭᐳᓇᐗᒃ, ᑮ ᑲᑴᒋᐋᐗᒃ, ᑮ ᓂᐸᐊᐗᒃ ᔑᒫᑲᓐ ᐅᒋ: ᑮ ᑭᑎᒫᑭᐹᐹᐃᑐᑌᐗᒃ ᐁ ᐎᓛᑕᑭᒃ ᒫᓂᔥᒑᓂᔣᔮᓂᓕᐤ ᓀᔥᑕ ᑯᑕᐙᔮᓂᓕᐤ; ᐁ ᑭᑎᒫᑭᓯᒋᒃ, ᐁ ᐊᓕᒥᓯᒋᒃ, ᐁ ᑲᒀᑕᑭᓯᒋᒃ;