19 ᐌᓴ ᑮ ᓯᑭᓓᓯᐎ ᐃᓕᓇᐗᐗᒃ ᑭᔥᑴᑳᓇᒃ, ᑭᓚᐗᐤ ᐁ ᑲᑫᑕᐌᓕᑕᒣᒃ᙮
ᓂᑦ ᐋᔭᒥᐋᐗᒃ ᑳ ᑲᑫᑕᐌᓕᑕᑭᒃ ᐃᓕᓕᐗᒃ; ᑎᐹᔅᑯᓀᓕᑕᒧᒃ ᑳ ᐃᑗᔮᓐ᙮
ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮
ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᐁᑳ ᐁ ᑮ ᔑᐯᓕᒪᒋᒃ ᐊᓂᑭ ᑳ ᒪᒋᑣᒋᒃ: ᑭ ᑮ ᑲᑴᒋᐋᐗᒃ ᒫᑲ ᐊᓂᑭ ᓂᑦ ᐊᐸᔅᑕᓕᐎᓂᓈᓐ ᑳ ᐃᑗᒋᒃ, ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᑭ ᑮ ᒥᔅᑲᐙᐗᒃ ᒫᑲ ᐁ ᑭᓛᔅᑭᔅᑭᒋᒃ:
ᐌᓴ ᑭᑦ ᐃᑣᓐ, ᓂ ᒥᔕᑭᓰᓐ, ᓀᔥᑕ ᓂ ᐌᓗᑎᓰᓐ, ᓇᒪ ᓀᔥᑕ ᑫᒀᓐ ᓂ ᒪᓀᓯᓐ; ᓇᒪ ᒫᑲ ᑭ ᑭᔅᑫᓕᑌᓐ ᐁ ᑲᒀᑕᑭᓯᔭᓐ, ᓀᔥᑕ ᐁ ᑭᑎᒫᑭᓈᑯᓯᔭᓐ, ᓀᔥᑕ ᐁ ᑭᑎᒫᑭᓯᔭᓐ, ᓀᔥᑕ ᐁᑳ ᐁ ᐙᐱᔭᓐ, ᓀᔥᑕ ᐁ ᒧᔑᔥᑲᑌᔭᓐ:
