ᓂᔥᑕᒻ ᐱᑕᕐ 4:7 - ᐅᔅᑭ ᑎᔅᑌᒥᓐᑦ

⁷ ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᓂᔥᑕᒻ ᐱᑕᕐ 4:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:42

ᐁᐗᑯ ᐌᒋ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᑫᑯ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᑫ ᐯᒋ ᐃᑐᑌᒃ ᑭ ᑎᐯᓕᒋᑫᒥᐗᐤ᙮

ᐅᐸᓓᑭᔅ ᒫᑎᐤ 25:13

ᐁᐗᑯ ᐅᒋ ᐊᔕᐙᐱᒃ, ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᐊᓂᒪ ᐁ ᑭᔑᑳᒃ ᓀᔥᑕᐱᑯ ᑫᑯ ᑎᐹᔨᑲᓐ ᐱᓯᒧᑳᓂᒃ, ᒣᒀᒡ ᑫ ᐯᒋ ᐃᑐᑌᑦ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᓘᒃ 21:34

ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᓘᒃ 22:46

ᑮ ᐃᑌᐤ ᒫᑲ, ᑖᓀᑭ ᐌᒋ ᓂᐹᔦᒃ? ᐗᓂᔥᑳᒃ, ᐋᔭᒥᐋᒃ ᒫᑲ, ᐁᑳ ᑲᑴᒋᐃᐌᐎᓂᒃ ᑭᒋ ᐃᔅᐸᓕᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12

ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᓂᔥᑕᒻ ᑯᕆᓐᑎᐊᓇ 15:24

ᐁᑯ ᑫ ᐅᑎᒋᐸᓕᒃ ᐁ ᐃᔥᒀᔮᒃ, ᐃᔅᐱ ᑮ ᐸᑭᑎᓇᒪᐙᑌ ᑭᒋᐅᑭᒫᐎᐎᓂᓕᐤ ᑭᒋᒫᓂᑐᐗ, ᐅᑖᐎᒪᐗ ᐅᑎ; ᐃᔅᐱ ᑮ ᔖᑯᒋᑖᑌ ᒥᓯᐌ ᑎᐯᓕᒋᑫᐎᓂᓕᐤ, ᓀᔥᑕ ᒥᓯᐌ ᐅᑭᒫᐎᐎᓂᓕᐤ, ᓀᔥᑕ ᑲᔥᑭᐅᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 7:29

ᒫᑲ ᐅᒪ ᓂᑦ ᐃᑣᓐ, ᓂᒋᔖᓂᑐᒃ, ᒐᑲᐙᔑᓋ ᑭᔑᑳᐗ: ᐃᑌᓕᑖᑾᓐ, ᐊᓂᑭ ᑳ ᐎᐎᒋᒃ ᑭᒋ ᐃᔑᓈᑯᓯᒋᒃ ᑖᐱᔅᑯᒡ ᑮᔥᐱᓐ ᐁᑳ ᑮ ᐎᐎᒋᒃ:

ᐃᐱᓯᔭᓇ 6:18

ᒧᔕᒃ ᐁ ᐋᔭᒥᐋᔦᒃ ᒥᓯᐌ ᐋᔭᒥᐋᐎᓂᒃ ᓀᔥᑕ ᓇᑐᑕᒫᑫᐎᓂᒃ ᐊᒑᑯᒃ, ᐁᑯᑕ ᓀᔥᑕ ᐁ ᐃᔑ ᐊᔕᐙᐱᔦᒃ ᒥᓯᐌ ᐋᔑᑫᓕᑕᒧᐎᓂᒃ, ᓀᔥᑕ ᐁ ᐋᔭᒥᐁᔅᑕᒪᐌᑾᒃ ᒥᓯᐌ ᐅᐸᓓᑭᓴᒃ;

ᐱᓕᐱᔭᓇ 4:5

ᐁᑯᔑ ᒥᓯᐌ ᐃᓕᓕᐗᒃ ᑲᑕ ᑭᔅᑫᓕᑕᒶᒃ ᑮ ᐯᑳᒡ ᐃᑖᑎᓯᐎᓂᐗᐤ᙮ ᐅᑎᐯᓕᒋᑫᐤ ᑭᔑᐙᒃ ᐃᑖᐤ᙮

ᑯᓚᔑᔭᓇ 4:2

ᑕᑭᓀ ᐋᔭᒥᐋᒃ, ᓀᔥᑕ ᐁᑯ ᐃᔑ ᐊᔕᐙᐱᒃ ᐁ ᓇᓈᔅᑯᒧᔦᒃ;

ᓂᔓ ᑎᒧᑎ 4:5

ᒫᑲ ᑭᓚ ᒥᓯᐌ ᑫᒀᓇ ᐊᔕᐙᐸᑕ, ᔑᐯᓕᑕ ᑲᒀᑕᑭᓯᐎᓇ, ᑐᑕᒻ ᐅᑦ ᐊᑑᔅᑫᐎᓐ ᒥᓗᐋᒋᒧᐎᓕᓕᐤ, ᒥᑐᓂ ᑭᔅᑫᓕᑖᑯᑖ ᑭᑦ ᐊᑑᔅᑫᐎᓐ᙮

ᑕᐃᑕᔅ 2:12

ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;

ᐦᐃᑉᕉᐗ 10:25

ᐁᑳ ᐁ ᐳᓂ ᒪᐗᒋᐃᑐᔭᒃ, ᑖᐱᔅᑯᒡ ᐁ ᑐᑕᑭᒃ ᐋᑎᑦ; ᒫᑲ ᐁ ᑲᑫᔅᑭᒥᑐᔭᒃ, ᐊᐙᓯᑌ ᒫᑲ ᑫᔮᐸᒡ ᐁ ᑐᑕᒪᒃ ᐁ ᑆᐸᑕᒣᒃ ᐊᓂᒪ ᐁ ᑭᔑᑳᒃ ᐁ ᐹᐸᓕᒃ᙮

ᐦᐃᑉᕉᐗ 9:26

ᐌᓴ ᐅᒣᓕᐤ ᑮ ᑐᑕᒧᑯᐸᓀ ᒥᒉᑡᐤ ᑲᑕ ᑮ ᐎᓴᑫᓕᑕᒧᐸᓐ ᐃᔅᑯᓈᒃ ᑳ ᒫᒋ ᐊᔅᑭᐗᒃ: ᒫᑲ ᐊᓄᒡ ᐯᔭᑾᐤ ᐁ ᒫᒋᒡ ᑭᔑᑳᑭ ᑮ ᓄᑯᓯᐤ ᑭᒋ ᐃᑲᑌᓇᒃ ᒪᒋᑣᐎᓂᓕᐤ ᐁ ᓵᓵᑭᐎᓕᐌᐎ ᐸᑭᑎᓂᑎᓱᑦ᙮

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 3:7

ᑖᐱᔅᑯᒡ ᓀᔥᑕ, ᑭᓚᐗᐤ ᓈᐯᑐᒃ, ᐎᒋᑕᔑᑫᒥᑯᒃ ᐁ ᐃᔑ ᑭᔅᑫᓕᒋᑳᑌᒃ, ᐁ ᑭᔅᑌᓕᒣᑾᒃ ᑭᐎᐗᐗᒃ ᑖᐱᔅᑯᒡ ᑳ ᓕᓚᒪᒃ ᐊᓱᐗᒋᑲᓐ, ᑖᐱᔅᑯᒡ ᓀᔥᑕ ᐁ ᐃᑌᓕᑖᑯᓯᔦᒃ ᑭᒋ ᐊᑎ ᐋᔭᔦᒃ ᐱᒫᑎᓯᐎᓂ ᔕᐌᓕᒋᑫᐎᓐ; ᑭᑦ ᐋᔭᒦᐋᐎᓂᐙᐗ ᐁᑳ ᑭᒋ ᑭᐱᒋᑖᓂᐗᑭ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᑭᔅᑫᓕᑖᑯᑖᑫᐎᓐ 16:15

ᒫᑎᑲ, ᑖᐱᔅᑯᒡ ᑭᒧᑎᔉ ᓂ ᑕᑯᔑᓂᓐ᙮ ᔕᐌᓕᑖᑯᓯᐤ ᐊᓇ ᑳ ᐊᔕᐙᐱᑦ, ᓀᔥᑕ ᑳ ᑲᓇᐌᓕᑕᒃ ᐅ ᐎᓛᒋᑲᓇ, ᐁᑳ ᑭᒋ ᒧᔐᔥᑲᑌᑌᑦ, ᓀᔥᑕ ᐙᐸᑕᒥᓕᒋ ᐅ ᓇᓀᐯᐎᓯᐎᓐ᙮