ᓂᔥᑕᒻ ᑯᕆᓐᑎᐊᓇ 4:4 - ᐅᔅᑭ ᑎᔅᑌᒥᓐᑦ

⁴ ᐌᓴ ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑭᔅᑫᓕᑌᓐ; ᐁᓕᐌᒃ ᒫᑲ ᓇᒪᐎᓚ ᐅᒪ ᓂᑦ ᐅᒋ ᒀᔭᔅᑭᑖᑎᓯᐃᑲᐎᓐ: ᒫᑲ ᐊᓇ ᑳ ᑎᐹᔅᑯᓂᑦ ᐁᐗᒀᓇ ᐅᑎᐯᓕᒋᑫᐤ᙮

ᓂᔥᑕᒻ ᑯᕆᓐᑎᐊᓇ 4:4 ပူးပေါင်းရင်းမြစ်များ

ᐅᐸᓓᑭᔅ ᒑᓐ 21:17

ᐃᑌᐤ ᐁᑯ ᓂᔅᑡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐱᑕᕐ ᓇᒪ ᑭ ᓇᐁᓕᑕᒻ ᐁᑯ ᓂᔅᑡᐤ ᐁ ᑮ ᐃᑎᑯᑦ, ᑭ ᓵᑭᐃᓐ ᓈ? ᑮ ᐃᑌᐤ ᒫᑲ, ᑌᐯᓕᒋᑫᔭᓐ, ᑭ ᑭᔅᑫᓕᑌᓐ ᒥᓯᐌ ᑫᒀᓇ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᒋᓴᔅ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:13

ᐌᓴ ᓇᒪᐎᓚ ᐊᓂᑭ ᑳ ᐯᑕᑭᒃ ᐅᓚᔓᐌᐎᓂᓕᐤ ᑳ ᒀᔭᔅᑭᑖᑎᓵᔅᑕᐙᒋᒃ ᑭᒋᒪᓂᑐᐗ, ᒫᑲ ᐊᓂᑭ ᑳ ᑐᑕᑭᒃ ᐅᓚᔓᐌᐎᓂᓕᐤ ᑫ ᒀᔭᔅᑭᑖᑎᓯᐋᑲᓂᐎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:2

ᐌᓴ ᑮᔥᐱᓐ ᐁᑉᕃᐋᒻ ᐊᑑᔅᑫᐎᓂᒃ ᑮ ᐅᒋ ᒀᔭᔅᑭᑖᑎᓯᒀᓂᐎᑦ, ᐋᔭᐤ ᑫᒀᓕᐤ ᑫ ᐅᒋ ᒫᒪᑖᑯᒧᑦ; ᒫᑲ ᓇᒪᐎᓚ ᐅᑎᔥᑲᐤ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 4:3

ᒫᑲ ᐎᓚ ᓂᓚ ᓈᔅᐱᒡ ᓂᑦ ᐋᐱᔅᑌᓕᑌᓐ ᑭᓚᐗᐤ ᑭᒋ ᐅᒋ ᑎᐹᔅᑯᓂᑲᐎᔮᓐ, ᓀᔥᑕᐱᑯ ᐃᓕᓕᐎ ᑎᐹᔅᑯᓂᑫᐎᓐ: ᐁᐁ, ᓇᒪᐎᓚ ᓂᑎᐹᔅᑯᓇᑎᓱᓐ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮