ᓂᔓ ᑯᕆᓐᑎᐊᓇ 11:23 - ᐅᔅᑭ ᑎᔅᑌᒥᓐᑦ

²³ ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 11:23 ပူးပေါင်းရင်းမြစ်များ

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 20:23

ᐱᑯ ᐊᓇ ᑳ ᐸᓓᑭᓯᑦ ᐊᒑᒃ ᐁ ᐎᑕᒃ ᑕᑐ ᐃᑖᐎᓂᒃ, ᐁ ᐃᑗᑦ ᒫᒫᒋᑯᐱᓱᐎᓇ ᓀᔥᑕ ᐋᓕᒥᓯᐎᓇ ᐁ ᐯᐃᑯᔮᓐ᙮

ᐊᐸᔅᑕᓚᒃ 21:11

ᐃᔅᐱ ᒫᑲ ᑳ ᑮ ᐯᒋ ᓈᔑᔭᒥᑦ, ᑮ ᐅᑎᓇᒬᐤ ᐹᓪ ᐅ ᐸᑾᑌᐅᓂᓕᐤ, ᐁ ᑮ ᒫᒫᑯᐱᑕᒃ ᒫᑲ ᑎᐱᓚᐌ ᐅᒋᒋᔭ ᓀᔥᑕ ᐅᓯᑕ, ᑮ ᐃᑗᐤ, ᐁᑴᑗᑦ ᐸᓓᑭ ᐊᒑᒃ, ᐁᑯ ᑖᐱᔅᑯᒡ ᒎᐗᒃ ᒋᕉᓴᓚᒥᒃ ᑳ ᐃᑖᒋᒃ ᑫ ᐃᔑ ᒫᒪᒋᑯᐱᑖᒋᒃ ᐊᓂᐃ ᐃᓕᓕᐗ ᑳ ᑎᐱᓚᐌᐎᓯᓕᒋ ᐅᒣᓕᐤ ᐸᑾᑌᐅᓂᓕᐤ, ᑲᑕ ᐸᑭᑎᓀᐗᒃ ᒫᑲ ᐅ ᒋᒋᓖᒃ ᒉᓐᑖᐃᓚ᙮

ᐊᐸᔅᑕᓚᒃ 25:14

ᐃᔅᐱ ᒫᑲ ᐊᓐᑕ ᑳ ᑮ ᐃᑖᒋᒃ ᒥᒉᑐ ᑭᔑᑳᐗ, ᐯᔅᑕᔅ ᑮ ᐎᑕᒪᐌᐤ ᑭᒋᐅᑭᒫᐗ ᐹᓚ ᐁ ᐃᑎᓕᒋ, ᐁ ᐃᑗᑦ, ᐅᑕ ᐃᑖᐤ ᐯᔭᒃ ᐃᓕᓕᐤ ᑳ ᓇᑲᑎᑯᑦ ᐱᓕᒃᓴ ᐁ ᒫᒫᒋᑯᐱᓱᑦ:

ᐊᐸᔅᑕᓚᒃ 27:1

ᐃᔅᐱ ᒫᑲ ᑳ ᑮ ᐃᑕᔓᐙᓂᐗᒃ ᐊᓐᑕ ᐃᑕᓕ ᑭᒋ ᐃᑖᔑᔮᒃ, ᐹᓚ ᓀᔥᑕ ᐋᑎᑦ ᑯᑕᑭᔭ ᑭᐸᐙᑲᓇ ᑭ ᐸᑭᑎᓇᒪᐌᐗᒃ ᐊᐌᓕᐗ ᒎᓕᔭᔅ ᐁ ᐃᔑᓂᑳᓱᓕᒋ, ᓇᑐᐸᓕᐎᑭᒫᐗ ᐊᑲᔅᑕᔅ ᐅ ᒫᒪᐎᔭᑎᒥᒃ᙮

ᐊᐸᔅᑕᓚᒃ 28:16

ᐃᔅᐱ ᒫᑲ ᐌᑎᑕᒫᒃ ᕈᒻ, ᓇᑐᐸᓕᐎᑭᒪᐤ ᑮ ᐸᑭᑎᓇᒪᐌᐤ ᑭᐸᐙᑲᓇ ᐊᓂᐃ ᑳ ᑎᐯᓕᒫᓕᒋ ᐅᑲᓇᐎᓇᑐᐸᓕᐗ: ᒫᑲ ᐹᓪ ᑮ ᐃᓕᓈᑲᓂᐎᐤ ᑭᒋ ᐯᔭᑯ ᐎᑭᒫᑦ ᐊᓂᐃ ᐅᓇᑐᐸᓕᐗ ᑳ ᑲᓇᐌᓕᒥᑯᑦ᙮

ᐊᐸᔅᑕᓚᒃ 28:30

ᐹᓪ ᒫᑲ ᓂᔓ ᐱᐴᓋ ᐃᓕᑯᒃ ᑮ ᑕᔑᑫᐤ ᑎᐱᓚᐌ ᐎᑭᒃ, ᓀᔥᑕ ᑮ ᐱᑐᑲᐁᐤ ᒥᓯᐌ ᑳ ᐯᒋ ᓈᑎᑯᑦ,

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:36

ᑖᐱᔅᑯᒡ ᐁ ᐃᑕᓯᓇᐃᑳᑌᒃ, ᑭᓚ ᐅᒋ ᓂ ᓂᐸᐃᑲᐎᓈᓐ ᒥᓯᐌ ᐁᔅᑲᓂ ᑭᔑᑳᒃ; ᓂᑦ ᐃᑕᑭᒥᑲᐎᓈᓐ ᑖᐱᔅᑯᒡ ᒫᓂᔥᒑᓂᔕᒃ ᑳ ᐎ ᓂᐸᐋᑲᓂᐎᒋᒃ᙮

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔥᑕᒻ ᑯᕆᓐᑎᐊᓇ 3:5

ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔥᑕᒻ ᑯᕆᓐᑎᐊᓇ 4:1

ᐁᑯᔑ ᐊᐌᓇ ᓂ ᑳ ᐃᑕᑭᒥᑯᓈᓐ ᐁ ᐅᑦ ᐋᔭᒥᐋᐎᐊᑑᔅᑫᓚᑲᓂᒥᔭᒥᑦ ᙭, ᓀᔥᑕ ᐁ ᑲᓇᐌᓕᑎᓕᑲᐎᔮᒃ ᑭᒋᒪᓂᑐ ᐅ ᑳᒋ ᑫᒀᓇ᙮

ᓂᔥᑕᒻ ᑯᕆᓐᑎᐊᓇ 4:11

ᐙᐙᒡ ᐱᓕᔥ ᐊᓄᒡ ᓂ ᐎ ᒥᒋᓱᓈᓐ, ᓀᔥᑕ ᓂ ᐎ ᒥᓂᒀᓈᓐ, ᓀᔥᑕ ᓂ ᒧᔐᔥᑲᑌᓈᓐ, ᓀᔥᑕ ᓂ ᐸᑲᒪᐅᑲᐎᓈᓐ, ᓀᔥᑕ ᓇᒪᐎᓚ ᑫᒋᓇᔦᓕᑖᑾᓐ ᐃᑕ ᐁ ᐎᑭᔮᒃ;

ᓂᔥᑕᒻ ᑯᕆᓐᑎᐊᓇ 4:9

ᐌᓴ ᓂᑦ ᐃᑌᓕᑌᓐ ᑭᒋᒪᓂᑐ ᒫᒋᒡ ᐁ ᑮ ᐃᑕᓕᑖᒃ ᓂᓚᓈᓐ ᑳ ᐊᐸᔅᑕᓕᐎᔮᒃ, ᑖᐱᔅᑯᒡ ᐊᓂᑭ ᑳ ᑮ ᐃᑕᑭᒫᑲᓂᐎᒋᒃ ᑭᒋ ᓂᐱᒋᒃ; ᐌᓴ ᓂᑦ ᐃᔑᐃᑲᐎᓈᓐ ᑲᓇᐙᐸᒋᑲᓇᒃ ᑭᒋ ᑲᓇᐙᐸᒥᑖᑾᒃ ᐊᔅᑮᒃ ᑳ ᐃᑖᒋᒃ, ᓀᔥᑕ ᐁᓐᒐᓚᒃ, ᓀᔥᑕ ᐃᓕᓕᐗᒃ᙮

ᓂᔓ ᑯᕆᓐᑎᐊᓇ 10:7

ᑭ ᑲᓇᐙᐸᑌᓇᐗᐤ ᓈ ᑫᒀᓇ ᐁ ᐃᔑᓈᑾᑭ ᐗᔅᑮᒡ? ᑮᔥᐱᓐ ᐊᐌᓇ ᐃᓕᓕᐤ ᒣᒥᔑᑐᑕᓱᒋ ᐁ ᑎᐯᓕᒥᑯᑦ ᙭ᑕ, ᐁᑯᔑ ᐅᒣᓕᐤ ᓀᔥᑕ ᑲᑕ ᐃᑌᓕᑕᒻ, ᑖᐱᔅᑯᒡ ᐁ ᐃᔑ ᑎᐯᓕᒥᑯᑦ ᙭ᑕ, ᐁᑯ ᑖᐱᔅᑯᒡ ᓀᔥᑕ ᓂᓚᓈᓐ ᐁ ᑎᐯᓕᒥᔭᒥᑦ ᙭᙮

ᓂᔓ ᑯᕆᓐᑎᐊᓇ 11:5

ᐌᓴ ᓂᑦ ᐃᑌᓕᑌᓐ ᐁᑳ ᒥᑐᓂ ᐁ ᓄᑌᐸᓕᔮᓐ ᐃᔥᐱᔥ ᒫᐗᒡ ᑳ ᓂᑳᓀᓕᑖᑯᓯᒋᒃ ᐊᐸᔅᑕᓚᒃ᙮

ᓂᔓ ᑯᕆᓐᑎᐊᓇ 3:6

ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 4:11

ᐌᓴ ᓂᓚᓈᓐ ᑳ ᐱᒫᑎᓯᔮᒃ ᒧᔕᒃ ᓂᑦ ᐃᔑ ᐸᑭᑎᓂᑲᐎᓈᓐ ᓂᐱᐎᓂᒃ ᐎᓚ ᐅᒋ ᒋᓴᔅ, ᐅ ᐱᒫᑎᓯᐎᓐ ᒋᓴᔅ ᑭᒋ ᓄᑯᑖᓂᐗᓂᓕᒃ ᓂ ᓂᐱᐎᓂᐎᔮᓯᓈᒃ᙮

ᓂᔓ ᑯᕆᓐᑎᐊᓇ 6:9

ᑖᐱᔅᑯᒡ ᐁᑳ ᐁ ᑭᔅᑫᓕᑖᑯᓯᒋᒃ, ᐁᓕᐌᒃ ᒫᑲ ᒥᑐᓂ ᐁ ᑭᔅᑫᓕᒥᑲᐎᔮᒃ; ᑖᐱᔅᑯᒡ ᐁ ᓂᐱᒋᒃ, ᒫᑎᑲ, ᒫᑲ, ᓂ ᐱᒫᑎᓯᓈᓐ; ᑖᐱᔅᑯᒡ ᐁ ᐸᐸᓴᔅᑌᐅᒋᒃ ᐁᑳ ᒫᑲ ᐁ ᓂᐸᐃᑳᐎᔮᒃ;

ᑲᓓᔕᐊᓇ 6:17

ᐊᓄᒃ ᐅᒋ ᐁᑳᐎᓚ ᐊᐌᓇ ᐃᓕᓕᐤ ᓂ ᑳ ᒥᑯᔥᑳᒋᐃᒃ: ᐌᓴ ᓂ ᑭᑭᔥᑫᓐ ᓂᔭᐎ ᐅᒋᓯᓯᐎᓇ ᑳ ᐅᒋ ᑭᔅᑫᓕᑖᑯᓯᔮᓐ ᐁ ᑎᐯᓕᒥᑦ ᒋᓴᔅ ᐅᑎᐯᓕᒋᑫᐤ᙮

ᐃᐱᓯᔭᓇ 3:1

ᐁᐗᑯ ᐅᒪ ᐅᒋ ᓂᓚ ᐹᓪ, ᒋᓴᔅ ᙭ ᐅ ᑭᐸᐙᑲᓇ ᑭᓚᐗᐤ ᒉᓐᑖᐃᓚᒃ ᐅᒋ;

ᐃᐱᓯᔭᓇ 4:1

ᐁᐗᑯ ᐅᒋ ᓂᓚ ᐅᑎᐯᓕᒋᑫᐤ ᐅ ᑭᐸᐙᑲᓇ, ᑭ ᓇᑐᑕᒫᑎᓇᐗᐤ, ᑭᒋ ᑌᐸᑫᓕᑖᑯᓯᐎ ᐱᒧᑌᔦᒃ ᐊᓂᒪ ᓇᑐᒥᑯᓯᐎᓂᒃ ᑳ ᐃᔑ ᓇᑐᒥᑲᐎᔦᒃ;

ᐃᐱᓯᔭᓇ 6:20

ᐊᓂᒪ ᑳ ᐅᒋ ᐃᔑᑎᔕᐗᑲᓂᔮᓐ ᐁ ᒫᒫᒋᒀᐱᔅᑳᐅᑲᐎᔮᓐ: ᐁᐗᑯ ᑭᒋ ᑮ ᑎᐹᑐᑕᒫᓐ ᐁ ᓱᑭᑌᐁᔮᓐ ᑫ ᐃᔑ ᑎᐹᑐᑕᒫᐸᓐ᙮

ᐱᓕᐱᔭᓇ 1:13

ᐁᑯᔑ ᒫᑲ ᐁ ᐃᔑ ᒫᒪᒋᒀᐱᓱᔮᓐ ᙭ᑎᒃ ᐸᔭᑌ ᑭᔅᑫᓕᒋᑳᑌᐤ ᒥᓯᐌ ᑭᒋᐅᑭᒫᐎᑲᒥᑯᕽ, ᓀᔥᑕ ᒥᓯᐌ ᐃᑌ;

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᑯᓚᔑᔭᓇ 1:29

ᐃᑌ ᓀᔥᑕ ᑳ ᐃᔑ ᐊᑑᔅᑫᔮᓐ, ᐁ ᑲᑴᑲᔥᑭᑖᔮᓐ ᐁ ᐃᔑ ᐊᑐᔅᑫᑦ, ᐁᓕᑯᒃ ᑳ ᐊᑐᔅᑫᔅᑳᑯᐗᒃ᙮

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑎᒧᑎ 4:6

ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔓ ᑎᒧᑎ 1:16

ᐅᑎᐯᓕᒋᑫᐤ ᑲᑕ ᐎ ᒥᓓᐤ ᔕᐌᓕᒋᑫᐎᓂᓕᐤ ᐁᑕᓯᓕᒋ ᐎᑭᓕᒃ ᐅᓂᓯᐳᕋᔅ; ᐌᓴ ᒥᒉᑡᐤ ᓂ ᑮ ᒥᓜᓕᑕᒥᐃᒃ, ᓇᒪ ᓀᔥᑕ ᑮ ᓇᓀᐯᐎᓯᔅᑕᒻ ᓂ ᑕᑯᐱᓱᐎᓈᐱᔉ;

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᓂᔓ ᑎᒧᑎ 2:9

ᐃᑕ ᐁ ᐃᔑ ᐊᓕᒥᐃᑲᐎᔮᓐ ᑖᐱᔅᑯᒡ ᐊᐌᓇ ᑳ ᒪᒋᑐᑕᒃ, ᐁ ᒫᒫᒋᒀᐱᓱᔮᓐ: ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᓇᒪᐎᓚ ᒫᒫᒋᑯᐱᑌᓕᐤ᙮

ᓂᔓ ᑎᒧᑎ 3:11

ᓂ ᑲᒀᑕᑭᐃᑯᓯᐎᓇ, ᓂᑦ ᐊᓕᒥᓯᐎᓇ ᑳ ᑮ ᐅᑎᑎᑯᔮᓐ ᐊᓐᑕ ᐋᓐᑎᐊᑭᒃ, ᓀᔥᑕ ᐋᐃᑯᓂᔭᒥᒃ, ᓀᔥᑕ ᓕᔅᑦᕋᐃᒃ: ᑫᑯ ᑲᒀᑕᑭᐃᑯᓯᐎᓇ ᐁ ᑮ ᓇᔭᑕᒫᓐ: ᒫᑲ ᒥᓯᐌ ᐁᐗᒀᓂᐃ ᐅᒋ ᐅᑎᐯᓕᒋᑫᐤ ᓂ ᑮ ᐎᑾᒋᐃᒃ᙮

ᐹᐃᓕᒪᓐ 1:9

ᐁᓕᐌᒃ ᒫᑲ ᓵᑭᐃᐌᐎᓐ ᐅᒋ, ᓇᐗᒡ ᑭ ᐸᑯᓭᓕᒥᑎᓐ, ᐁ ᐋᐎᔮᓐ ᐊᓇ ᐹᓪ ᑳ ᑫᑌᔮᑎᓰᑦ, ᐊᓄᒡ ᓀᔥᑕ ᐅ ᑭᐸᐙᑲᓇ ᒋᓴᔅ ᙭᙮

ᐦᐃᑉᕉᐗ 10:34

ᐌᓴ ᑭ ᑮ ᑭᑎᒫᑫᓕᒥᓇᐗᐤ ᐁ ᑮ ᒫᒫᒋᒀᐱᓱᔮᓐ, ᓀᔥᑕ ᑭ ᑮ ᒥᓜᓕᑌᓇᐗᐤ ᐁ ᑮ ᒪᔅᑲᒥᑲᐎᔦᒃ ᑭᑦ ᐋᔮᓂᐗᐗ, ᐁ ᑭᔅᑫᓕᑕᒣᒃ ᐁ ᐋᔮᔦᒃ ᑭᔑᑭᔑᑯᒃ ᐊᐙᓯᑌ ᐁ ᒥᓨᔑᒃ ᓀᔥᑕ ᑳᑭᑫ ᐌᓗᑎᓯᐎᓐ᙮