ᓂᔥᑕᒻ ᑯᕆᓐᑎᐊᓇ 2:12 - ᐅᔅᑭ ᑎᔅᑌᒥᓐᑦ

¹² ᑭ ᑮ ᒥᓕᑲᐎᓋᓇᐤ ᒫᑲ, ᓇᒪᐎᓚ ᐅᒪ ᐊᔅᑭ ᐊᒑᒃ, ᒫᑲ ᐊᓇ ᐊᒑᒃ ᑭᒋᒪᓂᑐ ᑳ ᐅᒋᐸᓕᑦ; ᑭᒋ ᑮ ᑭᔅᑫᓕᑕᒪᒃ ᐊᓂᐃ ᒧᔐ ᑳ ᑮ ᒥᓕᑕᒃ ᑭᒋᒪᓂᑐ;

ᓂᔥᑕᒻ ᑯᕆᓐᑎᐊᓇ 2:12 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᓂᔥᑕᒻ ᑯᕆᓐᑎᐊᓇ 1:27

ᒫᑲ ᑭᒋᒪᓂᑐ ᑮ ᐙᐌᓛᐊᑕᒻ ᑳ ᑲᑫᐹᑎᓯᒪᑲᑭ ᐅᑕ ᐊᔅᑭᒃ ᑭᒋ ᐗᓀᓕᑕᒥᐃᐌᒪᑲᑭ ᐊᓂᐃ ᑳ ᑲᑫᑕᐌᓕᑕᒧᒪᑯᑭ; ᑭᒋᒪᓂᑐ ᓀᔥᑕ ᑮ ᐙᐌᓛᐸᑕᒻ ᑳ ᓕᓚᒥᓯᒥᑲᑭ ᑭᒋ ᐗᓀᓕᑕᒥᐃᐌᒪᑲᑭ ᐊᓂᐃ ᑳ ᒪᔥᑲᐎᓯᒪᑲᑭ;

ᓂᔥᑕᒻ ᑯᕆᓐᑎᐊᓇ 2:6

ᐁᓕᐌᒃ ᒫᑲ ᓂᑦ ᐋᔭᒥᓈᓐ ᑲᑫᑕᐌᓕᑕᒧᐎᓐ ᒣᑴᔭᔥ ᐊᓂᑭ ᑳ ᑭᔑᓂᑕᐎᑭᒋᒃ: ᓇᒪᐎᓚ ᒫᑲ ᐅᒪ ᐊᔅᑭ ᑲᑫᑕᐌᓕᑕᒧᐎᓐ, ᓇᒪ ᓀᔥᑕ ᐅ ᑲᑫᑕᐌᓕᑕᒧᐎᓂᐗᐤ ᐊᓂᑭ ᑳ ᐅᑭᒫᐎᒋᒃ ᐅᑕ ᐊᔅᑮᒃ, ᑳ ᐊᑎ ᒣᒋᐸᓕᒋᒃ:

ᓂᔥᑕᒻ ᑯᕆᓐᑎᐊᓇ 3:22

ᑮᔥᐱᓐ ᐹᓪ, ᓀᔥᑕᐱᑯ ᐊᐸᓚᔅ, ᓀᔥᑕᐱᑯ ᓯᐸᔅ, ᓀᔥᑕᐱᑯ ᐅᒪ ᐊᔅᑭ, ᓀᔥᑕᐱᑯ ᐱᒪᑎᓯᐎᓈ, ᓀᔥᑕᐱᑯ ᓂᐱᐎᑦ, ᓀᔥᑕᐱᑯ ᑫᒀᓇ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᑫᒀᓇ ᐁᔥᑾ ᑫ ᐃᑕᑾᑭ; ᒥᓯᐌ ᑭᓚᐗᐤ ᑭᑦ ᐅᑦ ᐋᔮᓂᓇᐗᐤ;

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:5

ᑭᑦ ᐃᑌᓕᑌᓇᐗᐤ ᓈ ᒪᓯᓇᐃᑫᐎᓐ ᐸᑾᓐᑕᐤ ᐁ ᐃᑗᒪᑲᒃ, ᐊᓇ ᐊᒑᒃ ᑳ ᐱᒋᔅᑳᑕᒃ ᐊᑲᐙᑕᒻ ᐅᑌᓕᑕᒧᐎᓂᓕᐤ?

ᓂᔥᑕᒻ ᒑᓐ 2:20

ᒫᑲ ᑭᑦ ᐋᔮᓇᐗᐤ ᑐᒥᓂᑯᓯᐎᓐ ᐊᓇ ᐯᓓᑭᓯᑦ ᐅᒋ, ᒥᓯᐌ ᑫᒀᓇ ᒫᑲ ᑭ ᑭᔅᑫᓕᑌᓇᐗᐤ᙮

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 22:6

ᓂ ᑮ ᐃᑎᒃ ᒫᑲ, ᐅᐅ ᐃᑗᐎᓇ ᒀᔭᔅᑭᑎᒪᑲᓋ ᓀᔥᑕ ᑖᐺᒪᑲᓋ: ᐅᑎᐯᓕᒋᑫᐤ ᒫᑲ ᐅ ᑭᒋᒪᓂᑐᒥᐙᐗ ᐸᓓᑭ ᐅᑭᔅᑭᐙᐃᑫᐗᒃ ᑮ ᐯᒋᑎᔕᐌᐤ ᐅᑦ ᐁᓐᒐᓕᒪ ᑭᒋ ᐙᐸᑎᓛᓕᒋ ᐅᑦ ᐊᑑᔅᑫᓛᑲᓇ ᐊᓂᐃ ᐎᐸᒡ ᑫ ᐃᑭᓂᓕᑭ᙮