ᓂᔥᑕᒻ ᑯᕆᓐᑎᐊᓇ 9:24 - ᐅᔅᑭ ᑎᔅᑌᒥᓐᑦ

²⁴ ᓇᒪ ᓈ ᑭ ᑭᔅᑫᓕᑌᓇᐗᐤ, ᐊᓂᑭ ᑳ ᑲᑴᒋᔅᑲᑎᑐᒋᒃ, ᒥᓯᐌ ᐱᒥᐸᐗᒃ, ᐯᔭᒃ ᒫᑲ ᐱᑯ ᐅᑎᓇᒻ ᐸᔅᑭᓚᐌᐎ ᑎᐸᐊᒫᑯᓯᐎᓂᓕᐤ? ᐁᑯ ᐃᔑ ᐱᒥᐸᑖᒃ, ᑭᒋ ᑮ ᐅᑎᓇᒣᒃ᙮

ᓂᔥᑕᒻ ᑯᕆᓐᑎᐊᓇ 9:24 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:16

ᓇᒪ ᓈ ᑭ ᑭᔅᑫᓕᑌᓇᑄᐤ, ᐊᓇ ᑳ ᐃᔑ ᐸᑭᑎᓂᑎᓱᔦᒃ ᐁ ᐅᑦ ᐊᑑᔅᑫᓛᑲᓂᒥᑖᒃ ᑭᒋ ᓇᓇᐃᑕᐌᒃ, ᐁᐗᒀᓇ ᑳ ᐅᑦ ᐊᑑᔅᑫᓛᑲᓂᒥᑖᒃ ᑳ ᓇᓇᐃᑕᐌᒃ; ᑮᔥᐱᓐ ᒪᒋᑣᐎᓐ ᓂᐱᐎᓂᒃ ᐃᔑ, ᓀᔥᑕᐱᑯ ᓇᓇᐃᑕᒧᐎᓐ ᒀᔭᔅᑭᑖᑎᓯᐎᓂᒡ ᐃᔑ?

ᓂᔥᑕᒻ ᑯᕆᓐᑎᐊᓇ 9:13

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓂᑭ ᑳ ᐋᔭᒥᐋᐎ ᓄᒋᑖᒋᒃ ᐸᓓᑭ ᑫᒀᓇ ᐁ ᐅᒋ ᐱᒫᑎᓯᒋᒃ ᐋᔭᒥᐁᐎᑲᒥᑯᒃ ᑳ ᐃᑕᑾᓂᓕᑭ? ᐊᓂᑭ ᓀᔥᑕ ᑳ ᐋᐸᑎᓯᒋᒃ ᐸᑭᒋᑲᓈᐱᔅᑯᒃ ᐁ ᐋᔮᒋᒃ ᐸᔅᑭ ᑳ ᐸᑭᑎᓂᑳᑌᓕᒃ ᐸᑭᒋᑲᓈᐱᔅᑯᒃ?

ᓂᔥᑕᒻ ᑯᕆᓐᑎᐊᓇ 9:23

ᐅᒪ ᓀᔥᑕ ᓂ ᑐᑌᓐ ᒥᓗᐋᒋᒧᐎᓐ ᐅᒋ, ᑭᒋ ᑮ ᐅᑎᓇᒫᓐ ᐊᓯᒋ ᑯᑕᑭᔭᒃ᙮

ᓂᔥᑕᒻ ᑯᕆᓐᑎᐊᓇ 9:26

ᐁᐗᑯ ᐌᒋ ᐃᔑ ᐱᒥᐸᑖᔮᓐ ᓂᓚ, ᓇᒪᐎᓚ ᐁᑳ ᐁ ᑫᒋᓇᐅᔮᓐ; ᐁᑯ ᓀᔥᑕ ᐁᔑ ᓄᑎᓂᑫᔮᓐ, ᓇᒪᐎᓚ ᑖᐱᔅᑯᒡ ᐊᐌᓇ ᐁ ᐅᑖᒪᐊᒃ ᐁ ᓗᑎᓂᓕᒃ:

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᑲᓓᔕᐊᓇ 5:7

ᑭ ᑮ ᒥᓗᐱᒥᐸᑖᑕᐗᐤ; ᐊᐌᓇ ᑳ ᑭ ᑭᐌᑎᔕᐅᑖᒃ ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ?

ᐱᓕᐱᔭᓇ 2:16

ᐁ ᑲᓇᐌᓕᑕᒣᒃ ᐱᒫᑎᓯᐎᓂ ᐋᔭᒥᐎᓐ; ᓂᓚ ᑭᒋ ᒧᒋᑫᓕᑕᒫᓐ ᐅ ᑭᔑᑳᒥᒃ ᙭, ᐁᑳ ᐸᑾᓐᑕᐤ ᐁ ᑮ ᐱᒥᐸᑖᔦᒃ, ᐁᑳ ᓀᔥᑕ ᐸᑾᓐᑕᐤ ᐁ ᑮ ᐊᑑᔅᑫᔦᒃ᙮

ᐱᓕᐱᔭᓇ 3:12

ᓇᒪᐎᓚ ᑖᐱᔅᑯᒡ ᐋᔕᔾ ᐁ ᑮ ᐅᑎᑕᒫᓐ, ᓀᔥᑕᐱᑯ ᐋᔕᔾ ᐁ ᒥᑐᓂᐎᓯᔮᓐ; ᒫᑲ ᓂ ᓄᔅᐱᓇᑌᓐ, ᑮᔥᐱᓐ ᑫ ᐅᑎᑎᓇᒧᐙᓀ ᐊᓂᒪ ᑳ ᑮ ᐅᒋ ᐅᑎᑎᓂᑦ ᙭ ᒋᓴᔅ᙮

ᐱᓕᐱᔭᓇ 3:14

ᓂ ᓄᔅᐱᓇᑌᓐ ᐁ ᑭᔅᑭᓄᐙᒋᒋᑳᑌᒃ, ᐁ ᐎ ᐋᔮᔮᓐ ᐊᓂᒪ ᐊᔅᑣᑐᐎᓐ ᑳ ᐅᒋᐸᓕᒃ ᐅ ᑭᒋ ᓇᑐᒋᑫᐎᓂᒃ ᑭᒋᒪᓂᑐ ᙭ ᒋᓴᓯᒃ᙮

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᐦᐃᑉᕉᐗ 12:1

ᐁ ᐙᐸᑕᒪᒃ ᒫᑲ ᐁ ᐙᔅᑳᔅᑳᑕᑾᒃ ᐁ ᐃᔅᐱᒋ ᒥᒉᑎᒋᒃ ᐅᑎᐹᒋᒧᐗᒃ, ᐁᑯᔑ ᐃᑲᑌᔅᑖᑕᐤ ᒥᓯᐌ ᑳ ᑯᓯᑾᒃ, ᐊᓂᒪ ᒪᒋᑐᑕᒧᐎᓐ ᓀᔥᑕ ᓈᔅᐱᒡ ᑳ ᐌᒋᐸᑭᔑᒥᑯᔭᒃ, ᐁᑯᔑ ᒫᑲ ᔑᐱᓚᐌᓯᐎᓂᒃ ᐱᒥᐸᑖᑕᐤ ᐊᓂᒪ ᑲᑴᒋᔅᑲᑎᑐᐎᓐ ᑳ ᓂᑳᓇᔅᑕᒫᑲᐎᔭᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12

ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᑭᔅᑫᓕᑖᑯᑖᑫᐎᓐ 3:11

ᒫᑎᑲ, ᐎᐸᒡ ᓂ ᑕᑯᔑᓂᓐ: ᐊᓂᒪ ᑳ ᐋᔮᔭᓐ ᒪᔥᑲᐎ ᒥᒋᒥᓇ, ᐁᑳ ᐊᐌᓇ ᐃᓕᓕᐤ ᑭᒋ ᐅᑌᓇᒃ ᑭᑦ ᐅᑭᒪᐗᔅᑐᑎᓂᓕᐤ᙮