ᓂᔥᑕᒻ ᒑᓐ 2:29 - ᐅᔅᑭ ᑎᔅᑌᒥᓐᑦ

²⁹ ᑮᔥᐱᓐ ᑭᔅᑫᓕᑕᒣᒃ ᐁ ᒀᔭᔅᑭᑖᑎᓰᑦ, ᑭ ᑭᔅᑫᓕᑌᓇᐗᐤ ᒥᓯᐌ ᑕᑐ ᐊᐌᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᐁ ᓂᑕᐎᑭᐃᑯᑦ᙮

ᓂᔥᑕᒻ ᒑᓐ 2:29 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:13

ᐊᓂᑭ ᐁᑳ ᒥᑯᒃ ᑳ ᐅᒋ ᓂᑖᐎᑭᒋᒃ, ᐁᑳ ᓀᔥᑕ ᐎᔮᓯᐎ ᐃᑌᓕᑕᒧᐎᓂᒃ, ᐁᑳ ᓀᔥᑕ ᐃᓕᓕᐎ ᐃᑌᓕᑕᒧᐎᓂᒃ, ᒫᑳ ᑭᒋᒪᓂᑐᒃ ᐅᒋ᙮

ᐅᐸᓓᑭᔅ ᒑᓐ 7:18

ᐊᓇ ᑳ ᐋᔭᒥᑦ ᐎᓚ ᑎᐱᓚᐌ ᐅ ᒥᑐᓀᓕᒋᑲᓂᒃ ᐅᒋ, ᓇᑕᐌᓕᑕᒻ ᐎᓚ ᑫᒋᐙᒃ ᐅ ᑭᔅᑌᓕᑖᑯᓯᐎᓐ: ᒫᑲ ᐊᓇ ᑳ ᓇᑕᐌᓕᒫᑦ ᑭᒋ ᑭᔅᑌᓕᑖᑯᐋᑲᓂᐎᓕᒋ ᐊᓂᐃ ᑳ ᑮ ᐯᒋᑎᔕᐅᑯᑦ, ᐁᐗᑯ ᑖᐺᐎᓂᐎᐤ, ᓇᒪ ᓀᔥᑕ ᐙᐙᒡ ᐱᒋᔅᑳᑯ ᒪᒑᑎᓯᐎᓂᓕᐤ᙮

ᐊᐸᔅᑕᓚᒃ 10:35

ᒫᑲ ᒥᓯᐌ ᐁ ᑕᑐᔅᑲᓀᓯᓕᒋ ᐃᓕᓕᐗ ᐅᒋ ᐊᓂᐃ ᑳ ᓇᓂᒋᔅᑖᑯᑦ, ᓀᔥᑕ ᑳ ᑐᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᐁᐗᒀᓂᐃ ᐌᑎᓈᑦ᙮

ᐊᐸᔅᑕᓚᒃ 22:14

ᑮ ᐃᑗᐤ ᒫᑲ, ᐊᓇ ᐅ ᑭᒋᒪᓂᑐᒥᐙᐗ ᑯᑖᐎᓈᐗᒃ ᑭ ᑮ ᐙᐌᓛᐸᒥᒃ, ᑭᒋ ᑭᔅᑫᓕᑕᒶᑦ ᐅᑦ ᐃᑌᓕᑕᒧᐎᓐ, ᓀᔥᑕ ᑭᒋ ᐙᐸᒪᑦ ᐊᓇ ᐅᒀᔭᔅᑭᑎᐤ, ᓀᔥᑕ ᑭᒋ ᐯᑕᒶᑦ ᐅ ᐯᑖᑯᓯᐎᓐ ᐅᑐᓂᒃ᙮

ᐊᐸᔅᑕᓚᒃ 3:14

ᑭ ᑮ ᐋᓉᑕᐗᐗᐤ ᒫᑲ ᐊᓇ ᑳ ᐸᓓᑭᓯᑦ, ᓀᔥᑕ ᑳ ᒀᔭᔅᑭᑎᑦ, ᒥᔅᑯᒡ ᒫᑲ ᑭ ᑮ ᓇᑕᐌᓕᒫᐗᐤ ᐅᓂᐸᔨᐌᐤ ᑭᒋ ᒥᓕᑲᐎᔦᒃ;

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᐦᐃᑉᕉᐗ 7:2

ᐊᓇ ᓀᔥᑕ ᑳ ᑮ ᒥᓕᑯᑦ ᐁᑉᕃᐊᒪ ᐯᔭᒃ ᐃᔥᐱᔥ ᒥᓯᐌ ᐁ ᑮ ᒥᑖᑐᑖᓂᐗᑭ; ᓃᔥᑕᒻ ᐁ ᐃᑗᔅᒋᑳᑌᒃ ᑳ ᐅᑭᒫᑲᑕᒃ ᒀᔭᔅᑭᑖᑎᓯᐎᓂᓕᐤ, ᒥᓇ ᒫᑲ ᐊᓯᒋ ᓭᓕᒻ ᑭᒋᐅᑭᒪᐤ, ᐁᐗᑯ ᐊᓇ ᑳ ᐅᑭᒫᑲᑕᒃ ᑳᔮᒣᓕᑕᒪᐎᓂᓕᐤ;

ᐦᐃᑉᕉᐗ 7:26

ᐌᓴ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐋᔭᐗᓇᐤ, ᑳ ᐸᓓᑭᓯᑦ, ᑳᑳᔮᒣᐎᓰᑦ, ᑳ ᒥᓗᑣᑦ, ᑳ ᐹᑳᓂᓯᑦ ᐅᒪᒋᑣᐗ ᐅᒋ, ᓀᔥᑕ ᐊᐙᓯᑌ ᑳ ᑭᔅᑎᓯᐋᑲᓂᐎᑦ ᐃᔥᐱᔥ ᑭᒋᑭᔑᑾ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᓂᔥᑕᒻ ᐱᑕᕐ 1:23

ᒥᓇ ᐁ ᑮ ᓂᑕᐎᑭᔦᒃ ᓇᒪᐎᓚ ᑳ ᓂᔑᐗᓈᑕᑭ ᓯᒥᓇ ᐅᒋ, ᒫᑲ ᐁᑳ ᑫ ᓂᔑᐗᓈᑕᑭ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᑳ ᐱᒫᑕᓂᓕᒃ ᓀᔥᑕ ᑳᑭᑫ ᑳ ᐃᑕᑾᓂᓕᒃ᙮

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔓ ᐱᑕᕐ 1:4

ᐊᓂᒪ ᑳ ᐅᒋ ᒥᓕᑲᐎᔭᒃ ᓈᔅᐱᒡ ᑭᒋ ᓀᔥᑕ ᑫᔅᑕᑭᑖᑾᑭ ᐊᔓᑕᒫᑫᐎᓇ; ᐅᐅ ᑭᒋ ᐅᒋ ᐎᒋᐅᑎᓇᒧᒥᐌᔦᒃ ᒪᓂᑐᐎ ᐃᑖᑎᓯᐎᓐ, ᐁ ᑮ ᐅᔑᑕᒣᒃ ᐊᓂᒪ ᓂᔑᐗᓈᑎᓯᐎᓐ ᑳ ᐃᑕᑾᒃ ᐊᔅᑮᒃ ᒪᒋ ᓇᑕᐌᓕᑕᒧᐎᓐ ᐅᒋ᙮

ᓂᔥᑕᒻ ᒑᓐ 2:1

ᓂᑦ ᐊᐱᔅᑕᐙᔑᒥᔑᒥᑐᒃ, ᐅᐅ ᑫᒀᓇ ᑭ ᒪᓯᓇᐊᒫᑎᓇᐗᐤ, ᐁᑳ ᑭᒋ ᒪᒋᑐᑕᒣᒃ᙮ ᑮᔥᐱᓐ ᒫᑲ ᐊᐌᓇ ᑮ ᒪᒋᑐᑕᒃ, ᑭᑦ ᐋᔭᐙᓇᐤ ᐅᑖᔭᒥᐁᔅᑕᒫᑫᐤ ᑳ ᐋᔭᒥᐋᑦ ᐅᑖᐎᒪᐗ, ᒋᓴᔅ ᙭ ᐅᒀᔭᔅᑭᑖᑎᓯᐤ:

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᓂᔥᑕᒻ ᒑᓐ 3:7

ᐊᐱᔅᑕᐙᔑᔑᑐᒃ, ᐁᑯᔑ ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ: ᐊᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᒀᔭᔅᑭᑖᑎᓯᐤ, ᑖᐱᔅᑯᒡ ᐎᓚ ᐁ ᐃᔑ ᒀᔭᔅᑭᑖᑎᓯᓕᒋ᙮

ᓂᔥᑕᒻ ᒑᓐ 4:7

ᓯᐋᑭᐃᑕᑾᒃ, ᐁᑯᔑ ᓵᑭᐃᑐᑕᐤ: ᐌᓴ ᓵᑭᐃᐌᐎᓐ ᑭᒋᒪᓂᑐᒃ ᐅᒋᐸᓕᐤ; ᓀᔥᑕ ᒥᓯᐌ ᑕᑐ ᐊᐌᓇ ᑳ ᓵᑭᐃᐌᑦ ᑭ ᓂᑕᐎᑭᐃᑯ ᑭᒋᒪᓂᑐᐗ, ᓀᔥᑕ ᑭᔅᑫᓕᒣᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᓂᔥᑕᒻ ᒑᓐ 5:18

ᑭ ᑭᔅᑫᓕᑌᓈᓇᐤ ᐊᐌᓇ ᑳ ᓂᑖᐎᑭᐃᑯᑦ ᑭᒋᒪᓂᑐᐗ ᓇᒪᐎᓚ ᒪᒋᑐᑕᒻ; ᒫᑲ ᐊᓇ ᑳ ᓂᑕᐎᑭᐃᑯᑦ ᑭᒋᒪᓂᑐᐗ ᑲᓇᐌᓕᒥᑎᓱ, ᓇᒪ ᓀᔥᑕ ᓵᒥᓂᑯ ᐊᓂᐃ ᒣᒋᑣᓕᒋ᙮

ᓂᔥᑕᒻ ᒑᓐ 5:4

ᐌᓴ ᒥᓯᐌ ᑫᒀᓕᐤ ᑳ ᓂᑕᐎᑭᑖᑦ ᑭᒋᒪᓂᑐ ᔖᑯᒋᐃᐌᒪᑲᓐ ᐊᔅᑭ: ᓀᔥᑕ ᐁᐗᑯ ᐅᒪ ᔖᑯᒋᐃᐌᐎᓐ ᑳ ᔖᑯᒋᑖᒪᑲᒃ ᐊᔅᑭ, ᑭ ᑖᐺᔦᓕᑕᒧᐎᓂᓇᐤ ᐅᑎ᙮

ᓂᔅᑐ ᒑᓐ 1:11

ᓯᐋᑭᐃᑖᓐ ᐁᑳᐎᓚ ᓄᔅᐱᓇᑖ ᐊᓂᒪ ᑳ ᒫᓛᑕᒃ, ᒫᑲ ᐊᓂᒪ ᑳ ᒥᓨᔑᒃ᙮ ᐊᓇ ᑳ ᒥᓗᑐᑕᒃ ᑭᒋᒪᓂᑐᒃ ᐅᒋᐤ; ᒫᑲ ᐊᓇ ᑳ ᒪᒋᑐᑕᒃ ᓇᒪᐎᓚ ᐅᒋ ᐙᐸᒣᐤ ᑭᒋᒪᓂᑐᐗ᙮