ᓂᔥᑕᒻ ᑯᕆᓐᑎᐊᓇ 2:9 - ᐅᔅᑭ ᑎᔅᑌᒥᓐᑦ

⁹ ᒫᑲ, ᐁ ᐃᑕᓯᓇᐃᑳᑌᒃ, ᒥᔅᑭᔑᒃ ᓇᒪᐎᓚ ᑮ ᐅᒋ ᐙᐸᑕᒧᒪᑲᓐ, ᓇᒪ ᓀᔥᑕ ᒥᑕᐗᑳᔾ ᑮ ᐯᑕᒧᒪᑲᓐ, ᓇᒪ ᓀᔥᑕ ᑮ ᐱᑐᑫᒪᑲᓂᓕᐗ ᐅᑌᐃᒃ ᐃᓕᓕᐤ, ᐊᓂᐃ ᑭᒋᒪᓂᑐ ᑳ ᑮ ᐙᐌᔑᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᓂᔥᑕᒻ ᑯᕆᓐᑎᐊᓇ 2:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:23

ᐃᑌᐤ ᒫᑲ, ᑖᐺ ᑭ ᑳ ᐅᒋ ᒥᓂᒀᓇᐗᐤ ᓂ ᒥᓂᒀᑲᓂᒃ, ᓀᔥᑕ ᑭ ᑳ ᐅᒋ ᓯᑲᐋᑖᑲᐎᓈᐗᐤ ᐊᓂᒪ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑲᐎᔮᓐ: ᒫᑲ ᑭᒋ ᐊᐱᓈᓂᐗᒃ ᓂ ᑭᒋᓂᔅᑮᒃ ᓀᔥᑕ ᓂ ᓇᒪᑎᓂᔅᑭᒃ ᓇᒪᐎᓚ ᓂᓚ ᓂᑦ ᐋᔮᓐ ᑭᒋ ᒥᓕᐌᔮᓐ, ᒫᑲ ᑲᑕ ᒥᓛᐗᒃ ᐊᓂᑭ ᑳ ᐋᔦᔅᑲᐎᑕᒫᑯᒋᒃ ᓄᑖᐎᔭ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:28

ᑭ ᑭᔅᑫᓕᑌᓈᓇᐤ ᓀᔥᑕ ᒥᓯᐌ ᑫᒀᓇ ᐁ ᒫᒪᐎ ᐊᑑᔅᑫᒪᑲᑭ ᑭᒋ ᐅᒋ ᒥᓗᐋᔮᒋᒃ ᐊᓂᑭ ᑳ ᓵᑭᐋᒋᒃ ᑭᒋᒪᓂᑐᐗ, ᐊᓂᑭ ᑳ ᑮ ᓇᑐᒫᑲᓂᐎᒋᒃ ᐁ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ᙮

ᐦᐃᑉᕉᐗ 11:16

ᒫᑲ ᐁᑯ ᓀᑕᐌᓕᑕᑭᒃ ᓇᐗᒡ ᑳ ᒥᓨᔑᓂᓕᒃ ᐊᔅᑭᓕᐤ, ᐁᐗᑴᓕᐤ, ᑳ ᑭᒋᑭᔑᑳᐗᓂᓕᒃ: ᐁᐗᑯ ᒫᑲ ᐅᒋ ᑭᒋᒪᓂᑐ ᓇᒪᐎᓚ ᓇᓀᐯᐎᓯᐤ ᐅ ᑭᒋᒪᓂᑐᒥᐗᐗ ᑭᒋ ᐃᔑᓂᑳᓱᑦ; ᐌᓴ ᑮ ᐋᔦᔅᑲᐎᑕᒪᐌᐤ ᐃᑖᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12

ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮