ᓂᔥᑕᒻ ᑯᕆᓐᑎᐊᓇ 2:7 - ᐅᔅᑭ ᑎᔅᑌᒥᓐᑦ

⁷ ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᓂᔥᑕᒻ ᑯᕆᓐᑎᐊᓇ 2:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒫᑎᐤ 13:35

ᑭᒋ ᑎᐱᐸᓕᓕᒃ ᑳ ᑮ ᐃᑗᑦ ᐅᑭᔅᑭᐙᐃᑫᐤ, ᐁ ᐃᑗᑦ, ᓂ ᑳ ᐹᔅᑭᑐᓀᓕᓐ ᓇᔅᐱᑐᐌᐎ ᐋᑕᓗᑳᓂᒃ; ᓂ ᑳ ᐎᑌᓐ ᑫᒀᓇ ᑳ ᑮ ᑳᒋᑳᑌᑭ ᐊᔅᐱᓐ ᑳ ᐯᒋ ᐊᔅᑭᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:29

ᐌᓴ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ, ᐁᐗᒀᓂᐃ ᓀᔥᑕ ᑳ ᑮ ᓂᑳᓂᑭᔅᑭᓇᐌᔦᓕᒫᑦ ᑭᒋ ᐃᔑᐋᑲᓂᐎᓕᒋ ᑭᒋ ᓇᔅᐱᑕᐙᓕᒋ ᐁ ᐃᔑᓈᑯᓯᓕᒋ ᐅᑯᓯᓴ, ᐎᓚ ᑭᒋ ᓃᔥᑕᒧᔖᓂᐎᑦ ᒣᑴᔭᔥ ᑳ ᒥᒉᑎᓕᒋ ᐎᒋᔖᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:30

ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮

ᓂᔥᑕᒻ ᑯᕆᓐᑎᐊᓇ 2:1

ᓂᓚ ᒫᑲ, ᓂᒋᔖᓂᑐᒃ, ᐃᔅᐱ ᐱᐁᒋ ᓈᑎᑖᑾᒃ, ᓇᒪᐎᓚ ᓂ ᑮ ᑕᑯᔑᓂᓐ ᐁ ᐋᐸᒋᑖᔮᓐ ᑳ ᑭᔅᑕᑭᑖᑾᒃ ᐋᔭᒥᐎᓐ ᓀᔥᑕ ᑲᑫᑕᐌᓕᑕᒧᐎᓐ, ᐁ ᐎᑕᒫᑕᑾᒃ ᐅ ᑎᐹᒋᒧᐎᓐ ᑭᒋᒪᓂᑐ᙮

ᐃᐱᓯᔭᓇ 1:4

ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᐃᐱᓯᔭᓇ 3:10

ᐊᓂᑭ ᑳ ᑎᐯᓕᒋᑫᒋᒃ ᓀᔥᑕ ᑳ ᓯᑳᑎᓯᒋᒃ ᑭᒋᑭᔑᑯᒃ ᐊᓄᒡ ᒫᒪᐎᐋᔭᒥᐊᐗ ᐅᒋ, ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᑲᑫᑕᐌᓕᑕᒧᐎᓂᓕᐤ ᑳ ᐋᔭᑶᑕᐗᓂᓕᒃ,

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᐦᐃᑉᕉᐗ 1:2

ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ;

ᐦᐃᑉᕉᐗ 11:3

ᑖᐺᔦᓕᑕᒧᐎᓐ ᑭᑦ ᐅᒋ ᓇᓯᑐᑌᓈᓇᐤ ᐊᔅᑭᐊ ᐁ ᑮ ᐅᔑᑖᓂᐗᑭ ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᐁᑯᔑ ᒫᑲ ᐊᓂᐃ ᑳ ᓄᑾᑭ ᓇᒪᐎᓚ ᑮ ᐅᒋ ᐅᔑᑖᓂᐗᓋ ᐊᓂᐃ ᑳ ᓄᑾᑭ᙮

ᓂᔥᑕᒻ ᐱᑕᕐ 1:11

ᐁ ᓈᓇᑕᐌᓕᑕᑭᒃ ᑫᒀᓐ, ᓀᔥᑕᐱᑯ ᑫᑯ ᐁ ᐃᔑᑭᔑᑳᑭ, ᐅᑦ ᐊᒑᑾ ᙭ ᑳ ᑮ ᐱᒋᔅᑳᑯᓕᒋ ᑫ ᐋᒋᒧᓕᒋ, ᐃᔅᐱ ᓂᑳᓐ ᑳ ᑮ ᐋᓕᒧᑕᒥᓕᑭ ᑫ ᐃᔑ ᐙᐎᓴᑫᓕᑕᒥᓕᔅᐸᓐ ᙭ᑕ, ᓀᔥᑕ ᐊᓂᐁᓕᐤ ᑭᔅᑌᓕᑖᑯᓯᐎᓂᓕᐤ ᑫ ᐹᐸᓕᓕᑭᐸᓐ᙮

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮