ᓂᔥᑕᒻ ᒑᓐ 4:17 - ᐅᔅᑭ ᑎᔅᑌᒥᓐᑦ

¹⁷ ᐅᒪ ᐁᑯ ᐁ ᐃᔑ ᒥᑐᓂᐎᐃᑳᑌᒃ ᑭ ᓵᑭᐃᐌᐎᓂᐗᐤ, ᑭᒋ ᐋᔮᔭᒃ ᑫᒋᓇᐅᐎᓐ ᑎᐹᔅᑯᓂᑫᐎ ᑭᔑᑳᑫ: ᐌᓴ ᐁ ᐃᔑ ᐋᔮᑦ, ᐁᑯ ᓀᔥᑕ ᐁ ᐃᔑ ᐋᔭᔭᒃ ᐅᑕ ᐊᔅᑭᒃ᙮

ᓂᔥᑕᒻ ᒑᓐ 4:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:15

ᑖᐺ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᐊᔅᑭ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᑎᐤ 10:25

ᐁᑯᓕᑯᒃ ᑭᔅᑭᓄᐊᒪᐙᑲᓐ ᑭᒋ ᐃᑌᓕᑖᑯᓯᑦ ᐁᑌᓕᑖᑯᓯᓕᒋ ᑳ ᑭᔅᑭᓄᐊᒫᑯᑦ, ᓀᔥᑕ ᐊᑑᔅᑫᓛᑲᓐ ᐃᔥᐱᔥ ᐅᑦ ᐅᑭᒫᒪ᙮ ᑮᔥᐱᓐ ᐲᓪᓯᐸᓪ ᑳ ᐃᔑᓂᑳᑕᐙᑴ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑖᐺ ᐊᐙᓯᑌ ᑲᑕ ᐃᔑᓂᑳᑌᐗᒃ ᐊᓂᐃ ᐅ ᐙᔅᑳᔨᑲᓂᒥᓕᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 11:22

ᒫᑲ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑯᓯᐗᒃ ᑖᐃᕐ ᓀᔥᑕ ᓵᐃᑕᓐ ᑎᐹᔅᑯᓂᑫᐎ ᑭᔑᑳᑭ ᐃᔥᐱᔥ ᑭᓚᐗᐤ᙮

ᐅᐸᓓᑭᔅ ᒫᑎᐤ 11:24

ᒫᑲ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓐ ᓴᑕᒻ ᐊᔅᑭ ᑎᐹᔅᑯᓂᑫᐎ ᑭᔑᑳᑫ ᐃᔥᐱᔥ ᑭᓚ᙮

ᐅᐸᓓᑭᔅ ᒫᑎᐤ 12:36

ᒫᑲ ᑭᑦ ᐃᑎᓇᐗᐤ, ᒥᓯᐌ ᑕᑐ ᐸᑾᓐᑕᐤ ᐋᔭᒥᐎᓂᓕᐤ ᑫ ᐃᑗᐙᑴ ᐃᓕᓕᐗᒃ, ᑲᑕ ᐎᑕᒶᒃ ᑎᐹᔅᑯᓂᑫᐎ ᑭᔑᑳᓕᑫ᙮

ᐅᐸᓓᑭᔅ ᒑᓐ 15:20

ᑭᔅᑭᓯᒃ ᐊᓂᒪ ᐋᔭᒥᐎᓐ ᑳ ᑮ ᐃᑎᑕᑾᒃ, ᐊᑑᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐁᑌᓕᑖᑯᓯᓕᒋ ᐅᑦ ᐅᑭᒫᒪ᙮ ᑮᔥᐱᓐ ᓂᓚ ᑳ ᓇᓀᑳᒋᐃᐙᑴ, ᑭᓚᐗᐤ ᓀᔥᑕ ᑭ ᑳ ᓇᓀᑳᒋᐃᑯᐙᐗᒃ; ᑮᔥᐱᓐ ᑳ ᑲᓇᐎᑕᐙᑴ ᓂᑦ ᐃᑗᐎᓂᓕᐤ, ᑭᑦ ᐃᑗᐎᓂᐗᐤ ᓀᔥᑕ ᑲᑕ ᑲᓇᐎᑖᐗᒃ᙮

ᐅᐸᓓᑭᔅ ᒑᓐ 17:22

ᓀᔥᑕ ᐊᓂᒪ ᑭᔅᑌᓕᑖᑯᓯᐎᓐ ᑳ ᑮ ᒥᓕᔭᓐ ᓂ ᑮ ᒥᓛᐗᒃ: ᑭᒋ ᐯᔭᑯᒋᒃ, ᑖᐱᔅᑯᒡ ᐁ ᐃᔑ ᐯᔭᑯᔭᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:29

ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮

ᐦᐃᑉᕉᐗ 9:27

ᓀᔥᑕ ᒫᑲ ᐁ ᐃᑕᔓᐙᒋᑳᑌᓕᒃ ᐃᓕᓕᐗᒃ ᐯᔮᑾᐤ ᑭᒋ ᓂᐱᒋᒃ, ᑭᐃᔥᑾ ᐊᓂᒪ ᒫᑲ ᑭᒋ ᑎᐹᔅᑯᓈᑲᓂᐎᒋᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:13

ᐌᓴ ᐎᓚ ᑲᑕ ᐋᔭᐤ ᑎᐹᔅᑯᓂᑯᓯᐎᓂᓕᐤ ᐁᑳ ᐁ ᐊᓯᒋᐸᓕᓕᒃ ᔕᐌᓕᒋᑫᐎᓂᓕᐤ, ᐁᑳ ᑳ ᑮ ᐙᐸᑎᓕᐌᑦ ᔕᐌᓕᒋᑫᐎᓂᓕᐤ; ᔕᐌᓕᒋᑫᐎᓐ ᒫᑲ ᒥᓚᐙᑕᒧᒪᑲᓐ ᐁ ᔖᑯᒋᑳᑌᒃ ᑎᐹᔅᑯᓂᑫᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:22

ᑭ ᐙᐸᑌᓐ ᑳ ᑮ ᐃᔑ ᐎᒋ ᐊᑑᔅᑫᒪᑲᒃ ᑖᐺᔦᓕᑕᒧᐎᓐ ᐊᓯᒋ ᐅᑦ ᐊᑑᔅᑫᐎᓇ, ᐊᑑᔅᑫᐎᓇ ᒫᑲ ᐅᒋ ᑖᐺᔦᓕᑕᒧᐎᓐ ᑮ ᒥᑐᓂᐎᐃᑳᑌᐤ᙮

ᓂᔓ ᐱᑕᕐ 2:9

ᐅᑎᐯᓕᒋᑫᐤ ᑭᔅᑫᓕᑕᒻ ᑫ ᐃᔑ ᐃᑖᒋᒃ ᐎᑾᒋᐋᑦ ᑳ ᒪᓂᑐᐙᑎᓯᓕᒋ ᑲᑴᒋᐃᐌᐎᓂᒃ ᐅᒋ, ᓀᔥᑕ ᑭᒋ ᐊᓛᑦ ᐁᑳ ᑳ ᒀᔭᔅᑭᑎᓕᒋ ᑲᒀᑕᑭᐃᑯᓯᐎᓂᒃ ᐱᓕᔥ ᑎᐹᔅᑯᓂᑫᐎ ᑭᔑᑳᓕᑫ:

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᓂᔥᑕᒻ ᒑᓐ 2:28

ᐁᑯ ᒫᑲ, ᐊᐱᔅᑕᐙᔑᔑᑐᒃ, ᑕᑭ ᐱᒋᔅᑲᐎᒃ; ᐃᔅᐱ ᓄᑯᓯᑌ, ᑭᒋ ᐋᔮᔦᒃ ᒪᔥᑲᐎ ᐊᔅᐯᓕᒧᐎᓐ, ᐁᑳ ᓀᔥᑕ ᑭᒋ ᓇᓀᐯᐎᓰᔅᑕᐌᒃ ᐯᒋ ᑕᑯᔑᑫ᙮

ᓂᔥᑕᒻ ᒑᓐ 2:5

ᒫᑲ ᐊᐌᓇ ᑫᓇᐌᓕᑕᒫᑴ ᐅᑦ ᐋᔭᒥᐎᓂᓕᐤ, ᐎᓚ ᑖᐺ ᐁ ᐱᒋᔅᑳᑯᑦ ᑭᒋᒪᓂᑐ ᐅ ᓵᑭᐃᐌᐎᓐ ᑭ ᒥᑐᓂᐎᐃᑳᑌᓕᐤ: ᐅᒪ ᐅᒋ ᑭ ᑭᔅᑫᓕᑌᓈᓇᐤ ᐁ ᐱᒋᔅᑲᐗᒃ᙮

ᓂᔥᑕᒻ ᒑᓐ 2:6

ᐊᓇ ᓂ ᐱᒋᔅᑲᐗᐤ ᑳ ᐃᑗᑦ, ᐁᑯᔑ ᑲᑕ ᐃᔑ ᐱᒧᑌᐸᓐ, ᒬᒋᒃ ᑳ ᑮ ᐃᔑ ᐱᒧᑌᓕᒋ᙮

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮

ᓂᔥᑕᒻ ᒑᓐ 3:7

ᐊᐱᔅᑕᐙᔑᔑᑐᒃ, ᐁᑯᔑ ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ: ᐊᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᒀᔭᔅᑭᑖᑎᓯᐤ, ᑖᐱᔅᑯᒡ ᐎᓚ ᐁ ᐃᔑ ᒀᔭᔅᑭᑖᑎᓯᓕᒋ᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮