ᓂᔓ ᑯᕆᓐᑎᐊᓇ 10:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᓇᒪᐎᓚ ᓂ ᔑᐱᓂᑎᓱᓈᓐ ᐊᐙᓯᑌ ᐁᔅᐱᒋᑭᑎᔮᒃ, ᑖᐱᔅᑯᒡ ᐁᑳ ᐁ ᐅᑎᑎᑕᑾᒃ: ᐌᓴ ᐃᔥᐱᔥ ᐃᑕ ᐁ ᐃᑖᔦᒃ ᓂ ᑮ ᐯᒋ ᐅᑎᑌᓇᓐ ᐁ ᑲᑫᔅᑭᒥᐌᐗᑭᑦ ᐅ ᒥᓗᐋᒋᒧᐎᓐ ᙭:

ᓂᔓ ᑯᕆᓐᑎᐊᓇ 10:14 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 1:1

ᐁ ᒫᒋᐸᓕᓕᒃ ᐅ ᒥᓗᐋᒋᒧᐎᓐ ᒋᓴᔅ ᙭, ᑭᒋᒪᓂᑐ ᐅᑯᓯᓴ;

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16

ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᓂᔥᑕᒻ ᑯᕆᓐᑎᐊᓇ 2:10

ᒫᑲ ᑭᒋᒪᓂᑐ ᐅᐅ ᑭ ᑮ ᐙᐸᑎᓕᑯᓇᐤ ᐅᑦ ᐊᒑᑾ ᐅᒋ: ᐌᓴ ᐊᒑᒃ ᓈᓇᑕᐌᓕᑕᒻ ᒥᓯᐌ ᑫᒀᓇ, ᐁᐁ, ᐊᓂᐃ ᑳ ᒫᒪᔅᑳᑌᓕᑖᑾᓂᓕᑭ ᐅᑦ ᐋᔮᓇ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 3:10

ᑳ ᐃᔑ ᒥᓕᑲᐎᔮᓐ ᑭᒋᒪᓂᑐ ᐅ ᔕᐌᓕᒋᑫᐎᓐ, ᑖᐱᔅᑯᒡ ᑫᑫᑕᐌᓕᑕᒃ ᐅᓂᑲᓂ ᐙᔅᑳᔨᑲᓂᑫᐤ, ᓂ ᑮ ᐅᓚᔅᑕᒋᑳᓐ, ᑯᑕᒃ ᒫᑲ ᐁᑯᑕ ᐎᐋᔅᑳᔨᑲᓂᑫᑦ᙮ ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᔮᒀᒥᓯᐤ ᐁ ᐃᔑ ᐙᔅᑳᔨᑲᓂᑫᑦ ᐁᑯᑕ᙮

ᓂᔥᑕᒻ ᑯᕆᓐᑎᐊᓇ 4:15

ᐌᓴ ᐋᑕ ᐁ ᐋᔭᐌᑾᒃ ᒥᑖᑡᐤ ᑭᒋᒥᑖᑐᒥᑕᓇᐤ ᐅᑭᔅᑭᓄᐊᒫᑫᐗᒃ ᙭ᑎᒃ, ᐁᓕᐌᒃ ᓇᒪᐎᓚ ᒥᒉᑎᐗᒃ ᑯᑖᐎᐗᐗᒃ; ᐌᓴ ᙭ ᒋᓴᓯᒃ ᑭ ᑮ ᓂᑕᐎᑭᐃᑎᓇᐗᐤ ᒥᓗᐋᒋᒧᐎᓂᒃ ᐅᒋ᙮

ᓂᔓ ᑯᕆᓐᑎᐊᓇ 2:12

ᓀᔥᑕ ᒫᑲ, ᐃᔅᐱ ᐱᐁᒋ ᐅᑎᑕᒫᓐ ᑦᕈᐊᔅ, ᑭᒋ ᐙᐎᑕᒶᒃ ᙭ ᐅ ᒥᓗᐋᒋᒧᐎᓐ, ᓀᔥᑕ ᐁ ᑮ ᐹᔅᑭᑌᓇᒪᐎᑦ ᐅᑎᐯᓕᒋᑫᐤ ᐃᔥᒀᑌᒥᓕᐤ,

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮