ᓂᔥᑕᒻ ᑯᕆᓐᑎᐊᓇ 4:10 - ᐅᔅᑭ ᑎᔅᑌᒥᓐᑦ

¹⁰ ᓂ ᑭᔥᑴᑳᓂᐎᓈᓐ ᙭ ᐅᒋ, ᒫᑲ ᑭᓚᐗᐤ ᑭ ᑲᑫᑕᐌᓕᑌᓇᐗᐤ ᙭ᑎᒃ; ᓂ ᓕᓚᒥᓯᓈᓐ, ᒫᑲ ᑭᓚᐗᐤ ᑭ ᒪᔥᑲᐎᓯᓇᐗᐤ; ᑭᓚᐗᐤ ᑭ ᑭᒋᐃᑌᓕᑖᑯᓯᓇᐗᐤ, ᒫᑲ ᓂᓚᓈᓐ ᓂᑦ ᐋᑕᐌᓕᑖᓇᓯᓈᓐ᙮

ᓂᔥᑕᒻ ᑯᕆᓐᑎᐊᓇ 4:10 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:9

ᐁᑯ ᑫ ᐸᑭᑎᓂᑖᑾᒃ ᑭᒋ ᑲᒀᑕᑭᐃᑳᐎᔦᒃ, ᑭ ᑳ ᓂᐹᐃᑯᐙᐗᒃ ᒫᑲ: ᓀᔥᑕ ᑭ ᑳ ᐸᒀᑎᑯᐙᐗᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒫᑎᐤ 5:11

ᑭ ᔕᐌᓕᑖᑯᓯᓇᐗᐤ ᐁ ᓈᔦᑕᐎᐃᑎᑖᑾᒃ ᐃᓕᓕᐗᒃ, ᓀᔥᑕ ᑲᒀᑕᑭᐃᑖᑾᒃ, ᓀᔥᑕ ᒥᓯᐌ ᐃᔑ ᑭᓛᔅᑭ ᐋᓕᒧᒥᑖᑾᒃ ᓂᓚ ᐅᒋ᙮

ᐅᐸᓓᑭᔅ ᓘᒃ 10:16

ᐊᓇ ᑳ ᓇᑐᑖᑖᒃ ᓂᓚ ᓂ ᓇᑐᑖᒃ; ᐊᓇ ᓀᔥᑕ ᑳ ᐋᑕᐌᓕᒥᑖᒃ ᓂᓚ ᓂᑦ ᐋᑕᐌᓕᒥᒃ; ᐊᓇ ᒫᑲ ᑳ ᐋᑕᐌᓕᒥᑦ, ᐋᑕᐌᓕᒣᐤ ᐊᓂᐃ ᑳ ᐯᒋᑎᔕᐅᓕᒋ᙮

ᐅᐸᓓᑭᔅ ᓘᒃ 18:9

ᑮ ᐃᑌᐤ ᒫᑲ ᐅᒣᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ ᐊᓂᐃ ᑳ ᒪᒥᔑᑐᑖᓱᓕᒋ ᓂ ᒀᔭᔅᑭᑖᑎᓯᓈᓐ ᐁ ᐃᑌᓕᒥᑎᓱᓕᒋ, ᓀᔥᑕ ᑳ ᒪᒉᓕᒫᓕᒋ ᑯᑕᑭᔭ:

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐊᐸᔅᑕᓚᒃ 17:18

ᐁᑯᔅᐱ ᒫᑲ ᐋᑎᑦ ᑳ ᑲᑫᑕᐌᓕᑕᑭᒃ ᐃᐱᒃᔫᕆᐊᓇᒃ ᐅᒋ, ᓀᔥᑕ ᐊᓂᑭ ᔅᑐᐃᑲᒃ ᐅᒋ, ᑮ ᒫᐎᓀᐅᑯ᙮ ᐊᑎᑦ ᒫᑲ ᑮ ᐃᑗᐗᒃ, ᑖᓀ ᑫ ᐃᑗᑦ ᐊᐗ ᐅᓵᒥᑐᓐ? ᑯᑕᑭᔭᒃ ᐊᑎᑦ, ᒫᓇᐎ ᐋᓕᒧᒥᐤ ᒫᓐᑌᐎ ᒪᓂᑐᐗ: ᐌᓴ ᑮ ᐊᓕᒨᑕᒪᐌᐤ ᐊᓂᐃ ᒋᓴᓴ, ᓀᔥᑕ ᐗᓂᔥᑳᐎᓂᓕᐤ᙮

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐊᐸᔅᑕᓚᒃ 26:24

ᒣᒀᒡ ᒫᑲ ᐅᒪ ᑳ ᐃᔑ ᐋᔭᒥᔅᑕᒫᓱᑦ, ᐯᔅᑕᔅ ᑮ ᐃᑗᐤ ᐁ ᑭᔗᐌᑦ, ᐹᓪ, ᑭ ᐗᓂᒥᑲᐎᓐ; ᒥᔅᑕᐃ ᑭᔅᑫᓕᑕᒧᐎᓐ ᑭ ᑭᔥᑴᐃᑯᓐ᙮

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 1:25

ᐌᓴ ᐅ ᑲᑫᐹᑎᓯᐎᓐ ᑭᒋᒪᓂᑐ ᐊᐙᓯᑌ ᑲᑫᑕᐌᓕᑖᑾᓂᓕᐤ ᐃᔥᐱᔥ ᐃᓕᓕᐗᒃ; ᓀᔥᑕ ᐅ ᓕᓚᒥᓯᐎᓐ ᑭᒋᒪᓇᑐ ᐊᐙᓯᑌ ᒪᔥᑲᐎᓯᒪᑲᓂᓕᐤ ᐃᔥᐱᔥ ᐃᓕᓕᐗᒃ᙮

ᓂᔥᑕᒻ ᑯᕆᓐᑎᐊᓇ 10:12

ᐁᐗᑯ ᐌᒋ ᐊᐌᓇ ᓂ ᓂᐹᐎᓐ ᑳ ᐃᑌᓕᑕᒃ, ᐁᑯᔑ ᑲᑕ ᔮᒀᒥᓯᐤ ᐁᑳ ᑭᒋ ᐸᑭᔑᒃ᙮

ᓂᔥᑕᒻ ᑯᕆᓐᑎᐊᓇ 2:14

ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔥᑕᒻ ᑯᕆᓐᑎᐊᓇ 2:3

ᓀᔥᑕ ᑭ ᑮ ᐎᒉᐎᑎᓇᐗᐤ ᓕᓚᒥᓯᐎᓂᒃ, ᓀᔥᑕ ᓭᑭᓯᐎᓂᒃ, ᓀᔥᑕ ᑭᒋ ᓇᓂᑭᐸᓕᐎᓂᒃ᙮

ᓂᔥᑕᒻ ᑯᕆᓐᑎᐊᓇ 3:18

ᐁᑯᔑ ᐁᑳᐎᓚ ᐊᐌᓇ ᑲᑕ ᐙᔦᔑᐃᑎᓱ: ᑮᔥᐱᓐ ᐊᐌᓇ ᐃᓕᓕᐤ ᐁ ᐃᑕᔑᔦᒃ ᑫᑫᑕᐌᓕᒥᒋ ᐅᑕ ᐊᔅᑮᒃ, ᐁᑯᔑ ᑲᑕ ᑮᔥᑴᑲᓂᐎᐤ, ᐁᑯ ᐃᔑ ᑭᒋ ᑲᑫᑕᐌᓕᑕᒃ᙮

ᓂᔥᑕᒻ ᑯᕆᓐᑎᐊᓇ 3:2

ᒍᒍᔑᒫᐳ ᑭ ᑮ ᐅᒋ ᐊᔕᒥᑎᓇᐗᐤ, ᓇᒪ ᒫᑲ ᐎᔮᔅ: ᐌᓴ ᐁᔥᑾ ᓇᒪᐎᓚ ᑭ ᑮ ᑌᐱ ᑲᔥᑭᑖᓇᐗᐤ ᑭᒋ ᐅᑎᓇᒣᒃ, ᓇᒪᐎᓚ ᐁᔥᑾ ᓀᔥᑕ ᑭ ᑲᔥᑭᑖᓇᐗᐤ᙮

ᓂᔥᑕᒻ ᑯᕆᓐᑎᐊᓇ 4:8

ᐊᓄᒡ ᑭ ᑭᔥᐳᓇᐗᐤ, ᐊᓄᒡ ᑭ ᒥᔕᑭᓯᓇᐗᐤ, ᑭ ᑮ ᑎᐯᓕᒋᑳᓇᐗᐤ ᑖᐱᔅᑯᒡ ᑭᒋᐅᑭᒪᐗᒃ ᐋᑕ ᐁᑳ ᐁ ᐎᒉᐎᑖᒃ; ᓐᑕᒫᑕ ᓀᔥᑕ ᑖᐺ ᑎᐯᓕᒋᑫᔦᒃ, ᓂᓚᓈᓐ ᐊᓯᒋ ᑭᓚᐗᐤ ᑭᒋ ᑎᐯᓕᒋᑫᔮᒃ᙮

ᓂᔓ ᑯᕆᓐᑎᐊᓇ 10:10

ᐌᓴ ᐅ ᒪᓯᓇᐃᑫᐎᓇ, ᐃᑗᐗᒃ, ᑯᓯᑾᓂᓕᐗ ᓀᔥᑕ ᒪᔥᑲᐎᓯᒪᑲᓂᓕᐗ; ᒫᑲ ᐁ ᐃᔑᓈᑯᓯᑦ ᐎᔭᐎᒃ ᓕᓚᒥᓯᐤ, ᓀᔥᑕ ᐅᑦ ᐋᔭᒥᐎᓐ ᐸᑾᓐᑕᐤ ᐃᑌᓕᑖᑾᓂᓕᐤ᙮

ᓂᔓ ᑯᕆᓐᑎᐊᓇ 11:19

ᐌᓴ ᑮ ᓯᑭᓓᓯᐎ ᐃᓕᓇᐗᐗᒃ ᑭᔥᑴᑳᓇᒃ, ᑭᓚᐗᐤ ᐁ ᑲᑫᑕᐌᓕᑕᒣᒃ᙮

ᓂᔓ ᑯᕆᓐᑎᐊᓇ 11:29

ᐊᐌᓇ ᓓᓚᒥᓰᑦ ᓀᔥᑕ ᐁᑳ ᐁ ᓕᓚᒥᓯᔮᓐ ᓂᓚ? ᐊᐌᓇ ᓀᔦᑕᐎᓇᐌᓯᑦ ᓀᔥᑕ ᐁᑳ ᐁ ᐃᔅᒀᓱᔮᓐ ᓂᓚ?

ᓂᔓ ᑯᕆᓐᑎᐊᓇ 13:9

ᐌᓴ ᓂ ᓯᑭᓓᓯᓈᓐ ᐃᔅᐱ ᓕᐃᓚᒥᓯᔮᑭ ᑭᓚᐗᐤ ᒫᑲ ᐁ ᒪᔅᑲᐎᓯᔦᒃ; ᐅᒪ ᒫᑲ ᐊᓯᒋ ᓂ ᓇᑕᐌᓕᑌᓈᓐ ᑭ ᒥᑐᓂᐎᐃᑯᓯᐎᓂᐗᐤ ᐅᑎ᙮

ᓂᔓ ᑯᕆᓐᑎᐊᓇ 4:12

ᐁᑯ ᐃᔑ ᒫᑲ ᓂᐱᐎᓐ ᓂ ᓄᒋᐃᑯᓈᓐ, ᒫᑲ ᑭᓚᐗᐤ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 6:8

ᐁ ᑭᔅᑌᓕᑖᑯᓯᔮᒃ ᓀᔥᑕ ᐁ ᒪᒉᓕᑖᑯᓯᔮᒃ, ᐁ ᒪᒋ ᐋᓕᒧᒥᑲᐎᔮᒃ ᓀᔥᑕ ᐁ ᒥᓗ ᐋᓕᒪᒥᑲᐎᔮᒃ; ᑖᐱᔅᑯᒡ ᐁ ᐙᔦᔑᒥᐌᒋᒃ, ᐁᓕᐌᒃ ᒫᑲ ᐁ ᑖᐺᔮᒃ;

ᓂᔥᑕᒻ ᑌᓴᓗᓂᔭᓇ 4:8

ᐁᐗᑯ ᐅᒋ ᐊᓇ ᑳ ᐋᑕᐌᓕᒋᑫᑦ, ᓇᒪᐎᓚ ᐋᑕᐌᓕᒣᐤ ᐃᓕᓕᐗ, ᒫᑲ ᑭᒋᒪᓂᑐᐗ ᑳ ᒥᓕᑕᒃ ᐊᓯᒋ ᐅ ᐸᓓᑭ ᐊᒑᑾ᙮

ᓂᔥᑕᒻ ᐱᑕᕐ 4:14

ᑮᔥᐱᓐ ᑭᑳᒥᑲᐎᔦᑴ ᐅᑦ ᐃᔑᓂᑳᓱᐎᓐ ᙭ ᐅᒋ, ᒥᓚᐙᑌᓇᐗᐤ; ᐌᓴ ᑭᔅᑌᓕᑖᑯᓯᐎ ᐊᒑᒃ ᓀᔥᑕ ᑭᒋᒪᓂᑐ ᐅᑦ ᐊᒑᑾ ᑭ ᐎᒉᐎᑯᐗᐤ: ᐎᓚᐗᐤ ᐅᒋ ᒪᒋᐋᓕᒧᒪᐤ, ᒫᑲ ᑭᓚᐗᐤ ᐅᒋ ᑭᔅᑌᓕᑖᑯᐊᐤ᙮