ᓂᔥᑕᒻ ᑯᕆᓐᑎᐊᓇ 4:12 - ᐅᔅᑭ ᑎᔅᑌᒥᓐᑦ

¹² ᓂᑦ ᐊᑐᔅᑳᓈᓐ ᓂᒋᒋᓈᒃ ᐁ ᐅᒋ ᐋᐸᑎᓯᔮᒃ: ᐁ ᒫᒪᒋᐃᑎᑲᐎᔮᒃ, ᓂ ᒥᓦᑭᒥᐙᓈᓐ; ᐁ ᑲᒀᑕᑭᐃᑲᐎᔮᒃ, ᑳᔮᒻ ᐁᑯᔑ ᓂᑦ ᐃᑌᓕᑌᓈᓐ:

ᓂᔥᑕᒻ ᑯᕆᓐᑎᐊᓇ 4:12 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:11

ᑭ ᔕᐌᓕᑖᑯᓯᓇᐗᐤ ᐁ ᓈᔦᑕᐎᐃᑎᑖᑾᒃ ᐃᓕᓕᐗᒃ, ᓀᔥᑕ ᑲᒀᑕᑭᐃᑖᑾᒃ, ᓀᔥᑕ ᒥᓯᐌ ᐃᔑ ᑭᓛᔅᑭ ᐋᓕᒧᒥᑖᑾᒃ ᓂᓚ ᐅᒋ᙮

ᐅᐸᓓᑭᔅ ᒫᑎᐤ 5:44

ᒫᑲ ᓂᓚ ᑭᑦ ᐃᑎᓇᐗᐤ, ᓵᑭᐃᑯᒃ ᐊᓂᑭ ᑳ ᐸᒀᑎᑖᑾᒃ, ᒥᓦᑭᒥᑯᒃ ᐊᓂᑭ ᑳ ᒪᒐᑭᒥᑖᑾᒃ, ᒥᓗᑐᑖᑯᒃ ᐊᓂᑭ ᑳ ᐗᑳᑎᑖᑾᒃ, ᓀᔥᑕ ᐋᔭᒥᐁᔅᑕᒫᑯᒃ ᐊᓂᑭ ᑳ ᓇᓀᑳᒋᐃᑖᑾᒃ ᓀᔥᑕ ᑲᒀᑕᑭᐃᑖᑾᒃ;

ᐅᐸᓓᑭᔅ ᓘᒃ 23:34

ᐁᑯ ᐁᑗᑦ ᒋᓴᔅ, ᓄᑖ, ᐌᐯᓕᑕᒪᐎᒃ; ᐌᓴ ᓇᒪᐎᓚ ᑭᔅᑫᓕᑕᒶᒃ ᑫᒀᓕᐤ ᑳ ᑐᑕᑭᒃ᙮ ᑮ ᒫᑎᓇᒫᑐᐗᒃ ᒫᑲ ᐅ ᐎᓛᒋᑲᓂᓕᐗ ᓀᔥᑕ ᑮ ᒪᐃᑲᓈᑎᑯᑫᐗᒃ᙮

ᐅᐸᓓᑭᔅ ᓘᒃ 6:28

ᒥᓦᑭᒥᑯᒃ ᐊᓂᑭ ᑳ ᒥᒐᑭᒥᑖᑾᒃ, ᓀᔥᑕ ᐋᔭᒥᐁᔅᑕᒫᑯᒃ ᐊᓂᑭ ᑳ ᐊᔅᐱᐃᑖᑾᒃ᙮

ᐅᐸᓓᑭᔅ ᒑᓐ 15:20

ᑭᔅᑭᓯᒃ ᐊᓂᒪ ᐋᔭᒥᐎᓐ ᑳ ᑮ ᐃᑎᑕᑾᒃ, ᐊᑑᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐁᑌᓕᑖᑯᓯᓕᒋ ᐅᑦ ᐅᑭᒫᒪ᙮ ᑮᔥᐱᓐ ᓂᓚ ᑳ ᓇᓀᑳᒋᐃᐙᑴ, ᑭᓚᐗᐤ ᓀᔥᑕ ᑭ ᑳ ᓇᓀᑳᒋᐃᑯᐙᐗᒃ; ᑮᔥᐱᓐ ᑳ ᑲᓇᐎᑕᐙᑴ ᓂᑦ ᐃᑗᐎᓂᓕᐤ, ᑭᑦ ᐃᑗᐎᓂᐗᐤ ᓀᔥᑕ ᑲᑕ ᑲᓇᐎᑖᐗᒃ᙮

ᐊᐸᔅᑕᓚᒃ 18:3

ᐎᓚ ᒫᑲ ᓀᔥᑕ ᐁᒀᓂ ᐁ ᐃᑖᐸᑎᓯᑦ, ᑮ ᐎᒋᑕᔑᑫᒣᐤ, ᓀᔥᑕ ᑮ ᐊᑐᔅᑫᐤ; ᐌᓴ ᐅᑦ ᐃᑖᐸᑎᓯᐎᓂᐙᒃ ᐅᒋ ᑮ ᐅᒥᑭᐗᒥᑫᐗᒃ᙮

ᐊᐸᔅᑕᓚᒃ 20:34

ᐁᐁ, ᑭᓚᐗᐤ ᑫᒋᐙᒃ ᑭ ᑭᔅᑫᓕᑌᓈᐗᐤ, ᐅᐅ ᒥᒋᒋᔭ ᐁ ᑮ ᐅᑎᓇᒫᑯᔮᓐ ᑳ ᐃᔑ ᒪᓀᓯᔮᓐ, ᓀᔥᑕ ᐊᓂᑭ ᐊᓯᒋ ᑳ ᑮ ᐎᒉᐎᒋᒃ᙮

ᐊᐸᔅᑕᓚᒃ 7:60

ᑮ ᐅᒋᒋᑾᓇᐱᐤ ᒫᑲ, ᓀᔥᑕ ᑮ ᑌᐺᐤ ᐁ ᑭᔗᐌᑦ, ᑌᐯᓕᒋᑫᔭᓐ, ᐁᑳᐎᓚ ᐊᑭᑕᒪᐎᒃ ᐅᒪ ᒪᒋᑐᑕᒧᐎᓂᓕᐤ᙮ ᐃᔅᐱ ᒫᑲ ᐅᒪ ᑳ ᑮ ᐃᑗᑦ, ᑮ ᑲᐎᑾᔑᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:14

ᒥᓗᑐᑕᑯᒃ ᐊᓂᑭ ᑳ ᑲᒀᑕᑭᐃᑕᑾᒃ: ᒥᓦᑭᒥᐌᒃ, ᐁᑳ ᒫᑲ ᒪᒐᑭᒥᐌᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:20

ᐁᐗᑯ ᐅᒋ, ᑮᔥᐱᓐ ᐊᓇ ᑳ ᐸᒀᑎᔉ ᐐ ᒥᒋᓱᑌ, ᐊᔕᒻ; ᑮᔥᐱᓐ ᐐ ᒥᓂᑴᑌ, ᒥᓈᔾ; ᐌᓴ ᐅᒪ ᐁ ᑐᑕᒪᓐ, ᑭ ᑳ ᐗᑭᑕᔅᑕᐙᓐ ᐃᔅᒀᔅᑭᑌᔅᑾ ᐅᔅᑎᒀᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:35

ᐊᐌᓇ ᑫ ᐹᑲᓂᐃᑕᒃ ᙭ ᐅ ᓵᑭᐃᐌᐎᓂᒃ ᐅᒋ? ᑲᒀᑕᑭᓯᐎᓐ ᓈ, ᓀᔥᑕᐱᑯ ᐊᓕᒥᓯᐎᓐ, ᓀᔥᑕᐱᑯ ᓇᓀᑳᒋᐃᑯᓯᐎᓐ, ᓀᔥᑕᐱᑯ ᑲᐗᑲᑌᐎᓐ, ᓀᔥᑕᐱᑯ ᒧᔐᔥᑲᑌᐎᓐ, ᓀᔥᑕᐱᑯ ᓈᓂᓵᓂᓯᐎᓐ, ᓀᔥᑕᐱᑯ ᔑᒫᑲᓐ?

ᓂᔥᑕᒻ ᑯᕆᓐᑎᐊᓇ 9:6

ᓀᔥᑕᐱᑯ ᓂᓚ ᓀᔥᑕ ᐹᕐᓇᐸᔅ ᐱᑯ, ᓇᒪ ᓈ ᓂᑦ ᐋᔮᓈᓐ ᑲᔥᑭᐅᐎᓐ ᑭᒋ ᐳᓂ ᐊᑑᔅᑫᔮᒃ?

ᓂᔓ ᑯᕆᓐᑎᐊᓇ 11:8

ᓂ ᑮ ᒪᔅᑲᒪᐗᒃ ᑯᑕᑭᔭᒃ ᒫᒪᐎᐋᔭᒥᐊᐗᒃ ᐁ ᐅᑎᓇᒫᓐ ᑳ ᑮ ᑎᐸᐊᒪᐎᒋᒃ, ᐁ ᐎ ᐋᔭᒥᐋᐎ ᐊᑑᔅᑳᑕᑾᒃ᙮

ᐃᐱᓯᔭᓇ 4:28

ᐊᓇ ᑳ ᑮ ᑭᒧᑎᑦ, ᐁᑯᔑ ᐁᑳᐎᓚ ᒥᓇ ᑲᑕ ᑭᒧᑎᐤ: ᒫᑲ ᐊᐙᓯᑌ ᑲᑕ ᐊᑑᔅᑫᐤ, ᐁ ᑐᑕᒃ ᐅᒋᒋᔭ ᐅᒋ ᐊᓂᐁᓕᐤ ᑳ ᒥᓨᔑᓂᓕᒃ, ᑭᒋ ᑮ ᒥᓛᑦ ᐊᓂᐃ ᑳ ᒪᓀᓯᓕᒋ᙮

ᓂᔥᑕᒻ ᑌᓴᓗᓂᔭᓇ 2:9

ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮

ᓂᔓ ᑌᓴᓗᓂᔭᓇ 3:8

ᓇᒪ ᓀᔥᑕ ᔐᔥᒀᑦ ᓂ ᑮ ᒧᐎᒫᓈᓇ ᐊᐌᓇ ᐅᑦ ᐊᓚᑯᓇᒪ; ᒫᑲ ᓂ ᑮ ᐋᐹᑎᓯᓈᓐ ᐁ ᐊᑑᔅᑫᔮᒃ ᓀᔥᑕ ᐁ ᑯᓯᑯᒪᒋᐅᔮᒃ, ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᑭᒋ ᐅᑎᓇᒫᒃ ᑭᑦ ᐋᔮᓂᐙᐗ:

ᓂᔥᑕᒻ ᑎᒧᑎ 4:10

ᐌᓴ ᐁᐗᑯ ᐌᒋ ᑖᐱᔅᑯᒡ ᐊᑑᔅᑫᔭᒃ ᓀᔥᑕ ᒫᓓᓕᒥᑲᐎᔭᒃ, ᐁ ᐊᔅᐯᓕᒧᑐᑕᐗᒃ ᐯᒫᑎᓰᑦ ᑭᒋᒪᓂᑐ, ᑳ ᐱᒫᒋᐋᑦ ᒥᓯᐌ ᐃᓕᓕᐗ, ᐅᓵᒻ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᐱᑕᕐ 2:23

ᐊᓇ, ᐃᔅᐱ ᑳ ᑮ ᒫᓓᓕᒫᑲᓂᐎᑦ, ᓇᒪᐎᓚ ᒥᓇ ᑮ ᒫᓓᓕᒋᑫᐤ; ᐃᔅᐱ ᑳ ᑮ ᐙᐎᓴᑫᓕᑕᒥᐋᑲᓂᐎᑦ ᓇᒪᐎᓚ ᑮ ᐅᒋ ᐙᔦᔑᒧᑐᑖᑫᐤ; ᒫᑲ ᑮ ᐸᑭᑎᓂᑎᓱ ᐅᒋᒋᓕᒃ ᐊᓂᐃ ᒀᔭᔉ ᑳ ᑎᐹᔅᑯᓂᑫᓕᒋ:

ᓂᔥᑕᒻ ᐱᑕᕐ 3:14

ᒫᑲ ᑮᔥᐱᓐ ᒀᔭᔅᑭᑖᑎᓯᐎᓐ ᐅᒋ ᓇᓀᑳᒋᐃᑲᐎᔦᑴ, ᑭ ᒥᓚᐙᑌᓇᐗᐤ: ᐁᑳᐎᓚ ᓀᔥᑕ ᑯᔅᑕᒸᒃ ᐊᓂᐃ ᑳ ᐎ ᐅᒋ ᓭᑭᐃᑖᑾᒃ, ᐁᑳ ᓀᔥᑕ ᒥᑯᔥᑳᑌᓕᑕᒧᒃ;

ᓂᔥᑕᒻ ᐱᑕᕐ 3:9

ᐁᑳ ᐁ ᒪᒋᑐᑖᑫᔦᒃ ᒦᔅᑯᒡ ᐁ ᒪᒋᑐᑖᑲᐎᔦᒃ, ᐁᑳ ᓀᔥᑕ ᐁ ᑭᑳᒥᐌᔦᒃ ᐁ ᑭᑳᒥᑲᐎᔭᒃ: ᒫᑲ ᐋᔑᑌ ᒥᓦᑭᒥᐌᒃ; ᐁ ᑭᔅᑫᓕᑕᒣᒃ ᐅᒪ ᐁ ᐅᒋ ᓇᑐᒥᑲᐎᔦᒃ ᑭᒋ ᐊᑎ ᐋᔮᔦᒃ ᒥᓦᑭᒥᑯᓯᐎᓐ᙮

ᓂᔥᑕᒻ ᐱᑕᕐ 4:19

ᐁᐗᑯ ᐅᒋ, ᐁᑯᔑ ᐊᓂᐃ ᑳ ᐎᓴᑫᓕᑕᑭᒃ ᑳ ᐃᑕᔅᑌᓕᒃ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑲᑕ ᑲᓇᐌᓕᑎᓓᐤ ᐅᑦ ᐊᒑᑯᐙᐗ ᒥᓗ ᑐᑕᒧᐎᓂᒃ, ᑖᐱᔅᑯᒡ ᑳ ᒀᔭᔅᑭᑎᓕᑭ ᐅᔑᐃᐌᐗ᙮

ᒎᑦ 1:9

ᐁᓕᐌᒃ ᒫᑳ ᒫᐃᑫᓪ ᐊᓇ ᑭᒋᐁᓐᒐᓪ, ᐃᔅᐱ ᐃᐋᔑᑌᒫᑦ ᒪᒋᒪᓂᑐᐗ, ᑮ ᐙᔦᔥ ᐃᑗᐤ, ᒧᓯᓴ ᐎᔭᐎᓕᐤ ᐅᒋ, ᓇᒪᐎᓚ ᑮ ᐃᑌᓕᑕᒻ ᑭᒋ ᑭᑳᒫᑦ, ᒫᑲ ᑮ ᐃᑗᐤ, ᐅᑎᐯᓕᒋᑫᐤ ᑭ ᑳ ᐎ ᑭᑕᐊᒫᒃ᙮