ᓂᔥᑕᒻ ᑯᕆᓐᑎᐊᓇ 3:5 - ᐅᔅᑭ ᑎᔅᑌᒥᓐᑦ

⁵ ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔥᑕᒻ ᑯᕆᓐᑎᐊᓇ 3:5 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:15

ᐯᔭᒃ ᐊᓂᐃ ᒫᑲ ᑮ ᒥᓓᐤ ᓂᔮᓚᓐ ᑖᓕᓐᑕ, ᑯᑕᑭᔭ ᓂᔔ, ᑯᑕᑭᔭ ᒫᑲ ᐯᔭᒃ; ᒥᓯᐌ ᑕᑐ ᐃᓕᓕᐗ ᑮ ᒫᑎᓇᒪᐌᐤ ᐱᑯ ᐁᔅᐱᒋ ᑲᔥᑭᑖᓕᒋ; ᐁᑯ ᒫᑲ ᑫᑐᑌᑦ᙮

ᐅᐸᓓᑭᔅ ᓘᒃ 1:2

ᒬᒋ ᐁ ᑮ ᐃᔑ ᐎᑕᒪᐎᔭᒥᒋᒃ, ᐊᓂᑭ ᓃᔥᑕᒻ ᑳ ᐙᐸᑕᑭᒃ ᐅᔅᑭᔑᑯᐙᐗ ᐅᒋ, ᓀᔥᑕ ᑳ ᑎᐹᑐᑕᑭᒃ ᐋᔭᒥᐎᓂᓕᐤ;

ᐅᐸᓓᑭᔅ ᒑᓐ 3:27

ᒑᓐ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓇᒪᐎᓚ ᑫᒀᓕᐤ ᑲᑕ ᑮ ᐋᔭᐤ ᐃᓕᓕᐤ ᑮᔥᐱᓐ ᐁᑳ ᑭᒋᑭᔑᑯᒃ ᐅᒋ ᒥᓛᑲᓂᐎᑌ᙮

ᐊᐸᔅᑕᓚᒃ 18:24

ᐯᔭᒃ ᒫᑲ ᒎ, ᐊᐳᓚᔅ ᑳ ᐃᔑᓂᑳᓱᑦ, ᐁ ᑮ ᓂᑖᐎᑭᑦ ᐋᓕᒃᓴᓐᑦᕆᔭᐃᒃ, ᑳ ᓂᑕ ᐊᔭᒥᑦ ᐃᓕᓕᐤ, ᓀᔥᑕ ᐁ ᑲᑫᑕᐌᓕᑕᒃ ᑭᒋᒪᓯᓇᐃᑫᐎᓂᒃ, ᑮ ᐯᒋ ᑕᑯᔑᓐ ᐊᓐᑕ ᐃᐱᓴᓯᒃ᙮

ᐊᐸᔅᑕᓚᒃ 19:1

ᑮ ᐃᑭᓐ ᒫᑲ, ᒣᒀᒡ ᐊᐳᓚᔅ ᑳ ᐃᑖᑦ ᑯᕆᓐᑎᒃ, ᐹᓪ ᐋᔕᔾ ᐁ ᑮ ᔕᐳᔥᑲᒃ ᓐᑎᒥᒃ ᐃᑌᑫ ᐊᓂᐁᓕᐤ ᐊᔅᑭᓕᐤ, ᑮ ᐯᒋ ᐃᑐᑌᐤ ᐃᐱᓴᓯᒃ: ᐁ ᒥᔅᑲᐙᑦ ᒫᑲ ᐊᑎᑦ ᑭᔅᑭᓄᐊᒪᐗᑲᓇ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᓂᔥᑕᒻ ᑯᕆᓐᑎᐊᓇ 12:28

ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 16:12

ᐊᓇ ᑭᒋᔖᓂᓇᐤ ᐊᐸᓚᔅ ᐅᒋ, ᓈᔅᐱᒡ ᓂ ᑮ ᓇᑕᐌᓕᒫᑖᔾ ᑭᒋ ᐯᒋ ᓈᑎᑖᒃ ᐊᓯᒋ ᑳ ᐎᒋᔖᓂᑐᓕᒋ: ᒫᑲ ᓇᒪᐎᓚ ᒥᑐᓂ ᑮ ᐃᑌᓕᑕᒻ ᐊᓄᒡ ᑭᒋ ᐯᒋ ᑕᑯᔑᒃ; ᒫᑲ ᑲᑕ ᐯᒋ ᑕᑯᔑᓐ ᐃᔅᐱ ᓇᐃᐸᓕᓂᑫ᙮

ᓂᔥᑕᒻ ᑯᕆᓐᑎᐊᓇ 3:10

ᑳ ᐃᔑ ᒥᓕᑲᐎᔮᓐ ᑭᒋᒪᓂᑐ ᐅ ᔕᐌᓕᒋᑫᐎᓐ, ᑖᐱᔅᑯᒡ ᑫᑫᑕᐌᓕᑕᒃ ᐅᓂᑲᓂ ᐙᔅᑳᔨᑲᓂᑫᐤ, ᓂ ᑮ ᐅᓚᔅᑕᒋᑳᓐ, ᑯᑕᒃ ᒫᑲ ᐁᑯᑕ ᐎᐋᔅᑳᔨᑲᓂᑫᑦ᙮ ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᔮᒀᒥᓯᐤ ᐁ ᐃᔑ ᐙᔅᑳᔨᑲᓂᑫᑦ ᐁᑯᑕ᙮

ᓂᔥᑕᒻ ᑯᕆᓐᑎᐊᓇ 3:22

ᑮᔥᐱᓐ ᐹᓪ, ᓀᔥᑕᐱᑯ ᐊᐸᓚᔅ, ᓀᔥᑕᐱᑯ ᓯᐸᔅ, ᓀᔥᑕᐱᑯ ᐅᒪ ᐊᔅᑭ, ᓀᔥᑕᐱᑯ ᐱᒪᑎᓯᐎᓈ, ᓀᔥᑕᐱᑯ ᓂᐱᐎᑦ, ᓀᔥᑕᐱᑯ ᑫᒀᓇ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᑫᒀᓇ ᐁᔥᑾ ᑫ ᐃᑕᑾᑭ; ᒥᓯᐌ ᑭᓚᐗᐤ ᑭᑦ ᐅᑦ ᐋᔮᓂᓇᐗᐤ;

ᓂᔥᑕᒻ ᑯᕆᓐᑎᐊᓇ 3:7

ᐁᐗᑯ ᐅᒋ ᐊᓇ ᑳ ᓂᑕᐎᑭᒋᑫᑦ ᓇᒪᐎᓚ ᐙᔦᔥ ᐃᑌᓕᑖᑯᓯᐤ, ᓇᒪ ᓀᔥᑕ ᐊᓇ ᑳ ᐗᓴᓶᐯᑲᐃᑫᑦ; ᒫᑲ ᑭᒋᒪᓂᑐ ᐱᑯ ᑳ ᓚᑭᑭᑫᑦ᙮

ᓂᔥᑕᒻ ᑯᕆᓐᑎᐊᓇ 9:17

ᐌᓴ ᑮᔥᐱᓐ ᓂᓚ ᐁ ᐃᑌᓕᑕᒫᓐ ᐅᒪ ᐁ ᑐᑕᒫᓐ, ᓂᑦ ᐋᔮᓐ ᑎᐸᐊᒫᑯᓯᐎᓐ: ᒫᑲ ᑮᔥᐱᓐ ᐁᑳ ᐁ ᐃᑌᓕᑕᒫᓐ ᓂᓚ, ᑭᒋ ᒫᑎᓇᒫᑫᔮᓐ ᒥᓗᐋᒋᒧᐎᓐ ᓂ ᑮ ᐸᑭᑎᓇᒫᑲᐎᓐ᙮

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 3:3

ᐁ ᐹᔦᑌ ᓄᑯᑖᓂᐗᒃ ᑭᓚᐗᐤ ᐁᐗᑯ ᐅ ᒪᓯᓇᐃᑫᐎᓐ ᙭, ᑳ ᐋᔭᒥᐋᐎ ᐗᐸᒋᑖᔭᒃ ᓂᓚᓈᓐ, ᐁᑳ ᒪᓯᓂᐃᑲᓈᐳ ᐁ ᐅᒋ ᒪᓯᓂᐃᑳᑌᒃ, ᒫᑲ ᐅᑦ ᐊᒑᑾ ᐅᒋ ᐯᒫᑎᓰᑦ ᑭᒋᒪᓂᑐ; ᓇᒪᐎᓚ ᓇᐸᑳᐱᔅᑯᒃ, ᒫᑲ ᐁ ᐎᔮᓯᐎ ᒥᑌᐃᒃ᙮

ᓂᔓ ᑯᕆᓐᑎᐊᓇ 3:6

ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 4:1

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᐋᔭᒥᐋᐎ ᐊᑐᔅᑫᐎᓐ, ᑳ ᑮ ᐃᔑ ᒥᓕᑲᐎᔮᒃ ᔕᐌᓕᒋᑫᐎᓐ, ᓇᒪᐎᓚ ᓂ ᔖᑯᑌᐋᓈᓐ;

ᓂᔓ ᑯᕆᓐᑎᐊᓇ 4:5

ᐌᓴ ᓇᒪᐎᓚ ᓂ ᑲᑫᔅᑭᒥᐙᓱᓈᓐ, ᒫᑲ ᒋᓴᔅ ᙭ ᐅᑎᐯᓕᒋᑫᐤ; ᓂᓚᓈᓐ ᓀᔥᑕ ᑭᑦ ᐊᑐᔅᑫᓚᑲᓂᐗᐗᒃ ᒋᓴᔅ ᐅᒋ᙮

ᓂᔓ ᑯᕆᓐᑎᐊᓇ 4:7

ᒫᑲ ᐅᒪ ᐌᓗᑎᓯᐎᓐ ᐊᔅᑭᐎ ᐊᓯᐗᒋᑲᓂᒃ ᓂᑦ ᐋᔮᓈᓐ, ᐁ ᐃᔅᐱᒋ ᑭᒋᐃᑌᓕᑖᑾᓂᓕᒃ ᑲᔥᑭᐅᐎᓂᓕᐤ ᑭᒋ ᑎᐱᓚᐌᐎᓯᑦ ᑭᒋᒪᓂᑐ, ᓇᒪᐎᓚ ᓂᓚᓈᓐ᙮

ᓂᔓ ᑯᕆᓐᑎᐊᓇ 5:18

ᓀᔥᑕ ᒥᓯᐌ ᑫᒀᓇ ᐃᑕᑾᓂᓕᐤ ᑭᒋᒪᓂᑐ ᐅᒋ, ᑳ ᑮ ᐅᑐᑌᒥᒥᑕᒃ ᒋᓴᔅ ᙭ ᐅᒋ, ᓀᔥᑕ ᑳ ᑮ ᒥᓕᑕᒃ ᐅᑐᑌᒥᐃᐌᐎ ᐊᑑᔅᑫᐎᓐ;

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᓂᔓ ᑯᕆᓐᑎᐊᓇ 6:4

ᒫᑲ ᒥᓯᐌ ᑫᒀᓇ ᐁ ᑐᑕᒫᒃ ᐁ ᐙᐸᑎᓕᐌᔮᒃ ᐁ ᐅᑦ ᐋᔭᒥᐋᐎ ᐊᑑᔅᑫᓛᑲᓂᔭᒥᒋᒃ, ᒥᔅᑕᐃ ᔑᐱᓚᐌᓯᐎᓂᒃ, ᑲᒀᑕᑭᓯᐎᓂᒃ, ᒪᓀᓯᐎᓂᒃ, ᓇᓀᑳᑌᓕᒧᐎᓂᒃ,

ᐃᐱᓯᔭᓇ 3:7

ᐁᐗᒀᓂᒪ ᑳ ᐅᒋ ᐋᔭᒥᐋᐎ ᐊᑑᔅᑫᓛᑲᓂᐎᔮᓐ, ᐁᔅᐱᔑ ᒥᓕᑲᐎᐗᒃ ᐅ ᔕᐌᓕᒋᑫᐎᓐ ᑭᒋᒪᓂᑐ, ᒀᔭᔉ ᐁ ᐃᔑᐃᑯᐗᒃ ᐅ ᑲᔥᑭᐅᐎᓐ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:25

ᐁᐗᑯ ᑳ ᐅᒋ ᐋᔭᒥᐊᐎ ᐊᑑᒃᑫᓛᑲᓂᐃᑲᐎᔮᓐ, ᑖᐱᔅᑯᒡ ᑳ ᐃᑕᔅᑌᓕᒃ ᐅ ᒫᑎᓇᒫᑫᐎᓐ ᑭᒋᒪᓂᑐ, ᑳ ᒥᓕᑲᐎᔮᓐ ᑭᓚᐗᐤ ᐅᒋ, ᑭᒋ ᑎᐱ ᑲᑫᔅᑭᒥᐌᐗᒃ ᐅᑦ ᐋᔭᒥᐎᓐ ᑭᒋᒪᓂᑐ;

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔥᑕᒻ ᐱᑕᕐ 4:10

ᑖᐱᔅᑯᒡ ᒥᓯᐌ ᑕᑐ ᐃᓕᓕᐤ ᐁ ᑮ ᒥᓛᑳᓂᐎᑦ ᒥᓕᑯᓯᐃᓂᓕᐤ, ᐁᑯ ᐃᔑ ᒫᒥᔅᑯ ᐅᒌᔅᑕᒫᑐᒃ, ᑖᐱᔅᑯᒡ ᒥᓗ ᑲᓇᐌᓕᑎᓛᑲᓇᒃ ᑳ ᑲᓇᐌᓕᑕᒬᒃ ᑭᒋᒪᓂᑐ ᑳ ᐋᔭᑶᑕᐗᔅᑌᓕᒃ ᐅ ᔕᐌᓕᒋᑫᐎᓐ᙮