ᓂᔥᑕᒻ ᒑᓐ 5:20 - ᐅᔅᑭ ᑎᔅᑌᒥᓐᑦ

²⁰ ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᓂᔥᑕᒻ ᒑᓐ 5:20 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:11

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑌᐤ, ᐁ ᒥᓕᑲᐎᔦᒃ ᑭᓚᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᑭᔑᑳᐎ ᐅᑭᒫᐎᐎᓇᒃ, ᒫᑲ ᐎᓚᐗᐤ ᓇᒪᐎᓚ ᒥᓛᐗᒃ᙮

ᐅᐸᓓᑭᔅ ᓘᒃ 21:15

ᐌᓴ ᓂᓚ ᑭ ᑳ ᒥᓕᑎᓇᐗᐤ ᒥᑐᓐ ᓀᔥᑕ ᑲᑫᑕᐌᓕᑕᒧᐎᓐ ᐁᑳ ᑫ ᑮ ᐋᓉᑕᑭᒃ ᐁᑳ ᓀᔥᑕ ᑫ ᑮ ᔖᑯᒋᑖᒋᒃ ᒥᓯᐌ ᐊᓂᑭ ᑳ ᐸᒀᑎᑖᑾᒃ᙮

ᐅᐸᓓᑭᔅ ᓘᒃ 24:45

ᐁᑯ ᐃᐋᐸᐊᒸᑦ ᐅ ᓂᓯᑐᑕᒧᐎᓂᓕᐤ, ᑭᒋ ᓂᓯᑐᑕᒥᓕᒋ ᑭᒋ ᒪᓯᓇᐃᑫᐎᓇ,

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 10:30

ᓂᓚ ᓀᔥᑕ ᓄᑖᐎ ᓂ ᐯᔭᑯᓈᓐ᙮

ᐅᐸᓓᑭᔅ ᒑᓐ 14:20

ᐊᓂᒪ ᑫ ᑭᔑᑳᒃ ᑭ ᑳ ᑭᔅᑫᓕᑌᓇᐗᐤ ᓂᓚ ᐁ ᐱᒋᔅᑲᐎᑦ ᓄᑖᐎ, ᓀᔥᑕ ᑭᓚᐗᐤ ᐁ ᐱᒋᔅᑲᐎᔦᒃ, ᓀᔥᑕ ᓂᓚ ᐁ ᐱᒋᔅᑳᑕᑾᒃ᙮

ᐅᐸᓓᑭᔅ ᒑᓐ 14:23

ᒋᓴᔅ ᑮ ᓇᔥᑴᐗᔑᐁᐤ, ᐁ ᐃᑖᑦ, ᑮᔥᐱᓐ ᐊᐌᓇ ᓵᑭᐃᑌ ᑲᑕ ᑲᓇᐎᑕᐤ ᓂᑦ ᐋᔭᒥᐎᓇ: ᓀᔥᑕ ᑲᑕ ᓵᑭᐃᑯ ᓄᑖᐎᔭ, ᓂ ᑳ ᐯᒋ ᓈᑖᓈᓐ ᒫᑲ, ᓀᔥᑕ ᓂ ᑳ ᐎᒋᑕᔑᑫᒫᓈᓐ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 14:9

ᒋᓴᔅ ᐃᑌᐤ, ᑭ ᑮ ᐎᒉᐎᑎᓇᐗᐤ ᓈ ᐁᑯ ᐃᔥᐱᔥ ᑭᓉᔥ, ᐁᔥᑾ ᓈ ᒫᑲ ᓇᒪ ᑭ ᑭᔅᑫᓕᒥᓐ ᐱᓕᑉ? ᐊᓇ ᑳ ᑮ ᐙᐸᒥᑦ ᑮ ᐙᐸᒣᐤ ᐅᑖᐎᒪᐗ; ᑖᓐᑌ ᒫᑲ ᐌᒋ ᐃᑗᔭᓐ, ᐙᐸᑎᓕᓈᓐ ᐅᑖᐎᒪᐤ?

ᐅᐸᓓᑭᔅ ᒑᓐ 15:4

ᐱᒋᔅᑲᐎᒃ ᓀᔥᑕ ᐁᑯ ᓀᔥᑕ ᑫ ᐱᒋᔅᑳᑕᑾᒃ᙮ ᑖᐱᔅᑯᒡ ᐗᑎᑾᓐ ᐁᑳ ᑎᐹᓐ ᐁ ᑮ ᓂᑖᐎᑭᑖᒪᑲᒃ ᒥᓂᔕ ᑮᔥᐱᓐ ᐁᑳ ᐁᑕᑾᑭ ᔓᒥᓈᑎᑯᒃ; ᓇᒪ ᓀᔥᑕ ᑭᓚᐗᐤ ᑮᔥᐱᓐ ᐁᑳ ᐱᒋᔅᑲᐎᔦᑴ᙮

ᐅᐸᓓᑭᔅ ᒑᓐ 17:14

ᓂ ᑮ ᒥᓛᐗᒃ ᑭᑦ ᐋᔭᒥᐎᓂᓕᐤ; ᐊᔅᑭᓕᐤ ᒫᑲ ᑮ ᐸᒀᑎᑯᐗᒃ, ᐁᑳ ᐊᔅᑮᒃ ᐁ ᐅᒋᒋᒃ, ᑖᐱᔅᑯᒡ ᓂᓚ ᐁᑳ ᐊᔅᑮᒃ ᐁ ᐅᒋᔮᓐ᙮

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 20:28

ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮

ᐅᐸᓓᑭᔅ ᒑᓐ 8:42

ᒋᓴᔅ ᑮ ᐃᑌᐤ, ᑮᔥᐱᓐ ᑭᒋᒪᓂᑐ ᐌᑖᐎᔦᑯ, ᑭ ᑳ ᓵᑭᐃᑕᐗᐤ: ᐌᓴ ᑭᒋᒪᓂᑐᒃ ᓂᑦ ᐅᒌᓐ ᓀᔥᑕ ᓂᑦ ᐅᑐᑖᓐ; ᓇᒪᐎᓚ ᓀᔥᑕ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂᑦ ᐅᒋ ᐯᒋ ᐃᑐᑖᓐ, ᒫᑲ ᓂ ᑮ ᐯᒋᑎᔕᐅᒃ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᐃᐱᓯᔭᓇ 3:18

ᑭᒋ ᑮ ᓂᓯᑐᑕᒣᒃ ᐊᓯᒋ ᒥᓯᐌ ᐅᐸᓓᑭᓴᒃ ᐁᔅᐱᒋ ᐋᓚᑲᔥᑳᒃ, ᓀᔥᑕ ᑭᓍᒃ, ᓀᔥᑕ ᑭᔅᐸᑳᒃ, ᓀᔥᑕ ᐃᔥᐹᒃ;

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 1:8

ᒫᑲ ᐅᑯᓯᓯᒪᐗ ᐃᑌᐤ, ᑭᑦ ᐅᑭᒪᐗᐱᐎᓐ, ᐅ ᑭᒋᒪᓂᑐ, ᑳᑭᑫ ᓀᔥᑕ ᑳᑭᑫ ᑲᑕ ᐃᑕᑾᓐ: ᒀᔭᔅᑭᑖᑎᓯᐎᓂ ᓭᑉᑕᕐ ᐁᐗᑯ ᑭᑦ ᐅᑭᒪᐎᐎᓂ ᓭᑉᑕᕐ᙮

ᓂᔥᑕᒻ ᒑᓐ 2:23

ᐊᐌᓇ ᐃᐋᓉᑕᐙᑴ ᐅᑯᓯᓯᒪᐗ, ᐁᐗᑯ ᓇᒪᐎᓚ ᐋᔭᐌᐤ ᐅᑖᐎᒪᐗ: ᒫᑲ ᐊᓇ ᑳ ᐙᐎᑕᒫᑫᑦ ᐅᑯᓯᓯᒪᐗ, ᐊᔭᐌᐤ ᐅᑖᐎᒪᐗ ᐊᓯᒋ᙮

ᓂᔥᑕᒻ ᒑᓐ 2:24

ᐁᑯᔑ ᒫᑲ ᑭ ᑳ ᐱᒋᔅᑳᑯᓇᐗᐤ ᐊᓂᒪ ᓃᔥᑕᒻ ᐅᒋ ᑳ ᑮ ᐯᑕᒣᒃ᙮ ᑮᔥᐱᓐ ᐊᓂᒪ ᓃᔥᑕᒻ ᐅᒋ ᑳ ᑮ ᐯᑕᒣᒃ ᑫᔮᐸᒡ ᐱᒋᔅᑳᑯᔦᑴ, ᑫᔮᐸᒡ ᓀᔥᑕ ᑭ ᑳ ᐱᒋᔅᑲᐙᐗᐤ ᐅᑖᐎᒪᐤ ᓀᔥᑕ ᐅᑯᓯᓯᒪᐤ᙮

ᓂᔥᑕᒻ ᒑᓐ 2:6

ᐊᓇ ᓂ ᐱᒋᔅᑲᐗᐤ ᑳ ᐃᑗᑦ, ᐁᑯᔑ ᑲᑕ ᐃᔑ ᐱᒧᑌᐸᓐ, ᒬᒋᒃ ᑳ ᑮ ᐃᔑ ᐱᒧᑌᓕᒋ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔥᑕᒻ ᒑᓐ 4:16

ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:2

ᐅᒪ ᑭ ᑳ ᐅᒋ ᑭᔅᑫᓕᒥᒪᐙᐗ ᑭᒋᒪᓂᑐ ᐅᑦ ᐊᒑᑾ᙮ ᒥᓯᐌ ᑕᑐ ᐊᒑᒃ ᑳ ᐃᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᑭᒋᒪᓂᑐᒃ ᐅᒋᐤ᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᓂᔥᑕᒻ ᒑᓐ 5:15

ᑮᔥᐱᓐ ᒫᑲ ᑭᔅᑫᓕᑕᒪᒃ ᐁ ᓇᑐᑖᑕᒃ, ᑫᒀᓐ ᐁ ᐃᔑ ᓇᑐᑕᒫᔭᒃ, ᑭ ᑭᔅᑫᓕᑌᓈᓇᐤ ᐁ ᐋᔮᔭᒃ ᐊᓂᐃ ᑳ ᑮ ᐸᑯᓭᓕᑕᒪᐗᒃ᙮

ᓂᔥᑕᒻ ᒑᓐ 5:18

ᑭ ᑭᔅᑫᓕᑌᓈᓇᐤ ᐊᐌᓇ ᑳ ᓂᑖᐎᑭᐃᑯᑦ ᑭᒋᒪᓂᑐᐗ ᓇᒪᐎᓚ ᒪᒋᑐᑕᒻ; ᒫᑲ ᐊᓇ ᑳ ᓂᑕᐎᑭᐃᑯᑦ ᑭᒋᒪᓂᑐᐗ ᑲᓇᐌᓕᒥᑎᓱ, ᓇᒪ ᓀᔥᑕ ᓵᒥᓂᑯ ᐊᓂᐃ ᒣᒋᑣᓕᒋ᙮

ᓂᔥᑕᒻ ᒑᓐ 5:5

ᐊᐌᓇ ᐊᓇ ᑳ ᔖᑯᒋᑖᑦ ᐊᔅᑭᓕᐤ, ᐊᓇ ᐱᑯ ᑳ ᑖᐺᑕᒃ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ?

ᑭᔅᑫᓕᑖᑯᑖᑫᐎᓐ 15:3

ᓂᑲᒧᐗᒃ ᒫᑲ ᐅ ᓂᑲᒧᐎᓐ ᒧᓯᔅ ᐅᑦ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᐅ ᓂᑲᒧᐎᓐ ᒫᓂᔥᒑᓂᔑᔥ, ᐁ ᐃᑗᒋᒃ: ᑭᒋᐃᑌᓕᑖᑾᓋ ᓀᔥᑕ ᒫᒪᔅᑳᑌᓕᑖᑾᓋ ᑭᑦ ᐊᑑᔅᑫᐎᓇ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔭᑳᑎᓯᔭᓐ; ᒀᔭᔅᑾᓋ ᓀᔥᑕ ᑕᐺᐗᓋ ᑭᑦ ᐃᔑᑣᐎᓇ ᑳ ᐅ ᑭᒋᐅᑭᒫᒥᒥᔅᑭᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 19:11

ᓂ ᑮ ᐙᐸᑌᓐ ᒫᑲ ᑭᒋᑭᔑᒃ ᐁ ᐋᐸᐋᔅᑌᒃ, ᒫᑎᑲ, ᒫᑲ, ᐁ ᐙᐱᓯᑦ ᒥᔅᑕᑎᒻ; ᐊᓇ ᒫᑲ ᑳ ᑌᑕᐱᑐᑕᐙᑦ ᑮ ᐃᔑᓂᑳᑕᐤ, ᐅᒀᔭᔅᑭᑎᐤ ᓀᔥᑕ ᐅᑖᐺᐎᐤ, ᒀᔭᔅᑭᑖᑎᓯᐎᓂᒃ ᒫᑲ ᑎᐹᔅᑯᓂᑫᐤ ᓀᔥᑕ ᓇᑐᐸᓕᐤ᙮

ᑭᔅᑫᓕᑖᑯᑖᑫᐎᓐ 3:14

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐊᐗ ᓓᐅᑕᓯᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᐁᒣᓐ, ᐊᓇ ᑳ ᒀᔭᔅᑭᑎᑦ ᓀᔥᑕ ᑳ ᑖᐺᐎᑦ ᐅᑎᐹᒋᒧ, ᐊᓇ ᒫᐗᒋ ᓃᔥᑕᒻ ᑳ ᑮ ᐃᑖᑦ ᐁ ᑮ ᒫᒋ ᐅᔑᒋᑫᑦ ᑭᒋᒪᓂᑐ;

ᑭᔅᑫᓕᑖᑯᑖᑫᐎᓐ 3:7

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐱᓚᑌᓪᐱᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᐸᓓᑭᓯᑦ, ᐊᓇ ᑳ ᑖᐺᐎᑦ, ᐊᓇ ᑳ ᐊᔮᐙᑦ ᑌᐱᑕ ᐅ ᐎᑯᑕᐃᑲᓂᓕᐤ, ᐊᓇ ᑳ ᐹᔅᑭᑌᓇᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᑭᐸᐊᒃ; ᓀᔥᑕ ᑳ ᑭᐸᐊᒃ, ᐁᑳ ᒫᑲ ᐊᐌᓇ ᐃᓕᓕᐤ ᑳ ᐹᔅᑭᑌᓇᒃ:

ᑭᔅᑫᓕᑖᑯᑖᑫᐎᓐ 6:10

ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ?