ᓂᔥᑕᒻ ᒑᓐ 4:15 - ᐅᔅᑭ ᑎᔅᑌᒥᓐᑦ

¹⁵ ᒥᓯᐌ ᐊᐌᓇ ᑫ ᐎᑕᒧᑴ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ, ᑭᒋᒪᓂᑐᐗ ᐱᒋᔅᑳᑯ, ᐎᓚ ᓀᔥᑕ ᐱᒋᔅᑲᐌᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:32

ᐊᐌᓇ ᒫᑲ ᑫ ᑎᐹᒋᒥᑴ ᐃᑕ ᐁ ᐃᑖᓕᒋ ᐃᓕᓕᐗ, ᐁᐗᒀᓇ ᓀᔥᑕ ᑫ ᑎᐹᒋᒪᒃ ᐅᑎᔥᑲᐤ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᓘᒃ 12:8

ᐊᓯᒋ ᓀᔥᑕ ᑭᑦ ᐃᑎᓇᐗᐤ, ᐊᐌᓇ ᑫ ᑎᐹᒋᒥᑴ ᐃᑕ ᐁ ᐃᑖᓕᒋ ᐃᓕᓕᐗ, ᐁᐗᒀᓇ ᓀᔥᑕ ᑫ ᑎᐹᒋᒫᑦ ᐃᓕᓕᐎᑯᓯᓵᓐ ᐅᑎᔥᑳᐤ ᑭᒋᒪᓂᑐ ᐅᑦ ᐁᓐᒐᓕᒪ᙮

ᐅᐸᓓᑭᔅ ᒑᓐ 6:56

ᐊᓇ ᑳ ᒥᒋᑦ ᓂᔮᓯᓕᐤ, ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᓂ ᐱᒋᔅᑳᒃ, ᓀᔥᑕ ᓂᓚ ᓂ ᐱᒋᔅᑲᐗᐤ᙮

ᐊᐸᔅᑕᓚᒃ 8:37

ᐱᓕᑉ ᒫᑲ ᑮ ᐃᑗᐤ, ᑮᔥᐱᓐ ᑎᐋᐺᑕᒧᐗᓀ ᒥᓯᐌ ᑭᑌᐃ ᐅᒋ ᑭ ᑳ ᑮ ᑐᑕᑲᐎᓐ᙮ ᑮ ᓇᔥᑴᐗᔑᐃᐌᐤ ᒫᑲ ᓀᔥᑕ ᑮ ᐃᑗᐤ, ᓂ ᑖᐺᑌᓐ ᐊᓇ ᒋᓴᔅ ᙭ ᐁ ᐋᐎᑦ ᑭᒋᒪᓂᑐ ᐅᑯᓯᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:9

ᐁᐗᑯ ᐅᒪ, ᑮᔥᐱᓐ ᐎᑕᒫᓀ ᑭᑐᓂᒃ ᐅᒋ ᐁ ᑎᐯᓕᒋᑫᑦ ᒋᓴᔅ, ᓀᔥᑕ ᑖᐺᑕᒪᓀ ᑭᑌᐃᒃ ᐅᓂᐱᐗ ᐁ ᑮ ᐅᒋ ᐗᓂᔥᑳᓂᑯᑦ ᑭᒋᒪᓂᑐᐗ, ᑭ ᑳ ᐱᒫᒋᐃᑲᐎᓐ᙮

ᐱᓕᐱᔭᓇ 2:11

ᓀᔥᑕ ᒥᓯᐌ ᑕᑐ ᒥᑌᓕᓕ ᑭᒋ ᐎᑕᒧᒪᑲᒃ ᐁ ᑎᐯᓕᒋᑫᑦ ᒋᓴᔅ ᙭, ᑫ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ ᐌᐅᑖᐎᒪᐎᑦ᙮

ᓂᔥᑕᒻ ᒑᓐ 2:23

ᐊᐌᓇ ᐃᐋᓉᑕᐙᑴ ᐅᑯᓯᓯᒪᐗ, ᐁᐗᑯ ᓇᒪᐎᓚ ᐋᔭᐌᐤ ᐅᑖᐎᒪᐗ: ᒫᑲ ᐊᓇ ᑳ ᐙᐎᑕᒫᑫᑦ ᐅᑯᓯᓯᒪᐗ, ᐊᔭᐌᐤ ᐅᑖᐎᒪᐗ ᐊᓯᒋ᙮

ᓂᔥᑕᒻ ᒑᓐ 2:24

ᐁᑯᔑ ᒫᑲ ᑭ ᑳ ᐱᒋᔅᑳᑯᓇᐗᐤ ᐊᓂᒪ ᓃᔥᑕᒻ ᐅᒋ ᑳ ᑮ ᐯᑕᒣᒃ᙮ ᑮᔥᐱᓐ ᐊᓂᒪ ᓃᔥᑕᒻ ᐅᒋ ᑳ ᑮ ᐯᑕᒣᒃ ᑫᔮᐸᒡ ᐱᒋᔅᑳᑯᔦᑴ, ᑫᔮᐸᒡ ᓀᔥᑕ ᑭ ᑳ ᐱᒋᔅᑲᐙᐗᐤ ᐅᑖᐎᒪᐤ ᓀᔥᑕ ᐅᑯᓯᓯᒪᐤ᙮

ᓂᔥᑕᒻ ᒑᓐ 3:23

ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᒑᓐ 3:24

ᐊᓇ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᐱᒋᔅᑲᐌᐤ, ᓀᔥᑕ ᐱᒋᔅᑳᑯ᙮ ᓀᔥᑕ ᐁᑯᑕ ᐌᒋ ᑭᔅᑫᓕᑕᒪᒃ ᑕᑭ ᐁ ᐱᒋᔅᑳᑕᒃ, ᐊᓂᐃ ᐊᒑᑾ ᐅᒋ ᑳ ᑮ ᒥᓕᑕᒃ᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮

ᓂᔥᑕᒻ ᒑᓐ 4:2

ᐅᒪ ᑭ ᑳ ᐅᒋ ᑭᔅᑫᓕᒥᒪᐙᐗ ᑭᒋᒪᓂᑐ ᐅᑦ ᐊᒑᑾ᙮ ᒥᓯᐌ ᑕᑐ ᐊᒑᒃ ᑳ ᐃᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᑭᒋᒪᓂᑐᒃ ᐅᒋᐤ᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᓂᔥᑕᒻ ᒑᓐ 5:5

ᐊᐌᓇ ᐊᓇ ᑳ ᔖᑯᒋᑖᑦ ᐊᔅᑭᓕᐤ, ᐊᓇ ᐱᑯ ᑳ ᑖᐺᑕᒃ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ?

ᓂᔓ ᒑᓐ 1:7

ᐌᓴ ᒥᒉᑦ ᐅᑲᑳᔦᓕᓰᔅᑲᒃ ᑮ ᐯᒋ ᐃᑐᑌᐗᒃ ᐊᔅᑮᒃ, ᐁᑳ ᑳ ᐎᑕᑭᒃ ᒋᓴᔅ ᙭ᑕ ᐁ ᐯᒋ ᑕᑯᔑᓂᓕᒋ ᐎᔮᓯᒃ᙮ ᐊᐗ ᐁᐗᑯ ᐅᑲᑳᔦᓕᓯᐃᐌᔉ ᓀᔥᑕ ᓇᔅᐹᒡ ᙭᙮