ᓂᔥᑕᒻ ᑌᓴᓗᓂᔭᓇ 5:9 - ᐅᔅᑭ ᑎᔅᑌᒥᓐᑦ

⁹ ᐌᓴ ᑭᒋᒪᓂᑐ ᓇᒪᐎᓚ ᐊᑯᓚᐌᓯᐎᓂᒃ ᑭ ᑮ ᐃᔑ ᓇᑐᒥᓈᓐ; ᒫᑲ ᑭᒋ ᐋᔮᔮᒃ ᐱᒫᒋᐃᐌᐎᓐ ᐎᓚ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭,

ᓂᔥᑕᒻ ᑌᓴᓗᓂᔭᓇ 5:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:24

ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᐊᐸᔅᑕᓚᒃ 1:20

ᐌᓴ ᐃᑕᓯᓇᐃᑳᑌᐤ ᓂᑲᒧᐎ ᒪᓯᓇᐃᑲᓂᒃ, ᐁᑯᔑ ᐅ ᑕᔑᑫᐎᓐ ᑲᑕ ᐱᔑᔑᒀᓕᐤ, ᓇᒪ ᓀᔥᑕ ᐊᐌᓇ ᐃᓕᓕᐤ ᐊᓐᑕ ᑲᑕ ᐎᑭᐤ; ᓀᔥᑕ ᐅᑦ ᐋᔭᒥᐋᐎ ᑎᐯᓕᒋᑫᐎᓐ ᐁᑯᔑ ᑯᑕᑭᔭ ᑲᑕ ᐅᑎᓇᒥᓕᐗ᙮

ᐊᐸᔅᑕᓚᒃ 1:25

ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:30

ᐌᓴ ᑖᐱᔅᑯᒡ ᐅᑖᓈᒃ ᑳ ᑮ ᐃᔑ ᐁᑳ ᑖᐺᑕᐌᑯᐸᓐ ᑭᒋᒪᓂᑐ, ᐁᓕᐌᒃ ᒫᑲ ᐊᓄᒡ ᐁ ᑮ ᒥᓕᑳᐎᔦᒃ ᔕᐌᓕᒋᑫᐎᓐ ᐅᑦ ᐋᓉᔦᓕᑕᒧᐎᓂᐗᐤ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:7

ᑫᒀᓐ ᒫᑲ? ᐃᔅᕃᐃᓪ ᓇᒪᐎᓚ ᑮ ᒥᓛᑲᓂᐎᐤ ᐊᓂᐁᓕᐤ ᑳ ᓈᓇᑕᐌᓕᑕᒃ: ᒫᑲ ᐊᓂᑭ ᑳ ᑮ ᐙᐌᓛᐸᒫᑲᓂᐎᒋᒃ ᑮ ᒥᓛᑲᓂᐎᐗᒃ, ᑯᑕᑭᔭᒃ ᒫᑲ ᓇᒪᐎᓚ ᑮ ᐋᐱᐗᒃ᙮

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᓂᔥᑕᒻ ᑌᓴᓗᓂᔭᓇ 3:3

ᐁᑳᐎᓚ ᐊᐌᓇ ᐃᓕᓕᐤ ᑭᒋ ᒥᑯᔥᑳᑎᔥᑳᑯᑦ ᐅᐅ ᑲᒀᑕᑭᓯᐎᓇ: ᐌᓴ ᑭᓚᐗᐤ ᑭ ᑭᔅᑫᓕᑌᓇᐗᐤ ᐁᑯᑕ ᐁ ᐸᑭᑌᓕᑖᑯᓯᔭᒃ᙮

ᓂᔥᑕᒻ ᑎᒧᑎ 1:13

ᓂᓚ ᑳᔮᔥ ᑳ ᑮ ᐹᔅᑖᒥᐌᔅᑭᔮᓐ, ᓀᔥᑕ ᑳ ᑮ ᑲᒀᑕᑭᐃᐌᔮᓐ, ᓀᔥᑕ ᑳ ᑮ ᒪᒋᑐᑖᑫᔮᓐ; ᒫᑲ ᓂ ᑮ ᒥᓕᑲᐎᓐ ᔕᐌᓕᒋᑫᐎᓐ, ᐋᓉᔦᓕᑕᒧᐎᓂᒃ ᐁ ᑮ ᑐᑕᒫᓐ ᐁᑳ ᐁ ᑮ ᑭᔅᑫᓕᑕᒫᓐ᙮

ᓂᔥᑕᒻ ᑎᒧᑎ 1:16

ᐁᓕᐌᒃ ᒫᑲ, ᐅᒪ ᐅᒋ ᓂ ᑮ ᒥᓕᑲᐎᓐ ᔕᐌᓕᒋᑫᐎᓐ, ᓂᓚ ᒪᐗᒋ ᓂᑳᓐ ᑭᒋ ᐅᒋ ᐙᐸᑎᓕᐌᑦ ᒥᓯᐌ ᔑᐱᓚᐌᓯᐎᓂᓕᐤ, ᑭᒋ ᑭᔅᑭᓄᐙᐸᑕᑭᒃ ᐊᓂᑭ ᐁᔥᑾ ᑫ ᑖᐺᔦᓕᒫᒋᒃ ᑳᑭᑫ ᐱᒫᑎᓯᐎᓂᒃ ᐃᔑ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᓂᔥᑕᒻ ᐱᑕᕐ 2:10

ᑭᓚᐗᐤ ᑳᔮᔥ ᐁᑳ ᑳ ᑮ ᐃᑕᔅᑳᓀᓯᔦᒃ ᐁ ᐃᓕᓕᐎᔦᒃ, ᒫᑲ ᐊᓄᒡ ᑯᑎᓕᓕᒥᒥᑯᐗᐤ ᑭᒋᒪᓂᑐ: ᐁᑳ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ, ᐊᓄᒡ ᒫᑲ ᑳ ᑮ ᒥᓕᑲᐎᔦᒃ ᔕᐌᓕᒋᑫᐎᓐ᙮

ᓂᔥᑕᒻ ᐱᑕᕐ 2:8

ᓀᔥᑕ ᐯᓱᔑᓄᐎ ᐊᓯᓂ, ᓀᔥᑕ ᓈᔦᑕᐌᓕᑕᒧᐎ ᑭᔅᑖᐱᔉ ᐊᓂᑭ ᐅᒋ ᑳ ᐱᓱᔅᑲᐊᑭᒃ ᐋᔭᒥᐎᓂᓕᐤ, ᐁ ᔑᐱᑕᑭᒃ; ᐃᑕ ᓀᔥᑕ ᑳ ᑮ ᐃᔑ ᐃᑕᑭᒫᑲᓂᐎᒋᒃ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᐱᑕᕐ 2:3

ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮