ᓂᔥᑕᒻ ᑯᕆᓐᑎᐊᓇ 15:2 - ᐅᔅᑭ ᑎᔅᑌᒥᓐᑦ

² ᐊᓂᒪ ᓀᔥᑕ ᑳ ᐅᒋ ᐱᒫᒋᐃᑳᐎᔦᒃ, ᑮᔥᐱᓐ ᒥᒋᒥᓇᒣᑴ ᑮ ᐎᑕᒫᑕᑾᒃ, ᐁᑳᐎᓚ ᐸᑾᓐᑕᐤ ᑳ ᑖᐺᑕᒧᐌᑴ᙮

ᓂᔥᑕᒻ ᑯᕆᓐᑎᐊᓇ 15:2 ပူးပေါင်းရင်းမြစ်များ

ᐅᐸᓓᑭᔅ ᓘᒃ 8:13

ᐊᓂᑭ ᐊᓯᓃᔅᑳᒃ ᐁᐗᒀᓂᑭ ᐃᔅᐱ ᐱᐁᑕᑾᑭ, ᐅᑎᓇᒶᒃ ᐋᔭᒥᐎᓂᓕᐤ ᐁ ᒥᓚᐙᑕᑭᒃ; ᐅᑯ ᒫᑲ ᓇᒪᐎᓚ ᐗᑕᐱᐎᐗᒃ, ᐎᓕᐱᔉ ᐱᑯ ᑳ ᑖᐺᑕᑭᒃ, ᐃᔅᐱ ᒫᑲ ᑲᑴᒋᐃᐌᐎᓐ ᐌᑎᒋᐸᓕᑭ ᐳᓂᑕᐗᒃ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 8:13

ᐁᑯ ᓵᐃᒪᓐ ᐎᓚ ᑫᒋᐙᒃ ᑎᐋᐺᑕᒃ ᐊᓯᒋ: ᐃᔅᐱ ᒫᑲ ᑳ ᑮ ᓯᑲᐊᑕᐙᑲᓂᐎᑦ, ᑮ ᐎᒉᐌᐤ ᐱᓕᐸ, ᓀᔥᑕ ᑮ ᒫᒪᔅᑳᑕᒻ, ᐁ ᐙᐸᑕᒃ ᐊᓂᐃ ᒫᒪᑕᐎᐃᓯᒋᑫᐎᓇ ᓀᔥᑕ ᑭᔅᑭᓄᐙᒋᒋᑲᓇ ᑳ ᑐᒋᑳᑌᓕᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:22

ᑲᓇᐙᐸᑕᒻ ᒫᑲ ᐅ ᒥᓨᑎᓯᐎᓐ ᓀᔥᑕ ᐅᑦ ᐊᒀᑎᓯᐎᓐ ᑭᒋᒪᓂᑐ: ᐊᓂᐃ ᑳ ᑮ ᐸᑭᔑᓂᓕᒋ, ᐊᒀᑎᓯᐎᓂᓕᐤ; ᒫᑲ ᑭᓚ, ᒥᓨᑎᓯᐎᓐ, ᑮᔥᐱᓐ ᒧᔕᒃ ᐃᑕᐗᑌ ᐅ ᒥᓨᑎᓯᐎᓂᒃ; ᑮᔥᐱᓐ ᒫᑲ ᐁᑳ ᑭᓚ ᓀᔥᑕ ᑭ ᑳ ᑭᔥᑲᑕᐅᑲᐎᓐ᙮

ᓂᔥᑕᒻ ᑯᕆᓐᑎᐊᓇ 1:18

ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 11:2

ᑭ ᒫᒪᑖᑯᒥᑎᓇᐗᐤ ᒫᑲ, ᓂᒋᔖᓂᑐᒃ, ᐁ ᑭᔅᑭᓯᑐᑕᐎᔦᒃ ᒥᓯᐌ ᐃᔑ, ᓀᔥᑕ ᐁ ᑲᓇᐌᓕᑕᒣᒃ ᐊᓂᐃ ᐃᑕᔓᐌᐎᓇ, ᑳ ᐃᔑ ᐸᑭᑎᓇᒫᑕᑾᒃ᙮

ᓂᔥᑕᒻ ᑯᕆᓐᑎᐊᓇ 15:14

ᑮᔥᐱᓐ ᒫᑲ ᐁᑳ ᐌᓂᔥᑳᑦ ᙭, ᐁᑯ ᐸᑾᓐᑕᐤ ᑳ ᑲᑫᔅᑭᒥᐌᔮᒃ, ᐸᑾᓐᑕᐤ ᓀᔥᑕ ᑭ ᑖᐺᔦᓕᑕᒧᐎᓂᐗᐤ᙮

ᓂᔓ ᑯᕆᓐᑎᐊᓇ 2:15

ᐌᓴ ᓂᑦ ᐃᑌᓕᒥᑯᓈᓐ ᑭᒋᒪᓂᑐ ᑖᐱᔅᑯᒡ ᐁ ᐎᑭᒫᑯᓯᑦ ᙭, ᐊᓂᑭ ᐅᒋ ᑳ ᐱᒫᒋᐋᑲᓂᐎᒋᒃ, ᐊᓂᑭ ᓀᔥᑕ ᐅᒋ ᑳ ᓂᔑᐗᓈᑎᓯᒋᒃ:

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᑲᓓᔕᐊᓇ 3:4

ᔐᔥᒀᑦ ᓈ ᐁᔅᐱᒋ ᒥᔅᑕᐃ ᑭ ᑮ ᐎᓴᑫᓕᑌᓇᐗᐤ? ᑮᔥᐱᓐ ᐅᑎ ᔐᔥᒀᑦ?

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᓂᔓ ᑌᓴᓗᓂᔭᓇ 2:15

ᐁᐗᑯ ᐅᒋ, ᓂᒋᔖᓂᑐᒃ, ᐋᔨᒋᑳᐸᐎᒃ, ᓀᔥᑕ ᒥᒋᒥᓇᒧᒃ ᐊᓂᐃ ᑭᔅᑭᓄᐊᒫᑫᐎᓇ ᑳ ᑮ ᑭᔅᑭᓄᐊᒫᑲᐎᔦᒃ, ᑮᔥᐱᓐ ᐋᔭᒥᐎᓂᒃ, ᓀᔥᑕᐱᑯ ᓂ ᒪᓯᓇᐃᑫᐎᓂᓈᓐ ᐅᒋ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᐦᐃᑉᕉᐗ 10:23

ᐁᑯᔑ ᒥᒋᒥᓈᑕᐤ ᐁ ᐙᐎᑕᒪᒃ ᑭ ᑖᐺᔦᓕᑕᒧᐎᓂᓇᐤ ᐁᑳ ᐁ ᑳᑭᐁᔦᓕᑕᒪᒃ; ᐌᓴ ᒀᔭᔅᑭᑎᐤ ᐊᓇ ᑳ ᑮ ᐊᔓᑕᒫᑫᑦ:

ᐦᐃᑉᕉᐗ 2:1

ᐁᐗᑯ ᒫᑲ ᐅᒋ, ᐊᐙᓯᑌ ᑭ ᑳ ᓈᑲᑕᐌᓕᑌᑖᓇᐤ ᐊᓂᐃ ᑫᒀᓇ ᑳ ᑮ ᐯᑕᒪᒃ, ᐁᑳ ᐎᔅᑳᑦ ᑭᒋ ᔓᔥᑯᓇᒪᒃ᙮

ᐦᐃᑉᕉᐗ 3:14

ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 4:14

ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:14

ᑖᓐ ᐁᑖᐸᑕᒃ, ᓂᒋᔖᓂᑐᒃ, ᐋᑕ ᐃᓕᓕᐤ ᐁᑗᒋ, ᓂᑦ ᐋᔮᓐ ᑖᐺᔦᓕᑕᒧᐎᓐ, ᐁᑳ ᒫᑲ ᐁ ᐋᔮᑦ ᐊᑑᔅᑫᐎᓇ? ᑖᐺᔦᓕᑕᒧᐎᓐ ᓈ ᑲᑕ ᐱᒫᒋᐃᑯ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:17

ᐁᑯ ᑖᐱᔅᑯᒡ ᑖᐺᔦᓕᑕᒧᐎᓐ, ᑮᔥᐱᓐ ᐁᑳ ᐋᔮᒪᑲᓐ ᐊᑑᔅᑫᐎᓇ, ᓂᐱᒪᑲᓐ, ᐁ ᐯᔭᑾᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:26

ᐌᓴ ᑖᐱᔅᑯᒡ ᒥᔭᐤ ᐁᑳ ᐁ ᐊᓯᒋᐸᓕᒃ ᐊᒑᒃ ᓂᐱᒫᑲᓐ, ᐁᑯ ᑖᐱᔅᑯᒡ ᑖᐺᔦᓕᑕᒧᐎᓐ ᐁᑳ ᐁ ᐊᓯᒋᐸᓕᒃ ᐊᑑᔅᑫᐎᓇ ᓂᐱᒫᑲᓐ ᓀᔥᑕ᙮