ᓂᔥᑕᒻ ᑯᕆᓐᑎᐊᓇ 6:18 - ᐅᔅᑭ ᑎᔅᑌᒥᓐᑦ

¹⁸ ᐅᔑᑕᒧᒃ ᐱᔑᒀᑎᓯᐎᓐ, ᑕᑐ ᒪᒋᑐᑕᒧᐎᓐ ᐃᓕᓕᐤ ᑳ ᑐᑕᒃ ᐗᓚᐎᑎᒥᒃ ᐎᔭᐎᒃ ᐃᑐᑕᒻ; ᒫᑲ ᐊᓇ ᑳ ᑐᑕᒃ ᐱᔑᒀᑎᓯᐎᓂᓕᐤ ᒪᒋᑐᑕᒻ ᑎᐱᓚᐌ ᐎᔭᐤ᙮

ᓂᔥᑕᒻ ᑯᕆᓐᑎᐊᓇ 6:18 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:24

ᐁᐗᑯ ᐅᒋ ᒫᑲ ᑭᒋᒪᓂᑐ ᑮ ᐸᑭᑎᓀᐤ ᐎᓂᐅᐎᓂᒃ ᐃᔑ, ᐁ ᐃᔅᐱᒋ ᒪᒋ ᓇᑕᐌᓕᑕᑭᒃ ᑎᐱᓚᐌ ᐅᑌᐃᐙᒃ, ᑭᒋ ᒪᒉᓕᑖᑯᑕᒫᑐᒋᒃ ᑎᐱᓚᐌ ᐎᔭᐙᐗ;

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔓ ᑯᕆᓐᑎᐊᓇ 12:21

ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮

ᑲᓓᔕᐊᓇ 5:19

ᐊᓂᐃ ᐎᔮᓯᐎ ᐋᔨᑎᐎᓇ ᑭᔅᑫᓕᑖᑾᓋ, ᐅᐅ ᐁᐗᒀᓂᐃ; ᐱᔑᒀᑎᓯᐎᓐ, ᒪᒋ ᒫᒪᐎᐃᑐᐎᓐ, ᐎᓂᓯᐎᓐ, ᐱᔑᒀᑎᓕᑕᒧᐎᓐ,

ᐃᐱᓯᔭᓇ 5:3

ᒫᑲ ᐱᔑᒀᑎᓯᐎᓐ, ᓀᔥᑕ ᒥᓯᐌ ᐎᓂᓯᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᑳᐎᓚ ᐎᔅᑲᑦ ᑲᑕ ᐋᓕᒧᒋᑳᑌᐤ ᐃᑌ ᐁ ᐃᑕᔦᒃ, ᑳ ᐃᔑ ᓇᑕᐌᓕᑖᑯᓯᒋᒃ ᐅᐸᓓᑭᓴᒃ;

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᓂᔥᑕᒻ ᑌᓴᓗᓂᔭᓇ 4:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑭ ᐸᓓᑭᐃᑯᓯᐎᓂᐗᐤ ᐅᑎ, ᐁᑳ ᑭᒋ ᑐᑕᒣᒃ ᐱᔑᒀᑎᓯᐎᓐ;

ᓂᔥᑕᒻ ᑌᓴᓗᓂᔭᓇ 4:5

ᓇᒪᐎᓚ ᐱᔑᒀᑎᓯᐎ ᐃᑌᓕᑕᒧᐎᓂᒃ ᑖᐱᔅᑯᒡ ᐊᓂᑭ ᒉᓐᑖᐃᓚᒃ ᐁᑳ ᑳ ᑭᔅᑫᓕᒫᒋᒃ ᑭᒋᒪᓂᑐᐗ᙮

ᓂᔓ ᑎᒧᑎ 2:22

ᐅᔑᒧᔅᑕ ᓀᔥᑕ ᐅᔥᑭᓂᑭᐎ ᒪᒋᓇᑕᐌᓕᑕᒧᐎᓇ; ᒫᑲ ᓄᔅᐱᓇᑕ ᒀᔭᔅᑭᑖᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᑲᔮᒣᓕᑕᒧᐎᓐ ᐊᓯᒋ ᐊᓂᑭ ᑳ ᓇᓈᑐᒫᒋᒃ ᐅᑎᐯᓕᒋᑫᐗ ᐸᓓᑭ ᒥᑌᐃᒃ᙮

ᐦᐃᑉᕉᐗ 13:4

ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 2:11

ᑳ ᑭᒋ ᓵᑭᐃᑕᑾᒃ, ᑭ ᓇᑐᑕᒫᑎᓇᐗᐤ, ᑖᐱᔅᑯᒡ ᒫᓐᑌᐗᒃ ᓀᔥᑕ ᐅᐸᐹᒧᑌᐗᒃ, ᐌᐱᓇᒧᒃ ᐎᔮᓯᐎ ᓇᑕᐌᓕᑕᒧᐎᓇ, ᑳ ᓇᑐᐸᓖᔅᑖᑯᑦ ᐊᒑᒃ;