ᓂᔥᑕᒻ ᑯᕆᓐᑎᐊᓇ 8:1 - ᐅᔅᑭ ᑎᔅᑌᒥᓐᑦ

¹ ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔥᑕᒻ ᑯᕆᓐᑎᐊᓇ 8:1 ပူးပေါင်းရင်းမြစ်များ

ᐊᐸᔅᑕᓚᒃ 15:10

ᐊᓄᒡ ᒫᑲ ᑖᓀᑭ ᐌᒋ ᑲᑴᒋᐁᒃ ᑭᒋᒪᓂᑐ, ᐁ ᐎ ᐳᒋ ᑖᐱᔅᑳᑲᓇᐌᑾᒃ ᐊᓂᑭ ᑭᔅᑫᓄᐊᒪᐗᑲᓇᒃ ᐊᓂᒪ ᐅᒋ, ᐁᑳ ᑯᑖᐎᓇᐗᒃ ᓀᔥᑕ ᑭᓚᓈᓇᐤ ᑳ ᑮ ᐱᒥᐎᑖᔭᒃ?

ᐊᐸᔅᑕᓚᒃ 15:29

ᑭᒋ ᐌᐱᓇᒣᒃ ᐊᓂᐃ ᒥᒋᒪ ᑳ ᐸᑭᑎᓇᒫᒋᒃ ᒪᓂᑐᑳᓇᒃ, ᓀᔥᑕ ᒥᑯ, ᓀᔥᑕ ᐊᓂᐃ ᑫᒀᓇ ᑳ ᑮ ᑭᐱᑴᐱᒋᑳᑌᑭ, ᓀᔥᑕ ᐱᔑᒀᑎᓯᐎᓐ; ᑮᔅᐱᓐ ᐅᐅ ᐅᒋ ᑲᓇᐌᓕᒥᑎᓱᔦᑴ, ᑾᔮᔉ ᑭ ᑳ ᑐᑌᓈᐗᐤ᙮ ᐙᒋᔭ᙮

ᐊᐸᔅᑕᓚᒃ 21:25

ᐊᓂᑭ ᒉᓐᑖᐃᓚᒃ ᒫᑲ ᐅᒋ ᑳ ᑖᐺᑕᑭᒃ, ᓂ ᑮ ᒥᓯᓇᐁᓈᓐ ᓀᔥᑕ ᓂ ᑮ ᐎᑌᓈᓐ ᐁᑳᐎᓚ ᐊᓂᒣᓕᐤ ᑭᒋ ᓈᑲᒋᑖᒋᒃ, ᐱᑯ ᐁᑳ ᑭᒋ ᐋᐸᒋᑖᒋᒃ ᑫᒀᓕᐤ ᑳ ᑮ ᐸᑭᑎᓇᒫᒥᓕᒋ ᒪᓂᑐᑳᓇ, ᓀᔥᑕ ᒥᑯᓕᐤ, ᓀᔥᑕ ᑳ ᑭᐱᑭᑐᓀᓈᑲᓂᒥᒋ, ᓀᔥᑕ ᐁᑳ ᑭᒋ ᐱᔑᒀᑎᓯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:16

ᐋᔮᒃ ᐯᔭᒃ ᒥᑐᓀᓕᒋᑲᓐ ᑭᒋ ᐃᑌᓕᑕᒫᑐᔦᒃ᙮ ᐁᑳᐎᓚ ᐱᓯᔅᑫᓕᑕᒧᒃ ᑳ ᐃᔅᐯᓕᑖᑾᑭ, ᒫᑲ ᐙᑯᒥᑯᒃ ᑳ ᑕᐸᑌᓕᑖᑯᓯᒋᒃ᙮ ᐁᑳᐎᓚ ᓂ ᑲᑫᑕᐌᓕᑌᓐ ᐃᑌᓕᒥᑎᓱᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:10

ᒫᑲ ᑖᓀᑭ ᐌᒋ ᑎᐹᔅᑯᓇᑦ ᑭᒋᔖᓐ? ᓀᔥᑕ ᐱᑯ ᑖᓀᑭ ᐌᒋ ᐋᑕᐌᓕᒪᑦ ᑭᒋᔖᓐ? ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᐅᑎᔥᑲᐎᑳᐸᐎ ᑕᒸᓈᓇᐤ ᙭ ᐅ ᑎᐹᔅᑯᓂᑫᐎ ᐊᐱᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:14

ᓂ ᑭᔅᑫᓕᑌᐤ, ᓀᔥᑕ ᓂ ᑫᒋᓇᐅᓐ ᐅᑎᐯᓕᒋᑫᐤ ᒋᓴᔅ ᐅᒋ, ᐁᑳ ᑫᒀᓐ ᐁ ᐃᑕᑾᒃ ᑎᐱᓚᐌ ᐁ ᒪᒉᓕᑖᑾᒃ; ᒫᑲ ᐊᓇ ᑫᒀᓕᐤ ᑳ ᒪᒉᓕᑕᒃ, ᐎᓚ ᐅᒋ ᒪᒉᓕᒀᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:22

ᑭᑦ ᐊᔮᓐ ᓈ ᑖᐺᔦᓕᑕᒧᐎᓐ? ᐊᔮᔅᑕᒪᓱ ᐅᑎᔥᑲᐤ ᑭᒋᒪᓂᑐᐗ᙮ ᒥᓜᓕᑕᒻ ᐊᓇ ᐁᑳ ᑳ ᓂᔑᐗᓈᒋᒥᑎᓱᑦ ᐊᓂᐁᓕᐤ ᐅᒋ ᑳ ᐃᓕᓇᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:3

ᐁᑯᔑ ᐁᑳᐎᓚ ᐊᓇ ᑳ ᒥᒋᑦ ᑲᑕ ᐋᑕᐌᓕᒣᐤ ᐊᓂᐃ ᐁᑳ ᑳ ᒥᒋᓕᒋ; ᐁᑯᔑ ᓀᔥᑕ ᐊᓇ ᐁᑳ ᑳ ᒥᒋᑦ ᑲᑕ ᑎᐹᔅᑯᓀᐤ ᐊᓂᐃ ᑳ ᒥᒋᓕᒋ: ᐌᓴ ᑮ ᐅᑎᓂᑯ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14

ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᓂᔥᑕᒻ ᑯᕆᓐᑎᐊᓇ 1:5

ᒥᓯᐌ ᑫᒀᓐ ᐁ ᑮ ᒥᔕᑭᐃᑖᒃ, ᒥᓯᐌ ᐋᔭᒥᐎᓂᒃ, ᓀᔥᑕ ᒥᓯᐌ ᑭᔅᑫᓕᑕᒧᐎᓂᒃ;

ᓂᔥᑕᒻ ᑯᕆᓐᑎᐊᓇ 10:15

ᓂᑦ ᐋᔭᒥᐋᐗᒃ ᑳ ᑲᑫᑕᐌᓕᑕᑭᒃ ᐃᓕᓕᐗᒃ; ᑎᐹᔅᑯᓀᓕᑕᒧᒃ ᑳ ᐃᑗᔮᓐ᙮

ᓂᔥᑕᒻ ᑯᕆᓐᑎᐊᓇ 10:28

ᒫᑲ ᑮᔥᐱᓐ ᐊᐌᓇ ᐃᓕᓕᐤ ᐃᑎᑕᑴ, ᐅᒪ ᑭ ᐸᑭᑎᓇᒪᐗᐗᒃ ᒪᓂᑐᑳᓇᒃ, ᐁᑳᐎᓚ ᒥᒌᒃ ᐊᓇ ᐅᒋ ᑳ ᑮ ᐎᑕᒫᑖᒃ, ᓀᔥᑕ ᒥᑐᓀᓕᒋᑲᓐ ᐅᒋ; ᐌᓴ ᐊᔅᑭ ᑎᐱᓚᐌᐎᓯᐤ ᐅᑎᐯᓕᒋᑫᐤ ᓀᔥᑕ ᐁ ᐃᔑ ᓵᑲᔅᑭᓀᒃ᙮

ᓂᔥᑕᒻ ᑯᕆᓐᑎᐊᓇ 14:20

ᓂᒋᔖᓂᑐᒃ, ᐁᑳᐎᓚ ᐊᐙᔑᔑᐎᒃ ᓂᓯᑐᑕᒧᐎᓂᒃ: ᒫᑲ ᐎᓚ ᑭᓰᔅᑖᑐᐎᓂᒃ ᐊᐙᔑᔑᐎᒃ, ᒫᑲ ᓂᓯᑐᑕᒧᐎᓂᒃ ᑭᔖᐯᐎᒃ᙮

ᓂᔥᑕᒻ ᑯᕆᓐᑎᐊᓇ 15:34

ᑯᔅᑯᓯᒃ ᒀᔭᔅᑭᑖᑎᓯᐎᓂᒃ ᐃᔑ, ᐁᑳ ᒫᑲ ᒪᒋᑐᑕᒧᒃ; ᐌᓴ ᐋᑎᑦ ᓇᒪᐎᓚ ᑭᔅᑫᓕᒣᐗᒃ ᑭᒋᒪᓂᑐᐗ: ᐅᒪ ᓂᑦ ᐃᑣᓐ ᑭᒋ ᐅᒋ ᓇᓀᐯᐎᓯᔦᒃ᙮

ᓂᔥᑕᒻ ᑯᕆᓐᑎᐊᓇ 4:10

ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔥᑕᒻ ᑯᕆᓐᑎᐊᓇ 4:18

ᐋᑎᑦ ᒫᑲ ᑭᔅᑌᓕᒧᐗᒃ, ᐁ ᐃᑌᓕᑕᑭᒃ ᐁᑳ ᑭᒋ ᐯᒋ ᓈᑎᑖᑾᒃ᙮

ᓂᔥᑕᒻ ᑯᕆᓐᑎᐊᓇ 4:6

ᐅᐅ ᑫᒀᓇ, ᓂᒋᔖᓂᑐᒃ, ᑭᔅᑭᓄᐙᒋᒋᑲᓇᒃ ᓂ ᑮ ᐊᔓᐃᐎᓇᒫᓱᓐ ᓀᔥᑕ ᐊᐸᓚᔅ ᑭᓚᐗᐤ ᐅᒋ; ᑭᒋ ᐃᔑ ᑭᔅᑫᓕᑕᒣᒃ ᓂᓚᓈᓐ ᐅᒋ ᐁᑳ ᐋᓕᐙᒃ ᑭᒋ ᐃᑌᓕᒣᑾᒃ ᐃᓕᓕᐗᒃ, ᐃᔥᐱᔥ ᑳ ᐃᑕᓯᓇᐃᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᑭᔅᑌᓕᒥᑎᓱᔅᑕᐙᑦ ᑯᑕᑭᔭ᙮

ᓂᔥᑕᒻ ᑯᕆᓐᑎᐊᓇ 5:2

ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮

ᓂᔥᑕᒻ ᑯᕆᓐᑎᐊᓇ 5:6

ᑭ ᒫᒪᑖᑯᒧᐎᓂᐗᐤ ᓇᒪᐎᓚ ᒥᓨᔑᓐ, ᓇᒪ ᓈ ᑭ ᑭᔅᑫᓕᑌᓇᐗᐤ ᒫᓐᔑᔥ ᐅᐱᓯᑲᓐ ᒥᓯᐌ ᐁ ᐅᐱᓯᑫᒪᑲᒃ?

ᓂᔥᑕᒻ ᑯᕆᓐᑎᐊᓇ 8:2

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᓂ ᑭᔅᑫᓕᑌᓐ ᑫᒀᓐ ᐁᑌᓕᑕᒧᑴ, ᓇᒪᐎᓚ ᐁᔥᑾ ᑫᒀᓕᐤ ᑭᔅᑫᓕᑕᒻ ᑫ ᐃᔑ ᑭᔅᑫᓕᑕᑭᐸᓐ᙮

ᓂᔥᑕᒻ ᑯᕆᓐᑎᐊᓇ 8:4

ᒫᑲ ᐁ ᒥᒋᓈᓂᐗᒃ ᐊᓂᐃ ᑳ ᑮ ᐸᑭᑎᓇᒫᒋᒃ ᐁ ᓵᓴᑭᐎᓕᐌᔅᑕᐙᑲᓂᐎᒋᒃ ᒪᓂᑐᑳᓇᒃ ᑭ ᑭᔅᑫᓕᑌᓈᓇᐤ ᒫᓂᑐᑳᓐ ᐁᑳ ᐙᔦᔥ ᐁ ᐃᑌᓕᑖᑯᓯᑦ ᐅᑕ ᐊᔅᑮᒃ, ᓀᔥᑕ ᐁᑳ ᐙᐙᒡ ᐁ ᐃᑖᑦ ᑯᑕᑳ ᑭᒋᒪᓇᑐ, ᐱᑯ ᐯᔭᒃ᙮

ᓂᔥᑕᒻ ᑯᕆᓐᑎᐊᓇ 8:7

ᒫᑲ ᓇᒪᐎᓚ ᒥᓯᐌ ᐃᓕᓕᐗᒃ ᐋᔭᐗᒃ ᐅᒣᓕᐤ ᑭᔅᑫᓕᑕᒧᐎᓂᓕᐤ: ᐌᓴ ᐋᑎᑦ, ᐁ ᑭᔅᑫᓚᒫᒋᒃ ᒪᓂᑐᑳᓇ, ᐱᓕᔥ ᐊᓄᒡ, ᒥᒋᐗᒃ ᑖᐱᔅᑯᒡ ᑫᒀᓕᐤ ᑳ ᑮ ᐸᑭᑎᓇᒫᓕᒋ ᒪᓂᑐᑳᓇ; ᓀᔥᑕ ᐅ ᒥᑐᓀᓕᒋᑲᓂᐗᐤ ᐁ ᓕᓚᒥᓯᒪᑲᓂᓕᒃ ᐎᓕᐱᑖᓂᐗᓂᓕᐤ᙮

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᑭᔅᑫᓕᑖᑯᑖᑫᐎᓐ 2:14

ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮

ᑭᔅᑫᓕᑖᑯᑖᑫᐎᓐ 2:20

ᐁᓕᐌᒃ ᒫᑲ, ᓂᑦ ᐋᔮᓐ ᐋᑎᑦ ᑫᒀᓇ ᑭᒋ ᒫᒥᔑᒥᑖᓐ, ᐁ ᐃᓕᓇᐗᑦ ᐊᓇ ᐎᔅᑴᐤ ᒉᓯᐸᓐ, ᐅᑭᔅᑭᐙᐃᑫᔅᑴᐤ ᑳ ᐃᔑᓂᑲᑎᑎᓱᑦ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑭᒋ ᐙᔦᔑᒫᑦ ᓂᑦ ᐊᑑᔅᑫᓛᑲᓂᒪ ᑭᒋ ᐱᔑᑾᒋ ᐃᓯᒋᑫᓕᒋ, ᓀᔥᑕ ᑭᒋ ᒥᒋᓕᒋ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑲᓇ᙮