ᓂᔥᑕᒻ ᑯᕆᓐᑎᐊᓇ 3:9 - ᐅᔅᑭ ᑎᔅᑌᒥᓐᑦ

⁹ ᐌᓴ ᓂ ᐎᒋᐊᑑᔅᑫᒫᓈᓐ ᑭᒋᒪᓂᑐ: ᑭᓚᐗᐤ ᑭᒋᒪᓂᑐ ᐅ ᓂᑕᐎᑭᒋᑫᐎᓐ, ᑭᓚᐗᐤ ᑭᒋᒪᓂᑐ ᐅ ᐙᔅᑳᔨᑫᐎᓐ᙮

ᓂᔥᑕᒻ ᑯᕆᓐᑎᐊᓇ 3:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 15:13

ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᒥᓯᐌ ᑕᑐ ᓂᑖᐎᑭᑖᑲᓐ ᐁᑳ ᑳ ᑮ ᐸᑭᑎᓇᒃ ᓄᑖᐎ ᑭᒋᑭᔑᑯᒃ ᑳ ᐃᑖᑦ, ᑲᑕ ᒪᓂᐱᒋᑳᑌᐤ᙮

ᐅᐸᓓᑭᔅ ᒫᑎᐤ 16:18

ᓀᔥᑕ ᒫᑲ ᑭᑦ ᐃᑎᓐ, ᑭᓚ ᐁᐗᑯ ᐱᑕᕐ; ᐁᑯᑕ ᐅᒪ ᑭᔅᑖᐱᔅᑳᒃ ᓂ ᑳ ᒋᒪᑖᓐ ᓂᑦ ᐋᔭᒥᐁᐎᑲᒥᒃ; ᓇᒪᐎᓚ ᒫᑲ ᑲᑕ ᔖᑯᒋᐃᑯᒪᑲᓐ ᒪᒋ ᐃᔥᑯᑌᐤ ᐃᔥᒀᑌᒪ᙮

ᐅᐸᓓᑭᔅ ᒫᑎᐤ 9:37

ᐁᑯ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑖᐺ ᐊᓂᒪ ᑫ ᒫᐗᒋᒋᑳᑌᒃ ᒥᒉᑎᓐ, ᒫᑲ ᐅᑕᑑᔅᑫᐗᒃ ᒐᑲᐙᔑᔑᐗᒃ:

ᐅᐸᓓᑭᔅ ᒫᕐᒃ 16:20

ᐁᑯ ᒫᑲ ᑫᑐᑌᒋᒃ, ᒥᓯᐌ ᐃᑕ ᒫᑲ ᑮ ᑲᑫᔅᑭᒥᐌᐗᒃ, ᐁ ᐎᒋᐋᑑᔅᑫᒥᑯᒋᒃ ᐅᑎᒪᓕᒋᑫᐗ ᓀᔥᑕ ᐁ ᐋᔨᒋᑖᓕᒋ ᐋᔭᒥᐎᓂᓕᐤ ᐁ ᐊᓯᒋᐸᓕᑖᑦ ᑭᔅᑭᐙᐃᑫᐎ ᐙᐸᑎᓕᐌᐎᓇ᙮ ᐁᒣᓐ᙮

ᐊᐸᔅᑕᓚᒃ 4:11

ᐁᐗᑯ ᐊᐗ ᐊᓯᓂ ᑭᓚᐙᐤ ᐅᐙᔅᑲᔨᑲᓂᑫᑐᒃ ᑳ ᑮ ᐋᑕᐌᓕᒣᒃ, ᑳ ᓂᑳᓂᔑᒃ ᑭᑫᔮᒃ᙮

ᓂᔥᑕᒻ ᑯᕆᓐᑎᐊᓇ 3:16

ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?

ᓂᔥᑕᒻ ᑯᕆᓐᑎᐊᓇ 3:6

ᓂᓚ ᓂ ᑮ ᓂᑕᐎᑭᒋᑳᓐ, ᐊᐸᓚᔅ ᑮ ᐗᓴᓶᐯᑲᐃᑫᐤ; ᒫᑲ ᑭᒋᒪᓂᑐ ᑮ ᓚᑭᑭᑫᐤ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᑯᓚᔑᔭᓇ 2:7

ᐎᓚ ᐃᔑ ᐁ ᐅᒉᐱᑭᐎᔦᒃ ᓀᔥᑕ ᐁ ᐋᔨᒋᑳᐸᐎᔦᒃ, ᐁ ᒪᔥᑳᐎᑳᐸᐎᔦᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᐊᒫᑲᐎᔦᒃ, ᐁᑯᑕ ᐁ ᒥᔕᑭᓯᔦᒃ ᐁ ᓇᓈᔅᑯᒧᔦᒃ ᓀᔥᑕ᙮

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔅᑐ ᒑᓐ 1:8

ᐁᐗᑯ ᐅᒋ ᑭ ᑳ ᐅᑎᓈᑕᓇᐗᒃ ᐁᑯ ᑐᐎ ᑭᒋ ᐅᒋ ᐎᒋᐃᐌᒋᒃ ᑖᐺᐎᓂᒃ᙮