ᓂᔥᑕᒻ ᑯᕆᓐᑎᐊᓇ 5:11 - ᐅᔅᑭ ᑎᔅᑌᒥᓐᑦ

¹¹ ᒫᑲ ᐊᓄᒡ ᑭ ᑮ ᒪᓯᓇᐊᒫᑎᓇᐗᐤ, ᐁᑳ ᑭᒋ ᐎᒉᐌᒃ ᐊᐌᓇ ᐎᒋᔖᓂᒪᐤ ᑳ ᐃᔑᓂᑳᑖᑲᓂᐎᑦ, ᑳ ᐱᔑᒀᑎᓯᔅᑭᑦ, ᓀᔥᑕ ᑳ ᒧᔅᑌᓇᒫᑫᔅᑭᑦ, ᓀᔥᑕ ᑳ ᓇᐗᑮᔅᑕᐙᑦ ᒪᓂᑐᑳᓇ, ᓀᔥᑕ ᑳ ᒫᓓᓕᒋᑫᔅᑭᑦ, ᓀᔥᑕ ᑳ ᑭᔥᑴᐯᔅᑭᑦ, ᓀᔥᑕ ᑳ ᒪᔅᑲᑗᔅᑭᑦ; ᐊᐌᓇ ᐊᐗ ᑐᐎ, ᐁᑳ ᐙᐙᒡ ᑭᒋ ᐎᒋᒥᒋᓱᒣᒃ᙮

ᓂᔥᑕᒻ ᑯᕆᓐᑎᐊᓇ 5:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 18:17

ᑮᔥᐱᓐ ᒫᑲ ᐁᑳ ᐱᔑᒋᐋᑌ ᐊᓂᐃ ᐎᑕᒫᐎᒃ ᒫᒪᐎᐋᔭᒥᐋᐗᒃ; ᒫᑲ ᑮᔥᐱᓐ ᐁᑳ ᐱᔑᒋᐋᑌ ᒫᒪᐎᐋᔭᒥᐋᐗ, ᑳᔮᒻ ᑖᐱᔅᑯᒡ ᑳ ᐋᓉᔦᓕᑕᒃ ᐃᓕᓕᐤ ᓀᔥᑕ ᐸᑉᓕᑳᓐ ᑭ ᑳ ᐃᑌᓕᒪᐤ᙮

ᐅᐸᓓᑭᔅ ᒫᑎᐤ 23:25

ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑭ ᐸᔦᑭᑖᓇᐗᐤ ᐗᔅᑮᒡ ᒥᓂᑾᑲᓐ ᓀᔥᑕ ᐅᓛᑲᓐ, ᒫᑲ ᐱᒋ ᓴᑲᔅᑭᓀᐗ ᒪᔅᑲᒋᐃᐌᐎᓐ ᓀᔥᑕ ᐅᓵᒥᐃᓱᐎᓐ᙮

ᐅᐸᓓᑭᔅ ᓘᒃ 18:11

ᐊᓇ ᐸᕋᓯ ᐁ ᐯᔭᑯ ᓂᐸᐎᑦ ᐅᒪ ᑮ ᐃᔑ ᐋᔭᒥᐊᐤ, ᑭᒋᒪᓂᑐ, ᑭ ᓇᓈᔅᑯᒥᑎᓐ, ᐁᑳ ᐁ ᓇᔅᐱᑕᐗᑭᒃ ᑯᑕᑭᔭᒃ ᐃᓕᓕᐗᒃ, ᐅᒪᔅᑲᑗᐗᒃ, ᐁᑳ ᑳ ᒀᔭᔅᑭᑎᒋᒃ, ᐅᐱᔑᒀᑎᓯᐗᒃ, ᐁᑳ ᓀᔥᑕ ᑖᐱᔅᑯᒡ ᐊᐗ ᐸᑉᓕᑳᓐ᙮

ᐅᐸᓓᑭᔅ ᓘᒃ 21:34

ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐊᐸᔅᑕᓚᒃ 9:17

ᐋᓇᓈᐃᐊᔅ ᒫᑲ ᑮ ᑭᑐᑌᐤ, ᑮ ᐱᑐᑫᐤ ᒫᑲ ᐙᔅᑳᔨᑲᓂᒃ, ᓀᔥᑕ ᐁ ᓵᒥᓈᑦ, ᑮ ᐃᑌᐤ, ᓂᒋᔖᓐ ᓵᓪ, ᐅᑎᐯᓕᒋᑫᐤ, ᒋᓴᔅ, ᐅᑎ, ᑳ ᑮ ᓄᑯᓯᔅᑖᔉ ᐊᓐᑕ ᒣᔅᑲᓈᒃ ᐁ ᐊᑎ ᐯᒋ ᐃᑐᑌᔭᓐ, ᓂ ᑮ ᐯᒋᑎᔕᐅᒃ, ᑭᒋ ᑮ ᒥᓕᑳᐎᔭᓐ ᑭ ᐙᐱᐎᓐ, ᓀᔥᑕ ᑭᒋ ᓵᑲᔅᑭᓀᔅᑲᔉ ᑳ ᐸᓓᑭᓯᑦ ᐊᒑᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:17

ᐁᑯ ᑭ ᐸᑯᓴᓕᒥᑎᓇᐗᐤ, ᓂᒋᔖᓂᑐᒃ, ᐱᓯᔅᑫᓕᒥᑯᒃ ᐊᓂᑭ ᑳ ᐅᒋ ᐃᑕᑾᑫ ᐸᑳᓂᐃᑐᐎᓇ ᓀᔥᑕ ᓇᔦᑕᐎ ᐃᑐᑕᒧᐎᓇ ᐱᑐᔥ ᑳ ᐃᑌᓕᑖᑾᑭ ᐊᓂᒪ ᑭᔅᑭᓄᐊᒫᑫᐎᓐ ᐅᒋ ᑳ ᑮ ᑭᔅᑭᓄᐊᒫᑲᐎᔦᒃ; ᐁᑳᐎᓚ ᒫᑲ ᐎᒉᐎᑯᒃ᙮

ᓂᔥᑕᒻ ᑯᕆᓐᑎᐊᓇ 10:14

ᐁᐗᑯ ᐅᒋ ᓈᔅᐱᒡ ᓯᐋᑭᐃᑕᑾᒃ ᐅᔑᑕᒧᒃ ᒪᓂᑐᑳᓐ ᓇᐗᑮᔅᑖᑯᓯᐎᓐ᙮

ᓂᔥᑕᒻ ᑯᕆᓐᑎᐊᓇ 11:21

ᐌᓴ ᐁ ᒥᒋᓱᔦᒃ ᑕᑐ ᐁ ᐃᑕᔑᔦᒃ ᐅᑎᓇᒻ ᐸᒧᔑ ᑯᑕᑭᔭ ᑎᐱᓚᐌ ᐅ ᓂᐯᑴᐎᓐ; ᐯᔭᒃ ᐊᐌᓇ ᒫᑲ ᓄᑌᑲᑌᐤ, ᑯᑕᒃ ᒫᑲ ᑮᔥᑴᐯᐤ᙮

ᓂᔥᑕᒻ ᑯᕆᓐᑎᐊᓇ 5:13

ᒫᑲ ᐊᓂᐃ ᐗᓚᐎᑎᒥᒃ ᑳ ᐃᑖᓕᒋ ᑭᒋᒪᓇᑐ ᑎᐹᔅᑯᓀᐤ᙮ ᐁᐗᑯ ᐅᒋ ᐃᑲᑌᓂᐤ ᐃᑕ ᐅᒋ ᐁ ᐃᑖᔦᒃ ᐊᓇ ᒪᒑᑎᓯᐎ ᐃᓕᓕᐤ᙮

ᓂᔥᑕᒻ ᑯᕆᓐᑎᐊᓇ 6:10

ᓇᒪ ᓀᔥᑕ ᑭᒧᑎᔅᑲᒃ, ᓇᒪ ᓀᔥᑕ ᐅᒧᔅᑌᓇᒫᑫᔅᑲᒃ, ᓇᒪ ᓀᔥᑕ ᑭᔥᑴᐯᔅᑲᒃ, ᓇᑕ ᓀᔥᑕ ᐅᒫᓓᓕᒋᑫᔅᑲᒃ, ᓇᒪ ᓀᔥᑕ ᐅᒪᔅᑲᑗᔅᑲᒃ, ᑲᑕ ᐋᓂᔅᑫ ᐋᔭᐌᐗᒃ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 6:6

ᒫᑲ ᐎᒋᔖᓇᒪᐤ ᐃᑐᑕᐁᐤ ᐎᒋᔖᓇ ᑎᐹᔅᑯᓂᑫᐎᓂᒃ ᐃᔑ, ᐅᒣᓕᐤ ᓀᔥᑕ ᑐᑕᒻ ᐁᑕᔅᑕᒪᐱᓕᒋ ᐊᓂᐃ ᐁᑳ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 6:9

ᓇᒪ ᓈ ᑭ ᑭᔅᑫᓕᑌᓇᐗᐤ ᐊᓇ ᐁᑳ ᑳ ᒀᔭᔅᑭᑖᑎᓰᑦ ᐁᑳ ᑭᒋ ᐋᓂᔅᑫ ᐋᔮᐙᑦ ᐅᑦ ᐅᑭᒪᐎᐎᓂᓕᐤ ᑭᒋᒪᓂᑐᐗ? ᐁᑳᐎᓚ ᑭ ᑳ ᐙᔦᔑᐃᑲᐎᓇᐗᐤ: ᓇᒪᐎᓚ ᐅᐱᔑᒀᑎᓯᔅᑲᒃ, ᓇᒪ ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓇᒪ ᓀᔥᑕ ᒪᒋᐎᐯᒥᑐᐗᒃ, ᓇᒪ ᓀᔥᑕ ᑳ ᐃᔅᑫᑳᓱᒋᒃ, ᓇᒪ ᓀᔥᑕ ᑳ ᐎᒋᐎᓂᓱᒫᒋᒃ ᓈᐯᐗ᙮

ᓂᔥᑕᒻ ᑯᕆᓐᑎᐊᓇ 7:12

ᒫᑲ ᐎᓚ ᐊᓂᑭ ᑯᑕᑭᔭᒃ ᓂᓚ ᓂᑦ ᐋᔭᒥᐋᐗᒃ, ᓇᒪᐎᓚ ᐅᑎᐯᓕᒋᑫᐤ: ᑮᔥᐱᓐ ᐊᐌᓇ ᐎᒋᔖᓂᒪᐤ ᐎᐗ ᐁᑳ ᑳ ᑖᐺᔦᓕᑕᒥᓕᒋ, ᒫᑲ ᑳ ᓵᐯᓕᑕᒥᓕᒋ ᑭᒋ ᐎᑭᒥᑯᑦ, ᐁᑯᔑ ᐁᑳᐎᓚ ᑲᑕ ᐌᐱᓀᐤ᙮

ᓂᔥᑕᒻ ᑯᕆᓐᑎᐊᓇ 7:15

ᒫᑲ ᑮᔥᐱᓐ ᐊᓇ ᐁᑳ ᑳ ᑖᐺᔦᓕᑕᒃ ᑭᑐᑌᑌ, ᐁᑯᔑ ᑲᑕ ᑭᑐᑌᐤ᙮ ᐎᒋᔖᓂᒪᐤ ᓀᔥᑕᐱᑯ ᐎᒋᔖᓂᔅᑴᒥᒪᐤ ᓇᒪᐎᓚ ᒥᒋᒥᓂᑯᐎᓯᐤ ᐅᒪ ᐁ ᐃᑭᒃ; ᒫᑲ ᑭᒋᒪᓂᑐ ᑭ ᑮ ᓇᑐᒥᑯᓇᐤ ᑳᔮᒣᓕᑕᒧᐎᓂᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 8:11

ᓀᔥᑕ ᑭ ᑭᔅᑫᓕᑕᒧᐎᓐ ᑲᑕ ᐅᒋ ᓂᔑᐗᓈᑎᓯᐤ ᑭᒋᔖᓐ ᑳ ᓕᓚᒥᓯᑦ, ᐊᓇ ᑳ ᑮ ᓂᐳᔅᑕᒪᑯᑦ ᙭ᑕ?

ᑲᓓᔕᐊᓇ 2:12

ᐌᓴ ᐸᒧᔑ ᐊᐌᓂᑳᓇᒃ ᑮ ᑕᑯᔑᑭᒃ ᒉᒻᔅ ᐅᒋ, ᑮ ᐎᒋᒥᒋᓱᒣᐤ ᐊᓂᐃ ᒉᓐᑖᐃᓚ: ᒫᑲ ᐃᔅᐱ ᑳ ᑕᑯᔑᑭᒃ, ᑮ ᓇᑲᑌᐤ, ᐁ ᐸᑳᓂᐃᑎᓱᑦ, ᐁ ᑯᔅᑖᑦ ᐊᓂᐃ ᑭᔅᑭᓄᐙᒋᔓᐎᓂᒃ ᑳ ᑎᐯᓕᑖᑯᓯᓕᒋ᙮

ᐃᐱᓯᔭᓇ 5:18

ᐁᑳᐎᓚ ᓀᔥᑕ ᑮᔥᑴᐯᒃ ᔓᒥᓈᐳ ᐅᒋ, ᐁᐗᑯ ᐅᓵᒥᐃᓱᐎᓐ: ᒫᑲ ᑭ ᑳ ᐎ ᓴᑲᔅᑭᓀᔅᑳᑯᐗᐤ ᐊᒑᒃ;

ᐃᐱᓯᔭᓇ 5:5

ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᓂᔓ ᑌᓴᓗᓂᔭᓇ 3:14

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐁᑳ ᓇᓇᐃᑕᑫ ᓂᑦ ᐋᔭᒥᐎᓂᓈᓐ ᐅᒪ ᒪᓯᓇᐃᑫᐎᓂᒃ, ᒪᓯᓇᐅᒃ ᐊᓇ ᐃᓕᓕᐤ, ᐁᑳᐎᓚ ᓀᔥᑕ ᐎᒉᐎᒃ, ᑭᒋ ᓇᓀᐯᐎᓯᑦ᙮

ᓂᔓ ᑌᓴᓗᓂᔭᓇ 3:6

ᑭᑦ ᐃᑕᔓᒥᑎᓈᓐ ᒫᑲ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑭᒋ ᓇᑲᑌᒃ ᒥᓯᐌ ᑕᑐ ᐎᒋᔖᓂᒪᐤ ᐁᑳ ᒀᔭᔉ ᑳ ᐱᒧᑌᑦ, ᓀᔥᑕ ᐁᑳ ᑳ ᓄᔅᐱᓇᑕᒃ ᐊᓂᐁᓕᐤ ᑭᔅᑭᓄᐊᒫᑫᐎᓂᓕᐤ ᑳ ᑮ ᒥᓚᒃ᙮

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᓂᔓ ᒑᓐ 1:10

ᑮᔥᐱᓐ ᐯᒋ ᓈᑎᑖᑴ ᐊᐌᓇ ᐁᑳ ᐁ ᐯᑖᑦ ᐅᒣᓕᐤ ᑭᔅᑭᓄᐊᒫᑫᐎᓂᓕᐤ, ᐁᑳᐎᓚ ᐱᑐᑲᐃᒃ ᑭᑭᐙᒃ, ᐁᑳᐎᓚ ᓀᔥᑕ ᐎᑕᒫᒃ ᑭᒋ ᒥᓨᐸᒣᐎᓯᑦ᙮

ᑭᔅᑫᓕᑖᑯᑖᑫᐎᓐ 2:14

ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮

ᑭᔅᑫᓕᑖᑯᑖᑫᐎᓐ 2:20

ᐁᓕᐌᒃ ᒫᑲ, ᓂᑦ ᐋᔮᓐ ᐋᑎᑦ ᑫᒀᓇ ᑭᒋ ᒫᒥᔑᒥᑖᓐ, ᐁ ᐃᓕᓇᐗᑦ ᐊᓇ ᐎᔅᑴᐤ ᒉᓯᐸᓐ, ᐅᑭᔅᑭᐙᐃᑫᔅᑴᐤ ᑳ ᐃᔑᓂᑲᑎᑎᓱᑦ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑭᒋ ᐙᔦᔑᒫᑦ ᓂᑦ ᐊᑑᔅᑫᓛᑲᓂᒪ ᑭᒋ ᐱᔑᑾᒋ ᐃᓯᒋᑫᓕᒋ, ᓀᔥᑕ ᑭᒋ ᒥᒋᓕᒋ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑲᓇ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮