ᓂᔥᑕᒻ ᑯᕆᓐᑎᐊᓇ 6:9 - ᐅᔅᑭ ᑎᔅᑌᒥᓐᑦ

⁹ ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔥᑕᒻ ᑯᕆᓐᑎᐊᓇ 6:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 19:29

ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᓘᒃ 21:8

ᑮ ᐃᑗᐤ ᒫᑲ, ᔮᒀᒥᓯᒃ ᐁᑳ ᑭᒋ ᐙᔦᔑᐃᑲᐎᔦᒃ; ᐌᓴ ᒥᒉᑦ ᑲᑕ ᑕᑯᔑᓋᒃ ᓂᑦ ᐃᔑᓂᑳᓱᐎᓂᒃ, ᐁ ᐃᑗᒋᒃ, ᓂᓚ ᐁᐗᒀᓇ ᙭; ᐹᐸᓕᐤ ᒫᑲ ᐊᓂᒪ ᐁ ᑭᔑᑳᒃ: ᐁᑳᐎᓚ ᒫᑲ ᓄᔅᐱᓈᑎᑯᒃ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 24:25

ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:18

ᐌᓴ ᐅᑦ ᐋᑯᓚᐌᓯᐎᓐ ᑭᒋᒪᓂᑐ ᑭᒋᑭᔑᑯᒃ ᐅᒋ ᓄᑾᓂᓕᐤ ᐁ ᐃᑌᓕᑕᒸᑦ ᐃᓕᓕᐗ ᒥᓯᐌ ᐅ ᒪᒋᐱᒫᑎᓯᐎᓂᓕᐤ ᓀᔥᑕ ᐅ ᒪᒑᑎᓯᐎᓂᓕᐤ, ᑳ ᒥᒋᒥᓇᒥᓕᒋ ᑖᐺᐎᓂᓕᐤ ᒪᒑᑎᓯᐎᓂᒃ;

ᓂᔥᑕᒻ ᑯᕆᓐᑎᐊᓇ 15:33

ᐁᑳᐎᓚ ᑭ ᑳ ᐙᔦᔑᒥᑲᐎᓇᐗᐤ: ᒪᒋ ᐃᑎᑐᐎᓇ ᐅᒋ ᓂᔑᐗᓈᑕᓋ ᒥᓗ ᐃᔑᑣᐎᓇ᙮

ᓂᔥᑕᒻ ᑯᕆᓐᑎᐊᓇ 15:50

ᐅᒪ ᒫᑲ ᓂᑦ ᐃᑣᓐ, ᓂᒋᔖᓂᑐᒃ, ᐎᔮᔅ ᓀᔥᑕ ᒥᑯ ᓇᒪᐎᓚ ᑲᑕ ᑮ ᐱᑐᑫᒪᑲᓋ ᑭᒋᒪᓂᑐ ᐅᑦ ᐅᑭᒪᐎᐎᓂᓐ; ᓇᒪ ᓀᔥᑕ ᐊᓂᒪ ᑳ ᓂᔑᐗᓈᑕᒃ ᑲᑕ ᑮ ᐊᔑᑕᑭᑌᐤ ᐊᓂᒪ ᐁᑳ ᑳ ᓂᔑᐗᓈᑕᒃ᙮

ᓂᔥᑕᒻ ᑯᕆᓐᑎᐊᓇ 3:16

ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?

ᓂᔥᑕᒻ ᑯᕆᓐᑎᐊᓇ 5:1

ᐃᑖᒋᒧᓋᓂᐗᓐ ᐁ ᐃᑕᑾᒃ ᐱᔑᒀᑎᓯᐎᓐ ᐃᑕ ᐁ ᐃᑖᔦᒃ, ᓀᔥᑕ ᑐᐎ ᐱᔑᒀᑎᓯᐎᓐ ᐁᑳ ᐃᔥᐱᔥ ᑳ ᐋᓕᒧᒋᑳᑌᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᐊᐌᓇ ᑭᒋ ᐋᔮᐄᒫᑦ ᐅᑖᐎᔭ ᐎᐎᓕᐗ᙮

ᓂᔥᑕᒻ ᑯᕆᓐᑎᐊᓇ 5:10

ᐁᓕᐌᒃ ᒫᑲ ᓇᒪᐎᓚ ᒥᑐᓂ ᑭ ᑭᑕᐊᒫᑎᓇᐗᐤ ᑭᒋ ᐎᒉᐌᑾᒃ ᐅᐱᔑᒀᑎᓰᔅᑲᒃ ᐅᑕ ᐊᔅᑮᒃ, ᓀᔥᑕ ᐅ ᒧᔅᑌᓇᒫᑫᔅᑲᒃ, ᓀᔥᑕ ᐅᒪᔅᑲᑗᔅᑲᒃ, ᓀᔥᑕ ᑳ ᓇᐗᑭᔅᑕᐙᒋᒃ ᒪᓂᑐᑳᓇ; ᐌᓴ ᐁᑯᔅᐱ ᑫ ᐗᓚᐎᔦᑯᐸᓐ ᐊᔅᑮᒃ ᐅᒋ᙮

ᓂᔥᑕᒻ ᑯᕆᓐᑎᐊᓇ 5:11

ᒫᑲ ᐊᓄᒡ ᑭ ᑮ ᒪᓯᓇᐊᒫᑎᓇᐗᐤ, ᐁᑳ ᑭᒋ ᐎᒉᐌᒃ ᐊᐌᓇ ᐎᒋᔖᓂᒪᐤ ᑳ ᐃᔑᓂᑳᑖᑲᓂᐎᑦ, ᑳ ᐱᔑᒀᑎᓯᔅᑭᑦ, ᓀᔥᑕ ᑳ ᒧᔅᑌᓇᒫᑫᔅᑭᑦ, ᓀᔥᑕ ᑳ ᓇᐗᑮᔅᑕᐙᑦ ᒪᓂᑐᑳᓇ, ᓀᔥᑕ ᑳ ᒫᓓᓕᒋᑫᔅᑭᑦ, ᓀᔥᑕ ᑳ ᑭᔥᑴᐯᔅᑭᑦ, ᓀᔥᑕ ᑳ ᒪᔅᑲᑗᔅᑭᑦ; ᐊᐌᓇ ᐊᐗ ᑐᐎ, ᐁᑳ ᐙᐙᒡ ᑭᒋ ᐎᒋᒥᒋᓱᒣᒃ᙮

ᓂᔥᑕᒻ ᑯᕆᓐᑎᐊᓇ 6:10

ᓇᒪ ᓀᔥᑕ ᑭᒧᑎᔅᑲᒃ, ᓇᒪ ᓀᔥᑕ ᐅᒧᔅᑌᓇᒫᑫᔅᑲᒃ, ᓇᒪ ᓀᔥᑕ ᑭᔥᑴᐯᔅᑲᒃ, ᓇᑕ ᓀᔥᑕ ᐅᒫᓓᓕᒋᑫᔅᑲᒃ, ᓇᒪ ᓀᔥᑕ ᐅᒪᔅᑲᑗᔅᑲᒃ, ᑲᑕ ᐋᓂᔅᑫ ᐋᔭᐌᐗᒃ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 6:18

ᐅᔑᑕᒧᒃ ᐱᔑᒀᑎᓯᐎᓐ, ᑕᑐ ᒪᒋᑐᑕᒧᐎᓐ ᐃᓕᓕᐤ ᑳ ᑐᑕᒃ ᐗᓚᐎᑎᒥᒃ ᐎᔭᐎᒃ ᐃᑐᑕᒻ; ᒫᑲ ᐊᓇ ᑳ ᑐᑕᒃ ᐱᔑᒀᑎᓯᐎᓂᓕᐤ ᒪᒋᑐᑕᒻ ᑎᐱᓚᐌ ᐎᔭᐤ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔥᑕᒻ ᑯᕆᓐᑎᐊᓇ 9:24

ᓇᒪ ᓈ ᑭ ᑭᔅᑫᓕᑌᓇᐗᐤ, ᐊᓂᑭ ᑳ ᑲᑴᒋᔅᑲᑎᑐᒋᒃ, ᒥᓯᐌ ᐱᒥᐸᐗᒃ, ᐯᔭᒃ ᒫᑲ ᐱᑯ ᐅᑎᓇᒻ ᐸᔅᑭᓚᐌᐎ ᑎᐸᐊᒫᑯᓯᐎᓂᓕᐤ? ᐁᑯ ᐃᔑ ᐱᒥᐸᑖᒃ, ᑭᒋ ᑮ ᐅᑎᓇᒣᒃ᙮

ᓂᔓ ᑯᕆᓐᑎᐊᓇ 12:21

ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮

ᑲᓓᔕᐊᓇ 6:7

ᐁᑳᐎᓚ ᐙᔦᔑᐃᑎᓱᒃ; ᑭᒋᒪᓂᑐ ᓇᒪᐎᓚ ᐋᔭᓵᒋᐊᐤ: ᐌᓴ ᐱᑯ ᑫᒀᓕᐤ ᑳ ᐗᓴᓶᐱᓇᒃ ᐃᓕᓕᐤ, ᐁᐗᑴᓕᐤ ᓀᔥᑕ ᑫ ᒪᓂᔕᒃ᙮

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐦᐃᑉᕉᐗ 12:16

ᐁᑳ ᑭᒋ ᐃᑖᑦ ᐊᐌᓇ ᐯᔑᒀᑎᓯᔅᑭᑦ, ᓀᔥᑕᐱᑯ ᑳ ᐅ ᒪᒋ ᒥᑐᓀᓕᒋᑲᓂᑦ, ᑖᐱᔅᑯᒡ ᐃᓴᐤ, ᐊᓇ ᐯᔭᑯ ᓴᔅᑲᒧᐎᓐ ᒥᑭᒥᓕᐤ ᑳ ᑮ ᐊᑖᐙᑫᑦ ᐅ ᓃᔥᑕᒧᔖᓂᐎᐎᓐ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:16

ᐁᑳᐎᓚ ᐗᓂᑌᓕᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ᙮

ᓂᔥᑕᒻ ᒑᓐ 3:7

ᐊᐱᔅᑕᐙᔑᔑᑐᒃ, ᐁᑯᔑ ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ: ᐊᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᒀᔭᔅᑭᑖᑎᓯᐤ, ᑖᐱᔅᑯᒡ ᐎᓚ ᐁ ᐃᔑ ᒀᔭᔅᑭᑖᑎᓯᓕᒋ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮