ᓂᔥᑕᒻ ᒑᓐ 2:18 - ᐅᔅᑭ ᑎᔅᑌᒥᓐᑦ

¹⁸ ᐊᐱᔅᑕᐙᔑᔑᑐᒃ, ᐊᓄᒡ ᐁᐗᑯ ᒫᒋᒡ ᐁ ᑭᔑᑳᑭ: ᑖᐱᔅᑯᒡ ᒫᑲ ᐁ ᑮ ᐯᑕᒣᒃ ᓇᔅᐹᒡ ᙭ ᑭᒋ ᑕᑯᔑᒃ, ᐊᓄᒡ ᐅᑎ ᐃᑕᐗᒃ ᒥᒉᑦ ᓇᔅᐹᒡ ᙭ᑕᒃ; ᐁᐗᑯ ᑳ ᐅᒋ ᑭᔅᑫᓕᑕᒪᒃ ᒫᒋᒡ ᐁ ᑭᔑᑳᑭ᙮

ᓂᔥᑕᒻ ᒑᓐ 2:18 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:11

ᒥᒉᑦ ᒫᑲ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᒥᒉᑦ ᒫᑲ ᑲᑕ ᐙᔦᔑᐁᐗᒃ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 24:5

ᐌᓴ ᒥᒉᑦ ᑲᑕ ᑕᑯᔑᓋᒃ ᓂᑦ ᐃᔑᓂᑳᓱᐎᓂᒃ, ᐁ ᐃᑗᒋᒃ, ᓂᓚ ᐁᐗᒀᓇ ᙭; ᒥᒉᑦ ᒫᑲ ᑲᑕ ᐙᔦᔑᒣᐗᒃ᙮

ᐅᐸᓓᑭᔅ ᒫᕐᒃ 13:6

ᐌᓴ ᒥᒉᑦ ᑲᑕ ᑕᑯᔑᓋᒃ ᓂᑦ ᐃᔑᓂᑳᓱᐎᓂᒃ, ᐁ ᐃᑗᒋᒃ, ᓂᓚ ᐁᐗᒀᓇ ᙭; ᒥᒉᑦ ᒫᑲ ᑲᑕ ᐙᔦᔐᒣᐗᒃ᙮

ᐅᐸᓓᑭᔅ ᒑᓐ 21:5

ᐁᑯ ᒋᓴᔅ ᐁᑖᑦ, ᐊᐙᔑᔑᑐᒃ, ᑭᑦ ᐋᔮᓇᐗᐤ ᓈ ᒥᒋᒻ? ᑮ ᓇᔥᑴᐗᔑᐁᐗᒃ, ᓇᒪᐎᓚ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:11

ᐅᒪ ᓀᔥᑕ, ᐁ ᑭᔅᑫᓕᑕᒣᒃ ᑖᓐ ᐁᔑ ᑭᔑᑳᑭ ᐊᓄᒡ, ᐋᔕᔾ ᐁ ᐅᑎᒋᐸᓕᒃ ᑭᒋ ᑯᔅᑯᓯᔭᒃ ᓂᐹᐎᓂᒃ ᐅᒋ; ᐌᓴ ᐊᓄᒡ ᐊᐙᓯᑌ ᑭᔑᐙᒃ ᐃᑕᑾᓐ ᑭ ᐱᒫᒋᐃᑯᓯᐎᓂᓇᐤ ᐃᔥᐱᔥ ᓂᔥᑕᒻ ᑳ ᑖᐺᑕᒪᑭᐸᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:12

ᐋᔕᔾ ᐁ ᑎᐱᔅᑳᒃ ᒥᔅᑕᐃ ᒥᔭᐎᐸᓕᐤ, ᐁ ᑭᔑᑳᒃ ᑭᔑᐙᒃ ᐃᑕᒀᓐ: ᐁᐗᑯ ᐅᒋ ᐌᐱᓈᑕᐤ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᐳᔅᑎᔥᑳᑕᐤ ᒫᑲ ᐙᔅᑌᐎᓂ ᓇᑐᐸᓕᐎ ᐗᐸᒋᑖᐎᓇ᙮

ᐦᐃᑉᕉᐗ 1:2

ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ;

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᓂᔓ ᐱᑕᕐ 2:1

ᒫᑲ ᑮ ᐃᑖᐗᒃ ᓇᔅᐹᒋ ᐅᑭᔅᑭᐙᐃᑫᐗᒃ ᒣᑴᔭᔥ ᐃᓕᓕᐗ, ᑖᐱᔅᑯᒡ ᓀᔥᑕ ᑫ ᐃᔑ ᐃᑖᒋᒃ ᓇᔅᐹᒋ ᐅᑭᔅᑭᓄᐊᒫᑫᐗᒃ ᒣᑴᔭᔥ ᑭᓚᐗᐤ, ᑭᒧᒡ ᑫ ᐱᑐᑲᑖᒋᒃ ᑳ ᓂᔑᐗᓈᒋᐃᐌᒪᑲᑭ ᓇᔅᐹᒡ ᑭᔅᑭᓄᐊᒫᑫᐎᓐ, ᐋᐳᒋᑲ ᐁ ᐋᓉᑕᐙᒋᒃ ᐅᑎᐯᓕᒋᑫᐗ ᑳ ᑮ ᑎᐸᐊᒫᑫᔅᑕᒫᑯᒋᒃ, ᓀᔥᑕ ᑫ ᑲᔥᑭᑕᒫᓱᒋᒃ ᐁ ᑭᔑᐸᓕᓕᒃ ᓂᔑᐗᓈᑎᓯᐎᓂᓕᐤ᙮

ᓂᔓ ᐱᑕᕐ 3:3

ᐅᒪ ᓃᔥᑕᒻ ᐁ ᑭᔅᑫᓕᑕᒣᒃ, ᑭᒋ ᑕᑯᔑᑭᒃ ᐁ ᐊᑎ ᑳᒋᒡ ᑭᔑᑳᑭ ᐅᐹᐱᓄᑕᑫᔅᑲᒃ, ᐁ ᐱᒧᑖᑕᑭᒃ ᑎᐱᓚᐌ ᐅ ᒪᒋ ᓇᑕᐌᓕᑕᒧᐎᓂᐙᐗ,

ᓂᔥᑕᒻ ᒑᓐ 2:22

ᐊᐌᓇ ᑳ ᑭᓛᔅᑭᔅᑭᑦ ᐊᓇ ᐱᑯ ᑳ ᐋᓉᑕᒃ ᒋᓴᓴ ᐁ ᙭ᑎᐎᓕᒋ? ᐎᓚ ᐁᐗᒀᓇ ᓇᔅᐹᒡ ᙭, ᐊᓇ ᑳ ᐋᓉᑕᐙᑦ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᓂᔥᑕᒻ ᒑᓐ 4:3

ᒥᓯᐌ ᑕᑐ ᐊᒑᒃ ᒫᑲ ᐁᑳ ᑳ ᐎᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᓇᒪᐎᓚ ᑭᒋᒪᓂᑐᒃ ᐅᒋᐤ: ᐁᐗᒀᓂ ᒫᑲ ᐅᑦ ᐊᒑᑾ ᓇᔅᐹᒡ ᙭, ᑳ ᑮ ᐯᑕᒣᒃ ᑭᒋ ᑕᑯᔑᒃ; ᐋᔕᔾ ᒫᑲ ᐊᔅᑮᒃ ᐃᑖᓕᐗ᙮

ᓂᔓ ᒑᓐ 1:7

ᐌᓴ ᒥᒉᑦ ᐅᑲᑳᔦᓕᓰᔅᑲᒃ ᑮ ᐯᒋ ᐃᑐᑌᐗᒃ ᐊᔅᑮᒃ, ᐁᑳ ᑳ ᐎᑕᑭᒃ ᒋᓴᔅ ᙭ᑕ ᐁ ᐯᒋ ᑕᑯᔑᓂᓕᒋ ᐎᔮᓯᒃ᙮ ᐊᐗ ᐁᐗᑯ ᐅᑲᑳᔦᓕᓯᐃᐌᔉ ᓀᔥᑕ ᓇᔅᐹᒡ ᙭᙮

ᒎᑦ 1:18

ᐁ ᑮ ᐎᑕᒫᑖᑾᒃ ᒣᒀᒡ ᒫᒋᒃ ᐁ ᑭᔑᑳᑭ ᑭᒋ ᐃᑖᒋᒃ ᐅᐹᐱᓄᑕᑫᔅᑲᒃ, ᑫ ᓄᔅᐱᓈᑕᑭᒃ ᑎᐱᓚᐌ ᐅ ᒪᒑᑎᓯᐎ ᒪᒋ ᓇᑕᐌᓕᑕᒧᐎᓂᐙᐗ᙮