ᓂᔥᑕᒻ ᑯᕆᓐᑎᐊᓇ 15:13 - ᐅᔅᑭ ᑎᔅᑌᒥᓐᑦ

¹³ ᒫᑲ ᑮᔥᐱᓐ ᐁᑳ ᐌᓂᔥᑳᑡᐎ ᐊᓂᑭ ᑳ ᓂᐱᒋᒃ, ᙭ ᓀᔥᑕ ᓇᒪᐎᓚ ᑮ ᐅᒋ ᐗᓂᔥᑲᐤ:

ᓂᔥᑕᒻ ᑯᕆᓐᑎᐊᓇ 15:13 ပူးပေါင်းရင်းမြစ်များ

ᐊᐸᔅᑕᓚᒃ 23:8

ᐌᓴ ᓵᑦᔪᓯᔭᒃ ᐃᑗᐗᒃ ᐁᑳ ᐁ ᐃᑕᑾᒃ ᐗᓂᔥᑳᐎᓐ, ᐁᑳ ᓀᔥᑕ ᐁ ᐃᑖᑦ ᐁᓐᒐᓪ, ᐁᑳ ᓀᔥᑕ ᐊᒑᒃ: ᒫᑲ ᐹᕋᓯᔭᒃ ᒥᓯᐌ ᐅᐅ ᑖᐺᑕᒶᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:23

ᓇᒪᐎᓚ ᒫᑲ ᐎᓚᐗᐤ ᐱᑯ, ᒫᑲ ᑭᓚᓈᓇᐤ ᓀᔥᑕ ᑳ ᐋᔮᔭᒃ ᐊᓂᐃ ᑳ ᓂᑳᓂᒥᓂᔑᐎᑦ ᐊᒑᒃ, ᑭᓚᓈᓇᐤ ᑫᒋᐙᒃ ᑭ ᒫᒫᑗᓈᓇᐤ ᐱᒋ ᑭᔭᐎᓈᒃ, ᐁ ᐯᑖᔭᒃ ᑭᒋ ᐅᑦ ᐊᐙᔑᒥᔑᒥᑲᐎᔭᒃ, ᑭᒋ ᐱᒫᒋᑖᓂᐗᒃ ᑭᔭᐎᓇᐤ ᐅᑎ᙮

ᓂᔥᑕᒻ ᑯᕆᓐᑎᐊᓇ 15:12

ᑮᔥᐱᓐ ᒫᑲ ᐃᔑ ᑲᑫᔅᑭᒥᐙᓂᐗᒃ ᙭ ᐅᓂᐱᐗ ᐁ ᑮ ᐅᒋ ᐗᓂᔥᑳᑦ, ᑖᓀᑭ ᐌᒋ ᐃᑗᒋᒃ ᐋᑎᑦ ᐁ ᐃᑕᔑᔦᒃ ᐁᑳ ᒥᑐᓂ ᑭᒋ ᐗᓂᔥᑳᒋᒃ ᐊᓂᑭ ᑳ ᓂᐱᒋᒃ?

ᓂᔥᑕᒻ ᑯᕆᓐᑎᐊᓇ 15:14

ᑮᔥᐱᓐ ᒫᑲ ᐁᑳ ᐌᓂᔥᑳᑦ ᙭, ᐁᑯ ᐸᑾᓐᑕᐤ ᑳ ᑲᑫᔅᑭᒥᐌᔮᒃ, ᐸᑾᓐᑕᐤ ᓀᔥᑕ ᑭ ᑖᐺᔦᓕᑕᒧᐎᓂᐗᐤ᙮

ᓂᔥᑕᒻ ᑯᕆᓐᑎᐊᓇ 15:20

ᒫᑲ ᐁᑯ ᙭ ᐗᓂᔥᑲᐤ ᐅᓂᐱᐗ ᐅᒋ, ᓀᔥᑕ ᑮ ᓂᑳᓄᑕᐌᐤ ᐊᓂᐃ ᑳ ᑮ ᓂᐹᓕᒋ᙮

ᓂᔥᑕᒻ ᑌᓴᓗᓂᔭᓇ 4:14

ᐌᓴ ᑮᔥᐱᓐ ᑎᐋᐺᑕᒪᑴ ᒋᓴᔅ ᐁ ᑮ ᓂᐱᑦ, ᓀᔥᑕ ᒥᓇ ᐁ ᑮ ᐗᓂᔥᑳᑦ, ᐁᑯ ᑖᐱᔅᑯᒡ ᐎᓚᐗᐤ ᓀᔥᑕ ᑳ ᓂᐹᒋᒃ ᒋᓴᓯᒃ ᑭᒋᒪᓂᑐ ᑲᑕ ᐊᓯᒋ ᐯᔑᐌᐤ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 13:20

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ, ᐊᓇ ᑳ ᑮ ᑭᐌ ᐯᔑᐙᑦ ᐅᓂᐱᐗ ᐅᒋ ᑭ ᑎᐯᓕᒋᑫᒥᓇᐗ ᒋᓴᓴ, ᐊᓇ ᐅ ᑭᒋ ᒫᓂᔥᒑᓂᔑᐎᓕᓕᒥᐗᐗ ᒫᓂᔥᒑᓂᔕᒃ, ᐊᓂᒪ ᑳᑭᑫ ᓇᑲᑕᒫᑫᐎ ᒪᓯᓇᐃᑲᓂ ᒥᑯ ᐅᒋ,

ᐦᐃᑉᕉᐗ 2:14

ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᑭᔅᑫᓕᑖᑯᑖᑫᐎᓐ 1:18

ᓂᓚ ᐁᐗᑯ ᑳ ᐱᒫᑎᓯᔮᓐ, ᓀᔥᑕ ᑳ ᑭ ᓂᐱᔮᓐ; ᒫᑎᑲ, ᒫᑲ, ᓂ ᓈᔅᐱᒋ ᐱᒫᑎᓰᓐ, ᐁᒣᓐ; ᓂᑦ ᐋᔮᓐ ᒫᑲ ᑳᑭᑫ ᐃᔥᑯᑌᐤ ᓀᔥᑕ ᓂᐱᐎᓐ ᐎᑯᑕᐃᑲᓇ᙮