ᓂᔥᑕᒻ ᑯᕆᓐᑎᐊᓇ 2:14 - ᐅᔅᑭ ᑎᔅᑌᒥᓐᑦ

¹⁴ ᒫᑲ ᐎᓚ ᐃᓚᑐ ᐃᓕᓕᐤ ᓇᒪᐎᓚ ᐎ ᐅᑎᓇᒬᐤ ᐅᑦ ᐗᔮᓂᓕᐗ ᐅᑦ ᐊᒑᑾ ᑭᒋᒪᓂᑐ; ᐌᓴ ᑲᑫᐹᒋᑌᓕᑕᒻ; ᓇᒪ ᓀᔥᑕ ᑲᑕ ᑮ ᑭᔅᑫᓕᑕᒻ, ᐌᓴ ᐊᒑᑯᐎ ᓂᓯᑕᐌᓕᒋᑳᑌᐗ᙮

ᓂᔥᑕᒻ ᑯᕆᓐᑎᐊᓇ 2:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:23

ᒫᑲ ᐁ ᑴᔅᑭᑳᐸᐎᑦ, ᑮ ᐃᑌᐤ ᐱᑕᕋ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ: ᑭ ᓈᔦᑕᐌᓕᑕᒥᐃᓐ; ᐌᓴ ᓇᒪᐎᓚ ᑭᒋᒪᓂᑐ ᐅᑦ ᐋᔮᓇ ᑭ ᒫᒥᑐᓀᓕᑕᒸᓐ, ᒫᑲ ᐊᓂᐃ ᐃᓕᓕᐗᒃ ᑳ ᐅᑦ ᐋᔮᓂᒋᒃ᙮

ᐅᐸᓓᑭᔅ ᒑᓐ 10:20

ᒥᒉᑦ ᐁ ᐃᑕᓯᒋᒃ ᒫᑲ ᑮ ᐃᑗᐗᒃ, ᐋᔭᐌᐤ ᒪᒋ ᐊᒑᑾ, ᓀᔥᑕ ᑮᔥᑴᐤ; ᑖᓀᑭ ᐌᒋ ᓇᑐᑕᐌᒃ?

ᐅᐸᓓᑭᔅ ᒑᓐ 12:37

ᐋᑕ ᒫᑲ ᐃᔅᐱᒋ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᐁ ᑮ ᑐᑕᒃ ᐁ ᐙᐸᒥᑯᑦ, ᐁᓕᐌᒃ ᒫᑲ ᓇᒪᐎᓚ ᐅᒋ ᑖᐺᔦᓕᒥᑯ᙮

ᐅᐸᓓᑭᔅ ᒑᓐ 14:17

ᑖᐺᐎᓂ ᐊᒑᒃ ᐅᑎ, ᐊᔅᑭᓕᐤ ᐁᑳ ᑳ ᑮ ᐅᑎᓂᑯᑦ, ᐁᑳ ᐁ ᐙᐸᒥᑯᑦ, ᐁᑳ ᓀᔥᑕ ᐁ ᑭᔅᑫᓕᒥᑯᑦ; ᒫᑲ ᑭᓚᐗᐤ ᑮ ᑭᔅᑫᓕᒪᐗᐤ, ᓀᔥᑕ ᑭ ᑳ ᐱᒋᔅᑳᑯᐗᐤ᙮

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 15:26

ᒫᑲ ᐃᔅᐱ ᐅᒥᓜᓕᒧᐃᐌᐤ ᑕᑯᔑᑫ, ᑫ ᐯᒋᑎᔕᐊᒫᑕᑾᒃ ᐅᑖᐎᒪᐤ ᐅᒋ, ᑖᐺᐎᓂ ᐊᒑᒃ ᐅᑎ, ᐅᑖᐎᒫᒃ ᑳ ᐅᒌᑦ, ᐁᐗᑯ ᑫ ᑎᐹᒋᒥᑦ:

ᐅᐸᓓᑭᔅ ᒑᓐ 5:44

ᑖᓐᑌ ᑫ ᑮ ᐅᒋ ᑖᐺᑕᒣᒃ, ᑭᓚᐗᐤ ᑳ ᑭᔅᑌᓕᑖᑯᐃᑐᔦᒃ, ᓀᔥᑕ ᐁᑳ ᑳ ᓈᓇᑕᐙᐸᑕᒣᒃ ᐊᓂᒪ ᑭᔅᑌᓕᑖᑯᓯᐎᓐ ᑭᒋᒪᓂᑐᒃ ᐱᑯ ᑳ ᐅᒋᒪᑲᒃ?

ᐅᐸᓓᑭᔅ ᒑᓐ 8:43

ᑖᓀᑭ ᐌᒋ ᐁᑳ ᓂᓯᑐᑕᒣᒃ ᓂᑦ ᐃᑗᐎᓐ? ᐁᑳ ᐁ ᑮ ᓇᑐᑕᒣᒃ ᓂᑦ ᐋᔭᒥᐎᓐ᙮

ᐊᐸᔅᑕᓚᒃ 16:14

ᐯᔭᒃ ᐃᔅᑴᐤ ᒫᑲ ᓕᑎᐊ ᐁ ᐃᔑᓂᑳᓱᑦ, ᑳ ᐃᑖᐙᑫᑦ ᒥᑴᑭᓂᓕᐤ, ᑕᐃᐊᑕᐃᕋ ᐃᑖᐎᓂᒃ ᑳ ᐅᒌᑦ, ᑳ ᐅᒋᒋᑾᓇᐱᔅᑕᐗᑦ ᑭᒋᒪᓂᑐᐗ, ᓂ ᑮ ᐯᑖᑯᓈᓐ; ᐁᐗᑯ ᐅᑌᐃᓕᐤ ᐅᑎᐯᓕᒋᑭᐤ ᑮ ᐋᐸᐊᒬᐤ, ᑮ ᓈᑲᑕᐌᓕᑕᒻ ᒫᑲ ᐊᓂᐃ ᑫᒀᓇ ᑳ ᑮ ᐋᓕᒧᑕᒥᓕᒋ ᐹᓚ᙮

ᐊᐸᔅᑕᓚᒃ 17:18

ᐁᑯᔅᐱ ᒫᑲ ᐋᑎᑦ ᑳ ᑲᑫᑕᐌᓕᑕᑭᒃ ᐃᐱᒃᔫᕆᐊᓇᒃ ᐅᒋ, ᓀᔥᑕ ᐊᓂᑭ ᔅᑐᐃᑲᒃ ᐅᒋ, ᑮ ᒫᐎᓀᐅᑯ᙮ ᐊᑎᑦ ᒫᑲ ᑮ ᐃᑗᐗᒃ, ᑖᓀ ᑫ ᐃᑗᑦ ᐊᐗ ᐅᓵᒥᑐᓐ? ᑯᑕᑭᔭᒃ ᐊᑎᑦ, ᒫᓇᐎ ᐋᓕᒧᒥᐤ ᒫᓐᑌᐎ ᒪᓂᑐᐗ: ᐌᓴ ᑮ ᐊᓕᒨᑕᒪᐌᐤ ᐊᓂᐃ ᒋᓴᓴ, ᓀᔥᑕ ᐗᓂᔥᑳᐎᓂᓕᐤ᙮

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐊᐸᔅᑕᓚᒃ 18:15

ᒫᑲ ᑮᔥᐱᓐ ᐱᑯ ᑲᑴᒋᑫᒧᓇᓂᐗᒃ ᐋᔭᒥᐎᓇ ᐅᒋ ᓀᔥᑕ ᐃᔑᓂᑳᓱᐎᓇ, ᓀᔥᑕ ᑭᑦ ᐅᓚᔓᐌᐎᓂᐗᐤ ᐅᒋ, ᑭᓚᐗᐤ ᑲᓇᐙᐸᑕᒧᒃ ᐊᓂᒪ; ᐌᓴ ᓇᒪᐎᓚ ᓂᓚ ᓂ ᑳ ᑎᐹᔅᑯᓀᐤ ᐊᓂᐃ ᑐᐎ ᑫᒀᓇ᙮

ᐊᐸᔅᑕᓚᒃ 25:19

ᒫᑲ ᑮ ᒫᒥᔑᒣᐗᒃ ᑫᒀᓇ ᐅᒋ ᑳ ᐃᑕᑾᓂᓕᑭ ᑎᐱᓚᐌ ᐅᑦ ᐋᔭᒥᐋᐎᓂᐙᒃ, ᓀᔥᑕ ᐊᐌᓇ ᒋᓴᔅ ᐅᒋ, ᑳ ᑮ ᓂᐱᑦ, ᒫᑲ ᐱᒫᑎᓯᐤ ᐁ ᐃᑗᓕᒋ ᐹᓚ᙮

ᓂᔥᑕᒻ ᑯᕆᓐᑎᐊᓇ 1:18

ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 1:25

ᐌᓴ ᐅ ᑲᑫᐹᑎᓯᐎᓐ ᑭᒋᒪᓂᑐ ᐊᐙᓯᑌ ᑲᑫᑕᐌᓕᑖᑾᓂᓕᐤ ᐃᔥᐱᔥ ᐃᓕᓕᐗᒃ; ᓀᔥᑕ ᐅ ᓕᓚᒥᓯᐎᓐ ᑭᒋᒪᓇᑐ ᐊᐙᓯᑌ ᒪᔥᑲᐎᓯᒪᑲᓂᓕᐤ ᐃᔥᐱᔥ ᐃᓕᓕᐗᒃ᙮

ᓂᔥᑕᒻ ᑯᕆᓐᑎᐊᓇ 15:44

ᐸᑭᑎᓂᑳᑌᐤ ᐃᓚᑐ ᒥᔭᐤ; ᐗᓂᔥᑳᓂᑳᑌᐤ ᐊᒑᑯᐎ ᒥᔭᐤ᙮ ᐃᑕᑾᓐ ᐃᓚᑐ ᒥᔭᐤ, ᐃᑕᑾᓐ ᓀᔥᑕ ᐊᒑᑯᐎ ᒥᔭᐤ᙮

ᓂᔥᑕᒻ ᑯᕆᓐᑎᐊᓇ 15:46

ᐁᓕᐌᒃ ᒫᑲ, ᓇᒪᐎᓚ ᓃᔥᑕᒻ ᑮ ᐃᑕᑾᓐ ᐊᓂᒪ ᑳ ᐊᒑᑯᐗᒃ, ᒫᑲ ᐊᓂᒪ ᑳ ᐃᓚᑐᐗᒃ? ᐹᑎᒫ ᒫᑲ ᐊᓂᒪ ᑳ ᐊᒑᑯᐗᒃ᙮

ᓂᔥᑕᒻ ᑯᕆᓐᑎᐊᓇ 2:12

ᑭ ᑮ ᒥᓕᑲᐎᓋᓇᐤ ᒫᑲ, ᓇᒪᐎᓚ ᐅᒪ ᐊᔅᑭ ᐊᒑᒃ, ᒫᑲ ᐊᓇ ᐊᒑᒃ ᑭᒋᒪᓂᑐ ᑳ ᐅᒋᐸᓕᑦ; ᑭᒋ ᑮ ᑭᔅᑫᓕᑕᒪᒃ ᐊᓂᐃ ᒧᔐ ᑳ ᑮ ᒥᓕᑕᒃ ᑭᒋᒪᓂᑐ;

ᓂᔥᑕᒻ ᑯᕆᓐᑎᐊᓇ 3:1

ᓂᓚ ᒫᑲ, ᓂᒋᔖᓂᑐᒃ, ᓇᒫᐎᓚ ᑖᐱᔅᑯᒡ ᐊᓂᑭ ᑳ ᐊᒑᑯᐎᐃᑖᑎᓯᒋᒃ ᑭ ᑮ ᐃᔑ ᐋᔭᒥᐃᑎᓇᐗᐤ, ᒫᑲ ᑖᐱᔅᑯᒡ ᐊᓂᑭ ᑳ ᐎᔮᓯᐃᑖᑎᓯᒋᒃ, ᑖᐱᔅᑯᒡ ᐅᑎ ᐅᔥᑲᐙᔑᔕᒃ ᑳ ᐃᑖᒋᒃ ᙭ᑎᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:15

ᐅᒪ ᑲᑫᑕᐌᓕᑕᒧᐎᓐ ᓇᒪᐎᓚ ᐃᔥᐱᒥᒃ ᐅᒋ ᓛᔑᐸᓕᐤ, ᒫᑲ ᐊᔅᑭᐗᓐ, ᐎᔮᓯᐗᓐ, ᒪᒋᒪᓂᑐᐗᓐ᙮

ᓂᔥᑕᒻ ᒑᓐ 2:20

ᒫᑲ ᑭᑦ ᐋᔮᓇᐗᐤ ᑐᒥᓂᑯᓯᐎᓐ ᐊᓇ ᐯᓓᑭᓯᑦ ᐅᒋ, ᒥᓯᐌ ᑫᒀᓇ ᒫᑲ ᑭ ᑭᔅᑫᓕᑌᓇᐗᐤ᙮

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᒎᑦ 1:19

ᐅᑯ ᐁᐗᒀᓂᑭ ᑳ ᐹᑳᓂᐃᑎᓱᒋᒃ, ᐁ ᐃᓚᑐᑖᑎᓯᒋᒃ, ᐁᑳ ᐁ ᐋᔭᐙᒋᒃ ᐊᒑᑾ᙮